أنقذوني ماني فادرة أتخذ القرار!

[زينة الزين]

أنقذوني ماني قادرة أتخذ القرار!

ولدي بالصف الرابع
طبعا تدرون عن النظام الجديد مال التقويم اللي يمتحن فيه الطالب الكتاب كله :s141:
وأكيد الخرعة مالها والي
وحدة شارت علي أني أحول ولدي مدرسة خاصة
وفعلا أتصلت على المدرسة الكندية ثنائية اللغة وسووله إمتحان اليوم نجح فيه وبلغوني أني حصلت على الموافقة المبدئية ولازم أييب شهادته على شان الوافقة النهائية والتسجيل حالا لأن مافيه وقت

أشرايكم؟
شسوي؟
أحوله ولا لأ؟

حدي متوهقة وخايفة ولازم أتخذ القرار بسرعة

ساعدوووووووونيييييييييييييييييييي
الله يساعدكم دنيا وآخرة

 

[سيدة الكويت]

لالالالا صعب عليه يتأقلم راح تسير الدراسه كلها انجليزى ودسمه حيل والكتب حجمها اضعاف الحكومه

 

[زينة الزين]

آنا قالولي أنهم راح يعطونه تقوية على شان يمشي
باكر بقابل المدير وبشوف شيقول
مهما كانت الكتب حجمها ماراح تصير أكبر أو أصعب من الحكومة الحين وايد تغيرت خبرج عتيج
بس هم خايفة وصح كلامج موضوع أن كل شي بالإنجليزي نقلة عليه مسكين بس هم الإمتحانات مالت الحكومة اللي يمتحن فيها بالكتاب كله ماني قادرة أستوعبها

الله يستر
أدعيلي

 

[سيدة الكويت]

بالعكس اختى شايفه كتب الحين الحكومه حتى بعد التطوير كتب الخاص اصعب والدراسه اكثر خاصه منهج هاكرت الأمريكى وايد صعب

بس حرام تطلعينه من مشكله يدخل بمشكله اصعب

والله يسهل عليكم

 

[زينة الزين]

مشكورة بعد عمري سيدة الكويت
آنا باكر بشوف كتبهم و الظاهر إني ماراح أطلعه
أخاف أوهقه مثل ما قلتي

على العموم جزاك الله خير على الرد والله يسهل أمرنا وأمركم

 

[كويتية صغيرة]

مناهج المدارس الخاصة أصعب من الحكومة
و يبيلها متابعة باستمرار

حرام راح يتخسبق و يعتفس

القانون الخاص بطريقة الامتحانات
الامتحان بالكتاب للفصل الدراسي الواحد ..... و ليس طول السنة
و كل شهرين في امتحانات ...... يعنى الامتحانات ليس فقط في اخر السنة

يبقى التحكم عندك
مفتاح الحل ..... الدراسة اول بأول ..... علشان ما يتراكم
و الله يوفق عيالنا و عيالكم
:icon30:

 

[سيدة الكويت]

مشكورة بعد عمري سيدة الكويت
آنا باكر بشوف كتبهم و الظاهر إني ماراح أطلعه
أخاف أوهقه مثل ما قلتي

على العموم جزاك الله خير على الرد والله يسهل أمرنا وأمركم

العفو حبيبتى وانا بالخدمه

انصحج تدرسين ولدج اول بأول حتى لو ما عطوه واجب ... انتى عطيه عشان ما ينسى وتتراكم الدروس عليه

 

[حلم الطفولة]

لأ !!! .. لا تنقلينه ,,
طالما وصل رابع خلاص صعبه جدا يمشي بالخاص ,

^
^

المدارس اللي متوهقه وتبي تدخل لها إيراد : تتنازل وتجرب انها تقبل من حكومه صفوف عليا < يعني ثانيه ابتدائي وأكثر ..

واللي راح يتعب الولد وأمه وبعدها سنتين بيقولون مع السلامه ولدج مستواه نازل وما راح يقدر يكمل معانا


خلييخ مكانه ,,, والله يسهل عليكم يارب.

 

[Um Hasan]

حـــراااام عليج ..ولدج ما راح يمشي بالخاص ؟؟؟ راح يصير وايد صعب عليه كل شي بلإنجليزي !!!

 

[الكـ صمتـ ــلام]

امبيه من صجج الغريبه اشلون اقبلوه:eh_s(12)::eh_s(12): اذا طول عمره بحكومه اشلون مايصير حبي المناهج حيييل صعبه والكنديه هذه تعتبر مابين المنهج الانجليزي والامريكي يعني مو شي هيييين وكل شي بالانجلش!! لاتفكرين انها سهله والله اللي ولدي درسه بالصف الثالث لمادة الساينس الحين ومع تطور المناهج قاعد يدرسونه بالصف السابع تخيلي!!!
خليه بمكانه احسن واشتريله مذكرات ودرسيه وبالتوفيق

 

[زينة الزين]

مشكورين على الرد

آنا بعد مستغربة أنه قبلوه بس قالولي أن فيه وايد مثله وسألت أولياء أمور بالمدرسة قالولي المناهج سهلة وأسلوب التقويم وايد سمح وما عندهم سقوط وتحسر
بس هم آنا خايفة ومو مقتنعة وما أظن بسويها
مشكورين وايد والله يعطيكم العافية

 

[الكـ صمتـ ــلام]

مشكورين على الرد

آنا بعد مستغربة أنه قبلوه بس قالولي أن فيه وايد مثله وسألت أولياء أمور بالمدرسة قالولي المناهج سهلة وأسلوب التقويم وايد سمح وما عندهم سقوط وتحسر
بس هم آنا خايفة ومو مقتنعة وما أظن بسويها
مشكورين وايد والله يعطيكم العافية

مايصير ماكو سقوط هذا معناته ان ينَجحون وما يعطونج مستواه الحقيقي ديري بالج حبيبتي