شنو تشترون من هاالمكان

[ام خالدH]

حبيباتى خواتى اليوم رحت حق دايسو طبعا هو معروف بغيت اعرف لما تروحين هناك شنو تشترين انا شريت زيوت فواحه


وحامله سيديات وشويت اغراض انا اول مره اروح بس حبيت شنو تشترون منه

 

[طيف ااالكويت]

عنده صنادبق وبوكسات حلوه
هم تلقين سوالف العنايه بالرجل والايدين
عنهم فناتق اشكثر
اذكر في موضوع من فتره كان موجود وتحجو عن دايسو بدورلج وين راح باي داعوس

 

[طيف ااالكويت]

ياسبحان الله انا قلت انه من فتره كان الموضوع موجود والموضوع طلع من سنتين
كل هاذا يجري من عمرنا يالله حسن الخاتمه
وهاذي الرابطه
http://www.q8yat.net/showthread.php?t=83496

 

[sara3]

عنده صنادبق وبوكسات حلوه
هم تلقين سوالف العنايه بالرجل والايدين
عنهم فناتق اشكثر
اذكر في موضوع من فتره كان موجود وتحجو عن دايسو بدورلج وين راح باي داعوس

حبيبتى طيف الكويت الكريمات اشلون اتعرفين لهم كل باليابانى ما ادرى ليش نحاسة ليش ما يكتبون بالانجليش

انا اخذ منهم سوالف المطبخ .اخر مرة خذت مثل السلة وفيها مغناطيس وايد عملية وقوية احطها على باب الثلاجة حاطه فية قلم ووصفات المنتدى خخ خخ خخ
وفى وحدة اتييك مقسمة 3 اقسام حاطة فيها ورق الالمنيوم وورق الزبدة والنايلون تغليف الاكل وفيها من تحت مثل العلاق حق رول الكلينكس انا لان المطبخ عندى ضيق ادور هالسوالف عاد النشافة فوق الغسالة عندى فى المطبخ امركبتها على النشافة احسها وايد عملية

اى وعندهم شغلة كنت ادورها قالوا عنها البنات اهى مثل الكلينكس يتلزق بالجاكيت علشان افرازات العرق يعنى حلوة حق الهدوم الشتوية

هذا اللى يا على بالى الحين ومشكورة على الموضوع:tek:

 

[سكارف.فوشي]

انا اشتري مواسة حواجب واغراض تجميليه مبارد ملاقط ومن هالسوالف

 

[غـــــلاM]

حلوووو دايسووو
مره شريت منهم سلة ملبسه بخامه مشجره حيل حلوه
واخذت 3 اكواب مزيينين بقش ملون وورده اوركيديا صغيره حيل حلوه بخليهم واحد لفرش المكياج
وواحد للكحل والماسكرا وهالخرابيط
والثالث احتياط خخخخخخخخخخخخخخ بس بنص دينار

 

[bint_al8omar]

ماسمعت عنه شكلي بروحله

 

[ms.dlw3h]

وانا كمان اول مره اسمع عنه وين موجوده فيه؟؟

 

[nadoo]

انا اشتري منه اخر فتره اكسسورات لستائر حلوين كتير و خيطان والعاب للبنات ومغنطيس وكاسات وحصالات وبراويز زيت مساج وقطعه خشبيه لمساج القدمين وبس

 

[ام حلومي]

عندهم فاونديشن عجيييييييييييييب طبيعي وايد حلو عالبشره ادوره دواره بس تحصلونه بدبي هني مانعينه مادري ليييش

 

[ام حلومي]

موجود بالفروانيه يم الجمعيه بس بره وتلقونه بستي سنتر السالميه

 

[ألول_85]

شاريه منهم فواحة عطور و عندي علب مقسمه في لونين منهم وردي و ازرق حاطه دلاقات ريلي و حاطه ملابسي الداخليه
و عندي قواطع بلاستك مقسمه درج ملابسي الداخليه
و ريلي مره شره ادوات مساج
ودايما احب ادشه اذا رحت ستي سنتر اشوف شنو في يديد

 

[om.5doja]

اول مره اسمع فيه

ان شاءالله بروح واشوف

اهو وين صاير بالسالميه ؟؟

داخل سيتي سنتر؟؟

 

[لانا العود]

اكبر فرع واجدد فرع اللي بالجهراء لالالالالايطوفكم يستاهل العنوه

 

[الفراشة_البيضاء]

اول مره اسمع فيه

ان شاءالله بروح واشوف

اهو وين صاير بالسالميه ؟؟

داخل سيتي سنتر؟؟

اي حبوبه داخل ستي ستنر الجمعيه مو السوق


انا شريت منه صينيتين و شغله حق الكراسي ملوت طاولة الطعام عشان لايطلع صوت جنهم دلاغات صغار خخخخخخ
وشريت منه شموع و زرع صناعي صغار حق المطبخ
وقشارة بطاط عجيييييييييبه جنها موس تقشر عدددددددل حدي مستانسه عليها
ومثل مربعات بلاستك صغار حطيتهم بالمطبخ على الرخام عشان لايتوصخ
هذا اللي اذكره

 

[صغيرة على الحب]

ايهو قصدج ستي سنترسوق السالمية اللي يسمونة المعلم ؟