( الفتاة الهاربة ) قصة واقعيه عن بنت كويتية هربت من الدنيا الى الشارع

[خـوخه]

واي مو من صجج حرام عليج كملي ليش جذي والله قمت ابجي على حالها اهئ اهئ اهئ >>>>> اشفيها المندمجه ..!!!

 

[خـوخه]

ReRez لا تتأسفين حووووبي ترا انتي ماسوووويتي شي غلط انتي الكاتبه ومتى ماتبين اتنزلين البارت اتنزلين ..>>



ويعطيج الف الف الف الف الف الف الف الف الف الف الف الف الف الف الف عافيه قلبووووش وتسلم ايدج على هالابداع والله لا يحرمنا منج ولا من ابداعاتج ..

 

[ام عبدالرحمان]

شصااااااااااااااااااااااااااااااااااااااااااااااااار

 

[رفاعية19]

وااااااااااي كملي كملي الله يخليج كملي بس بعرف شنو قالها بعدين تكفيييييييييييييييييييييييييييييييييييييييييييييييييييييييييييييين...

 

[ReRez]

زين بكمل ياربي طيبتي مشكله زين بأجل شغلي اكمله بعدين معني دخت

نطروني اكمل شوي بس ماقدر اكتب وايد ( يعني مشهدين يمكن ) موافقين جذي؟؟؟

 

[sindrella]

وااااي منااار مال طق شتبي رايحة له مو كافي اللي صار له بسبتها


ناطرين البارت على أحرر من الجمررررررر

 

[com-teacher]

حبيبتي يعطييييج العافية وتسلم ايدج
وناطريييين بس زيدي جم مشهد خليهم 4 ههههههه
واذا تبيني اساعدج بشغلج انا حاضرة
قاعده ما عندي شي

 

[ReRez]

وحده طالبتني بور بوينت علساس تبيه باجر لأن الشرح مالها يوم الأحد عشان جذي مشغوله بشغلها والمعهد اللي دشلي عرض
<< من طقج على راسج وخلاج اتسجلين فييه؟؟؟

المهم قاعده اكتب للحين ويت واذا بتنامون نامو اول ماتقومون تلقونه ناطركم

 

[مووووني]

الله يعطيج العافية

 

[baby johnson]

مشكوووووووووووووووره
حبيبتي ماقصرتييي

 

[ReRez]

يللا الحين بنزل لكم اللي كتبته بعدها اكمل شغلي بقالي واااايد وللحين ماخلصت ربعه << تحاول تكسر خاطرهم

 

[ميسوره]

سهرتيني ناطره شنو يقولها

 

[ReRez]

** البارت الثالث عشر **
علي : هدي ايدي شوي
منار : ( هدت ايده ودموعها على خدها )
علي : ( حط ايده تحت الغطى وغمض عينه ولا جنها موجوده بالغرفه )
منار : علي؟؟ زين قولي أي شي الله يخليك كلمني؟؟ عالأقل طالعني شوي
علي : ( مغمض ومايرد عليها )
منار : ( ايدها ترجف ومدتها غصب وحطتها على جتف علي اللي في كدمة زرقه )
علي : ( حس بيدها على جتفه وكان وده يمسك ايدها بس تم مسكر عينه وماتحرك )
منار : انا بروح وآسفه لأني دخلت حياتك وأذيتك معاي وماتشوف شر
منار : ( حاولت على قد ماتقدر تمسك بجيتها بس ماقدرت وافلتت منها ) مشكورعلى كل شي .. مع السلامه ( راحت لي الباب بتطلع )
علي : ( بصوت واطي حيل ) منار؟
منار : ( لفت عليه و ويهها كله دموع ) ناديتني ؟؟
علي : اي تعالي
منار : ( امسحت دموعها وراحت يمه )
علي : ( حس ان قلبه يعوره حييل بس طلع ايده من تحت الغطى ومدها لها )
منار : ( اول ماشافته مد لها ايده اضحكت وبجت بنفس الوقت وامسكت ايده ) علي انا ..
علي : ( طالعها وضغط على ايدها وغمض عينه وعقد جواجبه )
منار : علي ؟؟ انت بخير؟؟
علي : ( فتح عينه وطالعها ) صدري ..
منار : اناديلك احد ؟
علي : لا خليج شوي
منار : بس شكلك تعبان وايد خل اناديه عشان ..
علي : لا مايحتاي اذا نمت اصير احسن
منار : عيل بروح واخليك تنام.. ومشكور على وقفتك معاي و مشكور لأنك كلمتني حتى لو كانت آخر مره
( دشت الممرضه لقت منار عنده )
منار : ( اسحبت ايدها من علي )
الممرضه : لو سمحتي الزيارة انتهت منزمان لازم تمشين الحين
منار : الحين ماشيه .. علي تعبان عطوه مسكن
علي : منار لاتطلعين من اهناك ... نطريني خل اصير احسن وراح اقعد معاج واكلمج
منار : ( تبتسم ) اوكي .. مشافى ان شاءالله
( راحت منار والممرضه عطت علي حبوب مسكنه وخلته عشان ينام واهو تم يفكر بمنار حس بشعور غريب مو عارف اهو استانس لأن شافها او تضايق اكثر؟ بس اللي يعرفه ان ماكان يبيها تطلع واهي تبجي )
-----------------
اوصلت منار العمارة وحاسبت التاكسي وانزلت
مصطفى : اهلا يا آنسه .. ازاي الاستاز علي ؟؟
منار : الحمدلله تعبان شوي بس راح يصير احسن ان شاءالله
مصطفى : طب الحمدلله .. عايزاني اوصلك لغاية فوء؟؟ اصل الاستاز علي موصيني عليكي اوي
منار : لا مشكور انا اصعد بروحي
اصعدت منار ودشت الشقه اسبحت وصلت ودعت حق نفسها وحق علي ان الله يقومه بالسلامه وبعدها سكرت الليت و انسدحت بفراشها
منار : ( حاطه ايدها على بطنها ) مادري شسوي جان زين اطلع مو حامل ويطلع اختبار الحمل مال الصيدلية غلط .. استغفر الله ربي سامحني و افرجها يارب
-----------------------
الفير قام علي من النوم وقلبه مقموت حلم ان منار بقفص ضيج ومو قارده تطلع منه تعوذ من ابليس ورد نام ..
الصبح ماكان اكو احد مع علي الا امه وعمور وعثمان بس عالية كانت بالمدرسه وابوه بالشركه .. خواله زاروه وراحو واهو صار شوي احسن بس للحين اذا ضحك او كح يحس عضلات صدره وضلوعه تعوره
عثمان : يللا انا اخليكم عندي شغل وراح ارد العصر
علي : لا .. لاتروح بكلمك بموضوع
ام علي : يللا كلمه وخله يروح
علي : ( ابتسم ) لا بعدين
ام علي : عيل ماراح تكلمه لأني قاعده لي العصر اذا نمت بروح
علي : ( يسوي روحه بيقوم من مكانه ) خلاص انا اطلع اكلمه بره
ام علي : ( خافت على ولدها ) لا يمه اشفيك خلك بمكانك انا اروح اشتري حق عمور شي ياكله وارجع .. يللا كلمه ( اطلعت مع عمور )
علي : عثمان تلفوني كان عند منو امس؟
عثمان : عندي انا والبنت اللي يت امس كلمتني وقلتلها انك بالمستشفى
علي : ( سكت )
عثمان : علي منو هذي؟
علي : وحده
عثمان : ادري وحده ماقلت واحد .. بس ماسمعتك تتكلم عن وحده اسمها منار
علي : ليش يعني لازم امشي واتكلم عنها ؟
عثمان : لا بس استغربت لأنها كان مبين انها تبجي يوم قلت لها انك بالمستشفى يعني اشلون تأثرت لهالدرجه وانا ما دريت ان في وحده تحبك الا امس
علي : ( عصب يوم سمعه قال تحبك ) وانت شكو تدري عنها
عثمان : زين هد اعصابك لا يعورك صدرك
علي : انا ناديتك اهني ابي منك خدمه
عثمان : شنو تبي؟
علي : انا عندي شقه ماتدرون عنها
عثمان : ( منصدم يطالع علي ) جد تتكلم؟؟
علي : عثمان والله اني تعبان وصدري بدى يعورني منك مو وقته تسأل وايد .. انت انصدمت لأني قلت اني عندي شقه عيل لو كملت كلامي اشبتسوي؟
عثمان : وفيه اكثر من جذي؟؟ كمل يللا قبل لا امي اتيي وتسمعك يا بو الشقق
علي : ( خز عثمان خزه ) اسمعني ومابي اسمع أي تعليق من تعليقاتك البايخه .. بعطيك عنوان الشقه وروح لها .. تلقى فيها البنت اللي امس كلمتك
عثمان : ( مصدوم اكثر ويطالع علي ) عليوي؟؟؟؟ شمسوي انت؟؟ والله انك طلعت من تحت لي تحت
علي : ( صرخ ) عثمانو اسمعني ( غمض عينه حييل.. حس بعوار بصدره من الصراخ )
عثمان : علي انادي الدكتور؟
علي : لا بس عفيه اسمعني ولا تعلق والله انك بتذبحني قبل لا اكمل الموضوع
عثمان : والله بسكت قول بسرعه امي بتيي الحين
علي : روح الشقه وطق الباب قول انك عثمان واني مطرشك عليها وعطها 100 دينار بعدين انا اسحبهم لك من حسابي و قولها خليهم معاج واذا انا طلعت راح اروح لها و اسألها اذا تحتاج شي اوكي؟؟
عثمان : ( مصدوم ماقال ولا شي بس متنح بويه علي )
( دشت ام علي مع عمور )
ام علي : ها خلصتو السالفه المهمه
علي : اي خلصنا
عثمان : ( للحين ساكت يطالع علي )
ام علي : عثمان اشفيه ويهه قالب انت اشقلت له ؟؟
عثمان : ( لف ويهه على امه ) لا يمه ماكو شي يللا انا ماشي مع السلامه
علي : عثمان؟؟
عثمان : بعد لاتقول ان اكو شي زياده؟؟؟؟
علي : عثمانو .. ( وعطاه خزه واهو معصب ) بدزلك مسج بالعنوان زين
عثمان : اوكي انا ماشي باي
ام علي : اشفيه عثمان؟ وعنوان شنو اللي بتدزه؟
علي : يمه سالفه عن الربع .. ( يطوف السالفة ) ها عمووري الحلو شنو شريت؟؟
عمور : ( يمدله الجيس ) شريت حلاو تبي؟؟
علي : ( يظحك ) لا حبيبي مابي شي بالعافيه

 

[ReRez]

سهرتيني ناطره شنو يقولها

الحين انا اللي سهرتكم الله يسامحكم .. هذا وانا صارلي ساعه اقول عندي شغل مايخلص شكلي
باجر اسلمه حق البنت و انا سهرانه وكلللللللللله عشانكم :eh_s(2): << تحاول تكسر خاطرهم بطريقة ثانية لأن اللي توه مانفعت

 

[ميسوره]

امبيييييييييييييييه

 

[شيـري]

يسلموووووووووووو على البارت
ياحبيبي روحي خلصي شغلك ونامي و بعدين نزلي البارت الجديد
حدك كسرتي خاطري

 

[ميسوره]

عوار قلب
ناطرينج باجر


سؤال انتي عارفه النهايه

 

[ميسوره]

على يموت ؟ (صح توقعاتي)

طفرتج بسئلتي

 

[ReRez]

على يموت ؟ (صح توقعاتي)

طفرتج بسئلتي

مارااااااااااح اقووووووووووول :bbbiu:

 

[ReRez]

يسلموووووووووووو على البارت
ياحبيبي روحي خلصي شغلك ونامي و بعدين نزلي البارت الجديد
حدك كسرتي خاطري

هيييييييا كسرت خاطركم :eh_s(9):

هههه اهم شي تعجبكم القصه ان شاءالله ..
<< ملقوفه تشتغل شوي وتتطمش عالردود شوي