انصحونى شسوى مع مدرسة العربى؟؟

[اثمان]

بنات

بنتى اول اسبوع لها فى الحكومه اهى برابع

وتوى ناقلتها من الخاص


مدرستها العربى طاقتها بدفتر التحضير على ظهرها


ثانى يوم شفت ظهرها والا مبقع



هالحجى صار يوم الخميس


وانا ميته قهر


كل هذا عشانها نست فتر الواجب


قولوالى شسوى معاها؟؟


هذا اول اسبوع وجذى؟؟

بعدين شراح تسوى


اروح اشتكى عليها والا اكلمها شخصيا

لان بنتى معوره قلبى حيل

يا ليتنى خليتها بالخاص ولا طلعتها

 

[حلم الطفولة]

:0bee2e8d89: الله يكفيها شرهااااا .. :0bee2e8d89:

,, مادري إذا تقدين تودينها أي مدرسه خاص أو تردينها مدرستها إذا زاعجج الأمر وأمور أخرى غيره ..

بس أهم شي أثمان لا تسكتين حبيبتي ,, روحي وخل تشوف إن روراها ام وظهر ,, داومي عندهم مداوم .. كل شي ولا الطق !!!
,, خلي كلامج مع الأبله نفسها أول شي ,, وخليج ماسكه نفسج معاها واخذيها بالسياسه ,,

بنتي يايه من مدرسه ثانيه وخاص ,, كان لهم طريقه .... و .. و...و , انتي حسبة ام ثانيه لها بالمدرسه .. و .. و .وشنو يعني ناسيه الدفتر ,, تكتب على ورقه وتنقله بالبيت ومن هالحكي

** وأسأل الله أن يكافي بنتج وعيالنا جميعا شر هالنوع من الأبلات بالخاص والحكومه على السواء **

 

[اثمان]

جزاج الله خير حلم


انا ان شاء الله بروحلها باجر واكلمها

وربج كريم حلومه

 

[رقي]

لاتسكتين
بس لاتهاوشينها تحط علي بنتج

 

[اثمان]

لاتسكتين
بس لاتهاوشينها تحط علي بنتج

بروحلها باجر ان شاء الله


والله يهديها

 

[يازمان العجايب]

حبيبتي تكلمي جدام اتلناظره او الوكياه ان سكتي تمادت انا ملره ابله طاقه بنتي عشان ماخلت بنت الابله توقف جدام بالطابور رحت كلمتها بيني وبينها قامت اتراددني رحت قعدت بمكتب الناظره قالتلي الاخصائية انحل الموضوع بينا قلت ابد جدام الناظرة

 

[يازمان العجايب]

حبيبتي تكلمي جدام ااناظرة او الوكيله ان سكتي تمادت انا مره ابله طاقه بنتي عشان ماخلت بنت الابله توقف جدام بالطابور رحت كلمتها بيني وبينها قامت اتراددني رحت قعدت بمكتب الناظره قالتلي الاخصائية انحل الموضوع بينا قلت ابد جدام الناظرة

 

[حلم الطفولة]

جزاج الله خير حلم


انا ان شاء الله بروحلها باجر واكلمها

وربج كريم حلومه

الله كريم وبشرينا تالي شيصير أثمان

 

[الصابرة المحتسبة]

اول شي عورتي قلبي وحسيت باللي تحسين فيه

بس ترى التنقل مو حل .... هدي بالج وروحي المدرسة وقابلي المدرسة وكلميها بصدر رحب لأن ماندري شصار بالصف ؟؟؟ وصدقيني لما تشوف اسلوبج اللبق راح تستحي وتندم على اللي سوته حتى لو مابينته لج بينها وبين نفسها .

وبعدين فهميها بطريقة غير مباشرة انها تنبه البنت مرة ومرتين وثلاث وعقبها العقاب البسيط ..
ومايمنع بعد اسبوع او اسبوعين طرشين كرت بكلمات حلوة من بنيتج للأبله مع وردة.

 

[3aboora]

واي يا حياتي عليها ! شنو شكو تطقها ..
لا يا قلبي لا تسكتين روحي كلمي الابلة بس بطريقة حلوه و خليها توقف عند حدها ! دفتر التحضير بروحه شكبره !!

 

[اثمان]

الله كريم وبشرينا تالي شيصير أثمان

ان شاء الله حلومه


بقولكم شيصير اول بأول

 

[اثمان]

حبيبتي تكلمي جدام اتلناظره او الوكياه ان سكتي تمادت انا ملره ابله طاقه بنتي عشان ماخلت بنت الابله توقف جدام بالطابور رحت كلمتها بيني وبينها قامت اتراددني رحت قعدت بمكتب الناظره قالتلي الاخصائية انحل الموضوع بينا قلت ابد جدام الناظرة

بجرب اكلمها اول واشوف ردة فعلها


ومشكوره على مرورج

 

[اثمان]

اول شي عورتي قلبي وحسيت باللي تحسين فيه

بس ترى التنقل مو حل .... هدي بالج وروحي المدرسة وقابلي المدرسة وكلميها بصدر رحب لأن ماندري شصار بالصف ؟؟؟ وصدقيني لما تشوف اسلوبج اللبق راح تستحي وتندم على اللي سوته حتى لو مابينته لج بينها وبين نفسها .

وبعدين فهميها بطريقة غير مباشرة انها تنبه البنت مرة ومرتين وثلاث وعقبها العقاب البسيط ..
ومايمنع بعد اسبوع او اسبوعين طرشين كرت بكلمات حلوة من بنيتج للأبله مع وردة.

جزاج الله خير

 

[اثمان]

واي يا حياتي عليها ! شنو شكو تطقها ..
لا يا قلبي لا تسكتين روحي كلمي الابلة بس بطريقة حلوه و خليها توقف عند حدها ! دفتر التحضير بروحه شكبره !!

ايه والله شكبره

للأسف بعضهم ما عندهم انسانيه

 

[ريماا]

طاقتها ومعلمة على ظهرها؟ هذى حيييل عنيفة وماعندها ضمير
ماادرى بس لو انا عندى بنت ومسوين فيها جذى مااكلمها بينى وبينها الاخصائية يمكن لو طاقتها طقة بسيطة اوكى تفاهم معاها بس معلمة بظهرها ولله ماارتاح الا لما اوصلها لشخص تخاف منة

 

[اثمان]

صباح الخير بنات

اليوم رحت المدرسه

وما حصلت ابلة بنتى

حصلت رئيسة القسم والحمدلله كنت متفهمه ووعدتنى خير

وصراحه كانت خووش انسانه جزاها الله خير

والحمد لله ريحت بالى

ومشكورين بنات على اهتمامكم بالموضوع ومشاركتكم لى

والله ان شاء الله يحفظ اعيالنا واعيال المسلمين

 

[أم عبووووود]

الله يعينج حبيبتي

انا من رايي امج تكلمين المدرسة افضل بينج وبينها وتستفسرين منها عن السبب ولو ان ماكفي سبب تمد ايدها على البنت وهي ناسية الدفتر بس ميخالف طولي بالج عليها وهي اذا غلطانه بتحس وبتتحسف بس اهم شي انتي هدي اعصابج ولاتحترين والله يعينا على بعض المدرسات الله يسامحهم يارب

حبيبتي طمنينا نطرينج

 

[رفرف]

بنات مع احترامي لآرائكم .. وانا مدرسة بعد يعني مو ولية امر وبس اتحلطم ....
ما اطق بنات الناس ولا اغلط عليهم لو شنوووو ..
بالمثل .. ما ارضى احد يطق بنتي !! ولا ينقص من كرامتها !! وبدفتر التحضير وعلى ظهرها ؟؟
اذا بنتي غلطانة .. تأدبها .. صح لها الحق ولا راح اعترض .. بس مو بالطق ولا بالسب ..
اذا ما قدرت عليها .. تناديني وانا اغسل شراع بنتي واخذ حق الأبلة لييييين يطيب خاطرها ..
بس انها تمد ايدها على بنتي .. تستريح لا اهيه ولا اللي اكبر منها ..

عن نفسي ممكن احول المدرسة تحقيق .. هذا اذا ما اشتكيت عليها بالمخفر بعد ..
اذا ما خذيت حق بنتي منو بياخذه ؟؟
انا تعرضت بموقف شبيه وانا ياهل بثانية ابتدائي والله لي اليوم بخااااطري ان امي ما خذتلي حقي ولي اليوم ادعي ع الابلة اللي مدت ايدها علي يعل ايدها الكسر انشالله ومو محلله لا دنيا ولا اخره ..



صاحبة الموضوع ..
انا ما اشيشج .. كل واحد حر بعياله .. بس انا مريت بالموقف مثل ما ذكرت وحز بخاطري لي اليوم وانا مره شكبري ان امي ما خذتلي حقي ..
اي تصرف تتصرفينه بلغي بنتج فيه وفهميها انج خذيتي حقها وانج ما ترضين عليها .. علشان تثق فيج وترد تشكيلج اذا صارلها شي .. وانشالله ما يصير

 

[اثمان]

بنات مع احترامي لآرائكم .. وانا مدرسة بعد يعني مو ولية امر وبس اتحلطم ....
ما اطق بنات الناس ولا اغلط عليهم لو شنوووو ..
بالمثل .. ما ارضى احد يطق بنتي !! ولا ينقص من كرامتها !! وبدفتر التحضير وعلى ظهرها ؟؟
اذا بنتي غلطانة .. تأدبها .. صح لها الحق ولا راح اعترض .. بس مو بالطق ولا بالسب ..
اذا ما قدرت عليها .. تناديني وانا اغسل شراع بنتي واخذ حق الأبلة لييييين يطيب خاطرها ..
بس انها تمد ايدها على بنتي .. تستريح لا اهيه ولا اللي اكبر منها ..

عن نفسي ممكن احول المدرسة تحقيق .. هذا اذا ما اشتكيت عليها بالمخفر بعد ..
اذا ما خذيت حق بنتي منو بياخذه ؟؟
انا تعرضت بموقف شبيه وانا ياهل بثانية ابتدائي والله لي اليوم بخااااطري ان امي ما خذتلي حقي ولي اليوم ادعي ع الابلة اللي مدت ايدها علي يعل ايدها الكسر انشالله ومو محلله لا دنيا ولا اخره ..



صاحبة الموضوع ..
انا ما اشيشج .. كل واحد حر بعياله .. بس انا مريت بالموقف مثل ما ذكرت وحز بخاطري لي اليوم وانا مره شكبري ان امي ما خذتلي حقي ..
اي تصرف تتصرفينه بلغي بنتج فيه وفهميها انج خذيتي حقها وانج ما ترضين عليها .. علشان تثق فيج وترد تشكيلج اذا صارلها شي .. وانشالله ما يصير

حبيبتى مشكوره على ردج

رئيسة القسم ما قصرت نادت بنتى وكلمتها

وقالت لها اذا فيه اى شىء تروح لها على طول

صراحه كلامها برد قلبى

والله يكثر من امثالها ان شاء الله

 

[اثمان]

الله يعينج حبيبتي

انا من رايي امج تكلمين المدرسة افضل بينج وبينها وتستفسرين منها عن السبب ولو ان ماكفي سبب تمد ايدها على البنت وهي ناسية الدفتر بس ميخالف طولي بالج عليها وهي اذا غلطانه بتحس وبتتحسف بس اهم شي انتي هدي اعصابج ولاتحترين والله يعينا على بعض المدرسات الله يسامحهم يارب

حبيبتي طمنينا نطرينج

مشكوره حبيبتى:tek: