توصيل طالبات لجامعة الكويت

[¤•°أنا غيـk.s.aـر•°¤]

السلام عليكم ورحمة الله وبركاته...

أخباركم بنات / الجامعة .... كل عام وانتم بخير وعسى الله يوفقكم بحياتكم الجديدة ...

الله الله بالسنع والركادة ..ولاتغركم المظاهر .. وانتبهوا من صيد شباب الجامعة .. والله يكفيكم شرهم

واعرفوا مخابر البنات قبل مظاهرهم وحكيهم...فليس كل مايلمع ذهباً...:ggdw:




حبيت أطلب مساعدتكم بخصوص مواصلات خاصة للجامعة ، أختي محاضراتها من 12 - 1 ومن 3-5 باالخالدية

ومتوهقين الحين بالمواصلات ..حرام تروح من صباح الله هناك.


فا اللي تعرف ارقام سواويق يوصلون من العاشرة او المنقف خاصة يتواصلون معاي

والله يعطيكم العافية ويوفقكم



بانتظار ردودكم​

 

[fun]

والله ما اعرف

بس ما حبيت اطلع بدون ما ارد علييج


ان شاء الله يفيدونج البناات

 

[¤•°أنا غيـk.s.aـر•°¤]

فديتك فن.... يكفيني احترامك لموضوعي بردك هذا ..

عن جد حنا متوهقين بأختي...المسكينة..


دقيت على كم وحدة ...

وحده اسمها أم شروق مصرية ...تبي بالأسبوع الواحد يعني 5 أيام فقط ....... ( 40 دينار ) يعني بالشهر (160 دينار)

شطحت حيل وشكلها لقت لها خبول ..يعطونها بالهبل وشاخت على روسنا...:eh_s(14):


والثانية اسمها فاطمة الهندية ...تبي بالأسبوع (25 دينار) يعني بالشهر ( 100 دينار) وقعدت تبكي وتشكي من غلاااااء الأسعار والإنديان جيت ... وان رواتبنا ارتفعت فلازم هي تغتني من جيوبنا...



ووحدة اسمها زبيده الهندية تبي بالشهر (120 دينار) سواءً رحتي والا غبتي...
ابتلشنا فيهم ...ودنا بباص صغير ..مو سياره خصوصي...

 

[بشاير خير]

up

up

لعيوووووونكم

وعسى الله يوفقج ويوفق اختج

 

[zain 3la zain]

اممم والله مااعرف

بس up

وانا بعد بنت خالتي نفس الحااله ان شاء نلقى !!​

 

[][^LoOoNdon^][]

انا اعرف وحده .. اسمها فاطمه تهههههههههههههبل عن جد رووعه ..

اذا تبين الرقم اطرشه لج ع الخاص

 

[¤•°أنا غيـk.s.aـر•°¤]

:68_asmilies-com:

ماقصرتم على الفزعة يا عيون جدي ..

..زين على زين..

..بشاير خبر ..

لندنية ........ تسلمين يا الغلا...

ارسلي لي اي شيء وكل شيء لو سايق تنكر....



​

 

[صب القفشه]

فديتك فن.... يكفيني احترامك لموضوعي بردك هذا ..

عن جد حنا متوهقين بأختي...المسكينة..


دقيت على كم وحدة ...

وحده اسمها أم شروق مصرية ...تبي بالأسبوع الواحد يعني 5 أيام فقط ....... ( 40 دينار ) يعني بالشهر (160 دينار)

شطحت حيل وشكلها لقت لها خبول ..يعطونها بالهبل وشاخت على روسنا...:eh_s(14):


والثانية اسمها فاطمة الهندية ...تبي بالأسبوع (25 دينار) يعني بالشهر ( 100 دينار) وقعدت تبكي وتشكي من غلاااااء الأسعار والإنديان جيت ... وان رواتبنا ارتفعت فلازم هي تغتني من جيوبنا...



ووحدة اسمها زبيده الهندية تبي بالشهر (120 دينار) سواءً رحتي والا غبتي...
ابتلشنا فيهم ...ودنا بباص صغير ..مو سياره خصوصي...

اممم انزيــن ليــش ما تتفقون معاا وحده منهم يومي مو شهري

 

[Queen_Angel]

ليش ما تروح مع باص الجامعة اريح واضمن ويطلع باوقات مختلفة...يعني مرة تودونها مرة باص جذي

>>>

 

[¤•°أنا غيـk.s.aـر•°¤]

اممم انزيــن ليــش ما تتفقون معاا وحده منهم يومي مو شهري

ماقصرتي على ...تفاعلك..

مو هذي يوميتهم ... يعني روحه بــ 4 و رجعه بــ4 وعليك الحساب..

والا 5 باليوم الواحد...


الله يكتب اللي فيه الخير ..وييسر لنا أمورنا ..يا الغلا

تسلمين​

 

[فديتـ♥ترابـ♥الكويتـ]

موفقـــــــــهــ


آآآآآآب

 

[secret_of_life]

ليش ما تروح مع باص الجامعة اريح واضمن ويطلع باوقات مختلفة...يعني مرة تودونها مرة باص جذي

>>>

مشكلة باصات الجامعة انه ياخذ الطالبات من الصبح على 6:30

و يروح الجامعة

بعدين يطلع من الجامعة على البيوت فترتين

واحدة 2:30 الظهر

و الثانية 6 المغرب


الله يعين

 

[secret_of_life]

السلام عليكم ورحمة الله وبركاته...​

أخباركم بنات / الجامعة .... كل عام وانتم بخير وعسى الله يوفقكم بحياتكم الجديدة ...​

الله الله بالسنع والركادة ..ولاتغركم المظاهر .. وانتبهوا من صيد شباب الجامعة .. والله يكفيكم شرهم ​

واعرفوا مخابر البنات قبل مظاهرهم وحكيهم...فليس كل مايلمع ذهباً...:ggdw:​

حبيت أطلب مساعدتكم بخصوص مواصلات خاصة للجامعة ، أختي محاضراتها من 12 - 1 ومن 3-5 باالخالدية​

ومتوهقين الحين بالمواصلات ..حرام تروح من صباح الله هناك.​

فا اللي تعرف ارقام سواويق يوصلون من العاشرة او المنقف خاصة يتواصلون معاي ​

والله يعطيكم العافية ويوفقكم​

بانتظار ردودكم​

اقول فيه وحدة اعرفها

ممكن توصلها على 80 بالشهر

اذا يناسبكم بلغيني ادز لج رقمها على الخاص

 

[أم رموسه]

ابـــ

اللي تعررف تفيدني بنااااات بليييز :eh_s(1):​

 

[¤•°أنا غيـk.s.aـر•°¤]

ماقصرتم على الرفع

فيه وحدة مع زوجها الهندي تقول 80 دينار للطالبة الوحدة واذا 3 طالبات بنفس المناطق أو الصباحية بنفس الوقت

للخالدية وكيفان ..توزع الــ80 على الـ3 طالبات . فتصير كل وحدة تدفع 25 دينار روحة و رجعة بالشهر ...بسيارة فورد جديدة ..:ggdw:


مواعيد المحاضرات
12 الى 5 العصر تقريباً مو مشكلة يتم التنازل عن ساعة مبكر باتفاق البنات كلهم...أكيد.

يعني تطلعون عال10:30 والا 10:45 ص ..​

 

[secret_of_life]

الله يوفقج

زين حصلتي السايقة

و ان شاء الله تحصلين الطالبات بعد

 

[¤•°أنا غيـk.s.aـر•°¤]

الله يوفقج

زين حصلتي السايقة

و ان شاء الله تحصلين الطالبات بعد

اللهم آمين .

:eh_s(6):
..دعواتكم بالتوفيق للجميع​

 

[حلا الهيلا]

حبيبتي انا نفس حالة اختج وانا كليتي في الخالدية اذا لقيتي السايقة اقدر اروح معاها ؟
انا قريبه عند منطقة الصباحية
انطر ردج حبيبتي

 

[¤•°أنا غيـk.s.aـر•°¤]

حبيبتي انا نفس حالة اختج وانا كليتي في الخالدية اذا لقيتي السايقة اقدر اروح معاها ؟
انا قريبه عند منطقة الصباحية
انطر ردج حبيبتي

ان شاء الله أتواصل معك ..عالخاص ..
ونضبط أموركم ..والله يكتب اللي فيه الخير لكم كلكم..​

 

[توتاتوتا]

حماتي يوصلها سايق ب 120 في الشهر بس على حسب جدولها و ينتظرها عند الجامعه لين تخلص تبين رقمه