داومت ومسجلينها غياااااااب

[Q8NV]

اختي تسولفلي عن بنتها تدرس باسرار القبندي قالتلي انها داومت طول الاسبوع وما غابت واهي باولى ابتدائي يت تشوف كتبها ماكو واجبات بس اول يوم وبعدين فاضي الكشكول لما يوم الخميس والا كاتبين على لورقه الكشكول غياب اشلون غياب دقت على المدرسه محد يرد وتشوف كتبها الا بنتها كل يوم تقعد بصف والمدرسات عادي ولا يدرون عنها وفوق هذا هادين البنت والام كارفه واجبات واهم ولا على بال شنو احتريت هالمدرسه مافي اي اهتمام يعني لو تطلع بره المدرسه ما يهتمون وباجر راح اقولكم باجي التكمله لانه اختي بتروح وتتهاوش معاهم لانه ريلها عفس الدنيا يوم درى وباجر التكمله ان شاءالله

 

[Um Hasan]

امبييييه .. شنو يعني ؟؟ المدرسة ما ياخذون غياب .. الأبلات ما يعرفون بنات صفهم ؟؟؟ شهالمدرسة .. زين يسوي ريل اختج شنو هالإهمال؟؟؟

 

[Q8NV]

عليج نور اظاهر ينسون ياخذون غياب ولا يعرفون البنات الي بصف الله فضحهم مالت عليهم

 

[Um Hasan]

انزين والواجبات اللي كانت تسوييهم كل يوم الأبلة ما تشوفهم ؟؟؟

 

[Q8NV]

بس واجبين تقول طولل الاسبوع لما يت تشوف اخر الاسبوع اكتبت لها غياب وبعد نص الكتب ملوتها عليها اسمها والفصول مختلفه

 

[حلم الطفولة]

حبوبهmiss_kw_81 راح ننطر موضوعج وتكملته بس رجاءا من الجميع عدم التجريح ولا ذكر أسماء .. والابتعاد عن الألفاظ الغير لائقه ..///////.. شكرا .

 

[كويتية صغيرة]

:eh_s(14):

الله هذي الشغلة وايد قوية

تدرين

الله حفظها زين ماصار لها شي

اقل شي ياخذون غياب

شلون عرفوا انها غايبة !!!!!!!!!!

مافي مشرفة للصف ؟؟؟؟؟؟؟؟

 

[Q8NV]

اي والله الله ستر وماكو مشرفات على صف

السالفه كلموهم وقالوم اعذار كلش ما ادش المخ قالوا احنا عندنا ضغط بالصفوف وكل ساعه ننقل الطلبه وهذات طبعا مو عذر تتسجل غياب بس ارقعون وخذت اسم البنت مع الصف وقالت لهم كتبها كل واحد عليه اسمها وصف مختلف اشلون يقولون ما ندري والله وحاليا المدرسات مشغولين كلموا الاخصائيه اعفسوا الدنيا قالوا خلاص احنا راح انحل المشكله وندق عليكم ونطرو من 10 لي الوحده محد دق ريل اختي قال باجر اسحبها ما اخلي بنتي يصير فيها شي من الاهمال يعني لا يدرسون ولا يهتمون بالياهل وكل يوم طاقينها لصبيان وماخذين اكلها ومكسرين اقلامها يعني ماكو اشراف مدرسه جدا فاشله فاشله مدرسات يعطون كتبها وكرسات الصفي و لاصفي حق اختي يعني كل شي على الام ما ادري ليش البنت اداوم وما ادري ليش ياخذون افلوس علشان تكتب الابله الواجبات بالكشكول والام تعلم في مدارس يسوون حصه خاصه علشان يحلون الواجب واذا عطوا واجب ماده وحده باليوم وما يطول عن ربع ساعه هذي حساب وعربي وانغلش فقيره ما قامت تستوعب تكتب عكس البنت وقامت تبجي وتبول بنفسها وما تاكل

 

[Q8NV]

اشدعوه ماكو ردود

 

[Q8NV]

up

up up

 

[Q8NV]

اليوم راحو يسحبونها و ما خلوهم ودخلوا عند المديره وكلموها مره كويتيه لانه الاداره كلها جنسيات مختلفه واول مره يشوفون كويتيه المهم قالولها كل الي صار انصدمت ونادت كل المدرسات اتقول اشلون يصير جذي ومالكم الا طيبت الخاطر ريل اختي قالها لكم اسبوع اذا بنتي نفس المستوى وماكو اهتمام ساحبها منكم يقول المدرسه لصبيان شيطان واهم واقفين يطلون من الدريشه وسب بالناس الي ادش المدرسه يقول حق المديره شنو هالمدرسه الي محد يدري عن الطلبه وين المشرفات و اشلون يسجلون البنت غياب والمدرسات وحده اجذب على الثانيه اشكره

 

[sparkles]

انا بنتي عندهم بالعكس في اهتمام والأبلة كل يوم لما ايي اخذها أشوفها تمسك أولياء الأمور واحد واحد وتعطيهم مختصر عن اللي سواه الطالب اليوم وشنو نقاط ضعفه وبعدين واجباتهم صج وايد بس تأسيس صح

 

[Q8NV]

هذا إلي صار اليوم واذا تبين تتأكدين سالي مديره المدرسه قوليلها في وحده بأولئ بتداءي يو أمس وقالت اشوه انكم قلتولي وقالت حق أختي الغلط وارد وعصبت لما درت بالاهمال ودفتر إلي مسجل في الغياب وقالت ضج اشلون أهي بصفين وأنا مالي مصلحه أجذب وهذا إلي صار ليش معصومين عن الغلط وراح أقولكم أول بأول شنو يصير مع أختي لأني أنا ما ألفت قصه عادي إذا تبين ادزلج بالخاص صور كشاكيلها وكتبها

 

[sparkles]

لا العفو مثل ما قلتي الخطأ وراد وأي مدرسة ترى حظ ممكن مع ناس تكون واو ومع ناس لا
انشالله تنحل المشكلة ووافينا أول بأول

 

[Q8NV]

بعد عمري تقول اختي اشوي احسن البنت نفسيتها بس لحد الحين مدرسه العربي ادز كشكول الصفي والواجب قامت اختي واكتبت نوت انها مالها شغل بالصفي هذا شغل المدرسه وصراحه اهي كلمه المديره قالت ممنوع يحلون اولياء الامور الصفي بس يشوفونه انا مستغربه من هالمدرسه اتعاند ولحد الحين مطقوقه يطقونها لصبيان وياخذون اكلها واوانها واغراضها ما ادري لي متى الاهمال محد يشرف عليهم بالفرصه

 

[سيدة الكويت]

دام مو مرتاحين غيروا مدرستها ....

والله يوفقها

 

[NoNy aLM]

غيروا المدرسه اذا جذي نظامهم لان راح تكره الدراسه البنت اذا بتم السالفه جذي

 

[ام عفاف الكويت]

مايصير لازم حصر غياب يعرفون وين الطالب
احنا مشددين علينا ناخذ الغياب بنفسنا
ونعد الطالبات
وان شفنا جنطه ومافي على الكرسي بنت سيده على الاداره
يمكن تقول منحاشه او متهربه وهذي مسؤولية

 

[Q8NV]

قلتلها قالت وين اوديها ابي مدرسه بالعاصمه خاصه والحين تخاف توديها مدرسه ثانيه واهم بادين من زمان وضيع اهي تقول البنت طالعه من روضه حكومه ما تعرف تكتب تعرفون نظام الحكومه شنو اول نما دشت واجبات واملاء والله تحلف تقول انها تكتب لا تعرف احرف ولا شي مجرد النسخ شنو انسوي

 

[سيدة الكويت]

قلتلها قالت وين اوديها ابي مدرسه بالعاصمه خاصه والحين تخاف توديها مدرسه ثانيه واهم بادين من زمان وضيع اهي تقول البنت طالعه من روضه حكومه ما تعرف تكتب تعرفون نظام الحكومه شنو اول نما دشت واجبات واملاء والله تحلف تقول انها تكتب لا تعرف احرف ولا شي مجرد النسخ شنو انسوي

صعبه والله عليها راح تتعب البنت لأن المدرسه مناهجها صعبه:s141:

المفروض تدخل من الروضه المدرسه عشان تقدر تكمل معاهم يعنى تكون حتى الكلمات تكتبها مو بس الأحرف

او حولوها حكومه الله يسهل عليكم بس حرام تضغطون على البنت