يسرني افتتاح تجمـــع ابلات اللغه الانجليزيه متـــــــــــــــوسط حياكم با teachers

[عبدة الرحمن]

والله انا متخرجة من 2005 ولحد الحين ماتوظفت ادعولي يابنات طلعت روحي من كثر المقابلات بس احتاج داعواتكم وراح اشوركم بالابتدائي او المتوسط

 

[Turquoiseya]

داشة لقافة .. بس الله يوفقكم
تركوازية مبروك عالاسم اليديد ^_^

هلا تويلايت
الله يبارك فيج حبيبتي
--------

تندرهارت
لما اكون في الدوام تطرى علي اسئلة شكثرها بسئلج اياها
بس من امسك اللاب توب تتبخر كلها

انا ما ابي اتسرع واحول متوسط الا لما اتاكد انهم فعلا اريح من الابتدائي
انا اشوف منهج رابعة وخامسة ولا يدش مزاجي
يمكن عشان متعودة على مناهج الزعاطيط لووووول
انا ابي ارد لطلاقتي باللغة الانجليزية
احس كل شي قمت انساه
ولاعت جبدي من المناهج التاسيسية
ادخل حصتي كاشخة واطلع منها معفوسة

 

[Turquoiseya]

والله انا متخرجة من 2005 ولحد الحين ماتوظفت ادعولي يابنات طلعت روحي من كثر المقابلات بس احتاج داعواتكم وراح اشوركم بالابتدائي او المتوسط

ليش يسوون لج مقابلات؟
انتي خريجة اداب؟

 

[Turquoiseya]

شدعوه twilight لا لقافه ولا شي يسرنا انضمامج لنا اكيد انتي تحبين الانجلش او بتصيرين ابله انجلش ...... خوش توقعات شرايج فيني لوووووووووووووووول مشكوره واجمعييييييييييين يارب الكل موفق

تويلايت تحب الانجلش
بس ان شالله ما تصير مدرسة انجلش، توجيه الانجليزي بيوريها نجوم القايلة
ان شالله تويتي تصير دكتورة ولا مهندسة
الله يوفقها ان شالله

 

[Tender Heart]

اهلييييييييييييين تركوازيه والله صج المناهج التاسيسيه تحسين انج فاقده الطلاقه ولغتج تكون محدوده على كلمات معينه اما المتوسط تكون لغتج حلوه خصوصا مع ثوامن وتواسع .... الابتدائي انا شايلته من بالي لان حوسه ويتطلب جهد منج كبير خصوصا المراحل الصغيره .... اما المتوسط عندج المنهج وتقدرين تبدعين في طريقه ايصال المعلومات وتبسيطها للطلبه ومنها بنات فاهمين ومتأسسين خالصين بس عيبها ان امتحاناتنا وايد والتصلييييح متعب

 

[Tender Heart]

والله انا متخرجة من 2005 ولحد الحين ماتوظفت ادعولي يابنات طلعت روحي من كثر المقابلات بس احتاج داعواتكم وراح اشوركم بالابتدائي او المتوسط

اهلييييييييييين عبدة الرحمن لييييييييييييش الطواله ؟؟؟ شدعوه انتي خريجه شنو ؟؟؟ لان التربيه بسرعه يوظفونج خو عندهم نقص .. وهمن الاداب اذا تاخرتي كلش كلش كورس مو اكثر ما سالتيهم شنو السبب ؟؟؟

 

[Turquoiseya]

شفت منهج بنت اختي السنة اللي طافت مال تاسع
وعجبني حيل لأنه قوي
شنو خططكم لتقوية الضعيفات؟ وهم عندكم خطط للفائقات؟
وشلون الوسائل التعليمية عندكم؟
انا اسمع انكم ما تستخدمونها الا نادرا لانكم ادرسون بنات كبار

 

[shelatah]

هلا بعلمات الانجليزي


انا رئيسة قسم لغه انجليزيه في منطقه العاصمة طبعا المرحله المتوسطه اي شي تبون واقدر اساعدكم انا حاضره ))))))

بالنسبه للخطه بقولكم اشسويت وريحة المعلمات الله يخليهم لي

لما ادخل مره ثانيه واي استفسار انا حاضره ومستعده اساعدكم بكل شي عني خطط ضعيفات وغيره وغيره

بس ياليت يكون سؤال واحد اوطلب واحد في الموضوع

 

[Turquoiseya]

حياج الله يالزين الكله

المعلمات الله يخليهم لي

جملتج هذي بروحها حافز اني انقل عندج انتي بالذات لووووول

الزين تكفين شلون تقيمون مدرسة عندكم في المتوسط
احنا عندنا في الابتدائي على : المهارات الاربع في الحصة
اداء الطالبات، شخصية المدرسة وسيطرتها على الصف
المنهج تاخر او تقدم بالدروس
وتحقيق الدرس في الحصة كامل
اوراق العمل
القروب ورك
الوسائل وتنوعها << وهذي بروحها مطيرة المعاش
متابعة الدروس بالتصحيح يعني اذا في درس واحد مو مصلح تحسب عليج سلبية حتى لو كنت معطيتهم الدرس امس
الاملاء والنسخ
مدري شقول مادري شاخلي + اسئلتي لتندرهارت
ميخالف طولت بس والله محتارة بالمتوسط ومابي احول واتحسف، ابي اسوي في بالي مقارنة بين الابتدائي والمتوسط
ويعطيج الله الف عافية
وجزاها الله الف خير تندرهارت على هالموضوع اللي تواصلت فيه معاكم

 

[عبدة الرحمن]

أنا تخريجت من كلية التربية من السعودية علشان كذا يسونا لي مقابلات والله يابنات المقابلات الي قاعدين يسونه مو قاعدين يسون الا التعسف ومو قادرين يعرفون المدرسة الكف من الرديئة ولا اذا دخلتي عليهم تقولين ذابحة واحد من عيالهم الشكوى لله مدري متى تفرج دعواتكم أختكم في الله

 

[shelatah]

حياج الله يالزين الكله

جملتج هذي بروحها حافز اني انقل عندج انتي بالذات لووووول

الزين تكفين شلون تقيمون مدرسة عندكم في المتوسط
احنا عندنا في الابتدائي على : المهارات الاربع في الحصة
اداء الطالبات، شخصية المدرسة وسيطرتها على الصف
المنهج تاخر او تقدم بالدروس
وتحقيق الدرس في الحصة كامل
اوراق العمل
القروب ورك
الوسائل وتنوعها << وهذي بروحها مطيرة المعاش
متابعة الدروس بالتصحيح يعني اذا في درس واحد مو مصلح تحسب عليج سلبية حتى لو كنت معطيتهم الدرس امس
الاملاء والنسخ
مدري شقول مادري شاخلي + اسئلتي لتندرهارت
ميخالف طولت بس والله محتارة بالمتوسط ومابي احول واتحسف، ابي اسوي في بالي مقارنة بين الابتدائي والمتوسط
ويعطيج الله الف عافية
وجزاها الله الف خير تندرهارت على هالموضوع اللي تواصلت فيه معاكم

هلا اختي انا دايم افكر احول ابتدائي هههههههههههه
اقولج احنا بالمتوسط الشغل اكثر الابتدائي الشغل اخف .
بالنسبه لتقييم المعلمه صدقيني اهم شي الالتزام بالدوام واحترام اخلاقات المهنه والتمكن من الماده العلميه والنتيجه
اما الوسائل صدقيني في ناس تصنع من اللاشي ...شي
كل ما كانت الوسيله بسيطه كان افضل
وبالنسبه لمعلماتي دقينا على وحده سوي الكلمات اليديده مع الصوره وتغليف حراري ريحنا وايد بالتدريس سوينا قطيه واشترينا لكل المراحل والشفافيات الكتاب كامل ب 9 دنانير وبجذيه قدرنا انوفر كل يوم وسائل وفي ابلات حبو يشترون البطاقات والشفافيات ابروحهم الله يوفقهم ويوفقكن

 

[Turquoiseya]

للامانة انا اشوف مدرستي الاولى تكرف كرف
واقول لها مستحيل اصير مدرسة اولى

 

[shelatah]

والله اختي اهم شي التعاون بالقسم يريح بشكل كبير

 

[Tender Heart]

اهليييييييييييييييين الزين للزين حياج الله ونورتي تجمعنا >>>> تتمصلح لووووووووووووول

والله انا عيزت وانا اقنع تركوازيه حاستها حيييل حابه المتوسط بس متردده مادري انا قلتلها ان المنهج يخليج انتي تبدعين في ايصال المعلومه

عندي سؤال بسيط الكلمات + الصور عندي ومسويتهم تغليف حراري .... لكن شفافيات الكتاب من وين اخذتيهم واي كتاب wb ولا sb سوري تحماينا راح انأذيج

 

[Tender Heart]

أنا تخريجت من كلية التربية من السعودية علشان كذا يسونا لي مقابلات والله يابنات المقابلات الي قاعدين يسونه مو قاعدين يسون الا التعسف ومو قادرين يعرفون المدرسة الكف من الرديئة ولا اذا دخلتي عليهم تقولين ذابحة واحد من عيالهم الشكوى لله مدري متى تفرج دعواتكم أختكم في الله

الله يعينج والله حبيبتي وان شاء الله يطلع قبولج بأقرب وقت واتبشرينا ................... )

 

[Tender Heart]

عندي فكره لدرس life skills الدرس الثاني ممكن في ال wrap up توزعين عليهم بطاقات والوان وتقوليلهم write a poster
to your mom on the mother's day

شرايكم بالفكره .... قاعد احضر حق حصتي باجر

 

[Tender Heart]

شفت منهج بنت اختي السنة اللي طافت مال تاسع
وعجبني حيل لأنه قوي
شنو خططكم لتقوية الضعيفات؟ وهم عندكم خطط للفائقات؟
وشلون الوسائل التعليمية عندكم؟
انا اسمع انكم ما تستخدمونها الا نادرا لانكم ادرسون بنات كبار

اي تاسع حلو بس ترا يبيله جهد كلماته وايد وفي منها الصعبه .... تقويه الضعيفات نعطيهم مثل تمارين يحلونها اقل من مستواهم بالتدريج لماىنوصل لي مستواهم ولهم دفتر خاص وممكن نسوي اجتماع مع اولياء امورهم نتكلم عن جوانب النقص فيهم .. ساعات بالنشاط رئيسه قسمنا تحط مدرسات طبعا الخبره والكفاءه يعطونهم دروس في القواعد والكتابه .. الفائقات نشركهم في المسابقات والاذاعه في اسبوعنا الثقافي وهمن نعطيهم العاب فوق مستواهم مثل riddles و قصص والخ.....
الوسائل عندنا حلوه ساعات عندج دروس تستخدمين فيها وسائل وايد وساعات ىدروس ماتلقين لها شي بس وسائلنا كله جاهزه مو تروحين دسمان وتسوين وتضبطين لا كل شي موجود بالمكتبه مثلا عندنا ابلات ايبون الابتوب وتحط الكلمات اليديده مع الصور في powerpoint وتقدمه للبنات وفي بعضهم يطلعون العاب تربويه حق ال warming up والصور عندج من الانترنت او الوسائل اللي بالمكتبه اللي تنباع بربع او 300 شي جذي وبعض المرات realia اللي اهي real objects مثل سادس مثلا googles انييب نظاره مالت السباحه وجذي ...بس ترا في ابلات كلش تدخل حصتها بدون وسيله ... ترا الوسائل تفيدج انتي وتفيد الطالبات تفيدج انج تصيرين فرش وتوصلين المعلومه اسرررع والبنات يستمتعون بالحصه ويفهمون عدل ويحسون بنشاط

 

[Turquoiseya]

تقوية الضعيفات عندنا كل بنت تاخذ تمارين 3 اوراق مختلفة واذا عندج ضعيفتين او ثلاث فلازم تسوين 6 او 9 اوراق مختلفة
سمعنا ان التمرين تحله المدرسة مع الطالبة والورقة الثانية المدرسة الاولى مع الطالبة والثالثة الناظرة مع الطالبة
لكن احنا المدرسات قاعد يعطونا 3 اوراق ويطالبونا انحلهم معاهم00 يعني مو ملتزمين بالقرار
تندر هارت على شنو تقييم الطالبة؟
شنو تقسيمة الدرجات عندكم؟
منو اكثر الشفوي ولا التحريري؟ ولا كلهم متساوين؟

 

[Tender Heart]

اهلين تركوازيه احنا عندنا شغله اسمها rough sheet فيها درجات الشفوي من 10 والتحريري طبعا افرعه وايده مثل الامتحانات : السبلنغ \ ورقه اولى \ ورقه ثانيه \ خط وعلامات ترقيم ترجمه ( ثامن +تاسع ) انزين و تطلع درجه مجموع الامتحانات التحريريه نجبرها وتطلعلنا من 10 وبعدين نجمعها مع الشفوي تطلع التوتال من 20 بالنسبه للشفوي المشاركه + البرزنتيشن من 4 الفتره الاولى ومن 8 الفتره الثانيه اذا مو غلطانه لان هالسنه الوضع تغير صرنا 4 فترات بالسنه

 

[Tender Heart]

up up لعيون ابلات الانجلـــــــــــــــــــــــــــــــــــــــــــش