تجمع لمعلمات علوم الاسرة والمستهلك

[المتفائله دائماً]

شدووا الحيل يابنات علوم الاسره والمستهلك وتقبلوا..............
كل ماهو جديد بصدر رحب
ولاتخلون هالاشياءالبسيطه تـأثر عليكم:ggdw:
لازم يكون فيه هناك مرووووونه

 

[راعية واجب]

الله يعينج يا ام علي
واعليا مستاااانسه انج تعينتي
الله لايوريج الي شفنا

نحتسب الاجر عندك ربي

 

[Om Ali 86]

الله يعينج يا ام علي
واعليا مستاااانسه انج تعينتي
الله لايوريج الي شفنا

نحتسب الاجر عندك ربي

حبيبتي بعد ما كو وظيفة مريحه
كل وظيفه و لها عيوبها و مميزاتها .. و الحمدلله التدريس اهون من وايد وظايف ثانيه

و في ناس يتمنون هالوظيفه و مو محصلينها

فالحمدلله على كل حال

 

[أم هوازن]

وي خوفتووووني أنا معلمه علوم الأسره والمستهلك

ومحوله إداري ومفكره أرد مجال التدريس والله ترددت من كلامكم ؟؟؟:krkrkr:

تنصحوني أرد أولا ؟؟

شرايكم

 

[Om Ali 86]

وينكم معلمات علوم الاسره

شكلكم منصدمين من التغيرات اليديده اللي صارت بالماده
و محد معبر التجمع

 

[معلمة مصدومة]

مررررررررحبا
انا معلمة علوم اسرة ومستهلك طازة يعني لي الحين قاعدة اسوي اجراءات الفحص الطبي ويوم الاحد استلم نتيجة الفحص الطبي واروح للمنطقة التعليمية وعندي سؤال المنهج مال الثانوي عن شنو يتكلم وشنو اسهل المتوسط ولا الثانوي

 

[miss_avocado]

قوة بنات شالاخبرا عندكم ؟؟
انا تعينت و سحبت اوراقي لان مابي المنطقه التعليميه اللي انا فيها حولت منظقة ثانيه و عقب ماحولت السستم مالهم اخترب خخخخخخخ
عاد قالولي تعالي داومي عندنا بالمنطقه التعليميه لين نعدل اجراءاتج و نحددلج مدرسه عقب هههههه رفيجاتي داومو امس و انا ناااايمه بالبيت و شكلهم مطولين الحبايب فكوني مالي خلق المدرسه و لويتها عالاقل المنطقه اريح اقعد مع الموظفات لين يفرجها ربي
ادعولي يحطوني بالمدرسه اللي ابيها
طرارة و تتشرط؟؟!!@@

 

[سمراء كويتية]

الله يعين الجميع على المنهج اليديد

 

[خجل العذاأارى]

قووووووووووووووه ابلات شخباركم عااااد انا حطوني ثانوي وتعينت اخر 6 ويوم داومت بالمدرسه انصدمت القسم كله



نااااااااااااااااااااااااااااقل :krkrkr:................
حتى ريئسه قسمي واداومت رئيسه قسمي الجديده ومافي الا انا وياها بالقسم عاااد ان شالله يتعينون عندنا بنات ؟؟؟؟؟؟؟؟؟ ,,,,,,,,,,,,,,,,

 

[ابلة مبتسمة]

انا ابلة علوم اسرة ومستهلك وتوني تعيين جديد ...

ماصار لي مداومة الا يوم واحد الخميس ...

عطونا دورة للمدرسات الجدد ما منها فايدة كلش بصراحة ...

بس المادة لعبو فيها لعب ... كل شوي يغيرون ...لوعو جبودنا ...

ما يندرى خل اداوم واشوف واقولكم ...

 

[Om Ali 86]

شوفوا شي بسيط من التغيرات اليديده اهيا :
المتوسط بدال حصتين باليوم صارت حصه وحده
و الثانوي صف الحادي عشر صار حصتين
مجال الصباغه و الطباعه اللي بالمتوسط لغوه
ضافوا لمنهج المتوسط اشياء بسيطه من الخياطه و احتمال يضيفون التطريز بعد
مناهج الثانوي مرفق مع الكتاب مذكره
و مناهج المتوسط مرفق مع الكتاب سي دي
يعني المتوسط ما تقدرين تحضرين حق منهج سادس و سابع و ثامن من الكتاب بس
لأن صار فيهم تغيرات وايد .. فلازم ترجعين حق السي دي بالتحضير

و مثل ما تعرفون ان اول كل منطقه تعليمية تختلف عن الثانيه من ناحية التوجيه
يعني فيه توجيه عنده هالشغله صح و في توجيه ثاني يقول لأ هالشي غلط و ينحسب نقد على المعلمه
بس الحين التوجيه العام وحد القوانين و صارت التواجيه كلها على نفس السياسه و القوانين
و قالوا ان تاسع راح يدخل بالمجموع
اما سادس و سابع و ثامن لي الحين ما بين اذا راح يدخل بالمجموع و الا لأ

و بس هذا اللي عرفته عن التغيرات اليديده

 

[مربية اجيال]

اخر التغيرات اللي صارت امس الموجهه عندنا منهج ثامن صار فيه خياطه وغيروه مال العام يعني مكينه والخ الخ وغير كل هذا مجمتعمين بالوزراة يشطبون من الكتب عشان يناسب الوقت مع حصة مو حصتين واحتمال يصير مذكره بدل كتاب الله يخلي الكويت بس يقولون ميزانية وصرف واهم حيل كاتب ورى كاتب واخر شي يصير مذكره ههههههههه خرابيط الله يعنيا بعد على الجديد اللي بصير

 

[ابلة مبتسمة]

بنات وينكم ؟؟؟ وين المعلمات ؟؟؟خل نتشارك مع بعض ...

 

[مربية اجيال]

باجر انشالله داوم طالبات الثانوي خل انشوف عاااد شنو صار مع المعلمات عاد يما مدرسات الثانوي لا تبخلون علينا باحدث اخبار اللي راح تصير باجر انشالله

 

[miss_avocado]

واااااي الله يعينا عالتغيرات اليديده اللي كل شوي مسوينها الحمدلله و الشكر ماكو قرار ثاااابت
انا باجر اول يوم لي دوام للحين ماتعرف على احد الله يستر ماعرف عن المدرسة اي شي

 

[بحر المحبة]

قوة منو ماخذ مهارات الحياة

 

[خبز تنور]

يا جماعه التخبط كل ماله يزيد ما تلاحظون؟؟؟؟
شالسالفه والله اني هالاسبوع ابي احاول اشرح مو قادره والله انعدمت الثقه كله من التغيرات الواحد ما يمديه يثبت معلومه اللا يجيه منهج اخس
لا ابشركم حتى المذكره مالت الثانويه فيها اخطاء خخخخخخخخخخخخ
والله سالفه

 

[aljazi2004]

السلام بنات منو خذا مهارات الحياه واذا ممكن تورينا التحضير لانى ما عندى الكتاب ولا حتى احد قالنا على التحضير

 

[shtat_al_ro7]

يا جماعه التخبط كل ماله يزيد ما تلاحظون؟؟؟؟
شالسالفه والله اني هالاسبوع ابي احاول اشرح مو قادره والله انعدمت الثقه كله من التغيرات الواحد ما يمديه يثبت معلومه اللا يجيه منهج اخس
لا ابشركم حتى المذكره مالت الثانويه فيها اخطاء خخخخخخخخخخخخ
والله سالفه

انا بعد علوم اسره

اوووووووووووووف لوعه جبد مع ان هذي 8 سنه


كل سنه اصعب واغبى مع احترامي ااتوجيه

المذكره متروسه اخطاء غير جذي ماكو شي جديد الا اشياء بسيطه لاتذكر

 

[مريم ص]

ما صارت قوائم تسجيل الاختيار الحر
كل ما ضبطناها يو الادارة و خربطوها غير دلع البنات كل اشوي و حدة تبي تضيف او تسحب
و المشكلة اخر شي يقطون البنات الهايتات اللي مو امسجلين عندنا
اووووووووووووووووف
لو ناخذ اصفوف و اندرس اشوى من تسيب البنات