هلا جووري تماام الحمدالله
اوف والله بطلوها بطلعه الروح
انا لما صار وقت تسجيلي دورتها ومالقيتها بغيت استخف .. وقالولي رفيجاتي لازم تداومين اليوم عشان يفتحونها لج مو بكيفهم مايفتحونها لان الأوليه حق الخريجات واكيد في وايد بنات مثل حالتج
وصج اليوم داومت ورحت مبنى 1 اللي صاير ورا المسيد اللي فيه مكاتبهم ودخلت غرفه السكرتيره ولا اشوف عندها بنات واايد واثاري كلهم خريجات ونفس حالتي يبونهم يفتحون لهم المكتب النموذجي
وهم بنات المحاسبه كانو معانا لان كانو يبون ماده العمل المكتبي
المهم تكودنا عندها وقالت كل وحده تعطيني جدولها و تكتب رقم تلفونها واللي ادق عليها وتكون برا الكليه مارح ادخلها بالماده ولا تفكرون تيون باجر لان خلااص بس اليوم بنسجلكم فيها واللي مايت راحت عليها تخيلي .. احنا هني تصرقعنا وكتبنا ارقامنا و ظلينا نحوس بالكليه ننطر متى تتصل
بس ماتصلت ورحت لها مره ثانيه ولا اشوف جم بنيه عندها وقالت يالله يالله روحو عند التسجيل ونطرو ينادون اساميكم لان انا توني طرشت اساميكم هناك
ورحنا التسجيل ونسـألهم اذا اسامينا عندهم يقولون لنا ماوصل لنا شي !
ورجعنا عندها نتحلطم جان تزفنا و تسفل فينا وتطردنا وقالت انا طرشت اساميكم ويالله خلاص طلعو برا !
طبعا خلاص حسيت اني مع رفيجاتي انهنا بما فيه الكفايه وقلنا بالطقاق خلاص يبه كرامتنا أولى والله .. تعبنا من الصبح للظهر واحنا ننطر وننطر آخرتها مايقولون اسامينا ولا ويزفونا بعد جنه احنا اللي مسكرين الماده
و رجعت البيت وخلاص حسيت ان الدنيا صاكه فيني ونفسيتي اتعبت
و سبحان الله على العصر جذي قلت خلأطبع جدولي .. ولما بطلت وفتحت على جدولي ولا اشوف ماده المكتب النموذجي موجوده عندي الساعه 4 الى 5
طبعا من الصدمه تنحت والله
ودقيت على رفيجاتي اللي كانو ولا كلهم مسجلين لهم الماده بعد
حتى اللي كانت تخصصها محاسبه واللي كانت تبي العمل المكتبي حطوها وكلنا نفس الوقت من الساعه 4 لل 5
والحمدالله سجلونا
شفتي القصه والفلم الهندي اللي صار
انتي شوفي روحي باجر والله يعينج على السكرتيره مالت القسم حاولي انتج تتحملينها وتتحملين نفسيتها وقوليلها انج مااتدرين انهم بطلو الماده وجذي وشدراج يمكن تسجلج فيها خو انتي وحده يعني مارح يأثر
وان شااءالله يارب تضبط معاج
بنااات في دواام باجر ولا اكمل نومتي
