متى ينتهي وقت الصلاة ؟

[miss cute]

السلام عليكم ..


بنات بغيت أسألكم عن شغلة محيرتني .. و أبي بس اللي متأكدة من الإجابة ترد علي

المهم سؤالي:: الحين لما يأذن الظهر مثلاً خلنقول الساعة 11.30 و العصر يأذن الساعة 3.00 متى آخر وقت أقدر أصلي فيه صلاة الظهر و ما أكون تأخرت بالصلاة ؟

يعني مرات لما أكون برا البيت بالجامعة مثلاً أأجل صلاة الظهر ليما أرد الساعة 2 علشان بالبيت أتوضى على راحتي و أصلي على راحتي ..

بس مادري هل يجوز هالشيء ولا لأ ؟؟

وسؤال ثاني ::

متى آخر موعد لأداء صلاة العشاء؟

 

[sweet fashion]

والله ماادري
بس همن انا ابي اعرف
جزاكم الله خير اللي تعرف ترد
محتاجين الاجابه

 

[أم حمد =)]

حتى انا ودي اعرف

بس حبيبتي لو كتبتي موضوعج بقسم الفتاوي علشان نلاقي الرد

 

[miss cute]

ام حمد يعطيج العافية.. نبهتيني ..

بقول للمشرفات ينقلونه ..

 

[esperanza]

حبيبتي هذا رد مفصل على استفسارج .. أفادنا الله وإياكم بإذنه

http://islamqa.com/ar/ref/39818[/COLOR]

 

[queen.of.kw]

مشكورة اختي فالله على هالموضوع المفيد :e3:​

 

[M!Ss.Dudi]

يعطيك العافية

 

[catloverq8]

إيسبيرانزا ما قصرت على الرابط جزاها الله كل خير
و ببساطة موعد كل صلاة من أذان الصلاة لأذان الصلاة التالية
ما عدا الفجر فوقتها قبل الشروق
و ديننا دين يسر مافيه بإذن الله أي عسر
بس الأفضل نصلي الصلوات بأول وقتها ( ما عدا العشا مثل ما أوضحت الفتوى ) لأن بصراحة الواحد ما يدري بيعيش اللحظة الجاية و اللا لأ ،، و لو الله أخذ أمانته بتكون ها الصلاة دين برقبتنا !!
بالنسبة لك ما عليك باس ردي بيتك بالسلامة بعد الجامعة و صلي الظهر أستر لك و أريح
بس ديري بالك الشتا جاي و صلاة العصر بتكون بحدود 2.30
يعني مع زحمة الشوارع يمكن تطوفك صلاة الظهر !!!
موفقة يا بنتي

 

[الغدق]

جزاج الله خير على هالسؤال
بس بسأل لأن احس اشوي مافهمت
يعني وقت كل صلاة لما يأذن الآذان إلى
قبل أن يؤذن آذان الصلاة التي بعدها ؟؟؟؟
فمثلاً وقت صلاة العصر من يآذن آذان العصر إلى أن يؤذن آذان المغرب ؟؟؟
يعني لما اصلي العصر قبل لا يآذان المغرب بخمس دقايق تعتبر فاتت أو لاء ؟؟

 

[catloverq8]

جزاج الله خير على هالسؤال
بس بسأل لأن احس اشوي مافهمت
يعني وقت كل صلاة لما يأذن الآذان إلى
قبل أن يؤذن آذان الصلاة التي بعدها ؟؟؟؟
فمثلاً وقت صلاة العصر من يآذن آذان العصر إلى أن يؤذن آذان المغرب ؟؟؟
يعني لما اصلي العصر قبل لا يآذان المغرب بخمس دقايق تعتبر فاتت أو لاء ؟؟

لا ما تكون فاتت
بس العصر بالذات فيها وقت مكروه لأي صلاة ما عدا المفروضة و هو وقت ما قبل الغروب بشوي
طبعا الفرض فرض و لازم نصليه
و بالنسبة لي أحاول أتحاشى ها الوقت و أصلي العصر قبل ما تبدأ الشمس تنزل للغروب
تقدرين تصلين المغرب قبل أذان العشا بخمس دقايق و نفس الشي الظهر قبل العصر بـ 5 دقايق
بس الفجر مرتبط بالشروق - شروق الشمس

 

[أم حمد =)]

جزاكم الله خير

 

[miss cute]

الله يعافيكم بنات ..

esperanza
الله يعطيج العافية .. ماقصرتي



catloverq8
الله يعطيج العافية ماااا قصرتي كفيتي و وفيتي :*
سبحان الله الدييين يسسسسر .. الحمدلله على هالنعمة