( الفتاة الهاربة ) قصة واقعيه عن بنت كويتية هربت من الدنيا الى الشارع

[ReRez]

الحين بروح انام واذا قمت أول ما افضى احط لكم بارت .. تصبحون على خييير ^_^

 

[PinKiSHo]

يعطييييييييييج العااااااافية انا متربعة بنص الموضوع ومندمجة

يووما كسررررت خاطري مناار اخييه رفيجتها ليش جذي هاا مهووو عاد يعنيلي هالاسم واايد لوووول
ولاتقطعيين البارت واايد شوقتينا حدج
الله يهداج صايرة جنج قناة الكويت لما نووصل قمة الاندمااج والاثارة وترقب اللحظه الحااااااسمة بالمسلسل فجـــــأة تطلع دعاية بيتزا بيتزا !!

 

[Sara.M]

يعطييييييييييج العااااااافية انا متربعة بنص الموضوع ومندمجة

يووما كسررررت خاطري مناار اخييه رفيجتها ليش جذي هاا مهووو عاد يعنيلي هالاسم واايد لوووول
ولاتقطعيين البارت واايد شوقتينا حدج
الله يهداج صايرة جنج قناة الكويت لما نووصل قمة الاندمااج والاثارة وترقب اللحظه الحااااااسمة بالمسلسل فجـــــأة تطلع دعاية بيتزا بيتزا !!

:dddds::dddds:

بيتزا بيتزا لوووووووووووووول ​

 

[ملآمح يوسفيه]

يالله متى ينزل بارت اليديد




​

 

[مشــآإآإعـــر آنثىآ]

روووعــــــة ناطرينج حووبي

 

[ԊoŅeƴ]

يعطيج العافية

قصة روووووووووووعة

ناطرينج

 

[sindrella]

واااي و أخيرا بتتكلم

تدرين شنو أكثر شي عجبني بقصتج غير الفكره طبعا

إنه الخط مريح للعين لأني متعقده من الخطووط الصغيره :\

سي يوو باجر

 

[P!NKia]

حدى اندمجت لى قطعتى علينا
بس ماعليه ننطر البارت بس نبيه طوووويل

 

[خلودهـ]

والله مو بس مندمجة ال مندمجه لووووووووووووول

ايه نبي البارت اليااي طوييييييييييييييييييييييييل لووووووووووول

 

[q8ya-barby19]

بدايتها حلوه مع البارتات قصيره بس تشوق

يعطيج الف عافيه متابعتج

 

[مـ سهله ـو]

ناطرينج وحاولي حبيبتي تطولين البارتات لاني خلصتها بربع ساعه

 

[MEMO GirL]

مشالله عليج !
القصه حلوة
بلييييز كملي نااااااااطرينج

 

[ميسوره]

للحين نايمه لووووووووووووول
متى التكمله اندمجنا نبي نعرف السالفه

بيتزا ... بيتزا

 

[خـوخه]

واااااااااااااااااااااااااي مو صج موصج القصه حدها اتينن اخيييييييييييييييييييييييييييتكفى انا بزور الحين عفيه نزلي البارت لاطولين

 

[رفاعية19]

وااااااااااااااي يلاااااااا كملييييييييييييييييييييييييييييييييي

 

[إيمي1987]

موووووووووووووفقه يا رب

ناطرييينج

 

[ReRez]

لووووووووووووووووووول ظحكتيني على بيتزا بيتزا

بس بنات انا نزلت البارت القصير جذي مني لكم هدية عشان بارت الحيين يكون بروووحه احلى

وسامحوووني والله والله عندي شغل بوربوينت حق ناس والمشكله لازم اسلمه لهم يوم الأحد وانا للحين بأول شي :eh_s(16):
وكل هذا والله عشان ما اقصر عليكم بالقصه :eh_s(11):

والحين بنزل لكم بارت اليوم عشان اقدر اتفضى حق البوربوينت واكمله :icon30:

 

[ReRez]

** البارت السابع **

علي : اذا مو مرتاحه خليها وقت ثاني
منار : لا انا بقول الحين
منار : ( تتكلم بهدووء عشان تسيطر على نفسها ) انا كنت اعيش مع امي وما اشوف ابوي الا نادر يمر دقايق ويمشي وماعندي خوال ولا اعرفهم لأن امي بحرينية وتزوجت ابوي واهلها مو راضين فقاطعتهم من يومها وعاشت بالكويت بس ابوي طلع متزوج وصارت مشاكل بين امي وابوي وبعد سنه من زواجهم طلقها وخلانه نعيش بروحنا
ماكان لي الا اهي وأحمد .. ( تدمع عينها ) .. هذيله اللي كنت معتبرتهم عايلتي الوحيده
علي : أحمد منو بالظبط؟
منار : ( تمسح دموعها وتتكلم بهدوء بدون بجي ) أحمد شخص حبيته عرفته من اربع سنين ماكان يقصر علي بأي شي .. ( تبتسم وعيونها كلها دموع ) والله كان يحبني اتعرف الشخص اذا يحبك او لأ من تصرفاته واهو والله كان يحبني
علي : ( ساكت يسمعها )
منار : ( تفرك اصابعها عشان تخفف من رجفة ايدها ) و قبل سنتين ... الحمدلله على كل حال امي توفت ( تبلع ريجها تكمل له السالفه وتتذكر)

(( قبل سنتين ))
- بالمستشفى -
منار يم فراش امها وقاعده تهزها : ( بصراخ وبجي ) يمه .. يمه قومي .. يمه انا مو مصدقه كلامهم انتي مايصير تروحين وتخليني
الدكتور : يا بنتي استغفري ربج وتعالي معاي
منار : ( اتدز ايد الدكتور وتصرخ ) وخر عني .. كلكم وخرو عني انتو جذابين امي ماماتت فاهمين ما ماتت
( تلم امها وتبوس عيونها وراسها وخدها ) : يمه حبيبتي قوومي انا منو عندي من لي من بعدج ماعندي اهل يا يمه
( الدكتور يحاول ياخذها بره الغرفه واهي مو راضيه توخر عن صدر امها )
منار : ( تصرخ واهي ميته بجي ) انت ماتفهم اقولك وخر عنيييي لحد يقرب مني اطلع بره اطلع من اهنييي
منار : يمه يالحنون يا كل دنيتي ليش خليتيني حتى ابوي ماعرفه عدل اشلون اعيش معاه يمه اشلووون
( الدكتور أشر حق الممرضه عشان يطلعون من الغرفه ويخلون منار شوي مع امها )
بطلعة الدكتور دش أحمد الغرفه
أحمد : حياتي منورة
منار : ( لمت احمد وميته بجي ) أحمد امي راحت وخلتني .. شسوي الحين اشلون اعيش
أحمد : ( واهو لامها ) أدري ماكو احد يعوضج عن امج بس انا موجود وماراح اخليج تعوذي من ابليس وهدي نفسج
منار : أحمد لاتخليني مالي احد الحين الا انت
أحمد : اخلي أهلي وربعي ودنيتي وما اخليج .. يللا الحين امشي قعدي بره
منار : ( وخرت عنه وارجعت عند امها و انسدحت يمها ) لأ روح انا شوي بنام عندها .. بنام يمها للمره الاخيره ( لمت امها و غمضت عينها والدموع تنزل على الفراش )
أحمد : مايصير تسوين جذي بنفسج قومي منورة قومي معاي
منار : ( واهي مغمضه عينها ) خلني شوي بنام
أحمد : على راحتج انا بنطرج بره
- - - -
- عند منار وعلي –
منار : ( تمسح دموعها ) أحمد تم واقف معاي وماخلاني
بس بعد العزا ابوي خذاني اعيش في بيته اللي ماشفته ولا مره بحياتي يعني اول مادشيت بيت ابوي وشفت اخواني عالطبيعه كان عمري 21
اخوي الكبير عمره 26 اسمه ناصر والثاني عمره 24 اسمه فهد من شفتهم وانا مارتحت لهم كانت نظراتهم فيها حقد وخصوصا مرت ابوي لأن محد كان يدري ان ابوي تزوج وعنده بنت فالكل كان كارهني حتى ابوي لأني سببت له وايد مشاكل .. مرت ابوي كانت تغلط علي وايد
وابوي مايقولهم اي شي مخليني جني قطعه من اثاث البيت ولا يسأل عني واخواني امنعوني من الجامعه وقعدوني بالبيت وما اطلع كلش
( تبجي وتمسح دموعها وتتنفس عشان تهدا شوي )
علي ( لأول مره طبعا حط ايده على ايدها عشان تهدا وقلبه يعوره كاسره خاطره )
منار ( وخرت ايدها واقعدت تفرك اصابعها ) : علي انا بنت وعندي احتياجاتي الخاصه ماقدر اكلم اخواني فيها ومرت ابوي ماكنت اتجرأ اطلبها لأنها تقومني بالسب وتنومني بالسب
كنت فاقده امي فاقده حنانها وفاقده الراحه بس اللي خلاني اتحمل اهو احمد
ومها رفيجتي بالكليه قبل .. أحمد كان يكلمني بالتلفون كل يوم يشجعني اني استحمل واهو كان بيكمل دراسته بره وماكان يتحمل فراقنا والمعامله اللي يعاملونياها وقبل شهر قرر اني انحاش معاه ونتزوج ( تسمح دموعها ) انا على طول وافقته لأني والله أحبه وابيه يطلعني من اهناك بأي طريقة
( تبجي وتسكت شوي وترد تكمل ) و انحشت معاه بس ماقدرنا نتزوج
لازم ولي امري موجود .. فكر معاي بطريقة نجبرهم يزوجونا حتى لو زواج مخفر .. علي انا .. ( تبجي ) .. انا كنت ابي اي طريقة تخليني اعيش مع احمد انا بهالسنتين اللي كنت فيها عند ابوي والله مادري اشلون عشتهم .. كنت راح اموت
علي : ( حس شي يعصر قلبه وكان متضايق وايد ) زين هدي شوي
كمليلي باجر حاولي ترتاحين وتنامين الحين
منار : لا .. ابي اكمل الحين
علي : ( ما وده يسمع اكثر لأن كان متضايق بس مابغى يكسر فيها ) اوكي كملي
منار : ( تمسح دموعها وخشمها ) بس ناصر لقاني ( تبجي حيل )
علي : ( حط ايده على جتفها ) خلاص منار مو لازم تكملين الحين .. يللا عفيه قومي روحي الغرفه ارتاحي
منار : لا علي خلني اكمل تعبت وانا خاشه بقلبي تعبت ( اقعدت تبجي أكثر )
علي : ( علي يهديها بأي طريقة يقدر لين اسكتت )
منار : حاول أحمد يوخره عني بس آخر شي ناصر قدر يرجعني البيت .. ( تكمل اللي صار وتتذكر)

- في بين ابو ناصر -
ناصر : ( يصرخ على ابوه ويدز منار عالارض ) هاك بنتك الوصخه ماحبيت اضيع عمري بالسجن بسبة هال.... ( مسبة عيب تنقال حق البنات الموزينين ) ورفيجها
( منار طايحه عالارض وميته بجي من اللي صار ومن الطق اللي طقها اياه ناصر بالسيارة )
ابو ناصر : ( قومها من شعرها ويوم صارت واقفة جدامه عطاها طراق قوووي خلاها اتطيح عالقنفة ) يالحقيرة انا يبتج اهني بعد ماماتت امج عشان لا تنقطين بالشارع .. تفو عليج وعلى امج اللي ماعرفت تربيج
منار : ( تبجي وماقدرت تسكت يوم سب امها ) لا تتكلم عن امي .. امي ماتخلت عن ضناها مثل ماتخليت انت عني
ابو ناصر : ( توه بيطقها ولا توقفه ام ناصر )
ام ناصر : يابو ناصر لا تتعب صحتك اقعد انت ارتاح اخوانها يربونها لك من يديد
فهد : ( يمسك منار من شعرها ويطقها كف ) يبه انت بس اشر وانا اذبحها.. عادي انا مستعد ادش سجن فيها
- - - -
- عند علي ومنار –
منار : ( تناشق ) ما انسى الطق اللي طقونياه وخذو تلفوني مني واحبسوني بالبيت حتى غرفتي نارد اني اطلع منها بس بعد جم يوم قدرت انحاش
منار : ( تتكلم وتبجي و ايدها ترجف ) كنت ميته خوف يا علي تخيل انحشت وفهد نايم بالصاله محد كان بالبيت الا اهو والله كنت بموت وانا اتسحب على اطراف اصابعي بس الحمدلله قدرت اطلع من البيت
علي : ( يمسك ايدها الاثنين ويضغط عليهم ) بس خلاص منار لاتكملين شوفي اشلون قاعده ترجفين خلااص مابي اسمع شي وابيج تطردين كل هالذكريات من راسج .. انتي بأمان الحين
منار : ( تسحب ايدها وتمسح دموعها ) اللي قلته لك كله شي تافه مقارنة باللي سواه أحمد .. ( تطق على صدرها ) طعنة الحبيب ماتروح
علي : ( يمسك ايدها ) خلاااص منار رحمي نفسج لاتسوين بعمرج جذي اللي راح راح انسي الحين
منار : ( تعلي صوتها ) شنسى؟؟ قولي شنسى؟؟ انسى اني وقفت على باب بيتهم وطلعلي اخوه وطردني واهو يقول : أحمد راح يكمل دراسته ويشوف مستقبله روحي بيتكم الله يستر عليج .. (تسمح خشمها ) انا اول شي ماصدقته وقلتله ماراح اتحرك الا لين تنادولي أحمد ولا افضحكم بالفريج كله بس بعدين ... ( اسكتت مده عشان لا تنفجر بالبجي مره ثانيه ) بعدين دق عليه جدامي وكان فتح الخط خارجي وحطه سبيكر وكلمه
قاله اني عالباب ومو راضيه اتحرك
- تتذكر –
منار : أحمد انت صج سافرت وخليتني؟
أحمد : منورة انا رحت عشان اشوف مستقبلي .. وانتي بعد شوفي مستقبلج
منار : ( دموعها تترس عينها ) أحمد والاتفاق اللي بينا .. شاللي صار؟ مو نفذت كل اللي تبيه بس عشان نتزوج؟؟؟
أحمد : ( ساكت )
منار : رد علي لا تسكت أحمد والاتفاق اللي بينا؟؟ احمد انت تدري اني أحبك ليش سويت جذي فيني ليييش؟؟
أحمد : انا بروح الحين الله يوفقج بحياتج ( سكر الخط )
اخو أحمد : يللا سمعتي ب بذنج ان مسافر وقالج روحي مايبيج توكلي على الله .. ( سكر الباب بويه منار )
منار ( واقفه مصدومه وادموعها تنزل على خدها )

- عند علي ومنار –
منار : وبس اهني صرت امشي بالشوارع مثل المينونه مو مصدقة اللي صار واغمى علي جدام سيارتك ( تبجي وتطالع علي ) علي انا تعبانه حيل ليش سوه فيني جذي؟؟
علي : (يمسح دموعها بيده ) خلاص منار لاتبجين هالعيون من اليوم راح تظحك ماراح تبجي ان شاءالله
منار : أكيد؟؟؟ أكيد ماراح يصيرلي شي بعد؟؟ اذا صار ماظنتي بتحمل اكثر من جذي راح اموت والله
علي : بعيد الشر عنج .. لا تطرين الموت .. والله ماراح أأذيج ولا اخلي احد يقرب لج
منار : ( بهدوء ودمعتها طاحت على خدها ) اشلون اصدقك وحبيب الاربع سنين طلع جذاب
علي : ( حس بطعنه بصدره ) منار انتي ماتعرفيني عدل ومن حقج تشكين بكلامي .. بس أحمد غير وعلي غير
علي : ( يبتسم لها ) يللا قومي معاي غسلي ويهج ومن اليوم تنسين كل اللي صار وتقطينه وراج
( غسلت ويهها وخلاها اتدش الدار وتنسدح وماطلع من الشقه الا يوم نامت )

 

[ReRez]

أتمنى يكون عجبكم البارت انا الحين بطير اسوي البوربوينت لأنها مسكينه تبيه عالأحد فكلش ماعندي وقت ..
سي يو

 

[سمو الفقيره]

حبيبتي يعطيج الف عافيه و ناطرين البارت الياي على نار