قطو هملايا لذوات الخبره جم يسوى ؟؟؟؟؟؟؟

[بوسيcat]

شلونكم بنات انا سبق لي اني ربيت قطاوه بس شيرازيات وسياميات ولي مدد بسيطه اليوم رحت محل سكوبي دوو وشفت لي قطو هملايا عمره 6 شهور وشوي وحلو ونظيف ويهبل يلعب ونشيط لونه كريمي واطرافه بني فاتح قالي سعره 120 ابي اللي عندها خبره بهالنوع شرايكم بسعره يسوى ولا لا0

 

[Aboosah]

للاسف ماعندي خبره بالاسعااار ان شالله البنات يفيدوونج

 

[عود ومسك]

انا بصراحه مالي خبره بالهملايان
بس اللي شفته وسمعته ان 120 على الصغار يسوا اللي حروة الشهرين و3 شهور مو على الكبار..بس مادري ان شاء الله البنات اللي خبره يفيدونج اكثر

 

[بوسيcat]

مشكورين حبايبي عالرد وانشالله ذوات الخبره يفيدونا0

 

[Sparkle]

على حسب أنتي تبينه للانجاب وللكقطوه للتسليه

اذا أنتاج
عيونه زرق ولونهم حلو
خشم متخفس أنا ما احب ال Doll face
أذوونه صغار
والوانه ال Colour points واضحه مو باهته

 

[بوسيcat]

لا والله انا مابي للانجاب كلش كافيني عيالي خخخخخخخخخ لونه موزرق اللي شفته عيونه عسلي على برتقالي غريب لونهم وهو بيج فاتح واطرافه بني خفيف مووايد البني بس يحليله حبيته من اول نظره يلعب معاي ويمر تحت ريولي وايد ونيس0

 

[Sparkle]

لا والله انا مابي للانجاب كلش كافيني عيالي خخخخخخخخخ لونه موزرق اللي شفته عيونه عسلي على برتقالي غريب لونهم وهو بيج فاتح واطرافه بني خفيف مووايد البني بس يحليله حبيته من اول نظره يلعب معاي ويمر تحت ريولي وايد ونيس0

قاص عليج حبي لان لازم عيون كل القطاوه الهملايا زرق يحليله رافع السعر على بو أنه هملايا واخر شىء نصاب :eh_s(6):

اذا جذي حده حده السعر مفروض مو 120

يعني 80-100 وبس!!!!!!!!!!!!

 

[بوسيcat]

مشكوره حبيبتي بس شكله هملايا من ويهه المفقوص خخخخخخخخخخ بس انا قلت المفروض يكون سعره مثل ماقلتي يعني سمته 80 او 90

 

[بوسيcat]

شوفي الصورة بالمرفق عيونها هاللون وهذا نوع من الهمالايا

 

[Kawaii GiяL]

حبيبتي سكوبي دوو نصاااااب ..

ع..موما ,, الهيمالايا تعرفينه من لون عينه ,, تكون زرق ,, مثل ما قالت سباركل

و عادي عادي يوصل سعره من 150 - 500 ,, على حسب شكله و اذا عنده شهاده بداجري

 

[Sparkle]

شوفي الصورة بالمرفق عيونها هاللون وهذا نوع من الهمالايا

اي هذي عيونها زرقه ولونه كريم بوينت هملايا

ما في شىء اسمه هملايا عيون خضر أو عسلي

 

[وردة-الكويت]

ماقصرو البنات

 

[الكرزي]

شوفي الصورة بالمرفق عيونها هاللون وهذا نوع من الهمالايا

إذا القطوة اللي بالصورة نفس اللي بالمحل هذي اسمونها هملايا بيكي فيس كريم بوينت ولون العين طبيعية تييج على السماوي ودرجات الازرق بس مافي هملايا اتكون عيونها خضرة او عسلي او اي لون ثاني الهملايا بس أزرق.
واللي بالصورة لانه ويهها بيكي فيس تسوى من 120 حتى 150 أو 250 د.ك ( الأصيله ) وطبعا الكبار يسوون اكثر .
اما إذا كانت هاف بيكي فتكون تقريبا 60 إلى 80 تقريبا ​

 

[بوسيcat]

مشكورين خواتي عالردود تسلمون وماقصرتوا انا بعد شوي رايحه اكثر من محل ادور وشوف واسوم وبعدين اقرر0 وسالت ريلي لان اهو اللي كان شايلها يقول عيونها زرق بس انا شفت البؤبؤ خخخخخخ كان نفس اللي بالصوره اليوم بروح افحصها عدل0

 

[sweet cake]

ديري بالج ترى سكوبي دو نصابين تأكدي من القطوه عدل .. شوفي اذا فيها سهال ولا لأ.. تخيلي انا شفت فيها سهال يقول لي لا هذي صغيره ماتعرف تنظف نفسها وواضح ان فيها سهال.. ديري بالج

 

[Sparkle]

:eh_s(14)

إذا القطوة اللي بالصورة نفس اللي بالمحل هذي اسمونها هملايا بيكي فيس كريم بوينت ولون العين طبيعية تييج على السماوي ودرجات الازرق بس مافي هملايا اتكون عيونها خضرة او عسلي او اي لون ثاني الهملايا بس أزرق.
واللي بالصورة لانه ويهها بيكي فيس تسوى من 120 حتى 150 أو 250 د.ك ( الأصيله ) وطبعا الكبار يسوون اكثر .
اما إذا كانت هاف بيكي فتكون تقريبا 60 إلى 80 تقريبا ​

يوووو مع هل مساميات بيكي فيس و مون فيس

قصدج FLAT FACE ومو DOLL FACE


:eh_s(14):

 

[lojeeen]

120 إذا كان هيمالاايا بيكي فيس يستاهل سعره حتى لو عمره سنتين لأنه نادر

و العيون لازم تكون زرق بس انا قطوتي شوارفسكي هيمالاايا بلو و عيونها صارت خضر فهل شي من النوادر فيا ليتج مصوره القطو حتى نسومه لج في بعض المحلات يقصون على الزبون خصوصا لو شافوج متعلقه بالقطو حيل يضربونج بالسعر بس انتي كاسريهم قوليله 80

 

[بوسيcat]

خلاص خذيتلي ذكر عمره شهرين يهبل مون فيس وعمره شهرين ب100 بس محتاره شسميه0

 

[miss cupcake]

مبرووووووووووووووووووك عليج القطو حطي صورته عشان نشوفه ونختار الاسم اللى لايق عليه

 

[بوسيcat]

بنات القطو كرمكم الله شفنا دم بفتحة الخروج شوي انا سمعت ان من الامساك صج ولا لا لاني حدي ظاق خلقي ؟؟؟؟؟؟؟؟