فيج هوس أهتمام بنفسج تعالي شاركينى وبتصيرين أحلى بنوتة :)

[دانة الاحرار]

بنت آل فهد


بخصوص الخلطات التايلندية ,,,

انا رفيجة اختي صار فيها كانسر بالركب والاكواع لانها تحط كريمات تايلندية حق التبييض

فانصحج بالاشياء الطبيعية صج تطول بس العافية والصحة اهم من كل شي

 

[● ● MisS P!nK ● ●]

سعمت عن شغله حق النقط السودا اللي على الخشم

بنات اتعرفون سفنجه غسيل المواعين مو فيها صوبين واحد ناعم وواحد خشن <<
في وحده قالتلي حطي صابون مغربي على خشمج وبللي السفنجه وافركي خشمج فيها
بالجهه الخشنه اللي لونها اخضر <<
شرايكم ؟؟

 

[دانة الاحرار]

سعمت عن شغله حق النقط السودا اللي على الخشم

بنات اتعرفون سفنجه غسيل المواعين مو فيها صوبين واحد ناعم وواحد خشن <<
في وحده قالتلي حطي صابون مغربي على خشمج وبللي السفنجه وافركي خشمج فيها
بالجهه الخشنه اللي لونها اخضر <<
شرايكم ؟؟

نجرب ما ورانا شي ,,,:eh_s(6):

 

[بنت آل فهد]

بنت آل فهد


بخصوص الخلطات التايلندية ,,,

انا رفيجة اختي صار فيها كانسر بالركب والاكواع لانها تحط كريمات تايلندية حق التبييض

فانصحج بالاشياء الطبيعية صج تطول بس العافية والصحة اهم من كل شي

يمكن هي مداومه عليهاا بس انا بستعملهاا مده شهر او اقل وبرجع استعمل الاشياء الطبيعيه ونشالله مافيناا اله العافيه ومشكووره على النصيحه

 

[بنت آل فهد]

وناا الصراحه فكرت اخذ الكريمات وبسئل الدكتوره عنهاا وبشوف

 

[دانة الاحرار]

اي معاج حق


بس اهم شي تسألين عنها ...

 

[شغوف بدويه]

سلامــــــــــــــ بنــــــــــــــا ت :انــــــا فينـــــــــــــى هوس مثلكمــــــــــ ساعات اهتم بنفسى واحب اكون مميزه واحورف فــــــــــــى عمرى وساعات تخمنــــــــــــــــى اللى مانى قايله:0bee2e8d89: بس الحمدلله اقاوم واواصل :ada:عجل وش فايدة الوحدة ا ذا ماحورفت بنفسها تحس ردت روحها :dddds:

 

[DYooMA]

والله موضووعكم روعه وفي اشياء حلوه وكل بنت اكيد فيها هوس الجمال والاناقه وانا وحده منهم بس الحين مالي خلق اطالع ويهي لانه انا الحين بشهري التاسع انشاءالله بعد الولاده ابدي بدايه يديده من الصفر وادعولي الله يسهل عليي واتمنى التوفيق للجمييييييييييييع انشاءالله

 

[eldalla3]

هلا قلبي
شخبارج شمسويه ؟
شنو خلطتج هذي ؟؟ انا حسبالي اسمها صابونه مره والقاها عند العطار << مالها خلق تخلط واتسوي:krkrkr:

اسفة عالتأخير يقلبي وفي صابونة مرة بروحة من الحواي بس انا اخلطها مع ببايا 4في1 وجونسون باللوز بشريهم وصبي فوقهم ماي ورد لين يتشربة واستعملي ثاني يوم اتينن اتنظف الوية شي عجيييييييييييييييب​

 

[eldalla3]

سعمت عن شغله حق النقط السودا اللي على الخشم

بنات اتعرفون سفنجه غسيل المواعين مو فيها صوبين واحد ناعم وواحد خشن <<
في وحده قالتلي حطي صابون مغربي على خشمج وبللي السفنجه وافركي خشمج فيها
بالجهه الخشنه اللي لونها اخضر <<
شرايكم ؟؟

اخاف تزلغ خشمي هههههههههههههههههههههه​

 

[eldalla3]

والله موضووعكم روعه وفي اشياء حلوه وكل بنت اكيد فيها هوس الجمال والاناقه وانا وحده منهم بس الحين مالي خلق اطالع ويهي لانه انا الحين بشهري التاسع انشاءالله بعد الولاده ابدي بدايه يديده من الصفر وادعولي الله يسهل عليي واتمنى التوفيق للجمييييييييييييع انشاءالله

تسلمين يقلبي والله يقومج بالسلامة ولا ولدتي راح اعطيج جدول من تعدين اول 10 ايام حق جسمج ​

 

[يالبا قلبي]

خوش موضوع

بس انا من حملت مالي خلق شي بالمره
وودي ارجع حق هالسوالف

 

[eldalla3]

بس تولدين بسلامة حياج معانا ​

 

[يالبا قلبي]

عاد ابي منج برنامج حق نفاسي

 

[eldalla3]

عاد ابي منج برنامج حق نفاسي

ان شاءالله يقلبي بس تولدين بسلامة بحطلج احلى جدول واذا تبين احطة الحين ماعندي اي مانع باجر بحطلج اياه لاني تعبانة وشابكة عشانكم ​

 

[روح غلاها]

انا ذبحني المرض وحساسيه بخشمي والنشله اووف

امس حطيت مايونيز + عسل

وغسلت شعري ماي وسدر

وفركت شعري بصابونة الغار

وفرشت اسناني بسيجنال مبيض

وفركت جسمي بالصابونيه

بس بنات طاح من شعري وايد تتوقعون عشان الدوره؟

وقعدت الصبح غسلت بصابونة الغار وفرشت اسناني

وحطيت الحمايه فوقها مرطب

ورديت غسلت ويهي وريولي بصابونة ديتول وحطيت حمايه ومرطب وطلعت رحت بيت يدتي فديتها

ولما رديت مسحت ويهي وايدي ورقبتي وريولي باسكينول وتوني غسلت ريولي وويهي بصابونة الغار وفرشت وحطيت الحمره السحريه روعه

 

[يالبا قلبي]

ان شاءالله يقلبي بس تولدين بسلامة بحطلج احلى جدول واذا تبين احطة الحين ماعندي اي مانع باجر بحطلج اياه لاني تعبانة وشابكة عشانكم ​

يابعد عمررررررررررري والله

اي والله اتمنى .. اتطرج:klhfl:

 

[بنت آل فهد]

الدلع
حبيبتي حبيت اسئلج عن حمام زيت فاتيكامع السدر انا ماعندي فاتيكا عندي بناويل بي الخوخ عادي احط معه السدر

 

[eldalla3]

الدلع
حبيبتي حبيت اسئلج عن حمام زيت فاتيكامع السدر انا ماعندي فاتيكا عندي بناويل بي الخوخ عادي احط معه السدر

اتوقع ان عادي بس انا ارتحت حق فاتيكا ​

 

[eldalla3]

يالبا قلبي هذا برنامج عنايتج وقت لنفاس اتمنى يعجبج واي سؤال انا موجودة

شوفي يقلبي اول 10 ايام من النفاس ماتسوين اي شي بس مجرد انج تهتمين بالاكل وسوالف لنفاس والله ما اعرفها لووووووووووووووول وبعدها تيبين وحدة تردج عدل وراح يبقالج من الاربعين 30 يوم راح ابدالج من الشعر لي اصابع ريولج
بالنسبة للشعر استعملي زيت نارجيل او جدايل تحطينهم بس مرتين بالاسبوع مدة ساعتين مو أكثر وتغسلين شعرج بشامبو بانتين وبديل الزيت مالة وطبعن تكونين مسوية بخاخ سدر اخذي بطل ماي الحجم العادي وحطي معاه قفشة سدر خلي لي ثاني يوم بعدها زلي وخلي بس الماي وحطي ابخاخ وحطي بثلاجة وسمي تونيك السدر لووول وهذا تستعملينة كل يوم بخي على شعرج وعجفي ومرة بالاسبوع حطي قفشة حمام زيت فاتيكا مع قفشة سدر صغيرة وسوي بخار حق شعرج مدة ربع ساعة وغسلي بس بماي بدون شامبو وهذا الشعر خلصنا منة

الحين الوية تختارين كريم يبيض وانصحج بفير اند لفلي حطي بليل والصبح غسلي ويهج بخلطة صابونات عبارة عن ( صابونة مرة-الببايا 4في 1- جونسون باللوز) بشريهم كلهم وصبي فوقهم ماي ورد واستعملي ثاني يوم ولو تقدرين تغسلين فية مرتين باليوم عادي وفير اند لفلي اذا تقدرين هم مرتين باليوم بعد احلى زيادة الخير خيرين ويوم بالاسبوع سويلج ماسك قفشةروب+ قفشةخميره +قفشة شوفان مطحون + قفشة شاي حبه سوده هالماسك ايننن واذا تبين حطي قفشة شاي من ماي المره معاهم عشان الحبوب اذا موجوده تنشف طبعن كلة قفشة الشاي لصغيرة راح يعطيج نظارة ونفخ خفيف حق خدودج ولاتحطين على الخشم وخري عنة ومرة بالاسبوع سوي هالطريقة هذي يبي جهاز البخار مال البشرة اول شي غسلي ويهج بخلطة الصابونات وبعدها حطي ميلك على ويهج خمس دقايق ومسحي بقطنة وخلي ويهج بالبخار مدة 10 دقايق ولاتقربين ويهج حيل حق البخار بعدها وخري عن البخار وحطي قفشة سكر صغيرة مع زيت زيتون وسوي سكراب عالخفيف حق ويهج مدة دقيقتين بعدها مسحي بقنطة فيها ماي دافي وبابونج ويبي لزقات الخشم وحطيها عشان الروس السودة واخر شي يبي ثلجة تكونين انتي مسويتة ماي ورد وحليب بودر سوي مكعبات اخذي مكعب واحد وحركي على ويهج لين تذوب الثلجة ويبي اكلينكس وطبطبي على ويهج لاتغسلينة وهذا الوية وخلصنا منة

الحين الجسم اول شي استعملي الخلطة الصابونية اتينن وقبل الحمام بساعتين حطي خلطة زيوت زيت لوز مر وزيت جلسرين بس لاتكثرين نوعين حلوين وخلطي معاهم كريم جلسويد الاحمر ونشا وسكر واول ما ادشين الحمام استعملي صابونة عادية عشان توخرين الزيوت وانصحج بصابونة فير اند وايت الي بفيتامين سي موجودة بالصيدلية وبعدها الصابونية واخر شي خلطة لندن عباره عن نصف صنفرة كاب ونص كيس ملح الحليب وملعقة كركم وملعقتين نشا واربع ملاعق حليب بودر وقبلها اخذي ليمونه قطعيها اربع قطع وحطي معاها ماي اشويه وسخنيها بعدين احط ماي الليمون على جسمج كله
بعددين حطي النشا وفركي بحركات دائرية لين ينشف وبعدها الخلطة على طول واذا طلعتي دهني جسمج بخلطة الكريمات هذي عشان تشد الجسم لوشن نيفيا للشد ولوشن دوف للشد واذا تقدرين قبل لاتنامين مافي مشكلة مع مساج خفيف لين البشرة تتشرب الكريم هذا الجسم وخلصنا منة

الحين الرموش والحواجب استعملي زيت خروع مع نواة تمر مطحونة ومحمصة عشان يكثفهم واذا بغيتي تحفين حواجبج وتغيرين رسمتهم تقدرين وحق الاندر ارم استعملي هالديودرنت حيادر تسوي وصج صج يهبل

نص استكانة زيت جلسرين
نص استكانه زيت ليمون
مقدار قفشتين شاي شبة مطحونة
قفشتين شاي ملح الحليب يوكو
قفشتين شاي ملح الببايا يوكو
تخلطينهم عدل مدل
سوية وحطيته في غرشة الديودرنت مالت fa او اي نوع المهم يكون في رول

ولشفايف فازلين مع ماي كركدية عشان ينعمهم ويخلي لونهم وردي

وحق ادينج وريولج فازلين وزيت زيتون دفيهم على النار ودهني فيهم ولبسي جيس بلاستك وفوقة دلاغ متين لريل وللايد دسوس الي نلبسهم اذا بغينى نسوق
وطبعن لاطلعتي من الاربعين روحي الصالون شيرة وحف بدكير ومنكير وحمام مغربي وشعرج سويلة حمام زيت وسوي في الي تبينة تغيرين لونة او القصة على راحتج
وسلامتج هذا الجدول وخلص حطيتلج اياه بالتفصيل وترى مو صعب سهل وايد وان شاءلله توليد بسلامة وتقولين لي نتايج الي راح تسوينة ​