لحقوا عليي .. راحت فيها الزولية

[لوكريسيا]

مساء الخير يا ويه الخير ..

بنات ماني مطولتها لأني مستعيلة و أبي الحل حالا بالا ..

زولية عيالي لونها اخضر فااااااااااااتح و توه ولدي رسم لوحته الفنية عليها :eh_s(2):

و غسلتها ذبحتها من الغسال و التفرك و اللون الأحمر ما طلع 100%:eh_s(11):

أبي شي يوخر اللون 100% و ما يأثر على لون الزولية لأن أي غلط رحت فيهااااااااااااااااااااااا:eh_s(4):

بليز لا تطولون عليي :eh_s(12):

 

[دانــــه]

ما قلتي لنا وش رسم ابنك ؟؟ الموناليزا أو العشاء الأخير ؟؟:eh_s(9):








حاولي تغسلينها بالسفن أب وتركها لمدة 10 دقائق وبعدين افركيها بفوطه بالماء والصابون





طريقه ثانيه لو ما نفع السفن أب


هاتي رغوة حلاقة زوجك .. ورشيها بمكان البقع .. وافريكي الرغوه عالسجاده بفوطه .. وانتظري 10 دقائق .. وامسحيها

بس يا ويلك لو ريلك شاف رغوة حلاقته مخلصه !!!:eh_s(9):




طريقه ثالثه

أيضا يمكنك رش ملح على مكان البقعه .. وتركه فوق الحبر لمدة نص ساعه .. بعدين اكشطي الملح بملعقه .. وقومي بوضع عصير الليمون أو الخل فوق البقعه لامتصاص ما تبقى من الحبر


طمنيني عليكي :eh_s(7):

 

[لوكريسيا]

هلا فيج دانه ، حق الشماتة زاهبين هاااااااااااااااااااااااااااااا.. أبشرج رسم الفورميولا

مشكورة حبيبتي على الطرق و بجرب يمكن يروح اللون

 

[pain]

شسويتي شضبط وياج؟

 

[لوكريسيا]

ليلحين ما حاولت المحاولة الثانية لأني انشغلت بالزوارات و راح أفضى لها

 

[رماس*]

قولي لنا شنو يصير وياج لان ولدي هل اليومين طلعت له موهبه جديده وهي رسم الدوائر في كل مكان

 

[كويتيه مذهله 87]

وييييييييييييييييييييييييييييييييييييييي
اسمله علي ولدج
عندج الرش الديتول الي لونه اخضر بالبيض عجييييب حق الالوان الغامجه
واذا ماكو فايده اشتري زوليه ثانيه نفسهااا فدوه لولدج يستاهل

 

[لوكريسيا]

شوركم وهداية الله

مشكورين عالمرور الطيب

 

[الورده المكنونه]

مالج الا فانش وفكي عمرج بس ريحته قويه لا تكثرين منه وفتحي الدرايش لين اطير الريحه بس فانش الخاص للسجاد السائل

 

[Dancing^Queen]

ها لوكريسيا راحت والا ماراحت؟
عندج بخاخ فانش يوخر كل شي رشي وخليه تالي غسلي بس مو مسئوليتي اذا صار بالزوليه بقعه افتح

 

[شندوخه]

جربي ديتول الوان وحده بوحده

 

[ضحكة الدنيا]

هاااا لوكريسيا بشرى اى طريقه اضبطت علشان اطبقها مستقبلا ----- ام قلبين ماخذه احتياطاتها من الحين

 

[لوكريسيا]

1- عندج الرش الديتول الي لونه اخضر بالبيض عجييييب حق الالوان الغامجه

2- مالج الا فانش وفكي عمرج بس ريحته قويه لا تكثرين منه وفتحي الدرايش لين اطير الريحه بس فانش الخاص للسجاد السائل

3- عندج بخاخ فانش يوخر كل شي رشي وخليه تالي غسلي بس مو مسئوليتي اذا صار بالزوليه بقعه افتح

4- جربي ديتول الوان وحده بوحده


شوفوا بنات آنا يمعت منكم 4 طرق ، بجربهم بالترتيب لكن ان ماراح اللون راح أعاقبكم أشد العقوبات اللي تطري و اللي ماتطري على بالكم

ضحكة الدنيا ----> يا جبانة ههههههههههههههههه

كوين -----> تبريتي من أولها هااااااااا@@

 

[دانــــه]

لوكريسا



للحين مع زوليتك ؟؟!!:eh_s(9):






أنصحك دام انك للحين ما جربتي لا طريقه انك تعلقيها بالطوفه .. منظر طبيعي بأنامل ولدك ...... يعني دافنشي أحسن منه ..؟؟!!:eh_s(6): :eh_s(6):

 

[choclatecho]

في شيء بالجمعية سبراي اسمة فانيش لونة وردي واااااااااااايد زين

 

[لوكريسيا]

في شيء بالجمعية سبراي اسمة فانيش لونة وردي واااااااااااايد زين

مشاركتج راح تدخل من ضمن الخطة الخمسية :eh_s(15):

مشكوووووورة

 

[لوكريسيا]

دانه -------> ما أقدر أعلقها لأنها مو قطعة زل لااااااااااا زولية على كبر الغرفة

 

[Filakawyia]

عطي ولدج اسفنجه و صابون و خليه يفركها لما يطلع اللون ههههههههه منها تستفيدين و منها تعاقبينه خخخخخخخ

ولا خل يطلع حرته و يكمل عليها و بعدين غيريها بكبرها​

 

[لوكريسيا]

عطي ولدج اسفنجه و صابون و خليه يفركها لما يطلع اللون ههههههههه منها تستفيدين و منها تعاقبينه خخخخخخخ

ولا خل يطلع حرته و يكمل عليها و بعدين غيريها بكبرها​

الفكرة الأولى ما تنفع للعقاب لأن ننوش يحب يبربس بالمياهه

الفكرة الثانية نو واي تصير لأن راح يحوشني انهيار عصبي و راح أصير تسونامي و أطشر اليهال من التبزخ:eh_s(3):

 

[جروح تبتسم]

ههههههههههههههه ياقلبي على هاليهال
عليهم فن مايطلع الا على الطوفه والزوالي
الله يعينج ويحفظ لج اعيالج