صج الوزاره حددت دوام الكى جى ون فى المدارس الخاصه؟؟؟

[اثمان]

بنات بنتى بالكى جى ون وقالوا لى المدرسه انا دوامهم 7 اكتوبر


واليوم رحت المدرسه والا يقولون لى ان دوامهم اول ديسمبر وان هذا قرار من الوزاره

طبعا هذا بعد ما دفعنا الرسوم وشرينا الملابس


فالللى عندها بالكى جى ون

هل كلام المدرسه صحيح؟؟وان هذا قرار من الوزاره؟؟

وهل راح يعوضونهم عن الشهور هاذى اللى ما داوموها؟؟

 

[حلم الطفولة]

يس !!! ,,, قالو لنا بالابداع دوامهم 29 نوفمبر بعد عطلة عيد الأضحى مباشرة ,,, واليوم المفتوح قبل العيد .

 

[bella bambina]

آنا أمس سائله بالعالمية الأمريكية قالو ليلحين قاعدين يحاولون بالوزارة ويمكن يحاولون ان يكون دوامهم بعد 7 الى 10 أيام بس على قولتج يمكن يكون حجي عشان ندفع

 

[أم وجيه]

آنا ولدي يو كي جي توني كلمت المدرسة تقولي الوزارة قالت لهم كل جم يوم يداومون سبع طلاب على الاسبوع الياي يدامون كل الطلاب
بس آنا بدز ولدي عقب ما يداومون كل الطلاب ان شاء الله

 

[Dress Me Up]

انا بنتي دوامها في الكي ون انجلش بلي قروب .. دوامهم الاسبوع اللي فات خليتها دام من أمس واليوم وديتها رادونا المدرسة علشان قرار مجلس الوزاراء ...... لأنهم كانوا مخالفين القرار وقاصين علينا يقولون لنا القرار مو شامل مدرستنا كل جذب بجذب .. ليما اليوم سكرول المدرسة اجباري .........

 

[ام رناد]

انا بنتي دوامها في الكي ون انجلش بلي قروب .. دوامهم الاسبوع اللي فات خليتها دام من أمس واليوم وديتها رادونا المدرسة علشان قرار مجلس الوزاراء ...... لأنهم كانوا مخالفين القرار وقاصين علينا يقولون لنا القرار مو شامل مدرستنا كل جذب بجذب .. ليما اليوم سكرول المدرسة اجباري .........

بس اختي انا وصلتني رساله من البلي جروب من امس محددين دوام اليوم العصر من 4 الى 8 لمدة اسبوع وان الفتره الصباحيه مافي دوام.بس الى متى انا مادري واللي عنده خبر يفيدنا

 

[اثمان]

كل يوم لهم قرار دوخونا

 

[ام الحنان]

شنو السالفه دوام العصر وانا حضانه بنتى اليوم يقولونلى تداوم الاربعاء ساعتين الصبح واحنا عندنا استثناء من القرار يبونا ندفع وبس

 

[bambena]

مدرستنا البرتش اكادمي 29-11-2009

 

[شمسة 1983]

انا عيالي في بلاي قروب ونفس الكلام دوام العصر من 4 لي 8 والصبح ماكو دوام
بس انا اشوف وايد مهتمين يحطون لهم معقم وفي جهاز قياس الحرارة

 

[علايه]

انا ولدي بمدرسة الغانم بسلوى

دوامهم اول 12

 

[اثمان]

اب اب

 

[Dress Me Up]

بس اختي انا وصلتني رساله من البلي جروب من امس محددين دوام اليوم العصر من 4 الى 8 لمدة اسبوع وان الفتره الصباحيه مافي دوام.بس الى متى انا مادري واللي عنده خبر يفيدنا

هذا نادي بس عشان ياخذون فلوسكم .. اللي دفعتوا رحلوو فلوسكم ليما يبدأ دوام الصباحي وايد احسن ..

 

[*نور الكويت*]

ولدي بالبيان ودوامهم 1 ديسمبر
وهم عيال حماي بالأمريكية الدولية ودوامهم 1 ديسمبر

 

[اي اسم]

البيان اعلنوا بموقعهم الالكتروني ان دوام كي جي 1 في 1 نوفمبر
والحضانة 1 ديسمبر

 

[om rayan]

والله نصابين هالمدراس بس الشرهه على الوزارة الي بس اطلع قرارات

المفروض غصب طيب يرجعون لنا فلوسنا الي دفعناها لهم

خلاص بعد اذا لي اول 12 شبغا على السنه

انا رحت اسحب بنتي و دافعت لهم المقدم 410 قالولي 100 تروح عليج مال حجز الكرسي اقولهم اي كرسي شفنا كرسي احنا

اهو صحيح شرطهم من البدايه بس الوضع يختلف الحين احنا مو ساحبينها بنوديها مدرسه ثانيه

المفروض بعد الي صار يطلع قرار من الوزارة للي بالحضانه ويبي يسحب تردوله الملبغ بالكامل


لا و310 نطروو من اسبوعين لي شهر على ما ندقق الحسابات بذمتكم هذي حاله معلقين صرنا احنا وعيالنا والي طلعووو القرار ماندري عنهم


ماكو موظفه من وزارة التربية تقدر تفيدنا عدل شنو الي بيصير وهل من حقنا نطالبهم بفلوسنا كامله او لا


باطين جبدي اول ما سجلت شحلوهم يضحكون ويرحبون ويوم بسحب نفوس شينه وبس اهواش انا معاها ما اخترمت نفسها الا لما قتلها نادي المسؤول بكلمه

 

[om dandona]

والله انا ابني يكمبردج لا وديته ولا سألت

اتصلو فيني يقولونة خليه يداوم بس نوقع علي ورق نخلي مسئوليه المدرسه
بس انا مارضيت وبدرسله المنهج بالبيت انا تخصصي انجلش

خلهم يولون صحه عيالنا بالدنيا

 

[ام رناد]

السلام عليكم
انا قريت باحدي الجرايد ان باستطاعة ولي امر الطالب بالمدارس الخاصه مطالبة التعويض من الوزاره .صج هالكلام ؟ واذا صج ممكن احد يفيدنا .

 

[اثمان]

السلام عليكم
انا قريت باحدي الجرايد ان باستطاعة ولي امر الطالب بالمدارس الخاصه مطالبة التعويض من الوزاره .صج هالكلام ؟ واذا صج ممكن احد يفيدنا .

عليكم السلام


اول مره اسمع هالكلام:eh_s(1):