شوقة اي والله ما خلاا شي فيه زين ما ادري على شنو شايف نفسه
امبي يروح يخطب يقول حق اخت البنت ملقووفة هذي من اولها جذي !!!
المهم بناااات انا محتاجتكم الله يخليكم ردوا علي
في واحد بيتقدملي شهادته متوسطة ودارس 3 سنوات صناعي والحين يشتغل بوظيفة زينة
بس انا جامعية واحتمال اكمل واخذ الماجستير وعمري 20 سنة
شراااايكم تتوقعون راح يكون في توافق
اليوم لازم ارد لامي خبر ابي رايكم قبل ما اقرر تكفووووون لا تردوني
:~
انا بقول لكم سآآلفه توهآ صآرت فيني ..~
تقدم لي وآحــد مطلق مرتين ؟؟ وعنده من الثآنيه ولدين
طبعآ أمــي وابوي قبل لآيآخذون رأيي نووو وووي وادريانهم 1000% مآرآح يرضون دقــت اخته الكبيرهـْ على أمـي
قآلت لهآ مرته الأوليه طلقهآ من يوم العرس شقت هدومهآ وطلعت تصرخ وهو يرجع ويصرخ فيهم عين او سحر !!~ قآلت
امي السحر منكم وألأ منهم لوول قآلت والله مآندري بس هو كآن ميت عليهآ بس تفرقوا لهالسبب إذآ شآفته تصرخ تقول القرد
وخروه وتدق على اهلهآ تبجي !!~ المهم مرته الثآنيه يقولون عنهآ مغروره وهو مو مقصر معآهآ وانه مو مخلي عليهآ
قآصر بس هي تدور المشآكل وتطنز علينآ ومن هالحجي !!~ وانا أبي بنتج وميته عليهآآ وهو بعــد ميت عليهآآ وين شآفهآ قآلت يقول شآيفهآ بنتكم قآلت امي حبيبتي والله بنتي صغيره عمرهآ 19 وانا مآبي اظلمهآ مع وآحد مطلق مرتين ؟؟ حتى لو العيب من حريمه قآلت واخوي شنو ذنيه مآله حظ مع الحريم ترى اخوي يبي يستقر وألأ تتوقعين يتمنى يطلق مرهـْ ثآلثه ؟؟ قآلت امي الله يرزق اخوج ويرزق بنتي بالنصيب الي يرضينآ ويرضيكم ولأ تحنج بنتكم ترضينآ ونبي قربكم وانا بزوركم اليوم امي هني حيآآج بس نتعرف مو خطبه دآم تبين قربنآ حيآج كل يوم سيري علينآ بس لآتجيبين طآري الولد لووووووول ومحنجه ابي بنتج المهم امي قآلت لأبوي قآل بسأل عنه سأل رجآآل حيل قريب منه وقآل للرجآل أمآنه عندك تجآوب ومآتظلمني ولآتظلم بنتي قآل له شوف انت حطيتهآ أمآنه برقبتي وانا بقول لك انا لو بنتي مآ اعطيهآ هالولد لأنه شكآآك وعصبي ومن اتفهه سبب يكفخ الي جدآآمه هو قلبه زين وعلى امه حليو ومع خوآته بس خل احد يقول له لأ يطلع وجهه والطق عنده نفس شربة المآي :cxxxp: وحريمه يشك فيهم شك مو طبيعي !! ويآخذ تليفونآتهم بالليل ويرآقبهم حتى وهم عند اهلهم أمبييه لهالردجه عآآد لووووول @@ والمرأه مآتقعد عنده وشآآيف نفسه لأن عيونه ملونه هههههههههههههههههههـآي ..~
:~
اهمم شي عيونه ملووونه هههههههههههه
انا السنه اللي طاافت صارت لي ساالفه تبجي بس مابجيييت لووول ..
ربيعة اختي تباني واايد وتحبني ودووم تقول لاختي انا لو عندي عيال كبار جان خطبت اختج لولدي .. ومره قالت لاختي انه ولد اختها بيخطب من عندنا ..
المهم اختي وربيعتها قعدوا يخططوون وانا ذيج الفتره ماكنت ابي وتووهقت والولد عمره 26 وان صغيره كنت 17 .. اختي تقولي الولد وايد زيين وحرام تفضينه والكل يمدحه ومحامي والخ ..
المهم انا وافقت وصليت استخااره .. وعااد اختي تحب الاكشناات هي وربيعتها وجان تقول اختي شو رايج اتجوفون بعض بدون محد يعرف من بعيد لبعيد يمكن مايعجبج ..
قلت زين اهوون من يجوف صوورتي خخخ
وعاد سرت ويا اختي وهو بعد يا ويا خالته ورحنا جمعيه مايدخلونها الا الهنوود عشان محد يعرفنا .. وانا مرتبببكه وويهي احممر
قربوا صووبنا اوونه توهم يجوفوننا ..
خالته : هلا فلانه اشحاالج ..
اختي : هلا والله اشحالج شو هالصدفه الحلووة << صااارووووخ لووول
خالته تقول للولد : هذي ربيعتي فلانه واختها حلاوه حمره
اختي : هلا فلان اشحاالك شخباارك << عشان يفررق بيني وبين اختي لانها كوبي بيست مني لوووول
خالته تخززني وتاشر علي طالعيه عدل ..
انا طالعته وهو المسكين فييه ضحكه ويطالع الصوب الثااني وعقب صدييت عننه وهو سار شوي بعيد ..
يات خالته تقولي جفتيه عدل ولا لا .. انا قلت لا ماجفته عدل .. جان تنادييه فلاااان تعاال .. تقولي جداامه طالعييه عدل ههههههههه
وعقب هو استاذن ورااح وخالته سارت بعد واختي شرت جم غرض وردينا البيت ..
وانا اقوول لها ماعيبني مب حلو شكله كبير طويل وايد وضخم لانه معضلل ماشاءالله علييه .. وانا اقولها ها لو عصب علي مره وكفخني بموووت لوووول .. بس عقب دخل خاطري الولد :$ ..
المهم عقب شوي اتصلت خالته تقوول الوللد متخبببل علييها ودخلت خااطره ويبااها .. يقول انتي وصفتيها لي بس ماتوقعت انها جي وبريئه ومادري كييف .. لووول وخالته تقوول امبيه شو سوت البنت فييه سحررته ولا شووو ههههه
وانا اسممع وويهي احمممر وطبعا ذبت وخلصت وبغيت اتزحلق من الكرسي واطلع برع السيااره لووووووول
وعقب اختي خبرت امي وجي .. الولد الله يسامحه ماقال لامه وخواته بس خالته اللي تعرف .. وعقب يوم خبرهم خواته مارضوا اوونه نحن خاطبين لك ربيعتنا ومكلمينها والبنت مكلمه امها ..
والولد يقوول انا مابيها ربيعتكم ابا هذي .. وخالته زعلت منه تقوول انته مب ريااال اصلا لو فيك خير جان ماقلت ابا اجوف البنت وانت تعرف انه خواتك خاطبين لك وحده ثانيه .. الولد تخببل وزعل وهد البيت وطلع وسار اماره ثانيه لانه يشتغل بمكان ثاني وينزل كل اسبوع وهالمره قعد شهر مانزل ..
واخي زعلت من خالته ومنه .. وخالته تتصل وتصيييح وتقول سامحيني انا ماتوقعت انه جي بيصيير ..
واختي طنقررت تقوول وحده من العبييد يوم تعصصب .. قالت لو ايي ويبجي عند الباب البيت يبا اختي والله ماعطييته
وقبل ماكنت اعرف عن هالسالفه كنت بحجرتي اصيييح لانه ربيعتي كانت داقه عليه تخبرني بسالفة ضيقت صدري وفوق هذا كنت مهمومه مابي اعرس وبنفس الوقت اباا الولد .. وحسييت عمري كبرت بسررعه يعني شعووور غيييييير
وعلى دخلة اختي واتجووفني اصيح تتحسبني عرفت السالفه وتقولي شوو فيج حد قالج شي حد زعلج ؟؟ امي زعلتج بكلمه وانا اقوول لا لا لا
عقب قلت لها متضاايجه من سالفة فلانيه صايره جان تقوولي عيل بخليج تصيحين زيااده لوووول
وقالت لي السالفه كلها .. جان اسكت ماصحت وقالت لي هذي خيره لج لانج صليتي استخاره ..
وعقب قمت اسمع انه امه مرافجه وحده نعرفها وتقرب لنا وهالحرمه خراابة بيوووت وبناتها مب معرساات عافانالله بسبة انها تخرب البيووت وتفرق الرياييل عن حريمهم .. خربت بيت اختي وخلته تتطلق .. وخربت بيت بنت ربيعتها بعد .. البنت صغيره توها معرسه وماخذه واحد كويتي عن حب .. هالحرمه تسير تقعد معاهم وترز فيسها والريال قاعد وتقول جدامه بنتي فلانه اسمالله علييها تدخل المطبخ وبكل اناقتها وبكعبها وتسوي ذييج الطبخه السننعه .. ومرت الولد واعليه عليها ماتعرف تسوي شي مع انها ملكه جماااااال ومدلعه .. الولد ماكمل معاها شهر جان يطلقها ويتنازل عن الولد ويشيل بعمره ويرد الكويييت .. بس الله مراونها بناتها بيوصلون الثلاثين ومحد خذاهن
عاااااااااااااادي تصييير داائماااا يرووح يخطب والاهل ماايدرووووووووووووووووون
والسالفه الثاانيه تمووت من الضحك من اول ماقالوا يبون يخطبون وانا اضحك عليهم لين طلعوا من بيتنا خخخخ
الله يسلمج هاي بعد ربيعة اختي تبا تخطب لولد اختها .. بس اختي الثانيه هذي .. المهم اللي فهمته انه الولد مب في بال العرس بس امه غاصبتنه .. يوم يوا بيتنا انا طبعا فوق اطالعهم خخ .. الحريم دخلوا وعقب شوي دخل الابو وورااه ولده ..
المهم امي قالت لي انا مب مرتاحه لهم وانا نفس الشي وقالت لي لاتتعدلين وتكشخين وايد .. انا عااد عناااااد فييهم كشخت وتعدللت وفليت شعري وصرت واااااو .. ورحت دخلت وقعدت .. تخيلي يوم دخلت اسلم بوستني امه ومصصتني لين قالت بس لوووول .. عقب جان تقول هذي حلاوه حمره ماشاءالله صغيره واايد خخ .. متوقعه انه شكلي كبير شرات اللي عمرهم 20 وفوق ..
وهي اصلا يايه اتجوفني وتروح لانه في بالهم وحده ثانيه يخطبونها .. وتبا اتجوف منو الاحلى وهذيج شعرها طويل واشققر وعيونها عسليه بس تخسي ماتيي صوبي هع هع
الام يوم جافتني انصدمت توقعت اني مب ذاك الزود حلوة .. ويوم طلعت جان تقول لامي بس تعرفون الولد مسمر من الشمس والشغل تررقع لووووول .. عقب جا تقول لامي الولد يبا يجوفها .. امي قالت ماافي مايجوفها هع هع
تخيلي ماسالوني ولا سؤاال اللهم انتي مواليد جم خخ
خليتهم وطلعت ..
امي قالت لي شو رايج فيهم ..
قلت لها مااااابيييييييييهم كللللش .. اولا .. الولد شكله يااهل عمره 21 مادري 22 وشكله يهاالوو ابدا مب مال زوااج (انا بالنسبالي العمر المناسب 25 او 24 وفووق حتى لو كان قد المسؤوليه وعاقل تلقينه بعده يبا يلعب ماشبع من الدنيا .. )
ثانبا .. الرياييل لما دخلوا اوول شي دخل ابوه اول و عقب هو وراه وحاط ايده في مخبااه بعد ويتمشى عالبطيئ جنه بالغصب طاقينه ويايبينه يخطب .. اللي يبا يتزوج من نفسه بيدخل اول واحد وبيكون مسرع ومشتط وحالته حاله ) << عن تجررربه
ثالثا الولد ماعيبني مع انه حليو بس اسممر وبس جي مادخل مزاجي ومارتحت له ..
راابعا .. كل اللي يقربون لهم من جهة ابوهم وامهم ماندانييهم ولا يدانووننا .. يعني ابعد عن الشر وغنيله ..
اختي ماعرفت كيف تصرفهم .. عقب يوم سارت الدوام جافت خالته وقالت لها اذا يباها خل يتريا جم سنه لين تخلص دراستها .. جان تقول لا الولد مايقدر يترياها .. شوي صدت عالحريم اللي بالدوام وقالت لهم ماعندكم بنيه لولد اختي لووووول .. اختي صدت الصوب الثاني وفيها ضحكه خخخخ
وسبحان الله لما صليت استخااره من كل قلبي ادعلي ( انه اللي يرضيني بنصيبي ) ومن طلعوا وانا ياتني قنااااعه قوويه اني مااتزوج الا لما اخلص درااستي .. حتى لما ربيعاتي يمجلن وينخطبن عاااادي عندي ومقتنعه انه دراستي اهم من كل شي
_03BA:_03BA:_03BA:
يالله بنات كل وحده تقول رايها بعريس المستقبل شرايكم باللي خطبته لكم كندووووش ؟
