اصحاب المشاغل عسى الله يوفقها ويرزقها اللي ترد علي

[ReeM ^ Style]

السلام عليكم

بنات بغيت استفسر من وين اشتري الكلف وطاقات الخام الاصليه

وبجم اسعار الطاقات وابي اعرف انواع القماش

واسماء المحلات الرخصيه وشغلهم اصلي مابي خام عبي تقيلد ابي الاصلي

تكفون بنات انا توني بديت بشغلي الخاص وخايفه انه ينصبوون علي بعرف انواع القماش واسعارهم

وين تنصحوني اشتري الطاقات والكلف للعبي

عسى الله يوفقها ويرزقها ويفتح عليها ابواب الرزق اللي ترد علي

ناطره ردودكم​

 

[really cat]

رفع لعيونج

 

[ReeM ^ Style]

تسلمين حبيبتي وين البنات

 

[((الزين))]

موفقه انا عندى خياطه بالبيت مو مشغل
بس ما حبيت ما أرد عليج ويمكن تستفيدين
الخام من البلوكات او الصفاة او سوق دبى
واحيانا اذا سافرت اشترى او اوصى احد بيسافر
اما الكلف حق العبى تلاقين بالصفاة وبيت الكريستال بالبلوكات وبركات بالسالميه وبالنسبه للانواع شوفى السوق شنو دارج واشترى عندج الالمانى او اليابانى او شمس المدينه هذا كله بالصفاة موجود بس اا يقصون على كل مره اشترى اكتشف ان السعر غالى فقمت اخلى خياطى يشترى ادرى انه ياخذ نسبه بس شسوى على ما اتعلم لانى مثلج يديده
ان شالله نسمع ردود البنات ونستفيد

 

[ReeM ^ Style]

جزاج الله الف خير وكثر الله من امثالج

وفعلا مثل ماقلتي الخياط نصحني مااروح بروحي وقال انا بروح معاج لان ا1ا شافوا كويتي يدبلون السعر اما انا اعرف الاسعار واعرف السوق

انا ارتحت لكلامه نوعا ما وهم بعد خايفه اهو يستغلني بهالغشله ومو حابه استعجل

وانطر خواتي الخبيرات بهالموضوع

 

[هدوووء انثى]

انتي خلي الخياط يشتري وساليه من وين وكم السعر ومن وراه روحي سالي عشان تطمنين اكثر ...الله يوفقج وان شاء الله البنات يفيدونج

 

[ReeM ^ Style]

انتي خلي الخياط يشتري وساليه من وين وكم السعر ومن وراه روحي سالي عشان تطمنين اكثر ...الله يوفقج وان شاء الله البنات يفيدونج

جزاج الله خير وخوش فكره تسلمين عليها

وينكم بناااااات

 

[ReeM ^ Style]

للرفع

 

[الراحله]

الله يوفقج يارب

انا سمعت ان يشترون خام العبي من البحرين

 

[ReeM ^ Style]

مشكووره الراحله

للرفع وينكم بنااااااات

 

[رمز الوفـا]

للرفع ...

وبالتوفيق ...