جواهرنا يعطيج العافيه ومشكوره علي اختيارج لي وللللللللللللللله فشله
طلعت اكبر وحده فيكم تنعدون مثل اختي الصغيره
تدرون اشتقت اني اشوفكم بالطبيعه
بس نطرون علي ما اكتب السؤال واجاوب عليه وقلبي نط من مكانه من الفرحه عسي الله يحفظكم
_1_السلام عليكم ورحمة الله وبركاته ,, شلونك ؟!
وعليكم السلام ورحمة الله وبركاته الحمد الله انا بصحه جيده بفضل من الله تعالي واشكر اول شئ الخياله اليي طرحت الموضوع وخلت البنات يتعرفون علي بعض اكثر عسي الله يطرح فيها البركه ويتمم عليها الصحه والعافيه ويخليها لنا ولاهلها يا رب
والله يسلمكم ويسلم كللللللل الموجودين
2_عرفينا عن نفسك وخاصه في الطبخ ؟
انا بشوره الكويت عمري 41 سنه وتوني متقاعده مع اني احب دوامي لان مسؤوله عن بنات مجهولين الوالدين وكبروا مع اعيالي وصارو بناتي الحلوين عسي الله يحفضهم بس خلاص صار لي 20 سنه وانا اشتغل والحين متفرغه لبيتي واعيالي وبنتي الصغيره وعندي ثلاثه اولاد وبنتان عسي الله يحفظهم
احب المطبخ من صغري والحين صار اساسي بالنسبه لعيالي وزوجي واذا ما دخلت اشوف التحلطم من اعيونهم وبما انا متقاعده بفضلكم قمت اتفنتك زياده وانا شاطره الحمد الله من زمان بحكم السن طبعا ولا انتو ما عليكم اقصور واحب ترتيبه وتزينه والتفنتق فيه
بس من اخذ راحه ارجع لنشاطي وانا متلهفه علي الشغل والفناتق الزايده والابداع
3_تحبين الطبخ او لا؟
ااحبه وايد واشعر انه ممكه البنات ولا جان ما لقيتيني مع الصحبه الطيبه الله يطيب حالهم
4_وجبتك المفضله؟
افضل انواع السلطات بعدين احب المشاوي واكلات الصينيه وشوربه سي فود
ومن ايد امي كلشئ الله يرحمها خبز عروق مطبق سمك بحري سمك كانت مبدعه والكل يشهد لها
5_طبق تحبين تسوينه كثير؟
كلشئ بس اهم شئ الربيان والسمج وام الربيان يعني البحري
6_الطبخات اللي تسوينها معدودة ولا كثير وماتنعد؟
الطبخات ماشاء الله عديده يعني اسوي حق بيتي اول ششئ بعدين اهلي واهل زوجي وقبل للدوام والبنات وبعدين انشره واوقف فتره لاني ما احب التكرار
7_اول مرة دخلت المطبخ كم كان عمرك لو تذكرين؟
كان عمري تقريبا 9 سنوات الله ذكريات
8_اول طبخه طبختيها وش كانت هي؟
كانت الله يسلمكم حمسه بزاليا بما اني وايد احبها هريت اخواني بعدين تعلمت علي النقانق والهمبورقه اسهل بالنسبه لوحده بعمري بس خوش بزاليا والحين لما اسويها اخواني يضحكون علي يتذكرون لما امي تدخل المستشفي بتوولد هريتهم لا ولا الا غثيتهم فيها
9_طبخه طبختيها فشلتي فيهاوش كان شعورك وقتها والكل منتظر تخلص؟
قبل فتره سويت اكله عجيبه وشكلها روعه بس كان صيام ووعطيت زوجي ياكلها علي الفطور شان يكولو فيها مروره بس قلت يمكن الصيامماثر عليه وجان اروح ازواره واخذت اليي مسويته بس هم شريت من الخباز طبق قلت فشله ويوم ضاقوه قالو صج مر اشوه موديه معاي طبق ثاني ولا قصة ويه
10-طبخه طبختيها والكل مدحك ؟
الحمدلله بشهاده الجميع ما سويت شئ الا الكل امدحه ويطلبه مره ثانيه ويعجبه يعني بالعربي مشهوره بين صديقاتب واهلي واول ما يسالون عن شنو سوت بشووره وهذا طبعا بفضل من الله
11_موقف طريف صار معاك في المطبخ ؟
كنت توني متزوجه ثاني يوم طلب المسعد مطبق سمج وآنا كنت الصراحه مو ذاك الزود بالعيش وخاصه السمج بس شغلات الثانيه عند وجهج شسوي قلتحاضر وانا كنت السبح بالمعهد والعصر دوام يعني احترت متي اتبله واسوي وعلي ما اخذ من الوالده الا انا مستويه جان تقولي امي خلاص انا اسوي وانتي تعالي مري اخذيه جان استانس بس طلعت امبجر من المعهد ورحت خذيته وتغدي وقام يمده وبعدين سالني شلون سويتيه ومتي اهني انكشفت وقمت اضحك لا واخوه يسال شلوم السمك قام يطالعني ويضحك اهني تفشلت
لوووووووووووووووووووووووووووول
مره كنت قبل ما اروح المعهد اقوم الفير واكبخ ويوم كنت ابي اطبخ مجبوس لحم حطيته وتدرون يطول علي ما يستوي قلت خلني انام اشويوجان اتروح علي النومه وما اشوف الا بعلي يقولي شنو سويتي بتحرقينه ولا الادخنه مغطيه الشقه وما يبين شئ قمت فتحت الدرايش ورميت الجدر اهو واللحم شسوي تعبت معهد مطبخ دوام لا ونسات وبعدين قمت اطبخ بالليل وبعدين اتسبح وانام وهذه الحال لما التخرج اشوي ان كورسين مو اكثر جان كل يوم جدر
12-يعتمد عليك في الطبخ او لا؟
ا
اي والله يعتمد علي والحمد لله وما يستغني عني حتي خواتي وحمواتي يستشيرووني
13_قوليلنا وصفه لطبخه حلوه كثير تسوينها لاجل نجربها ؟
شوفو هذي الطبخه يمكن غريبه لان بصراحه البنات وفووا وكفوا وما ابي احط شئ يكون مكرر ما شاء الله عليهموعلمني اياها اول ما تزوجت صديق زوجي اصله من الهند بس خوش ريال الله يعطيه الصحه والعافيه اهو طيار وشاطر البطبخ
تاخذين ام الربيان وتنظفينه وتغسلينه وتنقعينه بملح وكركم عشن الزفره وتخلينه فتره بعدين تردين وتقسلينه طبعا مقشر
تقطعين بصل شرائح فلفل بارد شرائح ملفوف شرائح مشروم طازج طماطه حبتان تحطينهم بماء حار عشان تنشال القشره ثم تقطع صغار وثوم شرائح وملعقتان معجون طماط وعلبه قيمر ك د د وقليل من الجزر الشرائح
قليل من البهارات وفافا اسود وليمون اسود وباربيكا وماجي بس لا تكثرين من البهارات عشان لا يطغي علي الطعم
نيي عند الطريقه / نضع زيت السمسم علي الجوله لما يسخن نضع البصل ونحمسه لا يحترق لما يذبل رعدين نضع الجزر والفلفل البارد والملفوف وعلي طول نضع ام الربيان ونحمسه حتي يخلط لا ينهرس
نضع خلطه من البهارات وكلشئ من شوي انبه لا تكثرين وبعدين ضعي الطماطم مقطع صغار ثم المعجون ولما تحسين ان لحم الربيان استوي حطي القيمر مجرد عشر دقائق وخلص بنات جربوها كلمه فظيع اشوي توني امسويتها ولازوجي يتنقص حق رفيجه وطار من الفرحه وينطر يوم السبت عشان يروح ويشتري هههههههههههههههههههههههههههههههههههه
14_سوي طبخه وصوريها لنا؟
جان زين اعرف اصور واحطلكم شوفوا يا محبوبين السلامه انا اقولكم وانتوا سووها وحطوها باسمكم خلوا البنات يشوفون بالطبيعه
عليميه حتي بعلي يقولي كثر ما تستخدمين الكمبيوتر ما تعرفين فيه شئ تسوينه
15_نصحيه توجهينها لطباخات منتدى كويتيات؟ ^
شوفوا حبيباتي خواتي العزيزات ما في احد يطلع من بطن امه يعرف شئ بس الواحد يتعلم الكل شاطر ومبدع بس يبي توكل علي الله
والله يكون دائما بقربه ويعينه اما اليي يقول ما اعرف هذه ما لها تخلق حتي بناتنا لازم اندخلهم المطبخ يتعلمون لو بالعطله خلهم يستفيدون يخربون مره بعدين ينجحون انا بنتي سوت حلو يوم 3 ابتدائي والكل استانس عليها مع ان شئ ما يسوي وبسيط خل تنفع نفسها محد دائم لها الله كريم
الله يكثر خيركم
وكل بنات ما عليهم قصور استفدت منكم وايد ويشرفني اكون وحده منكم
وانشاء الله تكون محبتنا لله
حتي يقول عنا اين المتحابون لله حتي اضلهم يوم لا ضل الا ضله
واختار وانشاء الله تكون معانا بريتي عسي الله يزيدنا من كثرنا ماشاء الله قمت انسي من كتب ومن لا ميخالف النسيان ذابحني
_03BA:
