تجمع لبنات الشريعه ^-^ ...

[الـq8ـويـت و بـس]

لوووول ان شاء الله

 

[زقرتيه]

عاااشقه الحنه انا وياااج عند حسين السعيدي لوول و اليووم مو مداوم

 

[نووونتها]

السلام عليكم​

شلووونكم بنات وشخبار الدوام إن شاء الله مرتاحين :eh_s(6):
حبيبتي الكويت وبس آنا معاج بتجويد 2 عند هناء حديد بس آنا ألحين ماخذه إجازه إسبوعين ,,, هاااا بشري حبيبتي إن شاء الله زينه <<--- هذي الماده الوحيده اللي أحاتيها لأن في بنات ذموها بس رحت أخذت عندها مضطره لأن هذي الساعه اللي ماعندي فيها شي بس حبوبه آنا س9 ,,, إنتي س9 ولا س10 ؟؟؟؟؟

تقبلي مروري ​

 

[الصيدلانيه]

بناااااااااااااات أبشركم طلعت من المستشفى وااااااااااااااااااااااي بنات عشت أكأب أيام بحياتي يماااااا تعبت تعب موو طبيعي وغرفة العمليات بروحها كانت رعب والبنج والوضع كان حدددددددده صعب :eh_s(2): والحال كان بس جذي :eh_s(11): بس الحمدلله كله أجر بإذن الله :ggdw: وما تعب معاي غير أمي الله يخليها لي ولا يحرمني منها يااااااارب أصلا محد رافقني بالمستشفى غيرها حتى خواتي ما كان لهم خلق وجوني بس مرتين مع إني تنومت خمس أيام بالمستشفى ومحد زارني كلللللللللللللللش <<---- ترى البنت قاعد تشكيلكم هاااا :0bee2e8d89: صج خوالي كانوا يدقون كل شوي بس هم محد جاني عالعموم الحمدلله يكفي وجود أمي معاي صج ما ونستها وتعبتها حيييييييييل معاي بس آخر يوم لما تشافيت شوي فرفشت معاها وسولفت جان تقولي زين الحمدلله والله ما انفتحت شهيتي وقمت آكل إلا يوم تعافيتي صج مرافق المريض مريض<<---- أثرني قاثتها :dddds:
عالعموم أدري كثرت القرقه عليكم بس أحب أقولكم كل شي يصير معاي وبالتفصيل الممل :krkrkr: يلا أتمنالكم دوام سعيد والله يشفيني قريبآ وأجيكم لأن قلت ماقدر ثلاث أسابيع إجازه وخليتها إسبوعين :eh_s(6):
يلا حبيباتي آنا أخليكم اليوم ما نمت إلا ساعه ولا تقعدني أمي يلا خروج خروج ههههههههه يعني أخليكم لأني حدددي دايخه وبنام .. أستودعكم الله الذي لا تضيع ودائعه

الحمدلله ...الحمدلله...الحمدلله
لا باس طهوور ان شاء الله:eh_s(6):
والله يخليلج الوالده ويقدرج على برها ورد طلقه من طلقااتهاا وجمايلها

بنات ماوصيكم ... ديربالكم ع نفسكم ... ترا الوضع يكدر .... اخذوا مضادات عن الانفلونزا الله يبعدها عنا وعن المسلمين جميعا آمين ... وعقموا ايدينكم ترا التعقيم اهم شي ...

الاصابات قاعد تزيد ... اليوم سجلوا حالة وفاة 9 لبنت عمرها 14 ... ضاق خلقي عليها .. الله يرحمها ويغفر لها ... ويربط ع قلوب اهلها وحبايبها يارب ياكريم ...مابي اخوفكم ولا اضيق خلوقكم بس ... ابي انبهكم بس لازم احنا نهتم بانفسنا .. لان في اجانب هناك ... وسلامتكم وصح لساني فديتني


والاهم من كل هذا الدعـــــــــــــــــــاء والاحاح بالدعاء .. انه يصرف عنا الامراض ويدفع عنا الوباء والبلاء ......

مشكورة ع التحذير يا قلبي
والله يكافينا شر المرض وكثرو من قرايت الدعاء
((تحصنت بذي العزة واعتصمت برب الملكوت وتوكلت على الحي الذي لايموت اللهم اصرف عنا هذا الوباء وقنا شر الداء ونجنا من الطعن والطاعون والبلاء بلطفك يا لطيف انك على كل شيء قدير))

انااااااا مستجدة وخاااااايفه باااااجر

حياااج الله حبووبه

 

[الصيدلانيه]

السلام عليكم و رحمة الله و بركاته

وعليكم السلام ورحمة الله وبركاتته
هلااا وغلااا.....توه ما نور المكان....من طول الغيبات جاب الغنايم:eh_s(6):

بنااااات , ابي اعرفكم و اشوفكم , فتحوا البلوتوث بالمحاضره قبل لا تيي الدكتورة او الدكتور
و حطوا النك الي بكويتيات بليززز ابي اشووفكم :'(

حلوة فكرتج
بس شلون بتعرفين هذا بلوتوث منو؟؟
عن نفسي بلوتوثي شغال مو من النوع الي يصكره وذاك اليوم بالمستشفى صارت سالفه مع بياع الذرة والبلوتوث :dddds:

انا باجر بس عندي عواد العنزي عقيده 1 الساعه 2
بس ان شاء الله بالكليه من الساعه 12
عن الزحمة

بنات مره اخيره بحط جدولي " تعبت و انا اعيد و ازيد فيه "

عشان الي معاها بالمحاضره و بتفتح البلوتوث اشوفها

135
8 عبدالعزيز المطوع علوم القرآن
9 سعاد المطوع فقه
11 تاريخ التشريع الاسلامي وليد الربيع
12 امل الخميس تجويد

24
عقيده الساعه 2

ويااي 9 و 11 و12
سعاد المطوع واااااااااااااااي عليها كلش ما جذبتني ولا ادري شقرقت عنه
انتوو تدرون؟؟

ههههههههههههههه اي والله مي توو تعبنا واحنا نعيد ونزيد :dddds:

يحليلج صراع انتي اليوم كنتي معاي عند وليد الربيع .. امبيه شفتيه لمن يملق ويقول اغلقوو اجهزتكم وخلوو مجلس الامة ومجلس الامن و الاوابك ....الخ لمدة 45 دقيقة ما تفرق :dddds: حده مليييييييييييييييق ..!

ان شاء الله يوم الثلاثاء ببطل بلوتوثي وبحط نكي _03BA:​

ههههههههه
يحليه ينكت بس لاحظتو انه ما يظحك ولا يبووسم
وجيكتي عليه لما يقول لو الزهيويه دشت كلكم بتنطوون :dddds: ولا لما يدور ورقت التلفون يا حلااته والله يطول بعمره يارب ويعطينا A

 

[الصيدلانيه]

قووة بنااات
شلوونكم وشخبااركم وشلوون الدواام وياااكم
اف تعب حده......اليوم ما داومت_03BA:
تخيلو عاد الاوراق الي وزعوهم الدكاترة وفيهم مواعيد الاختارات كانوو بجنطتي بس بآخر محاظرة طلعتهم وحطيتهم بالدفتر الي وزعووه علينا ملوت الاتحاد وقبل ما ارد البيت اكتشفت ان الدفتر والاوراق مختفين
رحت الكفتريا وتتبعت آثاري ((متعووب عالجمله:dddds) وما لقيته
شسووي ؟؟
ماعندي الجرأة اقول للدكتور ابي ورقه ثانيه ....بقول ليش جاهل ظيعتيها ....بمصخرووني...ما يسووى علي

عاد اسمعوو شماته الاهل
مو مشكله الدفتر بداله الف اهم شي انتي ما ظعتي:dddds:

 

[بنوتة ازقرتية]

السلام عليكم ورحمة الله وبركااته
شالاخبار بنات؟
شمسوين؟ شكوو ماكوو؟
وشلون التجمع؟
بنااات بقوولكم شي
خلود الكندري مو اسمي الصجي هذا اسم رفيجه بنت خالتي وانا حبيتها وحطيت نكي اسمها وهي معانا بالكليه ويمكن تكوون معااناا بالمنتدى
بس عن جريب راح اغيره عشان ما احرج نفسي وياها
فاذا كانت موجوده بالمنتدى فاتمنى تقبل اعتذداري

 

[ن‘ـۈنآ ..~]

مسآإء الخيير

شلوونكم حبآيبي ؟

تحسسفت اليوم أني داومت

ماعندي إلا عند السعيدي وما حضر

من اولها جذي :eh_s(14)::eh_s(14):

 

[نووونتها]

:68_asmilies-com:​

لا بعد حبيبتي أبشرج السعيدي يداوم يوم ويغيب أسبوع ,,, وإنتي ما عندج إثنين وأربعا إلا هو يعني ياما أيام بتعنين فيها وتروح عليج عالفاضي بس ما عليه حبيبتي ترى إهو حتى إذا داوم كللللللللللش موو حيل مع الغياب يعني هذي إجازه مني لج كل أثنين وأربعا :dddds:

 

[رنين*]

السلاااااام عليكم ...............
فكره صراع اللحظات حلــــــوه ........الي يبينا نعرفه يشغل بلووووووتوثه ويحط نكه بالمنتدى

ياااااارب توفقنااااااا يااارب وتخلينااااااا نركزع درااااستناااا ولا تلهيناااااا عنهاااااااا

يااااااااااارب آآمين

 

[mzajya_90]

بنات يعطيكم العافيه

الصراحه اختي بالحقوق وحابه تعرف عن جم دكتور من كلية الشريعه

حق مادة الاحوال الشخصيه

عبدالرؤوف الكمالي
انور العبدالسلام
الطاهر --- بس مادري شنو عايلته

فياريت تساعدوني تقولولي اطباعهم وشرحهم ودرجاتهم و جذي لان تسجيلها الخميس

ومشكوووورين

 

[صانعة المستقبل]

بنات حبيت أسألكم شلون اطلع هوية الجامعة :
شنو المطلوب ؟
وين أروح عشان اطلعها ؟
ساعدوني أنا مستجدة = (​

​

 

[صانعة المستقبل]

نسيت أقولكم المكتبة الي بالكلية احصل فيها كتب
المقررات كلها ولا لازم أروح مكتبة الطالب بالشويخ ؟
وين مكانه بالضبط ؟
ولازم كل محاضرة أخذ الكتب معاي ؟
أدري طولت بالحجي = ))))))

 

[oranGe~Girl]

السلاام عليكم

بنات بغيت اسالكم

منو معااي عند حامد العلي سيرة نبوية الاحد والثلاثا والخميس

بس ابي اتاكد من اسم الكتااب

وماتقصرون

 

[ألمـــاس]

بنات حبيت أسألكم شلون اطلع هوية الجامعة :
شنو المطلوب ؟
وين أروح عشان اطلعها ؟
ساعدوني أنا مستجدة = (​

​

... حياج الرحمن ... :68_asmilies-com:

الهويه الجامعية .... إذا تبينهاا بطلي عيوونج عدل على الأوراق إلي على الطوف لأنه يحوط موعد إستلامهم فيها .. وهم بجريده آفاق ... :tomato2:

بس أظن مثل كل مره عند بوابه 5 >>> الجبرات إلي عند بوابه التربيه ... وماا أنصحج تروحين بروحج يخرعون .. 6 رياييل .. بغرفه صغيره ..:eh_s(1):

و المطلوب جدولج ... _03BA:

 

[ألمـــاس]

نسيت أقولكم المكتبة الي بالكلية احصل فيها كتب
المقررات كلها ولا لازم أروح مكتبة الطالب بالشويخ ؟
وين مكانه بالضبط ؟
ولازم كل محاضرة أخذ الكتب معاي ؟
أدري طولت بالحجي = ))))))

نوووو ماا كو كتب تنباع بمكتب الكليه ..

بس كل سنه يحطون معرض نشتري منه كتب ...
مو كل الكتب تحصليهم بالشويخ .. بس الأفضل أنج تروحين لهم أول وبعدين تبدين تفترين على مكتبات حولي :dddds:

مكان المكتبه كليه الشويخ >> وين المكان إلي سجلتي فيه .. بالشارع إلي قبالهم .. يعني لفي قبل لاتوصلين صاله القبول والتسجيل -زين -

أمااا عن سالفه أخذ الكتب ... على حسب الدكتور يعني في دكاتره كلش ما يدري عن الكتاب ولازم تكتبين معاه بالنوت وفي .. ضروري تخططين معاه وتاخذين الكتب معاج ..

إذا بطلوا تسجيل اللوكرات أخذي لج واحد .. وحطي كتبج هناك ولا تحاتينهم :tomato2:

مووفقه

 

[ألمـــاس]

بنات يعطيكم العافيه

الصراحه اختي بالحقوق وحابه تعرف عن جم دكتور من كلية الشريعه

حق مادة الاحوال الشخصيه

عبدالرؤوف الكمالي
انور العبدالسلام
الطاهر --- بس مادري شنو عايلته

فياريت تساعدوني تقولولي اطباعهم وشرحهم ودرجاتهم و جذي لان تسجيلها الخميس

ومشكوووورين

بصراحه الكمالي و أنور السليم .. أخذت عندهم تجويد ... 2 زينين .. بس عبدالرؤوف شديد أكثر
السليم كا يركز على الحفظ وايد أهم شي التجويد ...

الطاهر ما سمعت عنه ...

أتمنى أكون أفدتج .,,

 

[صانعة المستقبل]

... حياج الرحمن ... :68_asmilies-com:

الهويه الجامعية .... إذا تبينهاا بطلي عيوونج عدل على الأوراق إلي على الطوف لأنه يحوط موعد إستلامهم فيها .. وهم بجريده آفاق ... :tomato2:

بس أظن مثل كل مره عند بوابه 5 >>> الجبرات إلي عند بوابه التربيه ... وماا أنصحج تروحين بروحج يخرعون .. 6 رياييل .. بغرفه صغيره ..:eh_s(1):

و المطلوب جدولج ... _03BA:

مشكورة الماس ولا خله ولاعدم ​

:dddds:

شؤون الطلبة ما يعطون الهوية ؟
وجريدة افاق احصل فيها شنو ؟
وورقة فتح احساب اعطيها حق منو؟؟​

 

[mzajya_90]

حبيبتي ألماس مشكوره بس جنج تلخبطتي بالدكاتره



هذا اسمه عبدالرؤوف الكمالي


وانور شعيب العبدالسلام


والطاهر خذيري


ابي معلومات عنهم

 

[صراع اللحظات]

السلام عليكم و رحمة الله و بركاته

يا هلا بناااااات شلونكم

قلت لكم حطوا اساميكم الي بالمنتدى

و خلوود عاد انا كنت قاعده اركز على الاسامي بس المشكله يقولون خلود فلان مو العايله

بس ان شاء الله نعرفج =)

بنااااات الي كانو عند سعاد المطوع الساعه 9

اليوم

انا الي قمت وقفت سألت شرحت ( خطر ببالي عشان ايي التجمع اقولكم هذي انا ابييه ما اتخيل شكلي و انا اعيد المحاضره :$ )

و ترا انا امس رحت حولي و شريت كل الكتب و طلعوا علي بـ17 , لأن مالي خلق انطر المعرض الي اسمع عنه و ما شفته

و لا اروح شويخ و ممكن او مو ممكن القى

بس ترا بحولي انا انصدمت
يدخلون طلبه " مبين انهم شريعه " ياخذون 5 او 6 او 10 كتب من الكتاب الواحد :|

الي لدرجه اني شريت و بعدي بساعه او ساعتين رفيجتي راحت قالوا لها كتاب مال ماده التشريع الاسلامي خلص
و انا شايفتهم شكثرهم بس اكيد واحد يا و خذا كميه :s

و الفقه المنهجي رفيجتي دخلت بعدي بـ10 دقايق جان يقول توها مخلصه اخر نسخه من المجلدات !!!
تخيلوا , و راح مادري من وين ياب لها !

للي سألت عن دكاترة الشريعه حق طلبة الحقوق

شوفي رابط هالموضوع بمنتدى ثاني
متكلمين عنهم
http://talk.fanateq.com/vb/showthread.php?t=97803

و قايلين الاراء طلبة شريعه