( الفتاة الهاربة ) قصة واقعيه عن بنت كويتية هربت من الدنيا الى الشارع

[برونزيه كويتيه]

يعطيج العافيه و نااااطرينج مو طولييين

 

[Sara.M]

يعطيج العافيه .. احس انها متزوجه !! كمليييي ناطرينج

 

[P!NKia]

كملى

 

[رفاعية19]

ويييييييييييييييييييييييييييييييييييييييييييييييييييييييين البارت اليديد؟؟؟؟؟؟@@@@
قلتي كل يوم الصبح انزل بارت.............؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!

 

[n00ni]

يعطيج الف عافيه
كملي حبوبه
نبي شويه اكشن

 

[مشــآإآإعـــر آنثىآ]

الرواااية عجييييبة ناطرينج حوبي وربي اسلوبج يخلي الواااحد يندمج معاااج

 

[ma3boocha]

حراااااااااااااااااااااام والله علي يكسر الخاطر و على نياته..
وايد مطول باله عليها....

الله يعطيه على قد نيته





و ناطره بارتج اللي الفير

 

[كاسبرينوو]

كبدايه حلوه
يعطيج العافيه علي ليلحين مسكين ويونننننننننننننننننننس ودمه خفيف:dddds:
بس الله يستر منه ومن اللي ياي _03BA:
ناطرينج : :eh_s(6):

 

[sindrella]

أمبيه علي إينن حيااااااااااااااتي حبيته <<<<<إنشالله ما أبجي هههههههههههههههه


يعطيج العافيه حبووووبه ^_^ ناطرين البارت اليديد

 

[مووووني]

ماكو شي اليوم

 

[حياتي معاناة]

بداايتهاا حلووووووووووة مو حلوووة الا رووووووووووووووووووعه

بللا حبيبتي نااطرينج
يعطيييج العااااااااااااااافية
بس مو كنه الباارت قصييير؟؟>>> احسج بتكفخيني لووول

 

[PinKiSHo]

روووووووووووووووووووعة حدي اندمجت ترى يالله كملي

بس عفيه طولي البارت ترى وايد قصير

 

[ReRez]

بعد عمري بنااااات اعتذر .. اخلفت في وعدي (بس) والله ماودي كل الظروف ضدي (وادري ان) الانتظار مملوووول
غلطه (يابنات) وانا المسؤووول :dddds:

بس كان عندي اليوم استقبال وحدي متكسره والله اني للحين بالمكياج لووول المهم بنزل لكم بارت بعد نص ساعه ويت
:ggdw:

 

[كويتيه منكم وفيكم]

القصة حلوه بس التعلق كلش مو حلو عفية بطلو من هالتعلق خل نقرى عدل وما نمل نزلوها كامله عشان ما نمل ونبطل نقرى قصصكم

 

[ReRez]

القصة حلوه بس التعلق كلش مو حلو عفية بطلو من هالتعلق خل نقرى عدل وما نمل نزلوها كامله عشان ما نمل ونبطل نقرى قصصكم

حبوبه انا كاتبه اني مو مكملتها للنهايه يعني قاعده اكملها وانزل بارت وارد اكمل وانزل جذي يعني ولو عندي اياها كامله
جان لقيتي البارتات كلهم مسطرين وره بعض وما اعطلكم بس شسوي اللي اكتبه قاعده انزله لكم ..
تسلمين عالمرور

 

[ReRez]

** البارت الخامس **

علي : يللا نوم العافيه ( سكر التلفون ) .. والله هالبنت مسكينه الله يفرج همها
- - - - - -
طفل صغير اسمه عمر عمره 3 سنوات ونص دش غرفة علي ركض ونط عالسرير وقعد يناقز
عمر : قوووم عليييييي .. قوووم قوووم .. يللا قوووم علي قووووم
علي : ( يصرخ ) عموووووووووووور انزل من السرير واطلع بره لا اطقك
عمر : ماما تقووول غدا الحيييييييين بسرعه
علي : ( فز فتح عينه ) غدا؟؟؟ ليش الساعة جم؟؟
عمر ( يناقز عالسرير ) : هاا؟؟
علي : شوف من قاعد اسأل بس .. وخر عني ولاتنقز لا اطقك من صج هالمره
عمر : ( يقعد بحضن علي ويلمه ) حبييبيي علييي
علي : ( باس عمر ) عليك حركااات تخرع هذا وانت طول الاصبع يللا حبيبي روح اطلع وقول حق ماما علي مايبي غدا بيطلع بره عنده شغل زيين؟؟
عمر : هاا؟؟
علي : اووهووو قولها مايبي اكل يللا اطلع بره
عمر : زين ( طلع بره يركض )
علي : ( يطالع الساعه ) الساعه وحده وللحين مايبت لها شي تاكله خل اقوم بسرعه ابدل واطلع ادق عليها بالطريج

تحت بالصالة الصغيره على طاولة الطعام قاعدين ام علي وعمر الصغير وعثمان ( عمره 22 ) وعالية ( عمرها 17)
مر علي عالصاله الكبيره بيطلع بره
ام علي : علي تعاال اكل وين رايح ؟؟
علي : يمه والله مستعيل ماقدر معزوم عالغدى ومحد قعدني فحيل متأخر
عاليه : انت لو قايلي جان قعدتك انا قاعده اليوم مبجر
علي : مادري نسيت .. يللا انا ماشي مع السلامه
ام علي : يمه دير بالك
علي : ان شاءالله يللا باي
عثمان : يمه ابي سيارة يديدة
ام علي : يمه واشفيه الهمر ؟؟
عثمان : يمه زهقت منه وبعدين خلاص الكويت كلها اتش ثري بغير
عالية : اي يمه ييبيله بورش عشان السنه اليايه انا اسوق الهمر
عثمان : تخسييين شنو بنت تسوق همر ماكو شغل انطمي بس انتي حدج التيما
عالية : زين لاتسب
عثمان : غصبن عل...
ام علي : ( تقاطعه ) خلاااص بس عاد احترموني او حترموا النعمة شوي وبسكم نجرة
عمر : خلاااص بس نجرة
الكل ظحك على عمور وكملوا اكلهم
- - - - - - -
بالسياره علي يتصل على الشقه بس محد يرد ..
علي : ( بقلبه ) وين هالبنت ماترد .. زين اخاف ماتاكل عيش .. بس احسن من الصمون خل اييب لها مجبوس دياي احسن شي ..
- - - - - - - - - -
منار توها افتحت عينها اقعدت اتطالع المكان تبي تتذكر اهي وين
منار : ( قامت بسرعه ) جم الساعه الحين ( قامت اتدور ساعه مو لاقيه ) .. انا قلت لازم اروح اول مايطلع الصبح خل اقوم بسرعه اسبح واطلع

دشت الحمام عشان تسبح عالسريع .. اقعدت اتشم الفوطه ..
منار : والله ياخوفي مو نظيفه بس شسوي لازم اسبح ..
سكرت عليها الباب ( الحمام في نور من الدريشه الصغيره )
- - - - - - - -
علي وصل عند باب الشقه يطق الجرس مره مرتين ثلاث محد يرد
دق عليها هم ماكو رد ..
علي : وينها لايكون راحت؟؟ ( يرد يطق الجرس وناطر )
( منار توها طالعه من الحمام ولافه عليها الفوطه وشعرها مبلل يقطر ماي واسمعت الباب والجرس ينطقون مع بعض خافت قلبها بغى يوقف )
منار : ( راحت يم الباب واتشوف من العين السحريه )
منار : علي؟؟ بقلبها ( اشلون راحت علي نومه؟؟ كنت بطلع من هالمكان قبل لا يرجع )
علي : بطلي الباب العمارة كلها اسمعتني اكسر الباب وانتي ماسمعتي؟؟
منار : لحظه بس شوي وابطله زين؟؟
علي : بطليه الحين موقفتني ساعه بره خلصيني يللا
منار : ( بطلت الباب شوي وطلعت راسها وشعرها يقطر ماي عالارض )
منار : ( تتكلم واهي بتمووت من الاحراج ) آسفة بس كنت اسبح بخلي الباب مطرف و اروح داخل عشان ابدل انطر ثواني بعدين دش اوكي؟
علي : ( منحرج ) اوكي .. ( نطر دقيقة بعدين دش وشايل معاه جيس الاكل حطه عالارض وقعد عالقنفه ناطرها )

منار بالغرفه تنشف جسمها وشعرها والبست ملابسها واقعدت عالسرير اتفكر بالحاله اللي اهي فيها ووين اوصلت
منار : ( بقلبها ) اشفيج يا منار قاعده بشقة شخص غريب توج امس صادفتيه .. الله يسامحك يا أحمد ( حست ان ودها تنفجر و تبجي بس تعوذت من ابليس وقررت تطلع حق علي )
دشت منار الصاله التفت عليها علي وقعد يطالعها ( كان شعرها القصير مبلل ويهها حلو بريء و مافيه مكياج )
علي : ها اشلونج اليوم؟؟ ان شاءالله نمتي عدل؟
منار : ( اقعدت بطرف القنفه ) معني ما اذكر متى نمت بس الحمدلله نمت وارتحت ..
علي : ( يسوي روحه يفكر ويعصر مخه ) نمتي بالظببط يوم البطه السوده تبجي اتدور اهلها
منار : ( تظحك )
علي : ( بقلبه ) حلوه ظحكتها
علي : زين خل اييب الطاوله اللي بالغرفه عشان احط الاكل عليها
منار : لا خلك .. انا اييبها
منار راحت يابت الطاوله ( الكوميدينا الصغيره ) وحطتها جدام علي
علي : ها تسمحيلي اكل معاج؟؟ تره ماتغديت والله
منار : ( تبتسم ابتسامه فيها حزن ) اي اكيد
علي بطل الاكل وقطع لها دياي واهي قاعده تاكل عالبطيئ وتسمعه ياكل و يسولف بس بالها ماكان معاه وسرحانه
علي : ( يحرك ايده جدام ويه منار ) هاا وين رحتي
منار : ( تهد القفشه ) ولا شي بس الحمدلله شبعت
علي : ماكليتي شي؟؟
منار : بلى الحمدلله شبعت .. و مشكور وايد انا لازم امشي الحين
علي : تمشين!! .. وين بتروحين؟
منار : ( تدور اي عذر عالسريع ) بروح بيت رفيجتي
علي : اكيد عندج مكان تروحين له؟؟
منار : ( اوقفت ) اي ويللا انا ماشية
علي : ( وقف معاها ) يللا عيل اوصلج بطريجي
منار : لا لا مابي اكلف عليك انا اروح بروحي
علي : في احد معين بياخذج يعني؟؟
منار : لا ماكو .. بس انا اتصرف انت ماقصرت معاي مشكور
علي : ( قعد عالقنفه واشر لها ) قعدي شوي
منار : ( اقعدت واهي ساكته ماقالت شي )
علي : منار صارحيني ولا تقصين علي .. انا ادري ان ماعندج مكان تروحين له وانج ماتبين تقعدين بشقة شخص غريب عدل ولا لأ؟؟
منار : تهز راسها .. عدل
علي : والله يا منار اني ماراح اضرج بشي وهالشقه اعتبريها لج لين الله يفرجها عليج .. و لو تبيني ما ايي حااضر من عيوني اييب ثلاجه صغيره واعبيها اكل وماي وماتشوفيني واتطمن بالتلفون بس .. زين جذي؟
منار : ( منزله راسها بالارض وتحس بعوار ببلعومها لأنها حابسه دموعها غصب )
منار : لا مابي تسلم ماقصرت بس انا لازم امشي من اهني
علي : زين فرضا سمحتلج وخليتج اتروحين وقعدتي تمشين بالشارع وماعندج مكان محدد تروحين له .. ووقف واحد حقير وركبج معاه غصب واذاج؟؟
منار : ( ارفعت راسها وطالعته بعصبيه وغصب ماسكه البجية )
علي : اي لاتطالعيني جذي انا شاب واعرف ان في شباب وصخين وايد محذفين بالشوارع
منار : ( لفت ويهها عنه عشان لايشوف دموعها ) لا تحاتي ما اركب الا مع مره
علي : ( يظحك ظحكة استهزاء ) لا يعني الحريم الحين مسكتين .. يا كثر ماسمعنا سوالف ان حريم خدروا بنات وودوهم حق رياييل ..
منار : ليش تخوفني اكثر ؟؟ ماحب اسمع جذي كلام
علي : اي لأن هذا الصج
منار : ( انفجرت واقعدت تبجي من قلب )
علي : ( يطالعها ومايدري اشلون يواسيها قعد يدور كلينكس بجيس الاكل وعطاها اياه )
علي : هاج مسحي دموعج ولا تبجين .. انتي اهدي وقوليلي مشكلتج وانا والله مستعد اساعدج على قد ما اقدر
منار : ماتقدر تساعدني محد يقدر يساعدني
علي : انتي بس جربي وقوليلي اشتخسرين
منار : ( تبجي من قلب ) انا.. امي من قبل سنتين (تبجي وتناشق وتمسح خشمها )
علي : لحظة مسحي دموعج وتنفسي ارتاحي بعدين سولفي على راحتج
منار : ( تتنفس وتمسح دموعها ثواني بس وترد تبجي مثل الياهل اللي ضايع من اهله )
علي : لا جذي عيل خلاص يبه هونت مابي اعرف الموضوع .. قومي غسلي ويهج وامشي معاي
منار : ( تحاول تسيطر على نفسها وماتبجي ) ( بصوت مخنوق ..) : وين؟؟
علي : نتمشى اتشمين شوية هوا وارجعج اهني
منار : بس ..
علي : ( يقاطعها ) لا بس ولا شي مابي اسمع اعتراض يللا قومي غسلي ويهج ناطرج
منار دشت الحمام وغسلت ويهها واقعدت اتطالع عيونها بالمنظره كانو متفوخين وحمر من كثر البجي مشطت شعرها باصابع ايدها اساسا اهو كان ناعم بس لأن توه بدى ينشف منه الماي فصاير متعفس شوي
اطلعت من الحمام لقت علي واقف يم باب الشقه وبيده مفتاح سيارته
علي : يللا نمشي؟
منار : يللا
اطلعوا واهو قفل الباب وانزلوا تحت والحمدلله ماصار لهم اي موقف بايخ مثل اللي صار امس
اركبت بالسياره يمه وكل شوي تتلفت
علي : ( لاحظ انها مرتبكه ) لا تخافين ان شاءالله مايصير الا كل خير
علي : ( طلع نظارة شمسية من درج السيارة ) هاج لبسيها شمس الكويت مشكلة
منار : ( خذتها منه والبستها وتمت اتطالعه واهو يسوق من غير لا ينتبه لها )
( علي طويل وعريض.. اسمر حنطاوي شعره اسود حواجبه عراض ومرتفعين مخليته يبين جنه عصبي خشمة مسلول .. و شواربه اخفاف ولحيته ديرتي يعني ملامحه على بعضها ماعطيته جاذبيه غريبه )
منار : وين راح نروح ؟
علي : تبين نتمشى عالبحر؟؟
منار : لا اخاف اشوف احد اعرفه اهناك
علي : زين انتي ماكليتي شي .. امشي انروح نتغدى
منار : لا مو يوعانه كليت
علي : زين انا يوعان اشلون يعني اموت من اليوع ما اكسر خاطرج؟
منار : انت اطلبلك أكل .. انا شبعانه مابي آكل
علي : لا انا خاطري بأبل بيز
منار : اوكي
( أغلب الطريج كان هدوء ومرات علي يقط قطات مليقه يحاول يظحكها بس اهي اغلب الوقت سرحانه بالشارع )
( اوصلوا عند ابل بيز البحر علي سفط السيارة وطالع منار )
علي : يللا مشينا واذا ماتبين تفصخين النظاره خليج لابستها لين نقعد داخل
منار : اوكي

اتمنى يعجبكم البارت وماتقولون عنه قصير :eh_s(1):

 

[ReRez]

تسلمون بنات فردا ً فردا ً عالمتابعه ^_^

 

[syda-ml38a]

ماشاءالله علييج اسلوبج حلووو بالكتاابه ,,

والقصه عجيييبه ,, ناطرين البارت اللي بعدووو

 

[over love]

القصه حلوه وتشوق من البدايه كملى متابعينج

بخصوص البارت والله قصير صراحه

 

[جـــوؤوؤوري]

يعطيــج العــأإأإأفيــه البــأإأإأرت نــأإأإأيــس
تســـلم انــأإأإأملج قلــبــوش ونـأإأإأطريــن البــأإأإأجي
متشــوؤوؤقــه اعرف ســأإأإألفــة منــأإأإأر :eh_s(6):
لا تطــوؤوؤلين حيـأإأإأتـوؤوؤ

تحيـ ـ ـ ـأإأإأتـ ـ ـ ـي​