رد: بنات المنطقه الرابعه تعالو حياكم <<ابي اسماء المحلات الحلوه والكشخه للجنط والملا
شلووونكم
شخباركم
تصدقون بنات الناس قامت اجهز من الحين الموديلات لعيد الاضحى لان المعاشات بينزلونها بدري وشهر 11 كله ماكو معاش الا اخره
يعني مثل سالفة شهر الرمضان
يلااا شدوا الهمه من الحين
وانا الحمدلله سبقتكم هههههههههههههههههههههه <<< قولوا مشالله
ههههههههههههه
والله فيج حيل انا انهد حيلي
ياربي شلي مشقينا احنا يا الحريم نخلص من شي يطلع شي ثاني
افففففف
انا همي الحين العرس على الله يتممه على خير وعقب يصير خير
والله ودي افتك للعيد من الحين وافصل واخلص بس اقسم بالله وراي 600 الف شغله وشغله متى بخلصهاا
وراي صبغ شعري وراي جوتي العرس وراي اكسسوار وراي حجز مصوره وراي بدلة الصباحيه وبدلة رد اسبوع اختي العروس
يعني شكلي بروح البنك وقت الفجر واقتحمه وانهبه كله:dddds:
والله بذمتكم من وين اجيب فلوس يعني
حدي هالشهر ملتزمه حيل حيل
غير ثنتيين من رفيجاتي وجت عليهم ولاده مبكره <<<يعني ما جتهم الولاده الى بهذا الشهر مو قلنا بعد 10 يمكن نفتك شوي :dddds:
ووحده من رفيجاتي مسويه عمليه مراره :0bee2e8d89:وخبركم الحين حتى المسيار يبيله فلوس على الاقل صحن حلو وفطاير بيتعدى ال 20 موووو
غير طلايع الوالدات كل وحده 30
وغير لازم اجيب حلا وفطاير وهذا كله ميزانيه
واختي هم ولادتها اخر الشهر وهم لازم يبيله
والعرس يبيله والصحبه والصداقه يبيله والعرس يبيله والعيد يبيله
(حليمه تغني وتقول يبيله وناسه وفن وفراسه يبيله اتفكر وتربح الماسه)
(وانا اقول يبيله فلوس وقروش ودراهم علشان اغطي اتزامات هالشهر)
ما ينقذني غير الجمعيه وبس لازم ادخل جمعيه ماكو حل
والله احس راسي عورني كل ما طرى لي هالموضوع
يا الله نغير الموضوع
جربو حلويات ام احمد تهبل وديتها لرفيجتي ذاك اليوم وكلنا فصلنا عليها
بعطيكم رقمها الحين سعرها ترى رخيصه ب 8ونص
وجربو مشاوري
وبرياني مطعم عيال بو سالم روعه
وطعمه لذيذ
يا الله امتنووو مثل ما متنت والله اني صج متناااااااااانه حدي فشله العرس مابقى عليه شي ولا ضعفت:krkrkr:
