هذا حظي ونصيبي .....

[rose red]

الأحدااااث تشوق و الأسلوب حلو يلا كملي ناطرييييينج

 

[miss limoona]

حراااااااااااااااااااااااااااام شيخه كاسره خاطري انشالله تدري انه يحب وحده ثانيه عشان ماتتعلق فيه اكثر المسكينه

 

[Babystyle]

يالله حبوبة وينج ؟

 

[rawabi]

رد: هذا حظي ونصيبي ...( شيخة وجاسم)

البارت الثالث :

اليوم الثاني راحت نوره حق فيصل :
فيصل ماعليك امر تقدر توديني بيت اهلي اليوم ؟
فيصل : موجنج قبل امس رايحة لهم ؟
نوره : اي ... انت بتطلع ومابي اقعد مع اليهال بروحنا هني ومتى ماخلصت شغلغ ردنا معاك
فيصل : نوير لا يكون قلتي حق شيوخ او امج عن فواز ترا والله اكسر لج راسج
نوره : لا تكسر راسي ولاشي ماقلت حق احد ... ها توديني ؟
فيصل : بسرعة زهبي .. مالي خلق انطر وايد

وده فيصل نورة بيت اهلها عند الباب فيصل : سوي لي درب ترا بنزل اسلم على عمتي
نورة : الحين ... ؟
فيصل : اي ليش ؟ مايصير ؟
نورة : اكييد يصير بس انا اقول روح خلص شغلك وانت راد انزل ... موحلوة ادش تسلم بسرعة ... امي من زمان مو شايفتك ... وانت راد انزل اشرب لك شاي واقعد شوي حتى ابوي اكيد بكون موجود
فيصل : خلاص عيل ... وبييب معاي كنافة من الصبح مشتهيها تقولين انا اللي اتنسى مو انتي

نزلت نورة وعيالها بيت اهلها واول مادخلت صعدت دار امها
نورة : هلا يما شلونج؟
ام خالد: هلا فيج .. شلونج ويالنساة شكلها حدها متعبتج ... ويهج ذبلان
نورة : اي والله يما ... كله مالي خلق وفيني النوم ... يما وين شيوخ
ام خالد : طالعة مع سارة بنت عمج
نورة : زييين عشان نتكلم على راحتنا
ام خالد : بشنو نتكلم ... للحين ماصار شي .
نورة : انشالله بصير ... عاد يماا اذا الله كتب وفواز خطب شيوخ واللي يعافيج كلميها خل توافق مو مثل كل مرة نرد الاوادم ... اول كانت تتعذر بدراستها الحين تخرجت مالها عذر يعني
ام خالد: لا انشالله ماحنا رادينهم ... فواز خوش ولد ان اسمع صقور جم مرة يسولف عنة وفوق هذا دكتور مشالله علية والا هم من هذا كله ان امه نورية ... والله يابخت شيوخ اذا صارت نورية خالتها
نورة : اي خلف الله علي ... مو خالتي الغثيثة
ام خالد: صج انج ماتستحين ... خالتج ام فيصل غثيثة صج ماتخافين ربج
نوره : حراااااام عليج يما ... مطلعة روحي .. كل ماسويت شي لازم تعلق مايصير تسكت
ام خالد: لانها تبيلج الخير وتبيج تطلعين بالزين... والله لو تلفين الدنيا ما تلقين مثل خالتج وريلج حمدي ربج ترا النعمة زواله .
نوره : يما والله مرات اشك اني بنتج ... دايما ادافعين عن فيصل وامة... خلينا منهم الحين ... يما بقى شي من الغدا مادقيت اليوم ؟
ام خالد : اي الحين اقول حق الخدامة تنجب لج ... عيل عيالج وين ؟
نورة : تحت يلعبون
ام خالد : خل ننزلهم ولهانة على جودي وسوالفها

-------------------------------------------------------------------------------------------------------

شيخة وسارة كانوا بالافنيوز ب ستار بكس
سارة : صج تعبت ... ريولي قامت تعورني من الفرارة
شيخة : اي والله اليوم تسوقنا بضمير مابقى شمطوطة ماشريناها .. تقولين حشى تجهيز عروس
سارة : الله يسمع منج وتكون طلعتنا الياية طلعت تجهيزي
شيخة : اللي يسمعج يقول طلعتنا اليايه عقب سنة ... كل يوم احنا نطلع مايمدي تنخطبين
سارة : لا تخافين يمدي .. يمكن الحين وانا هني وحدة داقة على امي تخطبني ما يندرا
شيخة : حدج ميته عالزواج
سارة : مو ميتة عالزواج ... بس شبابنا كل يوم يصيرون احلى ابي اضمن لي واحد قبل لا يخلصون
شيخة : عاد الله يعينه اللي بياخذج
سارة : لييييييييييييييييييييييييييييييييش ؟
شيخة : حنانة ودعله و حتى البيض ماتعرفين تسوينة
سارة : عدال يا ام المجابيس اللي يسمعج يقول كل وقتها بالمطبخ
شيخة : صج اني مااعرف اطبخ بس عندي قابلية اني اتعلم بس انتي كلش
سارة : شيوخ هذا مو صقر اخوج؟
شيخة (تتلفت ) : وين ؟
سارة : انت وين اطالعين ... اللي هناك عند لورنزو قاعد يسلم على ربعه
شيخة : اي بلى هو ...
سارة : تصدقين شيوخ توني الاحظ ان اخوج حلو ... لما وقف بين ربعة بينت حلاته
شيخة : يمكن لان ربعة جياكر هههههههه
سارة : اتكلم جد والله ترا مزيون .... زوجيني اياه
شيخة : نعم يما ... اقرد اخوي حبيبي
ساره : ويعة انا قراده ... تدرين شلون ماني مزوجتج جسوم الا لما تزوجيني صقر لا واملج قبلج اخاف تكسرين فيني

---------------------------------------------------------------------------------------------

جاسم بالسيارة رايح يمر رفيجة عثمان بيطلعون ويا بعض كافيه وهو بالطريج يكلم ريم
جاسم : ريوم ويهد ادق الف مرة وينج ماتردين ؟
ريم : قلت لك كنت تحت وتلفوني خليته بالدار
جاسم : وليش مانزلتي تلفونج معاج
ريم : ماهقيت اني بطول تحت بس لما نزلت لقيت اهلي قاعدين قلت اقعد معاهم
جاسم : صج بايخة
ريم: ليش شكنت تبي ؟
جاسم : كنت بشوفج ؟
ريم : احنا مو متفقين باجر ؟
جاسم : اي بس ولهان عليج .... تصدقين ريوم مرات وابد احس انج ماتحبيني
ريم: ليييييش تقول جذي والله اني احبك
جاسم : بس مو كثر حبي لج ...
ريم : من قالك ؟ لا حبك كثر ماتحبني واكثر
جاسم : عيل ليش انا اللي دايم اشتاق انا اللي دايم اطلب اني اشوفج
ريم : انت ريال ظروفك غير ظروفي
جاسم : لا مو عذر .. حتى لما نتكلم ويا بعض دايم انت تكونين ناشفه
ريم : حرام عليك ... والله اني احبك بس يمكن انا طبعي جذي شوي ناشفه
جاسم : طبعج البايخ غيريه مااحبه
ريم : انشالله انت تامر
جاسم : شبتسوين اليوم ؟
ريم : بروح انا وعيال اختي الافنيوز
جاسم : جان زيييين لو تجابليني كثر ماتجابلين عيال اختج ..... واختج وين بتكون ليش مو هي اللي تودي عيالها
ريم : اهي بتوديهم بس انا بروح وياهم
جاسم : متى ؟
ريم : شوي وبنطلع من البيت .... عفيا جسوم لا ادق علي وانا طالعه مابي اختي تشك
جاسم : اووووووو انتي كل ماطلعتي معاها قلتي لي لا ادق
ريم : شنو تبيها اطيح علي وتسوي لي سالفه
جاسم : زييييييين خلاص ماني داق ... وين بتروحون الصوب اليديد والا القديم ؟
ريم : ليش ؟
جاسم : شنو ليش ؟ بيي اشوفج
ريم : بس احنا مو اكيد بنروح افنيوز
جاسم : انتي تلعبين علي توج قايله بتروحون افنيوز لما قلت لج بشوفج قلتي مو اكيييييد ... خلاص ماني ياي الشرهه علي انا اني ولهان عليج .. يلا باي

-----------------------------------------------------------------------------------------------


نورة كانت منسدحة بصالة بيتهم والا ادش عليها شريفة مرة خالد اخوها :
السلام عليكم ... شلونج نورة ؟
نورة : هلا شريفه ... خرعتيني ؟
شريفة : اسفه حبيبتي ... ماكنت اقصد .. وين خالتي ؟
نورة : عسى ماشر شريفة شفيج ؟
شريفة : مافيني بس ابي خالتي .... هي وين ؟
نورة : فوق الحين اناديها حياج
نورة حييل استغربت مو عوايد شريفه تيي لهم من غير ماتتصل وطريقة كلامها تبين ان فيها شي كلش ماهي طبيعيه : يمااا ... شريفة مرة خالد تحت تبيج ؟
ام خالد: الحين انزلهم ...
نورة : لا يما هي ياية بروحها
ام خالد: مو عوايدها ... هي يا تيي مع عيالها او ريلها
نورة : يما انا حاسة ان في شي ... شكلها مو طبيعي ولا صوتها
ام خالد: الله يستر خل انزل اشوف شفيها

بسرعة بدلت ام خالد هدومها ونزلت تحت : هلا شريفه هلا بالغاليه
شريفة اول ما شافت خالتها بجت
ام خالد: شريفة شفيج ... خالد او اليهال صار فيهم شي
شريفه : لا خالتي كلهم بخير
ام خالد : عيل شفيج تبجين ؟
شريفة : خالتي خالد يبي يتزوج علي
ام خالد : ومنو اللي قالج ؟
شريفة : هو اللي قالي
ام خالد : يقص عليج .. مو من صجه اكيد ان يبي يحرج
شريفة : لا خالتي كان يتكلم من صجه
ام خالد: وهو وينة الحين ؟
شريفة : مطلع اليهال يمشيهم
ام خالد: انتي هدي بالج وانا اكلمه ... بس صدقيني ان مو من صجة تهقين انه بيتزوج من غي مايشاورنا انا واوبوه
شريفة : خالتي عفيا كلميه ترا اذا تزوج بصير فيني شي
ام خالد: اسم الله عليج ... مو صاير الا كل خير
شريفه : خالتي صج بتكلمينه
ام خالد : شريفه شفيج ؟ قلت لج بكلمه ... بعدين مو بكيفه يروح يتزوج .. ماكو شغل وين يلقى مثلج
شريفه : تسلمين خالتي ... الله يخليج لي ... خلاص انا بمشي الحين
ام خالد : وين رايحة قعدي شوي شربي شاي عالاقل
شريفة : تسلمين خالتي ... خيرج واصل ... بس والله امي ناطرتني هي وخواتي اليوم زوارتنا وانا حدي متاخرة عليهم
ام خالد : سلمي عالوالدة وخواتج .. ولا تضيقين خلقج ترا خالود يطفرج


مشت شريفه من عند خالتها عقب ماريحها كلام خالتها شوي ... ام خالد : يمااا نورة ... قومي صبي لي شاي
نورة : انشالله ... عسى ماشر شفيها شروف جنها باجية
ام خالد : شروف خبله ... اخوج قايلها بتزوج عليج يبي يحرها وهي مصدقة
نورة : شنو ... لا يما مايبي يطفرها ..انا هقيت انه يتغشمر ... بس طلع من صجه
ام خالد (طلعت عينها ) : شنو هو قايل لج شي ؟
نورة : الاسبوع الفات بالزوارة قالي ان خاطرة يتزوج ... بس انا هقيت انه يتغشمر ... لاني لما قلت له ماراح تحصل مثل شروف قال ادري اصلا شروف ذهبه ... فمااهتميت يقول عنها ذهبة ويتزوج عليها.. ما تركب
ام خالد : وليش ماقلتي لي ؟
نورة : اقولج يما عبالي يتغشمر ماهقيت انه من صجه ... بس دام قال حق زوجته ... وزوجته يت تبجي اكيد السالفه جد
ام خالد على طول قامت دقت على ولدها : هلا خالد .. شلونك ؟
خالد : هلا يما .. بخير دامج بخير
ام خالد: وينك في ؟
خالد : مطلع اليهال الشعب .... امريني ؟
ام خالد : مايامر عليك ظالم .... لما تخلص مرني البيت ابيك
خالد: خير يما .. صاير شي ؟
ام خالد : لا حبيبي ... بس ولهانه عاليهال

---------------------------------------------------------------------------------------------


صقر وهو قاعد مع ربعة بلورنزو شاف سارة وشيوخ قايمين من ستار بكس راح لهم :
قوة
شيخة وسارة : هلا
صقر: شلونج سارونه ؟
ساره : بخير دامك بخير
شيخة : وانا ماكو شلونج شيوخة
صقر : انتي شايفج بالبيت .. شكو اسال شلونج ... شنو من زمان هني ؟
شيخة : من العصر ... نتسوق
صقر : شكلكم ماخليتوا شي بالسوق ... يبيلكم حمالي يساعدكم
شيخة : اي والله ايدي طاحت
صقر : عطيني اشي عنج .... بس لا يكون صافطين بعيد ... اذا بعيد ماني شايل
شيخة : لا قريب عند ايكيا
صقر : سارونه ... عطيني جياسج
سارة : لا ماله داعي انا اشيلهم
صقر : يعني مستحية حلايا هالشكل ... يبيهم واللي يعافيج
عطت سارة صقر جياسها
صقر : اااااااااااااااي ايدي ... انتي شنو شاريه اثقال ... ليش جياسج جذي ثقيله ؟
ساره : قلت لك ماله داعي انت اللي مارضيت
صقر : تكفين قولي شنو شاريه مو معقوله هدوم جذي ثقيله
ساره : لا مو هدوم شاريه صناديق حديد حق اكسسواراتي ... ييب اشيل عنك
صقر: حشى اللي يسمعج يقول اطقم الماس عندج .......لا خلاص انا اشيلهم بس يالله بسرعه امشوا مو تتمخطرون ... خل اشوف ريلكم اشوا لابسين فلاتات لو لابسين كعوبه جان لباجر نمشي
---------------------------------------------------------------------------------------------

ام خالد قاعدة مع نورة بالصاله يتكلمون عن خالد وسالفته والا يرن التلفون
نورة : ماما فهودي شيل التلفون شوف منو ؟
فهد : هذي مرا تبي ماما نوال (ام خالد )
نورة : قولها منو انتي ؟
فهد : اسمهااااا خالتي نورية
ام خالد: ياهلا ومرحبا ..
نورية : هلا فيج ... شلونج وشلون العيال ؟
ام خالد : بخير عساج بخير ... شدعوة ياحافظ من متى ماشفناج اخر مره شفتج يوم عزيمة ام فيصل قبل جم شهر
نورية : اي والله الدنيا تلاهي ... بس الله يعلم انج بالبال ياام خالد
ام خالد : تسلمين
نورية : والله ياام خالد في شغله بخاطري بس مستحية منج والله اني حدي مفتشله
ام خالد: لا تفتشلين ولا شي انتي حسبت اخت .. امري
نوريه : والله يا ام خالد .. مادري شقولج صراحه انا خاطري بشيخة بنتج حق فواز ولدي والله ان فلبي طاير عليها وادري ان السنع والاصول تقول اني ايي لعندج اخطبها ... بس والله فواز مفشلني يقول مايبي يخطب الا لما يشوفها بالاول وانت تدرين بنتج لاتدرس ولاتشتغل توهقت وين يشوفها ... وصراحة مابي يشوفها بصورة لان الصور دايم تظلم ... عاد انا قلت اكلمج واشاورج لاني صج احترت وحدي فشلانة منج .... وترا لما انا اقولج ان يبي يشوفها مو تقليل ببنتج او شكلها.. اصلا شيوخ قمر وانا ادري انها بتعجبة بس هو يبي يعرف كلامها طريقتها لو هو بس شكل بشوفة جان خليته يوقف عند بيتكم لينا يشوفها ... عاد انتي يا ام خالد سامحيني والله يعلم اني اقول هالكلام وانا حدي مفتشله ..
ام خالد: والله مادري شقولج يانوريه حتى انا احترت ولو انا مااعرفج عدل جان فهمتج غلط بس والله مادري شقولج ... انتوا حياكم الله زورونا وخل يقعد معاها شوي بحضور واحد من اخوانها او ابوها
نورية : شورتج وهداية الله ... عيل خلاص شاوري ابوكم وحددي معاه موعد نيي فيه ... والله يكتب اللي فيه الخير

 

[rayo0om_q8]

5oooosh part .. tslmeeeeeeeeen rawabi .. o na66reenichhhh ..

 

[rose red]

أنا حاسة أنا ريم حبيبت جاسم متزوجه و هذيلي عيالها مو عيال أختها!!!
و شكو خالد يتزوج على شريفة!! يقول عنها ذهيبة و يروح يتزوج عليها!! مو صج ناطرينج

 

[saro_on25]

ثااااانكس ع رواايه وكملي

 

[P!NKia]

رووووعه
كملى بليز

 

[النظره الصعبه]

حبيبتي مشكوره على التكمله حدها عجييبه ننتظر التكمله

 

[م.بدوره]

حده ريم يا متزوجه وهذول اعيالها واهي طالعه اللحين مع ريلها ..واهني الله يتخذها ماتستحي
او انها مطلقه وهذولا عيالها وخايفه تقول حق جاسم ويخليها واهني وعليه تتكسر الخاطر انشالله تاخذه

 

[رفيف الورد]

يا رب توافق شيوخ على فواز علشان جسوم يحتر ويعرف يقدر المره اللي يحبها مو يطنشها ويخليها بأمل حب مفقود

 

[دمعه حزينه]

بالانتظار

 

[مس ^_^ تكانه]

رووووعه والاسلوب حده وااااو

لايوقف لايوقف لايوقف

 

[Sara.M]

القصه حدها عجيبه ,,, ناطررينج

 

[مـ سهله ـو]

مممممممممممممممممممممممم ساره لصقر

وجاسم لشيخه بعد عناء طويل وانا اوافق اختي ريد اتوقع انه ريم متزوجه وعندها عيااال


وفواز بحب شيخه وتصير حووسه

 

[MeeMeeYoo_2]

أنا حاسة أنا ريم حبيبت جاسم متزوجه و هذيلي عيالها مو عيال أختها!!!

نفففففففففس الاحسااااااااااااس

يعطيج العافيه وناطرين البارت

 

[*FaRaWlA*]

احس انه جـــــــــــاسم راح يدري انه شيوخ تحبه بس بعد ما تتزوج و يتحسف قد شعر رااسه عليها

............


وعااشت رواابي نااطرين البارت الياي

 

[rawabi]

هااااااي بنات ... عساكم بخير حلوه توقعاتكم حق ابطال القصه عاد في جم توقع صح .... وحدي استانست لما قريت نك نيمات بنات كانوا يقرون لي قصة زينة وحمد ... حسيت ان صج لي متابعين :eh_s(6): انشالله دقايق وينزل البارت

 

[rawabi]

البارت الرابع :
اول ماخل ام خالد المكالمة نطت عندها نورة
نوره : خطبت شيوخ ؟
ام خالد : والله مادري تقول الولد يبي يقعد مع اختج اول
نورة : شكله حدة مليييييييق شدعوه عليه ... لاحق عالقعدة معاها بمل من مجابلها
ام خالد: والله مادري هالشي زين ومو زين ... زين ان يعرفون بعض قبل لا يصير اي شي ومو زين لان ماردي شلون يعني شقول حق ابوج ياي اكو واحد ياي يسولف مع بنتك واذا عجبته بيخطبها
نورة : ويييييييييييييييه ... عيل شبتسوين ؟
ام خالد : مادري .. بس اللي انا متاكة منه لو اني بقول حق ابوج كلام نوريه يمكن يهبدني
خالد : السلام عليكم
ام خالد : وعليكم السلام ياحيا الله من زارنا ... نور البيت يالغالي
نورة : شدعوه يما ترا الي ياي خالد ولدج مو شيخ
ام خالد: والله انه شيخ ولد شيخ ... هذا الغالي ... حبيب قلبي
خالد : تسلمين يماااااااا ... اي يما كملي خل بعض الناس يحترون
نوره : ماعوزك احتر ... ماكو شغل احتر منك
خالد: امراي يماااا بغيتيني ؟
ام خالد: اي والله بس ......وين عيالك ؟
خالد: برا عند ابوي بالديوانية الحين يدشون انشالله
ام خالد: نورة روحي شوفي عيالج وينهم
نوره : يما قولي خلينا شوي ماله داعي توزعيني جذي
خالد: مسكينة طردوها
نورة : محد طردني اصلا ........
ام خالد: انتوا يهال استحوا على ويهكم ... خالد بسك لا تحارش اختك وانتي طلعي بسرعة
........................... خالد شهالكلام اللي سمعته ؟
خالد: خيييييير انشالله .... اي كلام ؟
ام خالد: بتتزوج على شروف ؟
خالد: اكيد نوير الملقوفه قالت لج ؟
ام خالد : لا مو نوير ... مرتك وعلية عليها يتني ميتة من البجي خايفة تتزوج عليها
خالد: مسرع مايت لج ... انا اليوم قايل لها راحت على طول قالت لج
ام خالد: خل عنك هالكلام .... انت من صجك تبي تتزوج؟
خالد: اي
ام خالد: ليش يماااا ؟ مرتك مقصرة معاك بشي ؟ متعبتك ؟
خالد: لا بالعكس مخليتني يادهينه لا تنكتين
ام خالد (مستغربة ) : عيل شفيك ؟ ليش تبي تتزوج عليها ؟
خالد: يعني مايصير اتزوج عليها الا اذا هي متعبتني او مقصرة معاي ... دام اني قادر افتح بيتين ليش لا؟
بعدين يما انا من حقي اتزوج 4 اهم شي اني مااقصر عنهم
ام خالد: انت من صجك خويلد .... بس طق براسك تتزوج قلت بتزوج ... يايما شلك بعوار الراس والمشاكل
خالد: الحين اذا تزوجت عوار راس ومشاكل
ام خالد : انت عبالك اذا تزوجت شروف بتسكت ... اذا هي مو مقصرة عنك وشايلتك بعيونها ورحت انت وتزوجت عليها والله ماتسكت لك لو انا مكانها اذبحك واذبح زوجتك ... والا عبالك اهلها بيسكتون عنك
خالد: يما انا شبسوي ... ماني نسوي شي حرام
ام خالد: محد قال حرام ... بس البنت ماتستاهل انك تحرها وتييب لها ضرة ... لاتشوفها حبيبه وطيبه معاك الحين تحسب انها بتسكت عنك ... اقل شي تسويه تشيل اغراضها وتروح بيت اهلها هي وعيالها ... هذا غير زعل ابوها واخوانها لاويمكن اهلها كلهم ... والحق ينقال ترا اهلهم اذا زعلوا خسارتهم جايدة عازينك رازينك وعمرهم مااذوك لو بكلمه والبنت من خذيتها متحملتك ....
خالد: شدعوة يما ؟ شمسوي فيها انا ؟
ام خالد : ياحبيبي انت ولدي ولاتزعل من كلامي ترا انت حدك عسر وعصبي صج انك طيب واللي عندك مو لك بس وايد عصبي ماتحمل كلمة ولما تعصب ماتثمن كلامك والبنت من خذيتها صارلكم جم سنة عمرها مانامت ببيت اهلها زعلانه وانا مااصدق انك ماسمعتها كلام يغث او قطيت عليها كلمه.... واحنا اللي احنا اهلك عمرها ماشكت لنا منك هذا يدل انها بنت سنعه وحافظة اسرار بيتها ... حتى يوم ماقلت لها انك بتتزوج عليها ماقالت حق اهلها يت لي انا امك وقالت لي ... اذا انت بببالك زواج محد يقدر يمنعك بس قبل لا تقرر فكر عدل عشان عقب ماتحسف ... ترا اذا فات الفوت ماينفع الصوت ... خالد قولي الصج انت اكو وحدة بخاطرك
خالد ( سكت شوي ) : هااا لا ماكو

--------------------------------------------------------------------------------------------


شيخة قاعدة بالصاله مع صقر :
شيخة : صقر شرايك نطلع ؟
صقر : مالي خلق
شيخه : لو اني واحد من ربعك جان اول مااقول خل نطلع تنقز من مكانك
صقر : قلت لج مالي خلق ... لا تحنين .. اقولج شرايج تقومين تسوين لي شي اكله
شيخه : لا والله الحين انت داقرني وجاعمني ... وتبي اسوي لك شي تاكله ...مابي
صقر : هذا جزاتي شفت ان ضايق خلقج وحاسه بملل قلت الهيج
شيخة : تلهيني تقعد اطرشني ... يلا صقور قوم طلعني
صقر : مالي خلق ... دقي على طبجتج سولفي معاها
شيخة : منو قصدك سوير ؟
صقر : ليش عندج غيرها
شيخة : لا والله ماعندي ... هي اللي مونستني خل ادق عليها
ولا يرن تلفون شيخة
صقر : بل عمرها طويل ... شنو هذي ديناصور
شيخة : لا مو سارة اللي داقة هذي نورة
صقر : اشوة جان صج خفت
شيخة : هلا نورة
نورة : شيوخ .... ليش ماتردون على تلفون البيت ؟
شيخة : ماكو بالصاله الا انا وصقور ومحد له خلق يرد
نورة : يامال العافيه ... وين امي ؟
شيخة : مادري
نوره: دوريها ....... خليها ادق بسرعة علي
شيخة : شنو بتولدين ؟
نورة: انتوا شفيكم بتولدوني غصب ... قولي لها بسرعة ادق علي
شيخة : لحظة كاهي امي ... كلميها
ام خالد: هلا نورة
نورة : هلا يما ... يما وخري عن شيوخ وصقر ابي اقولج شي
ام خالد : كا وخرت ... شفيج؟
نورة : يما هذاك اليوم ماقدرت انام ظليت طول الليل افكر بسالفة شيوخ وفواز لينا انا وفيصل لقينا حل
ام خالد: ياحليله فيصل والله مطاوعج ... شنو الحل ؟
نوره : اشرايج الزوارة الياية تكون عندنا ونسويها بالشاليه وانادي حمولتي ونورية وفواز واذا حريم عمامي قالوا شطاري مناديتهم قولي .. انج ولهانه على نورية وخالتي ومو سنعة اييون الشاليه حريم بروحهم منو يردهم بالليل فاللي وصلهم فواز ... جذي محد بيشك بشي عاد تالي فواز اكيد بيقعد مع شيوخ او عالاقل بشوفها شلون تتكلم شلون تتصرف وهي بعد بتشوفه ... شرايج ؟
ام خالد: والله خوش فكرة ... اكيد هذي فكرة فيصل ؟
نورة : يماااااااا ليش انا مااعرف افكر ؟ اصلا هي بالاساس فكرتي بس هو غير شوي فيها
ام خالد: ليش شنو كانت بالاول
نورة : كنت مفكرة ان انا وفيصل وشيخة وفواز نروح كافية وهم يسولفون مع بعض بس هو مارضى
ام خالد: بالذمة هذي فكرة .. بس سمعي نوير والله وبالله اذا عرفت انج قايله حق شيوخ عن فواز لا والله ابهذلج ترا ماني فيصل تقصين علي ... اياني وياج تقولين لها شي
نورة : هذا جزاتي اني اقولج كل شي ماني قايله لها ولاني مدخله بالسالفه كيفكم
سكرت ام خالد التلفون وردتة حق شيخة : يمااا شكانت تبي نورة ؟
ام خالد: ماكو تقول بخاطرها تروح الشاليه ... عاد قلنا هالاسبوع الزوارة نخليها بالشاليه وبنعزم خالتها ام فيصل وخالتها نورية وحريم عمامج
شيخة : حدة بصير وناسه عاد خالتي نوريه تهبل وقعدتها حلوة
صقر : اي والله من زمان مو رايح شاليهنا ولهت علية ... عاد يما مو نروح الصبح نرد بنفس الليله خل انام
ام خالد : وانت شكو فينا تبي تنام هناك نام
صقر : مو انا اللي بردكم ... اذا نويتو تحدرون
ام خالد: لا تحاتي بنام هناك ... بس خل اشاورك ابوك
شاورت ام خالد ريلها ومامانع ... دقت على حريم حموانها عزمتهم هم وعيالهم ودقت على خالة نورة وام فواز نورية :
ام خالد: هلا نورية شلونج؟
نورية : هلا والله ... بخير دامكم بخير بشري عنج وعن العيال
ام خالد : الحمدالله كلنا بخير ... اقولج نوريه عالموضوع اللي كلمتيني فيه عن شيخة
نورية : اي عن شيخة وفواز خير شقال ابوكم ؟
ام خالد: والله بيني وبينج انا ماقلت حق ابونا لان اكيد ماراح يرضا
نورية : وااااااااي حدي مفتشله والله
ام خالد: لاتفتشلين ولا شي ... انا لقيت طريقة لاتحرجكم ولاتحرجنا... احنا زوارتنا هالاسبوع بالشاليه وانا منادية ان فيصل حياج انتي وفواز منها نشوفج ونقعد معاج ومنها فواز يشوف شيخة
نورية: مو جنة فشله .... احس اني وهقتج
ام خالد: شهالكلام ... اصلا انا من زمان ناويه ايمعكم انتوا مع حريم حمواني وكا الفرصة يت لعندي ... بس عليج الله يانوريه وسامحيني على هالكلمة بس مابي احد يدري عن فواز وشيخة انا حتى شيوخ ماقلت لها ... كل شي بوقتة حلو
نورية : افا عليج من غير ما تقولين ... وزين سويتي انج ماقلتي حق شيخة وانشالله احنا بنيي بس اي يوم بكون ؟
ام خالد : انشالله اليمعه ... انا قلت اليمعه احسن من الخميس يكون الكل شبعان نوم ومرتاح
نورية : خلاص عيل نشوفكم اليمعه انشالله


شيخه : ساروة دريتي الزوارة بالشاليه ؟
سارة : اي دريت ... شالطاري
شيخة : ماكو نورة بخاطرها تروح الشاليه ... انتي ترا بتييين معانا من اول يوم
سارة : ليش يعني ؟
شيخة : انشالله بقعد مع منو بالشاليه نورة وعيالها والا صقور
سارة : تعالي على طاري صقور ... شكو يقولي سارونة ؟ وايد مطيح الميانة
شيخة : حتى انتي تقولين له صقور ؟
سارة : انا اقول صقور بيني وبينج مو اشكرة اناديه صقور ... بس ياحلاة اسمي منه
شيخة : انتي شفيج وايد عشتي الدور
سارة : شسوي كل اللي حوالي يحيون .. انتي تحبين جسوم ومنار رفيجتي تحب نواف ومادري منو تحب مادري منو الا انا عاد قلت اقعد احب صقور على مااتزوج
شيخة : تقزرينها على اخوي
سارة : خل يحمد ربة اني بفكر فيه
شيخة : والله اخوي الف من تتمناه .. شفتي بالافنيوز شلون البنات يخزونه
سارة : اي والله صايرين مايستحون
شيخة : بس اخوي وحلاته كان منفس
سارة : والله مايندرا يقولج يامه تحت السواهي دواهي
دشت ام خالد على شيخة الدار
ام خالد : شيوخة من تكلمين ؟
شيخة : سارة
ام خالد: سلمي عليها ... اقولج شيوخة شراح تلبسين حق زوارة الشاليه
شيخة : عندي تريننغ يديد بلبسه
ام خالد : تريننغ ... من صجج؟
شيخة : اي يما حده حلو وترا كشخة بعدين هي زوارة شاليه مو بيت يعني لازم البس شي سبورتي
ام خالد : لا حبيبتي اخذي معاج بدله سنعة ... لاتكون وايد خبة بس تكون حلوة ونازكة واخذي معاج مكياج
شيخة : ليش يعني ؟
ام خالد: بس جذي زوارة وابيج تكونين كاشخة
شيخة : انشالله
طلعت ام خالد من الدار وردت شيخة تكلم سارة
سارة : شيوخ امج ليش تبيج تكشخين ؟
شيخة : شدراني ... يمكن لان حمولة نورة بييون
سارة : عيل حتى انا بشوف لي شي كشخة البسة
شيخة : ليش ؟
سارة : يعني بس انتي تكشخين ... مابي حتى انا بكشخ

---------------------------------------------------------------------------------------------


جاسم يكلم ريم
ريم : جسوم لا تصيرين بايخ قلت لك اسفة
جاسم : شسوي بكلمة اسفة وين اصرفها
ريم : خلاص السالفة طاف عليها يومين وانت للحين زعلان والله ماقدرت ايي جم مرة اقولك
جاسم : انني لو مكنسلة من قبل جان اوكي ... تكنسلين وانا بالمطعم انطرج وياريت داقة داز مسج
ريم : قلت لك اسفه والله ماقدرت اطلع من البيت امي ملرضت انا شسوي ؟
جاسم : .................................
ريم : حبيبي رد علي لا تصير جذي صارلي يوم كامل اراضي فيك
جاسم : لا يكون ماكنتي ناوية تراضيني بعد ؟
ريم : مو قصدي ... يالله عاد ... جسومي ... حبيبي عمري انت خلاص .... اممممممممممم انا ادري شلون بترضا ؟
جاسم : شلون ؟
ريم : شرايك اشوفك ؟
جاسم : متى الاسبوع الياي والا عقبة ؟
ريم : لا الحين
جاسم : من صجج ؟
ريم : اي ... عطني ساعة على ماالبس وازهب
جاسم : ساعة وايد
ريم : ماتبيني اكشخ لك
جاسم :والله انتي معورة قلبي لو ماتكشخين
ريم : بس انا ابي اعور قلبك زوود
جاسم : وين نروح؟
ريم: كيفك المكان اللي تبيه
جاسم : دام هذي رضاوتي كل يوم بزعل
قام جاسم سبح ولبس وطلع من بيتهم رايح حق ريم : هاحبيبتي وينج مااشوف سيارتج؟
ريم : كا 5 دقايق واوصلك
جاسم : انا بصفط ... انتي نزلي وركبي معاي
صفطت ريم سيارتها ونزلت طار عقل جاسم لما شافها ريم بنت وايد حلوة وجسمها حييل حلو وتعرف حق عمرها انوثتها كانت طاغية ... هي مو متحجبة شعرها لنص ظهرها بني فاتح وتحط مكياج ناعم يزيد من جمالها ويبرزة ... كانت لابسه نفنوف بنفسجي نص جم للركب ... ركبت ريم يم جاسم : هااااااااي
جاسم : اوووووووووف شهالحلاة .... قمر مو بشر انتي
ريم: قول مشالله لايصير فيني شي
جاسم : انشالله فيني ولا فيج ..... حدج محلوة ... كل مرة اشوفج تكونين احلى من المرة اللي قبلها
ريم: عيونك الحلوة............. وين بتوديني ؟
جاسم : لو علي انا اوديج غرفتي ... بس على قولة المثل العين بصيرة واليد قصيرة
ريم : ياحليلك صاير تقول امثال
جاسم : افا عليج حتى اشعر اقول ... انتي حقج اقول كل شي
وتم جاسم يتر بالسيارة وياريم .... شوي والاي مسك ايدها
ريم : شتبي؟
جاسم : شنو شتبي ؟ ماسك ايدج تقولين شتبي .. بدال لاتقولين حبيبي حياتي
ريم : مو انا اعرفك ...لو هي بس على مسكت ايد جان هانت ... هي دايم تبلش بمسكت ايد
جاسم : اللي يسمعج يقول كل يوم بشقة انا وياج ... موبس بوسة قاصة فيها علي
ريم : جسوم اخر مرة يالله فلت منك ... زين ماكليتني
جاسم : ياريت اكلج عاد صج انتي مالت اكل... عنى الملاقة عاد انتي من غير شي مليقة
ريم ( بدلع ) : لا والله انا مليقه ... وخر عني
جاسم : زعلتي ... تعالي عيل
ريم : شنو
جاسم : ببوسج عشان اراضيج

--------------------------------------------------------------------------------------------------
المكان بيت بو خالد
ام خالد : شيوخة روحي جيكي عالخدم ركبوا كل الاغراض السيارة ؟
شيخة : اي يما جيكت كل شي ركبوه
ام خالد : زين عيل شوفي وين صقر نبي نمشي مبجر ؟ ودقي على نورة قولي لها ان السايق الحين ياي لها عشان ياخذها هي واليهال ؟ وخلي الخدم يروحون مع السايق ماحبهم يركبون معاي .... على ماادق على خالد اشوفه حرك والا بعد
شيخة : انزين ... يما ترا سارة بتروح معانا انا قلت لها ان بنمرها
ام خالد: حياها الله ... عيل يلا استعيلي صقر

نزل صقر وركبوا الكل السيارة شيخة : صقر مر بيت عمي عبدالرحمن بناخذ سارة؟
صقر : وليش محد قالي يمكن انا مابي امر ... مالي خلقها
ام خالد: صقور احترم نفسك وودنا بيت عمك
صقر : شدعوة مانتغشمر يعني
وصل صقر بيت عمة والا جاسم توه كان راد من الدوام وقاعد يصفط ... شيخة لما شافتة طلع قلبها من مكانة ورد ... جاسم لما شافهم يالهم يسلم : السلام عليكم ... شلونج خالتي ؟
ام خالد: هلا جاسم ... شلونك يما ؟
جاسم : بخير ... شلونج شيوخة ؟
شيخة : الحمدلله بخير
صقر : وانا لايكون اسمي كومار وانا مادري
جاسم : انت عاد لك سلام خاص ... انت حبيبي ... اصلا انا مو بس اقولك شلونك الا ابوسك بعد كلش ولا صقور
صقر : احرجتني ... عاد انت خش حبي شوي اخاف يحسدونه
جاسم : شفيكم واقفين برة ؟
صقر : ننطر العمة سارة تطلع ... بتروح معانا الشاليه
جاسم : صج والله ... وليش متعنين جان قالت لي ايبها لكم ولا هالعنوة
ام خالد : مامن عنوة تستاهل سارة ... غلاتها من غلاة شيخة بنتي
جاسم : وانا خالتي مااستاهل ؟
صقر : انت شكو داش عرض
جاسم : كيفي ... انا انسان احب احس ان الناس تحبني ... بعدين انا وخالتي ننياز انت شكو ؟ صح خالتي ؟
ام خالد: عاد الله يشهد يا جاسم انك غالي اصلا انت غلاك شي ثاني
جاسم : والله حتى انا احبج وبيني وبينج انتي اكثر مرة عم احبها

شيخة كانت تسمع كلام جاسم حق صقر وامها وتتمنى لو ان الكلام لها... والا تيي سارة مستعيله :
سارة : واللللللللللللله اسفة اني تاخرت بس ترا شيوخ ماقالت لي انكم بتييون الحين ... خالتي سامحيني حدي مفتشلة منج
ام خالد: عادي ماطولتي وايد ... بعدين احنا ماحسينا كنا نسولف مع جاسم
جاسم : سوير ... ليش ماقلتي لي انا اوديج ... معنية خالتي بهالحر
سارة : هم قالوا
ام خالد: عادي اصلا بيتكم على دربنا .... يلا يما جاسم احنا بنمشي عاد مو تخلي تعال الزوارة
جاسم : وانا اقدر اصلا انا انطر الزوارة نطرة
سارة انقزت شيخة ... سارة وشيخة كانوا يحسبون ان جاسم يقصد شيخة بكلامه
سارة دزت مسج حق شيخة ... من قدج جسوم قام يقط نقزات ...
شيخة : تهقين... والله تطور
صقر : يمااااااا ابي ماي باااااااااارد حاشتني ضربة شمس ساعة بالسيارة ننطر ( وهويطالع سارة يبي يطفرها ) تقولون ننطر السفيرة عزيزة
سارة : قلت اسفة
صقر : مااسمع اكو احد تكلم
ام خالد : اي انا تكلمت قلت سوق عدل لا اهفك
















البارت الخامس :
يوم الزوارة بالشاليه ام خالد من الساعة 10 الصبح مع الخدم بالمطبخ صقر نايم بالصاله وسارة وشيخة بدارهم توهم قاعدين :
سارة : انا بسبح انتي منتي سابحة ؟
شيخة : بلى ... بس خل نتريق بالاول ونسبح الظهر

نزلو الصاله لقوا صقور نايم
شيخة : شفيه هذا نايم هني جنه مشرد
سارة : شكله كان يشوف تلفزيون وراحت عليه نومه ... شكله يكسر الخاطر بروح اييب له كمبل الحفه حرام
شيخة : انا بروح اييب لنا شي ناكله

غطت سارة صقر وقعدوا يتريقون .... فتح صقر عيونه والا يلقاهم جباله: بسم الله الرحمن الرحيم
شيخة : شفيك شايف ينانوة ؟
صقر: شفيكم تاكلون جبالي ؟
شيخة : انت اللي نايم بالصاله جان نمت بدارك
صقر : راحت علي نومة ... قومي يباي لي ريوق على مااغسل

عال 11 لبست شيخة وسارة مايوهاتهم ... سارة ماكانت متحجبة لبست شورت وبلوزة علاق وخلت الفوطة جنها شال على جتفها
شيخة : ساروووووة حدج ماتعطلتي شورت وعلاق ... وانا صارلي ساعه اغطي شعري
سارة : شفتي شلون ... عاد شيوخ بقولج شي
شيخة : شنو؟
سارة : ترا انا هالرمضان بتحجب
شيخة : شالطاري ؟
سارة : بس ...
نزلوا البنات تحت صقر كان قاعد برا عالدري لمح سارة من بعيد وصد ماعجبة شورتها كان قصير بس ماتكلم لان ماله حكم عليها والبنات يسبحون ياو جيت سكيات شباب قريب منهم اول ماشاف صقر الجيت سكيات رايح لليال واشر حق شيخة وسارة انهم يطلعون ... هو ماكان منتبه ان سارة لابسه علاق لما طلعت من البحر وشافها استخف قام يصرخ : بسررررررررررررعة تحركوا
شيخة وسارة استغربوا ليش صقر معصب جذي
صقر: سوييييير ويهد ... شلابسة انتي .. غلطانه جان تفسختي
سارة : صقر شفيك رايحة اسبح ... تبيني البس عباة
صقر : لا لبش عباة تفسخي احسن
حقرته سارة ومشت عنة
شيخة : صقور شفيك تصرخ عالبنت ؟ فشلتها
صقر: فشلتها لاني قلت لها تستر عمرها ... تصدقين عاد انا غلطان والا اتا شكو اصلا اتنرفز المرة الياية خل تلبس بكيني


عدت السالفة على خير واصلا سارة وصقر مابينهم احتكاك فبردت السالفة عقب اذان العصر... وصلوا العمام وحريمهم وعيالهم ... قعدوا خوش قعدة عالمغرب .. ام خالد : شيوخ يما روحي غيري هدومج الحين حمولة نورة على وصول .... دشت شيخة غيرت هدومها وحطت مكياج خفيف بنزلتها من الدرج والا جاسم بويها
جاسم : يه يه شهالكشخة ؟ شزينج؟
شيخة (بابتسامة ) : تسلم
جاسم : شيوخ منو اللي بيي الحين ؟
شيخة : حمولة نورة اختي
جاسم : عشان جذي خالتي مختبه .... يالله انشالله الخبة الياية تكون حق حمولتج وأشوفج عروس
شيخة زين منها ما وقف قلبها لما قال اشوفج عروس ... جاسم نوعه يحب يمدح مرات وايد يكون مايقصد اي شي

وصلت ام فيصل واختها نورية راحوا سلمواالحريم كانوا قاعدين برة بالحديقة لان الجو كان حلو اما الرياييل الصوب الثاني من الشاليه عاليال ... فواز كان ينزل الاغراض من السياره يعطيهم الخدم لما خلص راح صوب البحر
سارة : يمااااا قلبي
شيخة : شفيج ؟
ساارة : منو هذا اللي ياي صوبنا ... اللي انا اعرفة ان في عرايس بحر مو معاريس بحر
شيخة : امبي حدة حلو ... يمكن هذا فواز ولد خالتي نورية لانها قالت فواز قاعد ينزل الاغراض وبيي

فواز كان طويل وحلو اسمراني شوي وعنده قفل كان لابس شورت كحلي وتيشرت بيضا عليها شخابيط وكاب ابيض
فواز : السلام عليكم
الكل : وعليكم السلام
نورية : هذا ولدي فواز ... صار له سنه متخرج من الطب الحين هو دكتور بالاميري
شيخة : امبي دكتور وحلو مايركب
سارة : هيييييي انتي ... انت عندج جسوم ... هذا حقي انا ماعندي احد
ام خالد : شيخة يمااا قومي ودي فواز عند عمامج وعرفية عليهم
اول ماقالت ام خالد اسم شيخة التفت فواز يطالع شيخة
سارة : ياريت اسمي شيخة
شيخة : جبي حدج رقله
مشوا شوي
فواز : انتي شيخة اخت نورة ؟
شيخة : اي
فواز : شلونج ؟
شيخة : الحمدالله تمام
فواز : وين تدرسين ؟
شيخة : متخرجة
فواز : عيل وين تشتغلين ؟
شيخة : للحين مااشتغلت
وفواز يسال شيخة والا صقر وجاسم جبالهم
شيخة : صقر هذذا فواز ولد خالتي نوريه امي تقول اخذة عند عمامي
صقر : هلا والله حياك انا صقر
جاسم : ياهلا ومرحبا انا جاسم ولد عمهم عبدالرحمن

وقت العشا راحوا الرياييل عند الحريم وطول مافواز قاعد ماوخر عينة عن شيخة كانت شيخة حييييل عاجبته كان هدوؤها عاجبة
العم محمد : شيوخه ............ شيوخ
شيخة : هلا عمي
العم محمد: شفيج يبا اليوم زعلانة علي ؟
شيخة : لا ليش تقول جذي ؟
العم محمد : مايتي قلتي عمي شتبي ماتبي ؟ افا ااااااااااااااااا وانا اقول شيوخ تحبني
شيخة : افا عليك عمي اللي ايب لك ... شنو بغيت ؟
العم محمد: انتي وذوقج ... كل شي منج حلو
كان فواز قاعد يم العم محمد ويسمع كل شي ..... والعم محمد كان ملاحظ شلون فواز يطالع شيخة وفهم ان السالفة فيها ان
قام العم محمد حق ام خالد : ام خالد ماعيج امر تعالي شوي
ام خالد : هلا بو طلال امر
العم محمد : شسالفته هالفواز ؟
ام خالد ( اختبصت .. مافهمت شيقصد محمد ) : ليش شسوا ؟
محمد: هو متكلم عن شيخة ؟
ام خالد: مانت هين يا بو طلال ... اي والله وهو ياي اليوم يشوفها ماودنا يصير شي رسمي تالي البنت ماتعجبة او هو مايعجبها ... عاد قلنا يشوفون بعض بالزوارة ... بس طلبتك لاتقول حق احد ترا حتى ابوها مايدري والله ان درا يمكن يطلقني
محمد: لا تحاتين ماني قايل حق اح وزين اللي سويته خل يعرفون بعض تالي يقررون

رجع محمد مكانة والا تيي له شيخة : عمي صاؤ لي ساعة ادورك
محمد: ماعليه ... فواز ماتبي شي من البوفيه صحنك فاضي
فواز : لاعمي تسلم
محمد: قوم وانا عمك ترا سهرتنا بطول وبعدين نبتلش فيك وانت يوعان
فواز : شيخة ودي فواز البوفيه نجبي له لان اذا هو نجب بحوس الاكل تالي ماراح نشتهي ناكل
شيخة (استغربت ) : انشالله
عند البوفيه
شيخة : شنو احط لك ؟
فواز : مادري شنو حلو ... انتي شتحبين ؟
شيخة : اممم انا احب دياي مع بطاط حدة لذيذ كل زوارة لازم يسونة لي
فواز : عيل حطي لي ماعليج امر
شيخة: حتى ورق العنب حده لذيذ
فواز : اوكي
شيخة : امممم احط لك معكرونه صينيه عجيييبه
جاسم : عاد هذي غرامي محد يحبها كثري
التفت شيخة على الصوت والا جاسم وراهم
شيخة : احط لك
جاسم : اول حطي حق الدكتور تالي انا
فواز ( بقلبة شيايبة هذا حبكت الحين ايي ) حطت شيخة حق فواز ومشى فواز رايح لمكانه
شيخة : جاسم ماتبي احط لك شي ثاني
جاسم : والله انتي عجيبة كلة مدللتني ... حطي مااقول لا

خلصت الزوارة ومشوا الزوار لبيوتهم
سارة وشيخة قاعدين عالبحر .. شيخة : سوير احب جسوم
سارة : ادري
شيخة : والله حرام الجو شحلاته والقمر منور وانا قاعدة معاج ... ليش مو هو اللي معاي
سارة : صج ماتستحين ... ترا اقوم واخليج
شيخة : لالا تقومين ... سوير تهقين يحبني ؟ والا عادي ؟
سارة : وليش مايحبج ... يحصله وحدة مثلج .. بس والله مادري انتي شتحبين فية ... كلش مافيه زووود
حدة عادي
شيخة : حرام عليج ... حده زوغه كل شي فية حلو
ساره : ويييييه حده مدلل عمره عايش الدور انه المدلل
شيخة : شفيج عليه ؟ اكيد زافج
سارة : لا زافني ولاشي ... بس مستعسرة ودايخة وانتي غصب مقعدتني بره ... قومي انام وايد احسن


عقب ماردوا عايلة بو خالد من الشاليه بيومين دقت نورية على ام خالد تخطب شيخة
ام خالد : والله هذي الساعة المباركه
نورية : والله ياام خالد ماتدرين شكثر فواز طاير بشيخة ... انشالله انا انطر منج الو عشان نخطبها رسمي وايي انا وعمات فواز
ام خالد : خلاص بس خل اشاور الابو وارد لج خبر انشالله

راحت ام خالد دار شيوخ :
شيوخة يما عندي لج خبر حلو
شيخة : شنو يما ؟
ام خالد: يالج معرس
شيخة تتضايق من يخطبها احد لانها ماتبي غير جاسم ولد عمها وكانت دايم ترد اللي يخطبونها بحجة انها تبي تتخرج بس الحين مالها عذر : يمااااا مابي توني صغيره
ام خالد: لا صغيرة ولا شي اصغر منج تزوجوا .... بعدين الولد ماينعاف منا وفينا وخوش ولد
شيخة : منو هذا . اللي منا وفينا
ام خالد : فواز ولد نورية
شيخة حست جن احد معطيها طراق هذا صعب تردة لان ولد خالة ريل اختها ويعرفون امه عدل : بس يماااااا انا مابي
ام خالد: شنو مابي ... كل ماتقدم لج واحد قلتي مابي ... ليش ماتبين الولد فيه شي ؟ كامل والكامل الله
شيخة : يماااااا مابي اتزوج
ام خالد : شنو مابي اتزوج لمتى بتم جذي
شيخة : توني صغيرة
ام خالد : شنو صغيرة اللي يسمعج يقول بيبي بالروضة ... حبيبتي الولد يهبل ومحترم وفوق هذا دكتور وامة تتشرق فيج ... ليش ماتبين قولي لي
شيخة ( تبجي )): بس مابي وخلاص
ام خالد (وهي معصبة حييييييل ) : شيوخ طالعيني لا يكون حابتلج واحد وقاص عليج ....... ردي علي انت تعرفين احد؟
شيخة : لا والله يما ... والله مااعرف احد ولا شي
ام خالد: عيل شفيج ؟ تكلمي لا اذبحج
شيخة : يمااااا انا احب جاسم ولد عمي

 

[rawabi]

انشالله يعجبكم البارت .....