( الفتاة الهاربة ) قصة واقعيه عن بنت كويتية هربت من الدنيا الى الشارع

[ReRez]

** تابع البارت الثالث عشر **

علي : ( هاج كلينكس مسحي دموعج وسمعيني عدل )
منار : ( امسحت دموعها ) وساكته اتطالعه
علي : انتي الحين مسخنه ومريضه وترجعين وهم ماتبين تروحين الطبيب؟ انا هالشي مايرضيني .. وراح تروحين معاي الحين ومابي اعتراض
منار : بس ..
علي : قلت مابي اعتراض
منار : علي انت توك مسوي حادث مابي اتعبك اكثر معاي
علي : انا ما اجذب عليج واقول اني ماتضايقت يوم دريت بس الحمدلله على كل حال .. وانتي لازم تتأقلمين على هالشي وتتحملين هالغلطه مو تحاولين تذبحينه
منار : بس اشلون يعيش واهو .. ( اسكتت وعينها غورقت )
علي : ( مايدري ليش اذا قعد يمها يحس بشعور غريب ومايبيها تبجي كلش ) منار قومي لبسي ناطرج بالصاله وبنروح الطبيب
( البست منار وراحت معاه انزلو عيادة بالجابرية )
الموظفه اللي على الرسيبشن اطلبت بطاقة منار
علي : بوكها ضايع وقاعدين انطلع بدل فاقد احنا انقولج بياناتها واذا تبين بطاقتي موجوده ..
الموظفه : لا ماله داعي ( طالعت منار ) بس نبي اسمج الثلاثي وعمرج
منار : منار سلطان ناصر وعمري 23
الموظفه : خلاص بس ادفع حق فتح الملف وكل ماتبي تراجع حياكم ملفها موجود
علي : ( دفع ) اوكي مشكورة
الموظفه : العفو .. استريحو شوي و اتدش عالدكتور
علي قاعد يم منار ناطرين واهي كانت ترجف من الارتباك والخوف
علي : ( يحط ايده على ايدها ) هدي نفسج ماكو شي
( نادوهم ودشو عند الدكتور )
الدكتور : ها عسى ماشر ؟؟
منار : ( ساكته واتطالع علي )
علي : اهي تعبانه ومسخنه وبتسوي فحص حمل لأن جربت التست بالبيت اطلعت حامل فنبي نتأكد
الدكتور : اول شي خل افحص الحراره وبعدين اطرشكم تسوون الفحص وتردون
( قاس حرارتها اطلعت 39 وخلاهم يروحون يسوون التحليل )
( علي ناطر بره ومنار دشت تسوي تحليل دم و بول - عزكم الله - عطوها عصير لأنها مو ماكله شي واطلعت اقعدت يم علي وناطرين النتيجه )
علي : ها اشلونج دايخه؟؟
منار : شوي
علي : شربيه كله عشان لاتطيحين
منار : ان شاءالله ( ايدها ماسكه علبة العصير وترجف )
علي : منار خلاص اهدي اللي الله كاتبه بيصير وبنحمده على كل شي
( بعد فتره دخلوهم عالدكتور )
الدكتور : مبروك .. حامل هذا اول حمال؟؟
( منار اقعدت ترجف بس علي مسك ايدها وضغط عليها عشان تهدى )
علي : اي الحمدلله .. زين واشلون صحتها؟ اهي صايره ماتاكل وكله تعبانه
الدكتور : انت اهتم فيها لأن اول حمال دايما يكون صعب .. ( يكلم منار ) وانتي لازم تتغذين عدل وتغذين اللي ببطنج معاج .. كثري من الاشياء المفيده واللي فيها بروتينات وانا بكتبلج على حبوب حديد وفيتامينات تخليج احسن وتقوي الجنين وبعطيج حبوب تنزل الحراره
علي : مشكور ( تم ماسك ايد منار اللي ماقالت ولا كلمه ودفع حساب الفحص والأدويه ومشو راحو السياره )
---------------
- بالسياره –
علي : ادري ودج تروحين الغرفه وتبجين بس ماله داعي حمدي ربج والأدويه راح تاخذيهم بحزتهم مفهوم؟؟
منار : ( ماقدرت تمسك نفسها اكثر وانفجرت تبجي وتصرخ عليه ) اشلون ماله داعي .. انت مو حاس باللي احسه .. اتقول عادي وحمدي ربج بس انا ماقدر اقول عادي مااقدر
علي : انا مو حاس؟؟ والله يامنار اني حاس اكثر منج بس نبجي.. ندعم .. نلوم نفسنا.. وبعدين؟؟؟ الدنيا ماشيه ماشيه تعلمي تغلبينها وماتنغلب الا اذا سايرتيها ورضيتي بالمكتوب لأن طول ما عانتديه ماراح تعيشين مرتاحه
منار : ( تمسح دموعها ) علي ودي ارتاح والله ودي بس ماقدر مو بيدي
علي : انا معاج وراح تقدرين
( مر على مطعم وياب اكل معنها مو راضيه بس حقرها وياب بعدين اوصلو الشقه وخلاها تاكل غصب وقف على راسها لين خذت الحبوب وماطلع الا لين نامت )
-------
علي رد البيت اول مادش كان ابوه وامه بالصاله
ابو علي : ليش ماترد عالتلفون كنا اندق عليك جذي تخلي امك تحاتي انت ماكو احساس ابد؟؟
علي : مانتبهت كان بالسياره وانا نازل عند الربع
ابو علي : وبعدين شمطلعك الدكتور مو قال ارتاح 10 ايام شمطلعك قبل 5 ايام هاا؟؟
علي : يبه خلاص صرت تمام ومافيني الا الخير
ام علي : يمه انا كنت احاتيك اكيد انت احسن الحين ؟
علي : اي يمه احسن الحمدلله
ام علي : زين تعشيت ؟؟
علي : اي الحمدلله ( باس راسهم ) بصعد فوق ارتاح تبون شي
ابو علي : اي ابيك تحس بأمك وماتخليها تحاتيك مره ثانيه .. وابيك تسوق نفس الأوادم
علي : ان شاءالله .. بعد تبون شي؟؟ ولا اروح انام؟؟
ام علي : لا يمه روح الله معاك نوم العوافي
( علي صعد غرفته شوي جان يدش عليه عثمان )
عثمان : وين السويج؟
علي : هاك ( حذفه عليه وانسدح ) ويللا الحين بنام سكر الليت
عثمان : والله ماطلعت من اهني الا اتقولي السالفه من الألف لي الياء
علي : مو الحين حدي تعبان وبنام
عثمان : اذا كان عبالك تقدر اتقص علي فماراح تقدر قاعدلك اليوم لين اعرف السالفه كامله ( قعد تربع عالسرير صوب ريول علي )
علي : ( قام قعد وصار بويه عثمان ) هذي وحده احبها منزمان وماقلت حق احد لأن كنت ابي اتأكد انها تحبني
عثمان : من متى منزمان يعني؟
علي : من سنه
عثمان : علي سنه كامله وانا مادري؟؟ زين وليش مسكنها بشقتك انتو متزوجين بالسر؟
علي : لا
عثمان : علي انا مو مستوعب انك عايش معاها بالحرام .. صج ان المظاهر خداعه
علي : عثمان انا ماقعدت اكلمك عشان تعطيني محاضرة حسن سير وسلوك .. وبس الحين روح خلني انام
عثمان : ( قام سكر الليت وطلع من الغرفه )
( تم علي يفكر وقرر قرار .. معنه في شي بداخله رافض هالفكره بس اهو مصمم ان ينفذها لأن يحب منار ومايبيها تتعب اكثر من جذي )
----------------
الصبح قام وتريق معاهم والكل طلع ابو علي راح الشغل وعالية راحت مع عثمان يوصلها المدرسه وعمور خذاه باص الحضانه وام علي يوها الجيران يزورونها وقاعده معاهم بصالة الضيوف ..
علي دق على مكتب تأجير سيارات وطلب جيب انفينيتي رمادي وصلوه له لي البيت وسوه الاوراق واستلمها وقال حق امه ان بيطلع عشان لاتحاتي ..
وصل ودش الشقه كانت منار للحين نايمه طق عليها الباب وقعدها
قامت منار وبطلت الباب
منار : ( لابسه بجامه واسعه – بنطرون وبلوزه – وشكلها يظحك مع شعرها معفس شوي من النوم )
علي : ( طالعها وحس وده يلمها حيييييييل لأن شكلها كان عاجبه ) منار بسرعه غسلي وتعالي ابيج بموضوع
منار : اوكي ( وراحت اتغسل )
منار : ( اطلعت من الحمام ) بس دقيقه اصلي واييلك
علي : اوكي ناطر
بعد شوي منار يت واقعدت يمه
علي : ها مشطتي شعرج؟
منار : ( تبتسم ) اي
علي : منار انا بدش بالموضوع من غير أي مقدمات
منار : والله بديت اخاف اشفيك؟
علي : ابي عنوان ابوج

 

[ReRez]

تسلمون بنات عالمتابعه وحيا الله اللي توهم يقرون القصه واتمنى ماتابعون بصمت لأني احب اقرا تعليقاتكم :eh_s(21):

يللا صلو الفير اول بعدين اقروه ^_^ برب اصلي

 

[أغلى حبيبه]

وييين التكمله اذن من ساااعه

يلا انا ناطرتج مابي انااام

بلييييز لا تتاخرين

 

[أغلى حبيبه]

ويييي ماشفته

يلا بقراااه واعلق عليه من @@ ولا يهمج يا بنت بيااان ؛)

 

[أغلى حبيبه]

لااا حيل قصيييير

مو قبووووول نبي اطووووووول من جذيي

واحلى شي بالقصه رجوووله علي

 

[ReRez]

لااا حيل قصيييير

مو قبووووول نبي اطووووووول من جذيي

واحلى شي بالقصه رجوووله علي

تسلمين عالمتابعه .. بس تره هذا تابع البارت اللي قبله اثنينهم ( البارت الثالث عشر ) عشان جذي هذا قصير ^_^

 

[شيـري]

اييييييييه يعني صج حامل اش بيفكر على يتزوجها وهي حامل من احمد وبعـــدين
عفيه كملي وهي القصه كم بارت؟ قربت تخلص ولا لسا باقي احداث وايد؟
مشكوره حبوبه

 

[ReRez]

اييييييييه يعني صج حامل اش بيفكر على يتزوجها وهي حامل من احمد وبعـــدين
عفيه كملي وهي القصه كم بارت؟ قربت تخلص ولا لسا باقي احداث وايد؟
مشكوره حبوبه

تبونها تمشي طبيعيه؟؟ ولا تبون اختصر واخليها اتخلص؟؟ :eh_s(10): لأن اهي للحين ماقربت للنهاية

 

[شيـري]

لا لا تختصري بس مستعجله على النهايــه :tongue22:

 

[ReRez]

لا لا تختصري بس مستعجله على النهايــه :tongue22:

ودي اكتب لكم بارت بس عيني تعورني من النعس وودي انام بس فيني ارق ماني قادره انام هههههه وقاعده بروووحي ماكو
احد صاحي الا انا والخدامه

:dddds:

 

[شيـري]

اكتبي بارات اجل بدل سهرانه ولا ارسلي لي رساله بنهاية القصه وترى عادي عندي اتحمس للبارات لو عرفت النهايه
ماتنحرق عليا نهايه دايما الافلام لما اجي اتفرجها اشوف نهايتها بعدين ارجع الفيلم من الاول حدي مستعيله :016:

 

[ReRez]

اكتبي بارات اجل بدل سهرانه ولا ارسلي لي رساله بنهاية القصه وترى عادي عندي اتحمس للبارات لو عرفت النهايه
ماتنحرق عليا نهايه دايما الافلام لما اجي اتفرجها اشوف نهايتها بعدين ارجع الفيلم من الاول حدي مستعيله :016:

ههههههههه لااااااااا لااااا لااااااا ما اقووووول :lololoe:

ويللا عيل اكتب عشان أول ما اقوم من النوم احطه لكم برب عسل :eh_s(21):

 

[مشــآإآإعـــر آنثىآ]

روووووعـــــــة الروواااااية ناطرينج خيتؤؤؤ
بس لا تطولين :eh_s(21)::eh_s(21):

 

[خبيرة لبنانية]

سبحان الله وبحمده سبحان الله العظيم

 

[نواري قطر]

ياعمري صج صج روعه القصه بس

الله يصبرنا لين تنتهي

 

[B!g Sm!le]

ناطرينج حبوبه
ويا حلاااااات (علي) والله حبيته

 

[UNiQe^PRiNceSs]

Weee allah ysteer ;x
yalla kmlay plz mta el.part el.yay ?

 

[جـــوؤوؤوري]

يعطيـــج الــف عــأإأإأإأفيـــہ
البــأإأإأإأرت روؤوؤوؤوعـــــہ
ياحيـــأإأإأإأتــــے يا منور وعلاوي
واللــہ ﮔﮔﮔﮔﮔﮔﮔﮔﮔكـسرو خاطري :krkrkr:
بليييييز لاتموتين ((عـلــــے)) اللــہ يـخلـيج:lkmnkl:
ويـــلا نــاطريــــن الصدمـــأإأإأإأت :0bee2e8d89:

:aha: تـحيـــأإأإأإأتـــــے :aha:​

 

[كاسبرينوو]

ناطرينج حبيبتي
ويعطيج العافيه

 

[MISS ZOZO]

كمليييييييييييي حبوووووووووووووووبه لاتشووووووووووووقينه اكثر من جذي لوووووووووووول ......

والقصـــــــــــه روووووووووووووووووووووووووووعه ........