منو مثلي تحت عيونها اسود وخطوط وتجاعيد ؟؟؟؟؟؟ ( صور انشالله تفيدكم )

[عــافك الخــاطر]

بنااات رديت لكم ومعااي الصووور يالله وسعوووا الملعب :dddds:

هذي صور الكريماااات الرتن إييه والديكوين 4%



واهني طريقه استخداامه تحطون من كل واحد عالصبع هالكثر مو اكثر ولا اقل



بنات اذا اكثر بصراحه مادري شنو راح تكون النتيجة بس اذا اقل ماراح يظركم اكيد بس راح تلقون النتيجه بطيييييئه
انا بالاول كنت احسبه وايد اقول ياربي اقل من جذي كافي حق بشرتي وقللت ومالقيت النتيجه المطلوبه

وبعدها نخلطهم مع بعض بصبعنا بهالشكل



وبالاخير نلطخه بويهناااا :dddds:


بسسس بناااات بلييييز سمعوني عدل وفهمووني هالخلطه هذذي تحطونها على كل ويهكم يوميااا
ماعداااااااااا الاماااكن اللي حاطه عليها دااائره والرقبه تنحط مره وحده بالاسبووع



لانها حساسه وماتتحمل كريم الرتن إيه التقشيير بس الدكوين عاااادي لانه مبيض
انا الدكوين احطه بشكل يومي عشان يبيض لي منطقه الشوارب والهالات السود
ادري بنات وااااايد قرقت عليكم بس حبيت اتكلم بكل التفاصيل عشان لا تضيعون او تسون شي غلط


واي سؤاااال حااضر ومن عيووني :balo:

 

[_zahra]

مشكورة اخت عافك الخاطر,,يعني هالخلطة اذا ابيها لتحت العين استعملها مرة بالاسبوع بس لأن المقشر فيها قوي صح جذي؟ اما الويه عادي كل يوم؟وصج تسلمين ويعطيج الف عافيه ويناولج ربي الي تتمنينه

 

[عــافك الخــاطر]

مشكورة اخت عافك الخاطر,,يعني هالخلطة اذا ابيها لتحت العين استعملها مرة بالاسبوع بس لأن المقشر فيها قوي صح جذي؟ اما الويه عادي كل يوم؟وصج تسلمين ويعطيج الف عافيه ويناولج ربي الي تتمنينه

[B]بالضبببط عفيااا عليج خوووش تلميييذه :ggdw:

بس طبعا تقدرين تستخدمين الدكوين اللي مغطاته ورديه كل يوم عاادي وعشان تلقين نتيجه اسرع حق البياض

حتى شوفيه مخلص عندي قبل الرتن إيه مال التقشيير :dddds:

بس دييييري بااااالج تطلعيين فيه الصبح بدون لا تغسلينه بغسوووول لانه مو زين تطلعين فيه بالشمس

تحطينه بليل قبل لا تنامين وطبعا بشرتج تكون نظييفه ومغسوله قبلها وبسسس [/B]:ggdw:

 

[همسة دلال]

انشالله بجرب زيت جنين القمح
انا بعد الهلات وراثي ومع التعب والسهر يزيد
اما التجاعيد والله هالسنة اطلعت لي مع انه عمري 23 يمكن من كثر الكريمات اللي استخدمتهم :0bee2e8d89:
بس اعتقد طريقتي غلط كنت امسح تحت عيوني حيل خاصة لما امسح المكياج :krkrkr: يمكن عشان جذي طلع التجاعيد

اي بوندس حلو ويرطب وانا استخدمت العادي اللي بالجمعيات مكتوب عليه بالعربي والوكيل بالسعودية بس ما ادري شنو صناعته
ومشكورة على مشاركتج

هلا حبي
أنا كنت أعاني من الهالات السودا ..بس أخذت اجازة من الدوام لمدة شهر ولخبطت نومي صرت أسهر بالليل وأنام الصباح...فظهرت خطوط تحت عيوني..
جربت كريم لوريال للخطوط والهالات بس ما نفع معاي..جربت كريم كريولان من خمسة أيام أحسه حلو بس لحد الحين مافي نتيجة قوية..
جربت زيت اللوز وهم ما نفع..
أكثر شي لاحظته خفف السواد هو اني كنت قبل ما أنام ..اخذ قطنتين (الدائري) من جونسون وأغمسهم في ماي الورد وأحطهم على عيوني وأنام ولما أصحى الصباح أشوف عيوني واااااو..وبعد شرائح الخيار واااايد تفتح المنطقة
بحاول أجرب زيت جنين القمح وبجرب بعد روب اكتيفيا ..حاليا بدات اجرب العسل الطبيعي

 

[انواروه]

حتى آنه اعاني من نفس المشكله
بس شسوي :0bee2e8d89:
بس لو ننام عدل وناكل اكل صحي ومانلعب ببشرتنا ونحط اي شي كريمات

 

[q8 nono]

انا مثلج بالضبط عندي سواد و خطوط و نفس عمرج بعد لوول

و انا بصراحه كنت هامله هالمنطقه يعني اذا شريت مرطب بس ارطب ويهبي من غير هالمنطقه و عاد اكتشفت هالمنطقه انها لازم تترطب وشريت من استي لودر بس عادي ما سوا شي ة قريت بالنت ان زبدة الشيا وايد زينه و هاليومين قاعده استخدمها و انشاءالله القى النتيجه

 

[& الذاهبه &]

البطاطس شرايح روعه

 

[kakawa_q8tiya]

يسلموو

 

[nono93]

شكرا حبوبه ما قصرتي

 

[just one love]

انا استخدم 3 واحد الحمدلله مافيني شي بس حمايه احطه

 

[دلع الكون]

اب

للرفع

 

[حبيبة mo_md]

خيار + روب اخلطهم بخلاط احط قطن بعلبة واترسهم بالخلطه واسكرها وكل بليل اخذلي قطنتين واحطهم على عيوني والفهم بمالت العيون وانام

اقعد من النوم اغسلهم وارطب جفوني واحط كريم حماية الحمدلله روعه

هذا الحجي من دكتوري عيسى بشووووووووور

 

[هيزار*]

السواد امره هين
احنا عندنا السواد تحت العين وراثه يعني اصعب شي في حله
بس التجاعيد ماادري شنو سالفتها صج حتى بدون ميكاب مرات لما ابتسم حيل اشوفها تطلع سخيييييييفه بصراحه نفسيتي اتعبت منها
امدحولي اولاي للتجاعيد تحت العين للحين ما استخدمه بجربه قريب
واذا على الهالات انا خفت عندي الحمدالله ضبطي نومتج وحطي خياار كل يوم لمده ثلث ساعه
ولا تحطي ميكاب ثقيل خصوصا بالنهاربالذات بالصيف قد ما تقدرين خففي ولو ما حطيتي يكون احسن (( يعني يومين حطي 3 لا تحطين ميكاب ريحي الويه والعين

بس اقولج شي والله ترى كل هذا حله مو بالكريمات كله يعتمد على كثره الماااااي وراحها لعين ونظافتها بكل وقت والنوم الصح والكمبيوتر اكبر عدووو للتجاعيد هذا يلي اكتشفته

والله يعين

 

[_zahra]

دكتور عيسي بشور وين عيادته وشنو يعالج بالضبط؟

 

[عــافك الخــاطر]

دكتور عيسي بشور وين عيادته وشنو يعالج بالضبط؟

حبيبتي عيادته بالسالميه بالرعايه الالماني

واهو استشااري الجلدية

انصحج فييه شاااااااطر وفاهم شغله عدل

بس مواعيده صعبه لازم تاخذين من الحين حق شهرين جدااام :dddds:

 

[السمبتيك]

آنا من كثر ماكان فيني سواد تحت العين كنت ماأستغنى كللللللش عن الكونسيلر

ليمه صار تحت عيني تجاااااااعيد

وحدي خربت بشرتي

وآنا وحده خوافه أخاف أحط شي على عيوني

بس إستخدمت هالكريمين واحد للتجاعيد وللواحد السواد

الصراحه يهبلوووون حتى إني ماقمت أحط كونسيلر بالمررررره إلا للمناسبات

وأهم من ماركة كلارنس

الجل والبالم

الجل الصبح والبالم بالليل

 

[cadbury]

بنااات انا قبل جم يوم لاحظت انها طالعلي خطوط لما اضحك والله يضيق خلقي تبين لخطوط حيل
بلييييييييييز ابي شي مضمون يعالج الخطوط مع اني ما كملت ال 22 سنه

انا كنت استخدم كريم من كفردريم اتوقع اهوه الي سوه فيني جذي

 

[الحلا توته]

انا جربت جنين القمح لي يومين احس بتحسن

 

[_zahra]

مرحبا سمبتيك ممكن تكتبين اسم الجل والكريم لانه الصورة حدها صغيرة,, وتقولين روح السواد والخطوط تحت العين؟

 

[نورالدنيا***]

السلام عليكم
اختي اتوقع انا وانتي كثرنا ماحد جرب كريمات من وانا طالبة بالجامعه وادور علاجات لسواد العين يعني من عمري 20 وو21 وليما الحين عمري 31 سنة مالقيتشي زين استخدمت اول منتج اللي انتي حاطته ومنتج ليراك ومن لانكستر و كلارنس وشانيل وديور ,,ماسو شي يمكن يرطب بس ماخففلي شي ,, هذاغير الماركات الغير معروفة ,,اللي شوية اقول ها ممكن خففهم بس رجع بعد ما تركته كريم زين الاتات لسواد العين,,والتجاعيد ما عندي حمدالله بس خط خفيف يمكن من الارق والتوتر,,لمن احط عصارة البطاط المبشور وهو بارد والله اشوف فرق بصراحه بس ما استمر عليه عيبي,,جربت من بيضون ناسية اسم الماركة عرج مثل جل ماسك احطه بالثلاجه لازم واحطه تحت العين بارد وحلو بعد وونسيت اسم الماركة ومادورت عليه بعد,,والحين اخر شي شريت من سلفردجز بلندن ولا تشجعت استخدمه مع انه مدحتلي اياه وايد,,ماركة bliss كمادات مع عصارة فيها مواد علاجية تنطح بالثلاجه واحطه تحت العين وقت النوم وفيه اوكسجين واكيد انتو عارفين فوايد الاكسجين,,وعندهم شغلات تهبل واايد وايد وقالو بيفتخون عالسنة الجديده بدبي حسافة مافي بالكويت كان ودي اخمط كل شي عندهم,,

هذا هو المنتج ,,يالله اللي بلندن عندها احد توصيه انا خايفع استخده لا يخلص ومتامله اني بستفيد منه ,,خوش دعايه ما استخدمته ليما الحين

جربته ينن وكانوا يوصلونه لي الباب عجييييييييييييييييب