..||.. محتارة ... وصعب عليّ القرار بهالمرحله ..||..

[σм 3ℓαωɣ ™]

:aha: يسعد مساء الغاليات :aha:
:aha: من الأمهات والمتزوجـات والبنــات :aha:

الصراحة مـا آدري من وين أبتدي !!
ويمكن البعض بيقول شتبي هذي !!

المهم ،،،
أنا عندي موضوع محيرني وااااااايد
ومأرقني وااااااااااايد

نبذة بسيطة عني
زوجة لرجل ملتزم
وأم لطفل عمره 10 شهور
اختصاصية تربية خاصة ( صعوبات التعلم )

ما يحتاي أقول لكم إن مهنة التدريس من المهن اللي تأخذ من عمر الإنسان
أغلب الموظفات والموظفين لما يخلص الدوام يمشون البيت ويرتاحون
لكن المدرسين والمدرسات شغلهم معاهم في البيت
هو تحضير هو إعداد أنشطة هو إعداد وسائل وألعاب تعليمية
تقارير
ورش عمل
اجتماعات
لجان مدرسية
فما بالكم باختصاصية صعوبات تعلم
يعني الشغل مضاعف
وآآآآآآآآآآآآآه
نفسياً أنا مرهقة
ولكني مستانسه بشغلي
وأبي أثبت وجودي
السنة اللي طافت صادتني عدة نكبات بشغلي
وأبي أثبت للكل إني طاقه ما يقدرونها


في المقابل
زوجي يحس بتقصير من ناحيتي في بعض الأمور
وهذي فعلاً شي حاصل
ما هو التقصير التقصير
ولكني ما القى وقت لنفسي أرتاح فيه

زوجي يبيني أترك الشغل وأقعد في البيت
وأنا ما عندي اعتراض لأن بالأول والأخير
أنا على قناعة تامة إن أكبر إثبات لوجودي وتحقيق لذاتي هو نجاحي في اسرتي وتربيتي لعيالي

ولكن مو بهالوقت
تونا في بداية حياتنا
وأحس إني لو تركت الشغل راح تختل الميزانية
وراح يصير الضغط على زوجي

أبي نصيحتكم لي
هل أكمل شغل لغاية هالسنة بس وبعدها آفنش من شغلي ؟؟
ولا أبقى جم سنه وآحوش لي جم بيزه وأفتح لي مشروع بسيييييييط أساهم به في ميزانية البيت
أو أقعد بالبيت وأعطي دروس خصوصية حق ذوي صعوبات التعلم خصوصاً إني قادرة على هالشي


والله إني تعبانه من التفكير وهلكانه من الشغل
لا تبخلون علي بمشورتكم

 

[um khaled]

تفاهمي وياه قولي له اللي بقلبك
نظمي وقتك خلي كل شي عندك بجدول
والله يعينك
طاما تدرين ان بتضيق عليكم ليش ما تدوامين ترى الحياه وايد صعبه وانسي بعدين شي اسمه سوووووق وطلعه ومصاريف جانبيه

 

[sarah125]

مساء الخير ..انا من رأيي انج تحاولين تلقين حل وسط ، مثلا تحاولين تخلصين الشغل اللي عندج اثناء الفترات اللي مايكون عندج حصص فيهم ،بحيث انج ماتاخذين شي معاج للبيت ، انتي مادرست وتعبتي كل هالسنين ،حتى بالنهايه تقعدين في البيت ، انا من رأي ان تحت اي ضررف من الضروف للحين مبجر على اتخاذ قرار ترك العمل بشكل نهائي لانج توج باول المشوار

 

[قصيدة عمري]

حبيبتي بقولك كلام وياليت تفكرين فيها عدل

الدنيا ماراح تدوم على حالـ

وماتضمنين وش راح يكون لك بالمستقبلـ

فتمسكي بالوظيفه هي سندك وحمايتك بهالزمن اللي ماتضمنين اقرب الناس لكـ

 

[( مي )]

اول شي الله يعينج ويعطيج العافية
ثاني شي
لابد ان لهذي الفئة من الناس لهم اندية وجمعيات وهيئات
ما ينفع
لو


تركتي شغلج ،، واهتميتي ابأسرتج اكثر ،، بنفس الوقت تدخلين الأندية او الجمعيات الخاصة بهذي الفئة بشكل تطوعي
ابهذي الناحية الإلتزام بيكون عليج اقل والمسؤوليات بعد لانج متطوعة مو موظفة رسمية وتمارسين تطوعج على حسب الفراغ اللي عندج
بنفس الوقت
تكونين مازلتي قاعدة تمارسين شغلة انتي تحبينها

او عندي لج حل ثاني
بما انج مريتي بنكبات في شغلج اثبتت لج ان شغلج مو مبين بعين مسؤوليج ،،
فالأفضل انج تخففين من ضغط العمل في البيت ،، لانج قاعده تقصرين بحق عايلتج وبالنهاية مو مبين بعين اللي بدوامج ،، فهميه انج بتضلين بدوامج مع تخفيف الشغل بالبيت بس على ما تستقر اموركم المادية على الأقل
​

 

[toooot]

لا تطلعيييييين من الوظيفة
اذا قعدتي بالبيت بتكبرين الوظيفة تعلمج الناس وين وصلت تعلمج الاهتمام "معاشج عز "
وانتي توج صغيرة والدنيا صارت غااالية وصعبة
اذا ريلج عندج هدي كل شي وجابلي وريلج راح يطلع الدوانية اكيد بوقت طلعته خلصي شغلج

 

[σм 3ℓαωɣ ™]

تفاهمي وياه قولي له اللي بقلبك
نظمي وقتك خلي كل شي عندك بجدول
والله يعينك
طاما تدرين ان بتضيق عليكم ليش ما تدوامين ترى الحياه وايد صعبه وانسي بعدين شي اسمه سوووووق وطلعه ومصاريف جانبيه

إي والله صاجه أختي
راح أنسى الصرف اللي على راحتي
راح أحاسب في كل شي وأنا استحي أمد يدي لزوجي مع إنه ما يقصر

وعلى ما قلتي
راح أحط على روحي شويه وأنظم وقتي
والله يكون بالعون ووفقني في هالشي

مشكوره الغاليه
والله يسخر ويذلل لج كل صعب

 

[σм 3ℓαωɣ ™]

مساء الخير ..انا من رأيي انج تحاولين تلقين حل وسط ، مثلا تحاولين تخلصين الشغل اللي عندج اثناء الفترات اللي مايكون عندج حصص فيهم ،بحيث انج ماتاخذين شي معاج للبيت ، انتي مادرست وتعبتي كل هالسنين ،حتى بالنهايه تقعدين في البيت ، انا من رأي ان تحت اي ضررف من الضروف للحين مبجر على اتخاذ قرار ترك العمل بشكل نهائي لانج توج باول المشوار

المشكلة إن وقت فراغي بالمدرسة لازم تلقى لي المديرة شي تشغلني فيه
شي يكون بعيد عن تخصصي ومجالي

والله يا أختي إن تعب 16 سنة دراسة من ابتدائي لي جامعة
حسيته بهالثلاث سنين اللي اشتغلتهم
بس مثل ما قلتي
توها الناس أترك الشغل بهالوقت
بس حبيت آخذ أكثر من شور
خفت آسبب مشكله كبيرة بيني وبين زوجي لو قلت أبي أواصل شغل

مشكورة أختي على الرد
وربي يجبر بخاطرج