غصون الصمت
منو قالج انه لازم نوزع كتب مجانيه و نوتات ؟
سوري يعني بس فكرتج غلط يعني مو ملزومين نوزع كتب المواد و نعطي نوتات !
اوكي تبون كتب ناقصه من المكتبه نطلبهم ونييبهم مكتبة الجامعه ,, بس اول مره تمر علي صراحه انه احد يوزع كتب مجانيه ,, محد سواها ليلحين
لو بنوزع كتب ما نخلص لول
وشنو قصدج بالنوتات ما فهمت ؟؟
نوت القائمه نفسه الفاضي اللي تكتبين فيه ؟ ولا نوت يعني ملخص مواد ؟
اذا نوت القائمه احنا وزعناه قبل امس واذا تبين على هالخشم اييبلج عشره =)
واذا نوتات ملخص مواد ,, البنات اللي يحتاجون يقولون لنا اذا تقدرون تعطونا نوت الماده نعطيها ليش لأ كلنا نساعد بعض
بس اقولج شغله ,, تدرين اذا نوت مو رسمي من الدكتور موافق علينا ممنوع يتوزع شي داخل الكليه و الطالب اللي حاط الملخص يتحاسب وممكن ينفصل اذا الدكتور يبي ؟ =)
بالعكس احنا بنات نساعد بعض نعطي اللي يبي نوت بس ما نوزعه ممنوع ,, واحنا احيانا نوزع حق اللي يحتاجون بحكم انه رفيجات نساعد بعض
اما نوتات حق مواد تتوزع مني والطريج ممنوع و ممكن كل من له ايد بهالموضوع يتحاسب ,, هذا قانون الجامعه مو من احد ولا احد يقدر يغيره لأنه الدكاتره ما يرضون
وسالفة الكتب اول مره اسمع فيها صراحه
وياعمري حياتي انتي لا تضيقين خلقي =( مادري على اي اساس قلتي محد يستاهل صوت
انتي توج ثاني اسبوع ما خلصناه ما شفتي شي من احد وحتى لو بنسوي ياعمري ما مدانا تونا بالبدايه
ولج حرية الاختيار عسووله
واذا صج مقتنعه محد يستاهل صوتج ,, احتفظي بصوتج وخليه لا تصوتين لأنه انا عن نفسي ما احب اعطي صوتي و انا مو مقتنعه فقط لزيادة العدد =)
هذي مصلحة طلبتنا ,, والجامعه كلها ,, وحلو تفوز القائمه مع مؤيديين واثقين فيها و معطينهم صوتها بكل ثقه و فخر بانجازاتها و خططها و افكارها و مبادئها
وصوتج و انتي حره فيه ,, شوفي اللي يناسبج عسووله =)
بس لا تحكمين على احد من الحين ,, تونا ثاني اسبوع ما مدا احد يسوي شي لأن التركيز من البدايه على الانتخابات
وصدقيني اللي بتقوم فيج الحين وتسوي و تودي و تييب و توصلج السما ,, تقص عليج =)
انا اقولج ياها ,, هالفتره الناس تدور اصوات ما تخدم احد الحين
الخدوم واللي يبي مصلحتج يبين بعدين عقب الانتخابات ,, وانا اتكلم بشكل عام مو اي قائمه معينه
والياي كل خير ان شاء الله =)
مشكوره على رايج يا حلوه
