( الفتاة الهاربة ) قصة واقعيه عن بنت كويتية هربت من الدنيا الى الشارع

[بلووونه]

واي القصة وااااااااااايد حلو ويعطيج العافية وتعبناج وااااااااااااااااايد معانا وناطرين البارت

 

[ملآمح يوسفيه]

في انتظار يا قمر




​

 

[كاسبرينوو]

ناطرينج
مسكين علي والله بجيت عليه
انا الحين بالشاليه وسويت فلم بروحي الحمدالله والشكر والله
علي حده حده عجيب ومسكين
بليز بليز بليز لا اطولين علينا حدي حدي بعرف شبيصير

 

[baby johnson]

مشكووووووووووووووووووووره حبيبتي ماقصرررتي
خوووش بارت

 

[خـوخه]

يالله وينج اهئ اهئ ناطرينج

 

[رفاعية19]

فدييييييييييييتج ناطرينج واتمنننننننننننننننننننننننننننننننننننى ان النهاية تكون سعيدة!!!! لان اذا حزينة بتم اياااااااااااااااااااااااااااااااااام افكر...

 

[b6ooo6a*_*]

نااااااااااااطرينج

 

[P!NKia]

امبيييييييه شفيه المنتدى
صفحه 15 موراضيه تفتح معاى ومانى قادره اكمل القصه
شصااااااار

 

[اوراد العشق]

نااااااااااطرينج حبي ووووووووووووووووينج طوووووولتى

 

[P!NKia]

تكفييين تكفييين تكفيييين تكفييييين
كملى كملى كملى كملى

 

[أم ال7]

لا يوقف لا يوقف لا يوقف لا يوقف

 

[Vo Girls]

وااااااااااااااااااااو ..

الأحداث موو صج ... امبيه بسرعه نزلي البارت ابي اعرف شصار واااي فديت علي والله
حبيته .. ومنار قاهرتني .. ويارب يطلع الحمل كاذب او يطيح الي ببطنها ..


لا يوقف لا يوقف

 

[ReRez]

بنااااااااااااااااات كنت بنتحر من المنتدى انغثييييييييييييت كل شوي اجرب ومايدش معاااي
بس مانتحرت عشانكم قلت خل اكملهم القصه اول << حلفي؟؟؟ :dddds:

والحين دش بس حده بطيء :lkmnkl:

يللا الحين بحطلكم البارت ومشكووووووووووورييييييييييين عالمتابعه الحلوه والله ونستني ردووودكم
وانا بعد احبكم :eh_s(21):

 

[ReRez]

** البارت الثالث عشر **

منار هالأيام صايره ماتاكل لأن نفسيتها وايد تعبانه بس تشرب عصير ومرات تاكل شبس عشان تسد اليوع اليوم قامت من النوم تعبانه وراحت بسرعه الحمام ترجّع – عزكم الله - وتبجي لأن لوعة الجبد خلتها تتأكد أكثر انها حامل .. راحت انسدحت بالصاله لأن ماكانت تقدر توقف من التعب ..
----------
عثمان سحب الفلوس واهو رايح بالطريج حق العنوان اللي دزه له علي
عثمان : ( بقلبه ) انا اعرف اخوي اكثر من نفسي لا يمكن يعيش مع وحده بالحرام .. اخاف متزوج بالسر .. ولا اهي ليش بجت يوم درت ان مسوي حادث و لو كانت وحده يحبها هم مايسكن معاها .. السالفه فيها سر وياخوفي يطلع متزوج والله امي تموت
( عثمان وصل وصعد حق الشقه وطق الجرس )
فزت منار من سدحتها توقعت يكون علي لأن محد يطق الباب عليها الا اهو والمطعم اذا كانو طالبين ..
منار : ( راحت عند الباب طلت من العين السحريه شافت عثمان بس خافت يكون من طرف ابوها فاسكتت ماردت )
عثمان رد طق الباب : منار انا اخو علي انتي اهني؟؟
منار : انت منو؟
عثمان : انا عثمان اللي امس كلمتج
منار : ( بطلت الباب واهي خايفه )
عثمان دش وتم واقف عند الباب وخلاه مطرف طالعها كان ويهها اصفر وعيونها حمر
عثمان : السلام اشلونج؟
منار : هلا الحمدلله .. اشلون علي؟
عثمان : الحمدلله احسن وطرشني اعطيج هالفلوس يقول خليهم عندج مصرف واهو لي طلع يكلمج
منار : ( اتطالع ايده فيها فلوس و مادها لها ) لا ما احتاجهم مشكور
عثمان : انا مالي شغل اهو قال خلهم عندها وقالي اسألج اذا تحتاجين شي
منار : ( خذتهم منه وحدها منحرجه ومن الاحراج والتعب اللي تحسه الدنيا افترت جان تتسند عالطوف )
عثمان : عسى ماشر فيج شي؟
منار : لا بس تعبانه شوي .. وتسلم مو محتاجه أي شي الا ان الله يقومه بالسلامه
عثمان : آمين .. زين عيل انا امشي مع السلامه
منار : مع السلامه ( سكرت الباب وراه )
اول ماراح اقعدت عالقنفه حست ان ريولها ماتشيلها من التعب
------------
مر اسبوع على علي واهو بالمستشفى وترخص اليوم بس الدكتور قال ان لازم عالأقل يتم نقاهه بالبيت 10 ايام
الكل استانس على طلعته بالسلامه ورجعته للبيت وسووله عشى اعزمو فيه الأهل بمناسبة طلعته من المستشفى
علي قاعد عالقنفه ويحس ان جسمه متكسر وده يروح داره يرتاح بس ابوه قاله خل يتحمل جم ساعه لين يروحون الناس عقب يرتاح
سارة يت واقعدت يم علي
سارة : ماتشوف شر والحمدلله على سلامتك
علي : الله يسلمج
سارة : كل يوم كنت ادعيلك انك تقوم بالسلامه
علي : ( ويهه يبين ماله خلق ) شكرا
سارة : بتعدل السيارة ولا تاخذ غيرها ؟
علي : مادري والله
( تمت مده تسولف معاه وبعدين صار العشى واقعدو شوي وراحو )
علي : انا صاعد ارتاح بغرفتي
ام علي : عثمان قوم يمه وصل اخوك
علي : لا مايحتاي اقدر اصعد
( راح علي وانسدح بغرفته كان لابس شورت ومنسدح يفكر بمنار وده يدق عليها بس متردد )
علي : ( بقلبه ) لا ماراح ادق اذا طلعت امر عليها واكلمها
( ام علي طقت الباب ودشت )
ام علي : ( اقعدت يمه عالسرير ) ها يمه اشلون اتحس مرتاح ولا تبي اييبلك شي؟
علي : لا يمه مابي شي بس بنام
ام علي : ( شافت صدره للحين لونه ازرق بس اللون خف وايد عن قبل صاير ازرق على احمر ) علي ؟ يمه ليش فاصخ بلوزتك للحين صدرك ما طاب .. يللا حبيبي البس بلوزه لايدش بصدرك هوا ويعورك زياده
علي : لا يمه والله ماعرف انام وانا لابس بلوزتي خليني جذي مرتاح ولاتحاتين راح اتلحف عدل
ام علي : زين يمه على راحتك ... علي ادري ان مو وقته بس ودي اقولك اللي بخاطري قبل لا انام
علي : خير يمه؟
ام علي : انا وابوك ودنا تفرحنا وتتزوج و..
علي : ( يقاطعها ) يمه انا اذا ابي اتزوج بنفسي اييلج واقولج بس الحين خلوني على راحتي
ام علي : يمه اسمعني شوي .. بنت عمك ساره بنت حلوه واخلاق و..
علي : شوفي يمه اذا قررت اتزوج انا بختار البنت .. ماحب احد يختارلي
ام علي : يعني تتزوج وحده تعرفها من بره؟؟ وبنت عمك موجوده ومبين انها معجبه فيك وبأخلاقك
علي : يمه خلاص تعبت ودي انام .. وانسي هالموضوع انا اذا ابي اتكلم فيه راح افتحه
ام علي : ( قامت ) الله يهديك يا وليدي تصبح على خير
علي : وانتي من اهله سكري الليت معاج
( رن تلفون علي وكانت منار اللي داقه )
علي : ( يطالع الرقم قلبه عوره بس حطه ميوت ومارد )
---------------------
منار منسدحه وتفكر : اشلونه الحين وشيسوي ؟ ان شاءالله يكون بخير..
( ومثل كل يوم تفكر بحالها وتحط ايدها على بطنها وتقعد تبجي لين تنام )
----------
مرت 6 ايام وعلي ماطلع من البيت ولا كلم منار بس كانو ربعه يزورونه بدوانية البيت ويرد يرتاح بداره .. بس كل يوم بالليل يفكر بمنار لين قرر ان يروح لها
الساعه 7 بعد المغرب علي دق على عثمان
علي : عثمان رد البيت ابي سيارتك
عثمان : انا بسوق شرق وين ارد الحين
علي : عثمان محتاج السياره بطلع
عثمان : ماخلصت فترة نقاهتك
علي : هي انت لا تسوي روحك مهتم وخايف كل هذا عشان ماترجع.. اقول تعال ابي السياره ضروري
عثمان : بتروح لها صح
علي : عثمان لاتنرفزني مالك شغل و ارجع الحين
عثمان : انت ماقلتلي شنو سالفتك بالظبط ليش اسويلك خدمه يعني؟
علي : ( حده منقهر منه بس قرر ياخذه بالسياسه ) خلاص تعال عطني سيارتك واذا رديت اقولك كل شي
عثمان : يللا نص ساعه واكون عندك
( علي نزل تحت ولابس ملابسه وناطر عثمان بالصاله )
ام علي : يمه ليش كاشخ ؟
علي : بطلع
ام علي : وين تروح ؟؟ للحين مايصير تطلع
علي : يمه يعني شايفتني طايح بالسرير ولا ماقدر امشي؟؟ عادي صرت زين الحمدلله وبطلع
ام علي : زين يمه خل عثمان يوديك وين ماتبي
علي : لا باخذ سيارته واطلع بروحي ودي اتمشى
ام علي : ( استسلمت ) بس الله يخليك دير بالك على نفسك وانتبه عالطريج
علي : ان شاءالله
( دش عثمان )
عثمان : خليت السياره شغاله .. دير بالك عليها عدل وعلى قد ماتقدر خلك عاليمين مافيه شبات اهناك
ام علي : ( اتزف عثمان ) عثمانو اتخاف عالسياره وماتخاف على اخوك؟؟
علي : ( يطلع من البيت ومايرد عليه )
-------
علي وصل ودش العماره
مصطفى : استاز علي ؟؟ الف الحمدلله على سلمتك
علي : الله يسلمك ( وصعد فوق )
( وصل عند الشقه وطق الجرس وتم واقف وماكو أي رد )
بطل الباب بالمفتاح وطقه
علي : منار؟؟ ادش؟
( محد رد عليه )
دش الشقه وماكان فيه احد بالصاله جان يروح يطق باب الغرفه ومحد رد عليه .. بطل الباب ولقى منار نايمه بس وضعها غريب نايمه بالعرض وعلى طرف السرير وكانت لابسه نفنوف حفر لي تحت الركبه
علي : منار؟؟ نايمه؟؟ منار؟؟
علي : ( حط ايده عليها وهزها شوي ) منار؟؟ ( حس انها وايد حاره )
علي : ( هزها اكثر ) منار؟؟ قوومي منار
منار : ( بطلت عينها غصب كانت تحس بتعب قوي وماتقدر تتحرك اول ماشافته انصدمت ) علي؟؟؟ انت ييت؟؟
علي : اي
منار : ( مريضه و عبالها تحلم كان ويهه فيه آثار جروح وصوب يبهته لي بداية حاجبه اليسار فيه أثر الغرز .. ارفعت ايدها اتجيس يبهته مكان الغرز )
علي : ( منصدم وساكت واهي تتحسس يبهته )
منار : ( استوعبت ان مو حلم استحت وقامت اقعدت يمه ) الحمدلله على سلامتك
علي : الله يسلمج .. حرارتج مرتفعه من متى مريضه؟
منار : مادري بس حسيت اني تعبانه ونمت ( فجأه حست ان معدتها قالبه وكانت بتروح الحمام بس اول ماقامت بغت اتطيح من التعب )
علي : ( مسكها وقعدها عالسرير ) منار اشفيج؟
منار : ( اشرت له عالزباله – عزكم الله - )
علي : ( يابها لها بسرعه )
منار : ( حطت راسها فيها واقعدت اترجع بس مايطلع شي غير ماي )
علي : ( حس وده يمسكها ويخفف عنها و بنفس الوقت وده يطلع من الشقه ويخليها بروحها بس مو مطاوعه قلبه )
منار هدت شوي ارفعت راسها طالعته لقت ملامحه مبينه ان متضايق وقام طلع من الغرفه جان تبجي
أول ماطلع بجت لأن حالتها النفسيه تعبانه وفوق هذا علي قاعد يتضايق منها
شوي جان يدش وبيده فوطه مبلل طرفها بالماي
علي : ( ماقال شي بس قعد يمسح ويهه بالماي عشان ترتاح )
منار : ( زادت بجي )
علي : خلاص بسج بجي قومي اوديج الطبيب
منار : مابي اروح
علي : ويهج اصفر وذبلان انتي ماتاكلين؟؟
منار : لا ومابي اكل خل يطيح ( حطت ايدها على بطنها وتبجي بصوت عالي )
علي : ( سكت مده ) .... انتي ماتبينه ؟
منار : ( مغطيه ويهه بيدها وتبجي ) لا مابيه
علي : ( سكت مده يفكر ) بس اهو ماله ذنب وانا مو موافق انج تذبحينه
منار : ( وخرت ايدها وطالعته )
علي : ( هاج كلينكس مسحي دموعج وسمعيني عدل )

 

[ReRez]

<< تره قاعده اكمل اكتب تكملة هالبارت.. انتو نامو يمكن وراكم ازواره او شغل .. انا ماعندي شي فقلت اكتب :dddds:
وباجر اول ماتدشون تلقون بارت ناطركم ^_^

 

[أم ال7]

القصه مو صج كمليييها و نزلي بارت بعد الحين بلييييييييييييز بلييييييييييز يلا

 

[ReRez]

القصه مو صج كمليييها و نزلي بارت بعد الحين بلييييييييييييز بلييييييييييز يلا

ماوراج نوم؟؟ هههه انا قاعده متأخر وماراح انام الا الصبح فبكمل اكتب الحين وانزله بعد الأذان انتو نامو وبس تقعدون تلقون
التكمله ^_^

 

[هيونه.المزيونه]

حبيبتي يعطيج الف عافيه

القصه روعه

ماني قادرة انام


ابي اقراها

 

[مياسين الحب]

يالله ياحلوه في الانتظار

 

[فدييييييتهااااا]

اولا : يعطيج الف عافيه وماقصرتي على طولة بالج علينا
ثانيا : انا متابعة بصمت بس عن جد القصة روووووعه وابداع
ثالثا: الله يوفقج ويسر اموورج