موقف صار وياي عالبحر ابيكم تحكمون على اللي سويته

[شابكه و زهقانه]

كنوز ببحاول امسك اعصابي والله بحاول بسوي كلام دزته توه لي وحده رساله جزاها الله خير

 

[شقرديـه عالطل]

لووووووووووووووووووووووووول
يمعوده طرشيلي صورتج بالخاص عشان لاشفتح ماتشوفين الا غبرتي انحش
لا يحووووووووووووووووووووووووشك

 

[baby soul]

رد: نصيحه من اختج

اختي طلبتي راينا فتفضلي رأيي بالموضوع

و من الحين اقولج استعدي لانه ردي ما راح يعجبج نهائيا _03BA:


بس انا متأكده مليون بالميه انه الصح :rerrerek:

.
.
.
.

شوفي اختي اغلب الي أيدوا ردة فعلج ما يخرجون عن احد هالخيارات


يا يهالوا و مراهقين ما لهم خبره في الحياه و مندفعين في كلامهم و تصرفاتهم فأيدوج


يا من ربعج بالمنتدى و يرفعونلج الموضوع و يزيدون الجيله بإنه رده فعلج عاديه و حلوه :ggdw:عشان باقي البنات لي قروا ردودهم يتأثرون بكلامهم و يأيدونج
لانه للاسف احنا العرب عموما مع الخيل يا شقرا :RoadRunner:.. شفنا الناس قالوا صح قلنا صح قالوا غلط قلنا غلط


او بنات عندهم حساسيه من المصرين فكان هالموضوع فرصه عشان يطلعون حرتهم مع انهم المفروض يوقفون مع الحق بغض النظر عن الجنسيه (( و الرسول عليه الصلاه و السلام كان اذا يهودي اشتكى لـه من مسلم يصف مع الحق سواء كان مع المسلم او اليهودي )) يعني الحق حق


** عموما بغض النظر عن الردود الي اغلبها مؤيده لج و الي انا متأكده انه في اضعافها مو مؤيده لكن تفضل انها تسكت و ما تعلق و تبعد عن المشاكل :nocommint:
و بصراحه انا منهم
اول ما قريت موضوعج قلت لا حول ولا قوه الا بالله خل ارد عليها و بعدين خفت تنط لي وحده ملسونه ما تفهم انه الحوار اخذ و عطا و انه مو بالضروره اكون مؤيده لرايج لكن حسمت قراري
و قررت اني ارد و اذا في وحده سفيه ردت بطريقه بايخه فأطنشها :tongue22:


ادري طولت عليج بس حبيت اوضح كل النواحي




اولا : (( و شهد شاهد من اهلها ))
قلتي من البدايه بعظمه لسانج ( انا وحده اتنرفز بسرعه و جني الواحد المتقاعد يناشب بكل شي ويدور السبه والعله واللي يغلط ماعندي مشكله امد ايدي ولساني متبري مني


يعني من البدايه احنا متفقين انج نار و شرار حتي لو الموقف سخيف و الدليل كلمه ادور السبه و العله


ثانيا : (( معظم النار من مستصغر الشرر ))

انتي قلتي لفت علي مصريه ... يعني كل هاللويه و القصه عشان لفت عليج !!!!
انزين يمكن ساهيه يمكن ما فطنت يمكن و يمكن و يمكن
يقولج (إذا بلغك عن أخيك الشيء تنكره فالتمس له عذرا واحدا إلى سبعين عذرا، فإن أصبته، وإلا، قل لعل له عذرا لا أعرفه.)

و انتي الي يهداج على اولج طيرتي قلب المره بالهرن ؟!؟!؟
و انا ترى ما اعترض على انج طقيتي الهرن لانه عندي قاعده انه الهرن هو اسلوب تفاهم بين السيارات بس عاد اطقه مره عشان انبهها مو اعلق على الهرن مثل ما تفضلي حضرتج
و بعدين اختي (( حدث العاقل بما يعقل )) هل من المعقول بمجرد انج طقيتي هرن راحت قالت لج بنت الكلب ؟!؟!
انا مو مقتنعه انه السالفه جذي بالضبط :eh_s(10):

و عموما آمنا بالله و صدقنا انها بمجرد طقه الهرن قالت لج بنت الكلب

بس بذمتج

بذمتج و ربج فوقج

هل هالتصرف يخليج توقفين بالشارع و جدام الشباب (مثل ما ذكرتي انهم قالو عاشت ) و تحذفين المره بالجوتي و تلحقينا بالثاني و فوقهم بطل ماي و تلزمين بريك جدامها و تخلينها تدعمج و تودينها المخفر !!

كل هذاااا ؟!؟!؟

و لما تتوسلج انج تتنازلين عن القضيه تكلمينها باحتقار ؟!؟!؟!؟!؟!؟!؟!؟!؟


انزين وين الرقي بالتعامل ؟؟ وين التسامح ؟؟ وين التماس الاعذار للناس ؟؟ وين الصدر الوسيع ؟؟


يبا خلي كل هالاخلاق الزينه

وين الطنااااااااااش ؟!؟!؟

ما يصير تقولين هذي سفيه او واطيه ما انزل مستواي لها ؟!؟!؟!!؟


ثالثا : (( لا فرق بين عربي و أعجمي الا بالتقوى ))

الي يقولون مصريه و مصريه

انا بسأل هل اذا كانت البنت الي لفت عليها كويتيه نفسها هل بتكون رده فعلكم نفسها ؟؟!

اذا كان نفس رده الفعل فهذي طامه و اذا كانت لا فالطامه اكبر ؟!؟

لانه بهالحاله تكشفون انه للاسف فيكم عنصريه مو طبيعيه !!!!! :23_asmilies-com:

يبا مصر ما تحكمون عليها من اشخاص مصر حضاره من سبعه الاف سنه و فيها الزين و الشين

مو كل ما صار شي قلتو مصري طايح حضه ولا مصريه بياعه فول !!!!

ومن قال يا حلوين انه كل المصاروه طاقهم الفقر و من بيئه واطيه !!!

لا يبا في مصرين اغني من الكويتي و في مصرين اذرب و ارقي من الكويتي و في مصريين مثقفين اكثر من الكويتي

و انا اهني ما ادافع عن المصاروه

لكن اتكلم عن العنصريه بشكل عام

ليش نشوف العالم من طرف خشمنا ؟!؟!؟!

هذا مصري و هذا هندي و هذا بنغالي !!!!!!

ليش اذا صار لنا موقف مع كويتي نلزم حدودنا و اذا مع وافد نستعرض عضلاتنا عليه

صدقوني هذا ان دل على شي يدل على ضعفنا لانه قوتنا مو قاعد تطلع الا على الي اقل منا !!!!

و نفس ما احنا ما نحب انه الناس يحكمون على شباب و بنات الكويت انهم مو زينين من مجرد تصرفات تصدر من البعض فالمفروض ما نعمم شي على بلد معين





رابعا ((ستري على ما واجهتي ))

بصراحه انا استغربت لما بديتي بذكر صفاتج الجونكريه (( نسبة الي بطل الكارتون جونكر )) و منهم طول اللسان و اليد و النجره و و و الخ و الي اعرفه انه الناس يبينون الزين فيهم مو الشين فما ادري هل انتي تفتخرين انه فيج هالصفات ؟!؟!
انا اتمنى انه لأ
لانه اذا هالشي فيج فيدخل من باب المجاهرين بالمعصيه
يعني مثلا انه الواحد ما يكتفي انه عنده صفه شينه ... لا ... الا فوق شينه قواه عينه .. و يتفاخر انها فيه !!
و ان شاء الله انه هالشي بعيد عنج





و اختي هالنصيحه مو بس لج
لكل خواتي الي أيدوج بتصرفج

و صدقيني انا لو ما ابيلج الخير و عادتج مثل اختي جان ما تعبت عمري بهالمحاضره الطويله

و الاسهل لي اني اصف طابور :ioljnmlk: مع هالبنات الي يهللون لج و يباركون على هذا العمل المجيد !!!

لكن انا حبيت اني اطبق وصية حبيبنا رسول الله ((انصر اخاك ظالما او مظلوما ))
مظلوم في انك تنصره على الي ظلمه
و ظالم في انك تنصحه


و اتمنى اني قدرت اني انصرج (;


و تقبلي مروري :tek:

الله يسعدج دنيا واخره هذا الراي الصح :eh_s(6):

 

[شابكه و زهقانه]

سؤالج وين حبيبي بسرعه تليفوني بيطفي شحنه لووول

 

[*أم*خالد*]

كــفو عليج بنت بلادي

والله تسوين ألف شنب

ودي ابوسج

عفيه عليج وزين سويتي فيها وشويه فيها بعد !

خل تتأدب هالقذره عبالها الدنيا فوضه !

ولا تخافين من شي وانتي ماظلمتيها صح كلامج السن بالسن والبادي اظلم

 

[مخروووشة]

انا اقول دامج بهذلتيها وتلقينا بتموت من القهر وريلها ما قصر فيها

تنازلي عن القضية صدقين حست ابغلطتها

 

[baby soul]

شنو السؤال ؟

موخايفه من حوبة المصرية انتي دعمتيها ووديتيها المخفر وخليتيها تصلح سيارتج بـ630
موخايفه ان بصلاتها تقول يارب انتقملي من اللي ظلمني او ابتلى عليي بشي ماسويته
وبالمرور اللي يدعم واحد من ورا يحسبون الغلطة عليه مو على السيارة الامامية فهمتي عليي

شوفي هي صحيح بلا ذوق وغلطت بس كنتي تقدرين تمسكين اعصابج وماتردين عليها
لوسكتي كنتي اخذتي من حسناتها واهي خذت من سيئاتج

وسوري ع التاخير قاعده افكر شكتب بعد لووول

 

[رغوة لوكس]

هههههههههههههههههههههههه
الله يعين زوجش اذ تزوجتي

 

[baby soul]

سؤالج وين حبيبي بسرعه تليفوني بيطفي شحنه لووول

كتبته حبيبتي شوفي :ada:

 

[شابكه و زهقانه]

بعد عمري والله كلكم فديتكوووووم
واي وحده عندها انتقاد خل تقوله ترى مازعل من احد لان انتوا نفس خواتي وان شاءالله اختي تشوف كلامكم وتحن علي تعطيني الرقم السري مال نكي قولوا امين
اللهم صلي على محمد وعلى ال محمد صلى الله عليه وسلم

 

[شابكه و زهقانه]

انا ما ظلمتها قلبي انتي شوفي ردودي بالصفحات االلي طافت انا مراح اخذ منها مرلين واحد مالي خلق اكتب ويطفي والشحن والشحن تحت مالي خلق انزل

 

[baby soul]

بعد عمري والله كلكم فديتكوووووم
واي وحده عندها انتقاد خل تقوله ترى مازعل من احد لان انتوا نفس خواتي وان شاءالله اختي تشوف كلامكم وتحن علي تعطيني الرقم السري مال نكي قولوا امين
اللهم صلي على محمد وعلى ال محمد صلى الله عليه وسلم

ووووووووووين اختج :eh_s(6):
بنقولها :eh_s(1):
ومافي شك احنا كلنا مثل خواتج
والحوار اخذ وعطا يمكن انتي او غيرج احوج مايكون للنصيحة

 

[*Star*]

والله يا حبيبتي مادري شقولج
ابتلشنا بهالهلاقة حشاج
المال مال ابونا والقوم حاربونا
هم عايشين من خيرنا وضافينهم
وفاتحين بيوتهم وهم شايخين علينا
على شنو؟ على سواد ويوهكم؟
يعطيج العافية

 

[شابكه و زهقانه]

يابعد روحي اختي شابكه الحين وكل شوي اتطلطل اشوف نكها تحت وتقولي لاتقولين نكي تفشليني
انا اتقبل النقد والنصيحه لبى كلج

 

[*أم*خالد*]

موخايفه من حوبة المصرية انتي دعمتيها ووديتيها المخفر وخليتيها تصلح سيارتج بـ630
موخايفه ان بصلاتها تقول يارب انتقملي من اللي ظلمني او ابتلى عليي بشي ماسويته
وبالمرور اللي يدعم واحد من ورا يحسبون الغلطة عليه مو على السيارة الامامية فهمتي عليي

شوفي هي صحيح بلا ذوق وغلطت بس كنتي تقدرين تمسكين اعصابج وماتردين عليها
لوسكتي كنتي اخذتي من حسناتها واهي خذت من سيئاتج

وسوري ع التاخير قاعده افكر شكتب بعد لووول

حبيبتي

انا مو داشه اتهاوش ولا اتناجر

انتو تنقدون على البنت انها غلطت والمفروض تطوف

غلط

اذا كتاب الله يقول ( ولكم في القصاص حياة يا أولي الألباب )

المره بغض النظر عن جنسيتها مصريه ولا اسرائيلية .. غلطت غلطه ما تغتفر
شلون تسب وتسب أهلها بعد وتفل عليها وتحذفها بعلبه الكلينكس ؟؟

كلنا نسوق وعندنا سيارات وياما تصير معانا مواقف ودج اتدوسين ابطن اللي يسوق بس ماقط تفلنا ولا بطلنا الدريشه وتطاولنا على أحد

هذي مو بديرتها عشان تتصرف هالتصرفات المشينه وتاخذ راحتها جنه بلد أبوها .. بذمتكم حتى بنات الشيوخ مايسوونها !!
لازم تحشم عمرها ولازم تتأدب

غلط وغلط وستين غلط بعد !

وغلط منا احنا اللي ماناخذ حقنا .. ليش القرآن حط لكل شي عقاب ؟؟ عشان كل واحد يلزم حده
والعرب عموما بهايم ما اييون الا بالعين الحمرا

واحنا ياما عانينا ومانزال نعاني من فئة منهم بالبلد متكبرين وشايخين وبالعين العلقم وساكتين

ليش مانحط حد لهم ولتصرفاتهم الهمجيه ؟؟

عيل لو انا بدال البنت جان قلتلها خلاص امشي واخذ رقم سيارتها وابلغ عنها اصطدام وهروب عشان تتورط ورطه مابعدها ورطه ويصير بحقها ضبط واحضار
يعني ابهذلها صج اخليها تركب الدوريه عشان تعرف شلون تتعلم الأدب وتلزم حدود الأخلاق !

البنت ماغلطت وحرام عليكم تسوون فيها جذي
واذا على دعوه المظلوم .. ماظلمت واحط بذمتي .. المره يابت حق عمرها المشاكل ولا جان انجعمت ووخرت وكملت طريجها حالها حال خلق الله .. ليش الهلاقه

وبس هذا رأيي

واللي يغلط لازم ينداس على راسه عشان يتأدب .. وجان اهله ماربوه احنا نربيه !

 

[مــلائكيه]

رد: نصيحه من اختج

شوفي اختي اغلب الي أيدوا ردة فعلج ما يخرجون عن احد هالخيارات


يا يهالوا و مراهقين ما لهم خبره في الحياه و مندفعين في كلامهم و تصرفاتهم فأيدوج
يا من ربعج بالمنتدى او بنات عندهم حساسيه من المصرين

يعني سو سووري إني راده على ردج وإن شاء الله مايصير سووء تفاهم

أو شي ثااني


المهم انا وحده من اللي ردوو على موضوعهاا وقلت زيين سوييتي فييهاا

وانا ولاوحده من الخياارااات اللي حطيتييهاا

مع انهم المفروض يوقفون مع الحق بغض النظر عن الجنسيه (( و الرسول عليه الصلاه و السلام كان اذا يهودي اشتكى لـه من مسلم يصف مع الحق سواء كان مع المسلم او اليهودي )) يعني الحق حق

بس بعررف شي وااحد شنوو أكبر من انهاا تفلت ؟!!!!

مال حررق مو بس طق



يالله سلاام ^^

 

[ســــوليس]

اوكي اهي غلطانه وتبط الجبد
بس طريقتج غلط سوري
بس المفروض ماتعاملين الاساءة باساءة

ويمكن لو انحطيت مكانج مادري شنو تكون ردت فعلي لاني مثلج اعصاب بس على روحي لوووووووولز

 

[*أم*خالد*]

انا ما ظلمتها قلبي انتي شوفي ردودي بالصفحات االلي طافت انا مراح اخذ منها مرلين واحد مالي خلق اكتب ويطفي والشحن والشحن تحت مالي خلق انزل

اقول انتي لاتاخذين بس اخذيهم منها وعطيني اياهم :dddds:

 

[شابكه و زهقانه]

لا خلا ولاعدم لبى عينكم كلياتكون << كخ كخ

 

[شابكه و زهقانه]

ام خالد فداج الفلوس وراعيتهم لوووول خخخخ تليفوني يفاهق بيطفي