تجمع أولياء أمور مدرسة التكامل(صباح السالم)للعام الدراسي2009-2010

[رفرف]

وي بنات نسيت اقولكم عن النادي خاصة امهات كيجي1 ..

اهوه ماراح يفيدهم الصراحة بس لعب ووناسة ويسوون اشغال فنية ويعطونهم شوي كتابة الحروف والارقام نفس الحصة ..
بس انا كنت اسجل بنتي لأن اضطر شوي اتأخر عليها وماحب تقعد بصف الفيديو عينها امعلقه بالتلفزيون وملل وشكثر اشوف يهال قاطين عمرهم ونايمين .. يعني كان احسن لي انها تشغل نفسها بشي مفيد وممتع شوي .. وهي كانت مستانسة ..

بس كمستوى وتقوية لا ما يفيدكم .. يعني اذا ما تتأخرون على عيالكم ما يسوى لا تسجلونهم

 

[نواره الحلوة]

كويتيه ذربه ونواره الحلوه
ماتعرفو احسن ابله بقريد2

الحين ولدي عند مس آن صج انها عجوز بس وايد نشيطة وشديييييييييدة حييل وتدريس للتأسيس ممتاز بس ماتحب دعالة اليهال يعني حيل جد ماتشوفينها خفيفة وتضحك وياهم

 

[jolie_q8]

قوه بنات ,, انا غطيت غطه

عاد مادري شنو طافني ,, ا

المهم ,, انه ولدي اليوم عنده املاء وما مليته ولاشي ,, لانه مالي خلق تدريس نهائيا ,,, بس يحلونو اجباتهم بروحهم وانا اجيك على الحل والخط فقط لا غير

ولا دربته على سبلنغ الانجلش ,,

ادري مو خوش ام ,, بس خلاص احس طاقتي خلصت ,, وظهري شاب علي مع الحمال ,, وكله معتكفه بغرفتي

وابله العربي للحين ماشفتها ولاشفت درجاته بالاملاء ,,

والاحد بإذن الله بدز لها رساله ويا ولدي ,, بشوف ليمتى هاللامبالاه وشنو طريقتها اصلا !

ولدي اللي بثانيه اليوم عنده رحله واذا رجعوا ابلتهم بتعطيهم املاء العربي

بس املاء الانجلش امس عطتهم اياه والحمدلله ياب درجه كامله

 

[نواره الحلوة]

حبيت استفسر عن شغله بنتي تقوول عادي تاخذ حلاو معاها تقول اليهال ايبون ويااهم بس شلوون انا واايد اخاف من الحلاو في البيت ما اعطيها اخااف

أول الأيام يرضون عشان اليهال يستانسون بس بعدين ما يخلونهم واتشوفينهم يردونهم باللنش بوكس معاهم البيت

 

[Baby^Bop]

السلام عليكم

شلونكم بنات أنا ولدي بكي جي 1 عند مس جاكي يعني مع ولدج باونتي وصاجة الاولاد اكثر من البنات بالصف كل يوم يتشكى ولدي من ولد اسمه ناصر يطقة لا يكون ولدج باااااونتي [/B :dddds: عاااد ولدي نتفه اصغر واقصر واحد بالصف اسم الله عليه

انزين بنات انا وايد احاتي تكرمون روحة الحمام ايخلونهم ابروحهم والا معاهم احد ولدي ما يعرف يروح بروحه

والصبح لما يكونون بالساحة اشوف اليهال بروحهم يلعبون جنة لوية اخاف اخليه بروحة انطر لما الابلات يتيمعون بعدين اخليه وامشي فشنو الوضع عادي اتخلون اعيالكم

 

[ام حسون وفطومه]

والله انا بعد احس عادي اليهال يطلعوون وراج انااعطيها الابله وانطر اذا كانت بالصف واذا بالساحه لا اخاااف انزييين عفية احد يقولي عن مس مريم شي والين شنو اصلها ابي اعرف نفس ابلة بنتي

 

[Miss_Tiger79]

جولي
الله يعينج والله
ميخالف ريحي نفسج شويه
شفتج هذاك اليوم صج شكلج تعبانه

نواره + كويتيه ذربه
مشكورين حبايبي والله ما قصرتو
والله يوفق عيالي وعيالكم وعيال التجمع مالنا كله

 

[ام حسون وفطومه]

ليش محد يرد عليي يعني محد يعرفهم شدعوه

 

[كويتيه ذربه]

جولي
الله يعينج والله
ميخالف ريحي نفسج شويه
شفتج هذاك اليوم صج شكلج تعبانه

نواره + كويتيه ذربه
مشكورين حبايبي والله ما قصرتو
والله يوفق عيالي وعيالكم وعيال التجمع مالنا كله

العفو حبيبتي
اميـــــــــــــــــن

 

[كويتيه ذربه]

ليش محد يرد عليي يعني محد يعرفهم شدعوه

انا مااعرفهم
بس نصيحه دايما اختاري المس وقت اللي تسجلين عشان لايحطون عند احد عشوائي
بس اذا تبين تغيرين مس جاكي
او مس باتريسيا زينين
اذا انتي مو مقتنعه بمدرستها حاولي تكلمين الاداره يغيرونها

 

[ام حسون وفطومه]

المشكلة ان مس مريم ماداومت ليلحين ما اقدر احكم عليها بس الثانية واسمها الين فلبينية
و ما ابي اظلمهكم معاي زانا ما اعرف منو الزين عشان اختار حبيبتي بوقت التسجيل

 

[كويتيه ذربه]

المشكلة ان مس مريم ماداومت ليلحين ما اقدر احكم عليها بس الثانية واسمها الين فلبينية
و ما ابي اظلمهكم معاي زانا ما اعرف منو الزين عشان اختار حبيبتي بوقت التسجيل

نطري علما تداوم
واذا متردده غيري صفها
شوفي اذا بدلتي حطي عند مس جاكي انا ماجربتها بس قويه
بس من الحين ثبتي مس زينه حق كي جي 2 لمن تسجلين حطي ملاحظه انج تبينها

 

[ام حسون وفطومه]

منو يعرف احد بكي جي1جي

 

[ام حسون وفطومه]

نطري علما تداوم
واذا متردده غيري صفها
شوفي اذا بدلتي حطي عند مس جاكي انا ماجربتها بس قويه
بس من الحين ثبتي مس زينه حق كي جي 2 لمن تسجلين حطي ملاحظه انج تبينها

مشكورة حبيبتي وانشالله

 

[um 3li]

انا ولدي بكي جي 1 - e
ابلته اسمها مس ايرما منو يعرفها بنات عفيه ؟؟؟؟ انا حديثة العهد بالروضة هذا بجري سمله عليه وما عرف شي وما عرف المدرسات ؟؟!!!!!

ومدرسته العربي ابله مروة

واليوم وزعوا عليهم جدول الحصص

 

[ام حسون وفطومه]

انا ما اعرف شنو اسك ابلتها العربي بس بنتي تقول اسمها منى وما عطوها شي ولا جدول واليوم عندها العاب تقول بس ركضنه مو عاجبها

 

[الثقيلة]

انا ولدي عند مس جاكي بكيجي ون سي
اهو مايقولي شي شلونها وشلون عيالكم عندها؟
بصراحه صفهم حدهم زحمة بالصف 28 واييييييييييد

 

[Baby^Bop]

انا ولدي عند مس جاكي بكيجي ون سي
اهو مايقولي شي شلونها وشلون عيالكم عندها؟
بصراحه صفهم حدهم زحمة بالصف 28 واييييييييييد

ولدي مع ولدج الثقيلة وصاجة انصدمت الخميس زادوا اليهال بالصف ما شاء الله وااايد زحمة ونفس الحالة ولدي اسحب الكلام منه تسحب ما يتحجى ذبحني يمكن لانه داش اصغير وايد 3 ونص فيبيله بعد

 

[ام حسون وفطومه]

صباح الخير على الجميع شلونكم وشلون اليهال انا بنتي قاعده من الصبح تقول وديني المدرسة
ترى لصفوف كلها زحمه حتى بنتي انزين منو ابلة العربي عندهم

 

[ام حسون وفطومه]

والله حتى بنتي بالقصب اتكلم بس تقول يغنون بالصف هذا اللي قالته وتقول ابلة العربي تقول معانا القران