مشرفة ساحة الطفل لاتسكري مواضيعنا مارح تحبين عيالنا كثر مانحبهم

[د.مشمش]

يا اختي خلنا نستفيد من تجارب الامهات
كل ما كتبنا موضوع سكرتيه حرصا على مصلحة الطفل
اقولك وبصراحة مارح يكون قلبك على عيالنا اكتر منا
فرجاء لاتسكري مواضيع الامهات
على فكرة الطب بالاصل علم قائم على التجربة
وممكن ام تحصل معلومة تبرد قلبها وتطمن بيها على طفلها من ام تانية

 

[د.مشمش]

رجاء خليك ديمقراطية ولاتحذفين الموضوع حتى نشوف اراء الامهات

 

[أم حيدر]

مشمش

حبوبة لا تاخذين كلام المشرفه بهالحساسية بالعكس أنا فاهمة عدل ليش المشرفه تحذف نفس هالمواضيع

اهي ما شككت بحرصنا على عيالنا خير شر - بس كونها مشرفه عن القسم فهي محاسبة أمام الله عن المواضيع والردود اللي فيه

واذا انتي واعية صح ما راح تعطين عيالج دوا بدون استشارة طبية - بس من جانب ثاني في امهات الله يهداهم تسمع اسم الدوا مني ركضة عالصيدلية تشتري وتطبق على ولدها ولا بنتها.

طولي بالج - أيام أول يقولون النصيحة بجمل يا خيتي

 

[توتاتوتا]

صح كلامك بالذات الامور الي تتعلق بالادويه البديله و نتشارك التجارب و نتائج الادويه

عدال الاطباء عندهم من الاخطاء ما الله به عليم فلازم نتبادل التجارب

 

[د.مشمش]

مشمش

حبوبة لا تاخذين كلام المشرفه بهالحساسية بالعكس أنا فاهمة عدل ليش المشرفه تحذف نفس هالمواضيع

اهي ما شككت بحرصنا على عيالنا خير شر - بس كونها مشرفه عن القسم فهي محاسبة أمام الله عن المواضيع والردود اللي فيه

واذا انتي واعية صح ما راح تعطين عيالج دوا بدون استشارة طبية - بس من جانب ثاني في امهات الله يهداهم تسمع اسم الدوا مني ركضة عالصيدلية تشتري وتطبق على ولدها ولا بنتها.

طولي بالج - أيام أول يقولون النصيحة بجمل يا خيتي

هلا ام حيدر
اختي احنا مارح ناخذ العلاج من المنتدى
بس نسمع تجربة كل وحدة ونتنور
والكل بستفيد
لو اقولك سالفة ماتصدقين
وانا حامل في امور جدا مهمة نفعتني من المنتدى اكتر من الاطباء
والسبب كنت اقرا وايد عن تجارب الحوامل
اتمنى تكون فهمتي مقصدي
ومشكورة على النصيحة

 

[miss mama]

الصرااااحه احنا ساعات امهات نحتاااااااااج الدعم النفسي والمعنوووي ندش نكتب مواضيع وشي يقهر نرجع نلقاها مقفله !! بس اذا جينا على الحق..في مواضيع ممكن فعلا بحسن نيه الوحده تاخذ براي عضوة وتضر الطفل...

ياريت المشرفه اذا شافت رد عضوة ممكن يضر في انها كتبت اسم ادويه او شي..تدش على رد العضوة وتمسح الي كتبته..بس مو تقفل الموضوع .. انا انقهرت لووووول...هذا رايي وياريت الكل يوسع صدره

 

[د.مشمش]

صح كلامك بالذات الامور الي تتعلق بالادويه البديله و نتشارك التجارب و نتائج الادويه

عدال الاطباء عندهم من الاخطاء ما الله به عليم فلازم نتبادل التجارب

صادقة اختي وكلامك مية مية

 

[كيت كات]

حبيبتي انا الى الان مامسحت لج اي موضوع يمكن اختي الثانية مس شوقر
بس اظن كان واجب تقرين الرابط اللي حطته لج وهي قوانين القسم
الاستشارية الطبية تخص الطبيبة فقط
ممنووووع تحطين اي استشارة لغير اهل الاستشاره
واذا كنتي بتعرفين اللي مرو بحالتج والتجارب في طريقة
دشي على موضوع الطبيبة وحطي بحث بالموضوع نفسه عن حالة ولدج
وراح يطلعلج كم هاااائل من بنات مرو بتجربتج
والحمدلله القسم متروس باهل علم واختصاص
واذا كان خاطرج باراء وسوالف وتجارب عندج الديوانيات
اتمنى انج تلقين اللي تبينه وتستفيدين وتفيدننا بعد

 

[د.مشمش]

الصرااااحه احنا ساعات امهات نحتاااااااااج الدعم النفسي والمعنوووي ندش نكتب مواضيع وشي يقهر نرجع نلقاها مقفله !! بس اذا جينا على الحق..في مواضيع ممكن فعلا بحسن نيه الوحده تاخذ براي عضوة وتضر الطفل...

ياريت المشرفه اذا شافت رد عضوة ممكن يضر في انها كتبت اسم ادويه او شي..تدش على رد العضوة وتمسح الي كتبته..بس مو تقفل الموضوع .. انا انقهرت لووووول...هذا رايي وياريت الكل يوسع صدره

كلام منطقي وياريت يطبقونه

 

[mrs_sugar]

عزيزتي صاحبة الموضوع

اشكر حرصج و اهتمامج

لو تلاحظين الموضوعات اللي اسكرها غالبا يكون فيها

اما توصيات خاطئة و غير مقصودة طبعا من بعض العضوات اللي يبون يساعدون

او

توصيات بأسماء أدوية و هالشي غير مسموح فيه بتاتا اللي مسموح له يوصف دوا هو الطبيب المختص لا غير

او

ان الموضوع يكون عبارة عن استشارة طبية بحتة و المفروض ان صاحبة الموضوع تاخذ راي الاختصاص

ثانيا :

يمكن ما احب عيالكم اكثر منكم كلامج صحيح

بس بما اني مشرفة هالقسم فأنا مسئولة امام ربي عن المواضيع اللي تنحط فيه
و لي كامل الحق في حذف او نقل اي موضوع اشوف انه ممكن يضر او يأثر على صحة طفل او حتى يأخر في علاجه

ممكن اترك المواضيع اللي فيها طلب اسم دكتور او سؤال عن مستشفى او ان الولد تعبان ادعوله و هالسوالف مو مشكلة

بس طلب اسم دوا
او عملية اسويها ولا لأ
او حالة معينة مرت على منو
او تتوقعون اللي طلع في ولدي من شنو ؟؟؟ منو يفيدكم اكثر الطبيب اللي بيشوف و يفحص ولا البنات اللي ما شافوا شي بيعطونج مجرد توقعات
لأ حبيبتي ما ييصر

اشدراج الحالة اللي عند بنتج اهي نفسها اللي عند البنت اللي تنصحج
مو ممكن يكون عكس المرض و انتي تاخذين النصيحة على انها نفس الأعراض و تودرين بنتج؟

لا تقولين لي لأ
لأنها صارت و صارت وايد

حبيبتي المشرفة مسئوليتها هالشي

مو بس تحل مشاكل بين العضوات و تحذف المواضيع اللي فيها هوشات
عيل خلوا القسم بدون اشراف احسن

تخيلوا لو ان وحدة حطت مشكلة ولدها و البنات قالولها لا عادي
طبيعي
لا تحاتين

و صدقت و ما راجعت الدكتور

و صار شي بالولد

مسئولية منو هذي؟
ادري مسئولية الأم مو المشرفة
بس هم انا ابي اقلل من هاللأشياء اللي احيانا تضر اليهال


اتمنى انكم تتفهمون وجهة نظري

و تقبلوا تحياتي​

 

[mrs_sugar]

على فكرة الطب بالاصل علم قائم على التجربة

كلامج صحيح مع اضافة بسيطة

الطب بالاصل قائم على تجربة المختصين