*الهوا الغايب*
New member
عجبني هطبق وحبيت انقله لـــكم انشالله يــعجبكم
صوص البيستو عباره عن خليط الريحان والصنوبر واحيانا يكون الجوز بديل عنه ، والثوم وجبنه البارميزان وزيت الزيتون..
تخيلوا كل المطيبات هذي تلف قطعة المكرونه اللي بتاكليها وتعطرها وتلفها بالنكهه
Yummy :eh_s(3):
ما اطول عليكم خلونا نبدي
*المقادير*
2كأس ريحان Basilطازج مغسل ومجفف
1 كوب من الصنوبر المحمص مو المقلي
4 حصوص من الثوم
1 كوب جبنه بارميزان مبشوره وطبعا الافضل انك تشتريها وتبشريها في البيت بدل المعلبه اللي يكون طعمها
ملح وفلفل
½ كأس زيت زيتون
ملاحظة
تعتمد صلصة البيستو على الريحان وزيت الزيتون ، وكل ماكانوا من نوعية ممتازه راح تحصلي على صلصة ممتازه
نحط المقادير الخمسة الأولى في الخلاط ونضيف عليهم زيت الزيتون على شكل خيط رفيع ..زي مانسوي المايونيز في البيت علشان يتكون لك مزيج كثيف ..
إذا انتهيت من الخلط ذوقيها إذا محتاجة ملح أو فلفل زيادة ..وبس
تاخذي الكمية اللي تحتاجيها من الصوص على جنب ، وترفعي الباقي منه في الثلاجه (يجلس لاسبوع ) او في الفريزر وممكن يطول لأشهر بس اهم شي تحطيه في مكان مفرغ منه الهواء علشان مايسود الريحان ويحافظ على لونه الاخضر
نجي الآن لطبقنا ونحط كمية من صلصة البيستو في مقلاه عميقه ، ومافيه اي حدود للكمية اللي بتحطيها لأنها تعتمد على ذوقك انت ..فيه ناس يحبو يكثروا منها لدرجة انه المكرونه يقلب لونها اخضر عند التقديم ، وناس مثلي تفضلها كمية معتدله تعطر المكرونه وتعطيها نكهه ..
وممكن تضيفي عليها المكونات اللي انت حابتها ، أو تخليها لوحدها على المكرونه وتقدميها
انا هنا اضفت عليها قطع دجاج مسلوقة ومحمره
ومكعبات طماطم
وقلبت شوي واضفت المكرونه المسلوقة
اذا حسيتي المزيج كثيف أو ناشف شوي ممكن تزيدين شوي من موية سلق المكرونة
وتقدم على طول
وترشي على الصحن جبن بارميزان مبشور
وبالعاااااافية
منــقول
