تجمع لبنات الشريعه ^-^ ...

[نور اهلها]

السلام عليكم

شلونكم بنات ؟ شخباركم؟

انا حدددي شايلة هم البحوث ماشالله تبارك الرحمن الكورس هذا اغلب دكاترتي يبون بحوث و بحوث مو سهلة كل بحث يقول الزود عندي

ايييه الله يعين


صج شرايكم باجواء الانتخابات بالكلية

انا استانست انه في قائمة ثانية تنافس عشان قائمة الشريعة تزيد نشاطها و مو يحطون ببالهم انه كل سنة تزكية فنلقاهم نايمين

القائمة الجديدة اسمها طلاب الشريعة البنات يقولون برعاية الدكتور فلاح مندكار

الله يوفقهم و ينجح الاصلح
:tek:

وعليكم السلام عيل سويهم الحين ولا تتكسلين عشان ما يتكودون عليج
انا بعد استانست انه انزلت قائمه يديده على الاقل يصير في حركه وتنافس :ggdw:

 

[نور اهلها]

انزين بنات منو ما خذه مادة دعوه عند سعود الدوسري الساعه 8
بليز اتقولي متى امتحانهم الفاينل لانه بمتحن مع شعبتهم ان شاء الله

 

[shomo0ok]

بسم الله الرحمن الرحيم

والصلاة والسلام على رسول الله محمد صلى الله عليه وسلم وعلى اله وصحبه اجمعين

بنات حبيت اكلمكم عن قائمه الشريعة شوي

شنو انجازاتها؟؟

وشنو راي الدكاتره فيها؟؟







اولا انجازات الشريعه::








ثانيا تزكيات جمعية الشريعة بقيادة قائمة الشريعه::









إن اصبت فمن الله وإن أخطأت فمني ومني الشيطان


وجزاكم الله خير

والله يوفق اللي فيه الخير والصالح .. امين

 

[الصدر الكتوووم]

بناااات فزعتكم مع قائمة طلاب الشريعة ..

تكفووون نبيها تفوووز عفية ...

 

[نور اهلها]

shomo0ok

الصدر الكتوووم

موفقين ان شاء الله
بنات ما رديتوا علي

 

[ضحاوي الديره]

ضحاوي ضحكتيني .. أضحك الله سنج ......... ههههههههههههههه ماظنتي يدرسون .......... كل من يرى الناس ..... كملوا هههههههههههه

انا ادري اهما لاهين بالدنيا

عسى هالضحكه دوووم حبيبتي .... :tek:


شرايكم اي قائمه راح نشرفها بأصواتنا...؟؟:dddds:

 

[الصيدلانيه]

مشكـــــؤوؤوؤورهـ حبيبتي وآإآيـد مـآإقصـرتي :tek:

​

العفوو يا قلبي
اذا تبين بعد تحت امرج....يا كثر ارقام المكاتب بتلفوني....والفضل لله اولا ثم للدكتور وليد ....من كثر ما عيزت وانا ادور كتابه سيفت ارقام المكاتب_03ba:

 

[الصيدلانيه]

اللهم ارحم اسماعيل مندكار ((ابو د.فلاح)) ....واجعل مثواه الجنه....وثبته عند السؤال....واجعل قبره روضه من رياض الجنه
اللهم أبدله دارا خير من داره...واهلا خيرا من اهله....وزوجا خير من زوجه....اللهم وافسح له في قبره ونور له فيه....اللهم اجعل قبره روضه من رياض الجنه ولا تجعله حفرة من حفر النيران
اللهم انك تعلم انه جمع كثير من الناس على الخير والصلاح في الدنيا فاجمعه مع الانبياء في الجنه

اللهم آمين....آمين

بنات لا تنسون هالريال الطيب من صالح دعاءكم...... والنعم فيه من ريال

 

[الصيدلانيه]

بنات بغيت اسألكم:

س1/ قائمه الشريعه اهي نفسها قائمه طلاب الشريعه؟؟ ولا كل وحده منهم قائمه؟؟
س2/في الازل القديم هههههه كانت الائتلافيه ((المعتدله/التربويه)) تفوز بالتزكيه في كليه الشريعه ولا شنو؟؟

 

[الصيدلانيه]

سبحان الله العظيم وبحمده

 

[أصدق شعور]

السلام عليكم ............

شلونكم ...........

منو فاز ؟؟ انا اليوم غايبة ,,,

مع تحيااتي

الكسوله

 

[أصدق شعور]

انا ماتهمني الانتخابات وهالسوالف صرااحه ..

بس دام القائمة ماسكها د.فلاح -الله يحفظه- بوقف يمها ........والله يوفقهم ....:

 

[ألمـــاس]

اللهم ارحم اسماعيل مندكار ((ابو د.فلاح)) ....واجعل مثواه الجنه....وثبته عند السؤال....واجعل قبره روضه من رياض الجنه
اللهم أبدله دارا خير من داره...واهلا خيرا من اهله....وزوجا خير من زوجه....اللهم وافسح له في قبره ونور له فيه....اللهم اجعل قبره روضه من رياض الجنه ولا تجعله حفرة من حفر النيران
اللهم انك تعلم انه جمع كثير من الناس على الخير والصلاح في الدنيا فاجمعه مع الانبياء في الجنه

اللهم آمين....آمين

بنات لا تنسون هالريال الطيب من صالح دعاءكم...... والنعم فيه من ريال

.. الله يرحمه .. ويتغمده بواااسع رحمتة

 

[الكويت مني وفيني]

بنات بغيت اسألكم:

س1/ قائمه الشريعه اهي نفسها قائمه طلاب الشريعه؟؟ ولا كل وحده منهم قائمه؟؟
س2/في الازل القديم هههههه كانت الائتلافيه ((المعتدله/التربويه)) تفوز بالتزكيه في كليه الشريعه ولا شنو؟؟

اجابة السؤال الاول::eh_s(6):

كل وحده غير.

اجابة السؤال الثاني::eh_s(6):

الائتلافيه قائمه تنزل بالاتحاد مو بالجمعيه

والسنين اللي طافت كانت قائمه الشريعه تمسك جمعية الشريعه بالتزكية.

 

[توته999]

عليكم السلام ورحمة الله وبركاته .. هلا وغلا توته .. انا معاج عند د. عبدالناصر اللوغاني .. يعني لو سحبتيها منو ينزلها غيره اهوا احسن واحد في قسمه .. وصج البحث شوي ثقيل بس حاولي تخلصينه امبجر عشان مايصير هم عليج والمشاركة شفتي شقال عادي اي شي لو سألتي والا جاوبتي يعني سهله ان شاء الله ..لاتحاتين الله بيسهل علينا ان شاء الله .. لي متى يصير نسحب؟

هلا حياتي نونا سامحيني على التأخير كانت عندي ظروف فما دخلت من زمان ومثل ماقلتي قاعده احاول اتأقلم
خوفي ماينزلها دكتور احسن منه واللي هون علي مذكرته سهلة بس البحث يااللله ماني لاقية مراجع:0bee2e8d89: انا بحثي عن الانكار في مسائل الخلاف احس وايد صعب
والسحب لي بداية شهر 11حبيبتي

 

[الصدر الكتوووم]

هلا الصيدلانه ..

لا حياتي كل وحدة بروح ..

يعني قائمة طلاب الشريعة غير جمعية الشريعة..

والله يوفق اللي فيه خير ان شاء الله ..

ومهما صار احنا خواااات ..,,

تحياتي .. الصدر الكتووووم

 

[alatrojja]

حبايبي بناااااااااااااااااااااااااااااات لا تنسون قائمة الشريعه

نبي أصوااااااااااااااااااااااااااتكم يالغااااااااااااااااااااالين

 

[alatrojja]

السلام عليكم ............

شلونكم ...........

منو فاز ؟؟ انا اليوم غايبة ,,,

مع تحيااتي

الكسوله

هلا والله حبيبتي

بس الإنتخابات باجر مو اليوم

وما أوصيكم شدوا حيلكم مع اخوانكم واخواتكم قائمة الشريعه الله يعافيكم:s142:​

 

[الصيدلانيه]

السلام عليكم ............

شلونكم ...........

منو فاز ؟؟ انا اليوم غايبة ,,,

مع تحيااتي

الكسوله

وعليكم السلام ورحمة الله وبركاته
هلااااا والله
على حسب علمي الانتخابات يوم الخميس
عسى ماشر ليش غايبه؟؟
وين وصلتي؟؟ انا بالجزء ال 13

انا ماتهمني الانتخابات وهالسوالف صرااحه ..

بس دام القائمة ماسكها د.فلاح -الله يحفظه- بوقف يمها ........والله يوفقهم ....:

اي د.فلاح في وايد
وغريبه ان دكتور يمسك قائمه

اجابة السؤال الاول::eh_s(6):

كل وحده غير.

اجابة السؤال الثاني::eh_s(6):

الائتلافيه قائمه تنزل بالاتحاد مو بالجمعيه

والسنين اللي طافت كانت قائمه الشريعه تمسك جمعية الشريعه بالتزكية.

اها
دامهم يفوزون بالتزكيه عيل ليش يبون اصواتنا

هلا الصيدلانه ..

لا حياتي كل وحدة بروح ..

يعني قائمة طلاب الشريعة غير جمعية الشريعة..

والله يوفق اللي فيه خير ان شاء الله ..

ومهما صار احنا خواااات ..,,

تحياتي .. الصدر الكتووووم

قائمه طلاب الشريعه اول مرة تنزل؟؟

مشكوورين بنات ع الاهتمام بالرد

 

[الصيدلانيه]

المهندسه
فديتج يوم الثلاثاء في وحده قالت للدكتور وليد انها بتحضر استماع وحظرت
ومادري ليش احس ان البنت الي حظرت انتي وبنهايت المحاظرة كانت بتطلع وهو ياخذ الغياب بس ما خلاها