فيج هوس أهتمام بنفسج تعالي شاركينى وبتصيرين أحلى بنوتة :)

[دلع قحطان]

حبيبتي الزيت وش فايده وطريقته انتي مجربته ولايكون يسود لون الشعر مثل دابر وربعه

 

[وردة سلفر]

يالبا قلبي هذا برنامج عنايتج وقت لنفاس اتمنى يعجبج واي سؤال انا موجودة

شوفي يقلبي اول 10 ايام من النفاس ماتسوين اي شي بس مجرد انج تهتمين بالاكل وسوالف لنفاس والله ما اعرفها لووووووووووووووول وبعدها تيبين وحدة تردج عدل وراح يبقالج من الاربعين 30 يوم راح ابدالج من الشعر لي اصابع ريولج
بالنسبة للشعر استعملي زيت نارجيل او جدايل تحطينهم بس مرتين بالاسبوع مدة ساعتين مو أكثر وتغسلين شعرج بشامبو بانتين وبديل الزيت مالة وطبعن تكونين مسوية بخاخ سدر اخذي بطل ماي الحجم العادي وحطي معاه قفشة سدر خلي لي ثاني يوم بعدها زلي وخلي بس الماي وحطي ابخاخ وحطي بثلاجة وسمي تونيك السدر لووول وهذا تستعملينة كل يوم بخي على شعرج وعجفي ومرة بالاسبوع حطي قفشة حمام زيت فاتيكا مع قفشة سدر صغيرة وسوي بخار حق شعرج مدة ربع ساعة وغسلي بس بماي بدون شامبو وهذا الشعر خلصنا منة

الحين الوية تختارين كريم يبيض وانصحج بفير اند لفلي حطي بليل والصبح غسلي ويهج بخلطة صابونات عبارة عن ( صابونة مرة-الببايا 4في 1- جونسون باللوز) بشريهم كلهم وصبي فوقهم ماي ورد واستعملي ثاني يوم ولو تقدرين تغسلين فية مرتين باليوم عادي وفير اند لفلي اذا تقدرين هم مرتين باليوم بعد احلى زيادة الخير خيرين ويوم بالاسبوع سويلج ماسك قفشةروب+ قفشةخميره +قفشة شوفان مطحون + قفشة شاي حبه سوده هالماسك ايننن واذا تبين حطي قفشة شاي من ماي المره معاهم عشان الحبوب اذا موجوده تنشف طبعن كلة قفشة الشاي لصغيرة راح يعطيج نظارة ونفخ خفيف حق خدودج ولاتحطين على الخشم وخري عنة ومرة بالاسبوع سوي هالطريقة هذي يبي جهاز البخار مال البشرة اول شي غسلي ويهج بخلطة الصابونات وبعدها حطي ميلك على ويهج خمس دقايق ومسحي بقطنة وخلي ويهج بالبخار مدة 10 دقايق ولاتقربين ويهج حيل حق البخار بعدها وخري عن البخار وحطي قفشة سكر صغيرة مع زيت زيتون وسوي سكراب عالخفيف حق ويهج مدة دقيقتين بعدها مسحي بقنطة فيها ماي دافي وبابونج ويبي لزقات الخشم وحطيها عشان الروس السودة واخر شي يبي ثلجة تكونين انتي مسويتة ماي ورد وحليب بودر سوي مكعبات اخذي مكعب واحد وحركي على ويهج لين تذوب الثلجة ويبي اكلينكس وطبطبي على ويهج لاتغسلينة وهذا الوية وخلصنا منة

​

يلبا قلبي اي والله انصحج حيل حيل بهالاشياء وااايد روعة

حبيبتي الدلع والله ونستيني انج استفدتي منهم .. انا هذا اللي ابيه .

وانا بعد والله واايد استفدت من خلطة صابوناتج يعطيج الف الف عافيه عليها والله يحقق اللي ببالج
انشالله ..ادعولها بنات . وانشالله بعد بجرب زيت النارجيل وجدايل مشكورة حبيبتي .

 

[دلع قحطان]

قوه وردتنا
اخبارتس
انا اليوم سويت طريقتس في البخار لتنظيف الوجه روعه
بس حسافه الرووس السوده عله مارحت للاسف
وبسالتس قناع نترونجينا اللي قلت عنه هو اللي مكتوب عليه قناع وغسول اذا هو فبصراحه روعه
من جد احس ينظف وجهي من قلب خلاص باذن الله بعتمد ذا الجدول ليوم خميس
لاني استانست عليه بس ابسالتس
بخار الوجه مو صح انه موزين كل
اسبوع لانه يفتح مسامات
انا خلقه عندي مسامات بوجهي
فخفت تزيد ومشكوره ع جدول الحلو

 

[وردة سلفر]

حياتي دلع قحطان هلا يقلبي فيج

قناع نيتروجينا اللي تقولين عنه فعلا واايد واايد حلو وتقدرين تستخدمينه مع البخار . بس اللي انا استخدمه قناع بروحه مكتوب عليه ماسك .

والنقط السوده تروح بس طولي بالج ولزقات الخشم مفيده ترى بعد البخار . وبالعكس وايد وايد البخار مره بالاسبوع مهم للبشره وخصوصا
اللي فيها مسامات واضحه لأن المسامات الواضحه= دهون زايده . والبخار ينظف كل الدهن الزايد .. وعشان تتسكر المسامات ضروري
ضروري تدلكين وجهج بثلجة ماي ورد او ماي وحليب بعد البخار والتنظيف . الثلجه خطوه مهمه واذا ماسويتيها بتزيد المشكله ترى لأن المسام
اذا ظلت مفتوحه بعدالحراره راح تتعبى وسخ ودهن اكثر فهمتي ؟ وبالعافية عليج يقلبي انتي

 

[وردة سلفر]

النقط اللي بالخشم بعد البخار على طول ووجهج مبلل قبل اي خطوه .. فقصي خشمج باصابعج وراح يطلع كل الدهن وهذي ترى طريقه يسوونها حتى
بمراكز التجميل لا تخافين خخخخخخخ .. بس شنو .. تعرفين المسحات الطبية ؟ مسحي فيها خشمج بعد ماتعصرينه وتطلعين الدهن عشان يتنظف ويتعقم
وماينتقل مكان ثاني من الوجه .. ومسحي اصابعج بعد بالمسحات .. بعدها ابدي سوي سنفرة مع شكر حق الوجه كله وبعدين مسحيه بقطن فيه ماي حاار
وعقب حطي الماسك ولما تخلصين خلاص وتغسلين .. مسحي ويهج بثلجه وسكري المسام .. لكن اذا تبين تحطين لزقت الخشم لا تحطين ثلجه على
خشمج الا عقب ماتخلصين من اللزقة وتشيلينها .. بس وراها ضروري تحطين ثلج اوكي؟

1- غسيل الوجه
2- بخار 10 دقايق الى ربع ساعه
3-تنظيف الانف بالاصابع ومسحه بالمسحات الطبيه
4- سنفرة
5- قناع
6- ثلجه وخمس خطوط تحتها

 

[انصاريه قمره]

ادلع حياتي حيروني يقولولي كريم ماجيك موشيييي افففف
ابي شي بديييييل وبنفس المستوااا

 

[المتلثمه بعلم الكويت]

ادلع حياتي حيروني يقولولي كريم ماجيك موشيييي افففف
ابي شي بديييييل وبنفس المستوااا

حبيبتي بقولك انا استعملي كريم فيدت البني روووووووووعه حيل حيل يصفي الوجه وهو اساسا للبقع اللي في الوجه ويوصفونه الدكاتره يعني امن اكثر من ماجيك
جربته فتره اسبوع صفىىىىىىى وجهي كيف لو استمر
جربته بعد ماقريت تجربت بنت هنا تقول استغنت عن الاساس اذا بغيتي الرابط من عيوني

 

[غلا السعودية]

الدلع

المره مو تشد ولالا؟

لانى ناقعه المره من يومين على اساس اشدها

 

[eldalla3]

بنات اسفة اذا قاعدة اتأخر عليكم بالرد انا ان شاءالله بعد شوي راح ارد على وحدة وحدة فيكم عذروني لاني تعبانة بس قاعدة اشبك عشانكم​

 

[باورنة السعودية]

السلااااااااااااام

أزيكم يابنات عاملين أيه خخخخ

بناااات أبي سنفره

فيها ملح الحليب وسنفرة كاب

يعني سنفره كاااامله تعبت وأنا أدور

أبي فيها ملح الحليب اللي مرسوم عليه بقره

لأني شاريتهن وأبي أستخدمه

ومشكورااات قلبو مقدما

 

[المتلثمه بعلم الكويت]

http://q8yat.net/showthread.php?t=238594

http://www.q8yat.net/showthread.php?t=423750

هذي تجارب بنات في كريم فيد اوت شوفيهم وعطيني رايك^_^

 

[المتلثمه بعلم الكويت]

السلااااااااااااام

أزيكم يابنات عاملين أيه خخخخ

بناااات أبي سنفره

فيها ملح الحليب وسنفرة كاب

يعني سنفره كاااامله تعبت وأنا أدور

أبي فيها ملح الحليب اللي مرسوم عليه بقره

لأني شاريتهن وأبي أستخدمه

ومشكورااات قلبو مقدما

خلطه لندن شوفيها في الصفحات اللي قبل كاتبتها الدلع

 

[روح غلاها]

انا امس سويت تنظيف بشره

اول شي حطيت ماسك ( زنجبيل مطحون+ماي ورد + خميره + هرده+ شوي عسل+نشا +مغلي قشور البرتقال والليمون)

حطيتهم نص ساعه بعدين مسحت ويهي بقطنه

وحطيت زنجبيل محون على خشمي ويبهتي نص ساعه

بعدين حطيت لزقة الخشم ربع ساعه

بعدين ماسك بجل الخيار الطبيعي نص ساعه

بعدين غسلته بكلين اند كلير مدفـأ البشره

واخر شي رطبته


حطيت بشعري ( سدر + براشوت + خروع + زيت زيتون )

حطيت بجسمي ( ليمون + جلسرين )

ريولي ( جلسرين + زيت اللوز المر + فازلين + جليسوليد )

سويت لي تونك من اختراعي ( شاي اخضر + بابونج + نعناع ) خليتهم يغلون وبعدين صفيتهم بخاخ

 

[روح غلاها]

توني تسبحت

حطيت قبلهاعلى جسمي ( زنجبيل مطحون+ماي ورد + خميره + هرده+ شوي عسل+نشا +مغلي قشور البرتقال والليمون+سنفره)

غسلت شعري بصابونة الغار وصابونة زيت زيتون

حطيت ملح البابايا

فركت جسمي بصابونة الغار والخلطه الصابونيه

فرشت اسناني بسجنال المبيض

غسلت شعري وجسمي بمغلي البابونج

اخر شي فركت نفسي بصابونة ديتول ( للتعقيم)

 

[روح غلاها]

اي صج اخر شي بعد التنظيف بشره مسحت ويهي بثلجه فيها ماي ورد وحليب

يعطيج العافيه ورده على الطريقه

 

[دانة الاحرار]

بنات شوفوا الموضوع الي عن المنطقة الحساسة راح نبدى من الاسبوع الياي برنامج عناية خاص حقة لوووووووووووووووووووووووول​

معاج ,,, معاج ,,,

بس حددي اليوم بالتاريخ والبرنامج شنو !!


وانا اول وحده ببدي معاج:eh_s(15)::eh_s(15):

 

[انصاريه قمره]

http://q8yat.net/showthread.php?t=238594

http://www.q8yat.net/showthread.php?t=423750

هذي تجارب بنات في كريم فيد اوت شوفيهم وعطيني رايك^_^

فديييييييييييييييييييييييييييييييييتج

 

[eldalla3]

انا حيل متضايقه
شفت الموضوع تضايقت
حسيت اني بالفتره الاخيره عقب ما ولدت وصار عندي بيبي اهملت نفسي يعني مو مثل قبل خلطات وسوالف
مادري بنات
يعني برنامجي جذي كل يوم
اتسبح بشامبوو بلقيس كلمت اينن شويه عليه يوقف تصاقط الشعر وكله اعشااب سعره دينارين وشوي بس اينن

واغسل ويهي بصابون رقي


عقب اغسل المنطقه الحساسه بغسول فام فرش


واقعد افرك جسمي بصابون رقي

بليفة بودي شوب

ارطب ويهي بأولاي بالتوت البري



ارطب جسمي بفازلين زبدة الكاكاو
وابخبخ من عطري المفضل
وبس
مليت ابي برنامج عنايه على حسب مشاكلي
اول شي لون ويهي عقب الحمال صاير شوي اغمج فأبي شي يرد لوني الطبيعي وترا انا ما اطلع بالشمس
تنصحوني بكريم ماجيك ولا لا ويقولون في اصلي وفي لا يا ريت تفيدوني وابي شغله تكثف رموشي لانهم احس خفوا من الماسكرا وبعد بعد؟؟
اذا تذكرت اكتب

حبوبة اخذي الجدول الي انا حاطتة حق يالبا قلبي شامل عناية من راسج لي اصابع ريولج حتى لرموش شوفي وقوليلي الي مو عارفتة​

 

[eldalla3]

اووف تكفين قعدت اخبص جننوني البزران وزوجي مهبل فيني سوي شاي شوفي البزران
يمة جيت من المدرسة الابلة تبي وتبي ابي اقسم نفسي مااقدر
ماداري وشلون ابتدي تكفين عفية ابي من البداية
ماعلية تحمليني اشوى لاني من جد مخبصة
ومشكورة مابي اكلف عليك اذا انتي متضايقة مني لاني استانست وتحمست لما شفت موضوعك
وشعارنا فيني هوس واهتمام بنفسي وراح اصير احلى بنوتة ولونها جت متاخرة
وانا اكون شاكرة ليك طول عمري

لا يقلبي لا اضايقت ولاشي ومايكون خاطرج الا طيب​

 

[eldalla3]

اييييييي ونسيت اقول تحت عيوني كان لون ويهي كله موحد بس الحين احس بادي يغمج شتنصحوني فيه
مع العلم انا مسويه رجيم يعني اكل وجبه باليوم تهقون هالشي مأثر علي ؟؟

حبوبة الرجيم يأثر اذا كان في شي غلط ومايصير وجبة وحدة باليوم لازم رجيم من دكتور او مجرد تخفيف لان بجذي راح اتعبين بشرتج وجسمج وحتى شعرج ​