ديوانية بيت العمر

[ريناد9]

مساء الخير ..
انا رايحة وجاية ولا حد يعبرني في شي ..............

المهم والحمدللة اليوم اشترينا سراميك للحمامات ويوم السبت ييبونهم..

انا محتارة في لون السراميك المطبخ .. اي لون تنصحوني ؟؟مطبخي لونه خشبي ... والجزء الثاني من مطبخ احط صبغ لون برتقالي

ابنتظر الردوووود

 

[ريناد9]

[

[/QUOTE]



روووووووووووووووووووعة ..قمة اناقة

 

[sara3]

هذا جدول لاعمال التشطيبات من منتدى المهندس لا مانع من الاطلاع علية للاستفادة من بعض الملاحظات الموجودة حق اللى قاعدين يشطبون لعل وعسى تكون فية فائدة وتستفيدون من نقاط كانت غايبة عن اذهانكم


http://up4.m5zn.com/download-2009-9-11-10-6ki6yo68m.docx

 

[sara3]

مساء الخير ..
انا رايحة وجاية ولا حد يعبرني في شي ..............

المهم والحمدللة اليوم اشترينا سراميك للحمامات ويوم السبت ييبونهم..

انا محتارة في لون السراميك المطبخ .. اي لون تنصحوني ؟؟مطبخي لونه خشبي ... والجزء الثاني من مطبخ احط صبغ لون برتقالي

ابنتظر الردوووود

يا عمرى انتى ليش زعلانة منو مزعلج تعالى بس ادلدغك:dddds::dddds:


ها طاح الحطب


يا طويلة العمر المطبخ خشبى اوكى شنو يروح معاة البرتقالى البنيات التوفى البيجى انتى لفى المحلات وشوفى اللى يناسبك

احلى شى انك تسوين حركة بالارضية مثل حزام او يسمونة سجادة.مم مم مم او تاكو.اختارى الارضية اللى اتيي مستطيلة شوى ولعبى بتركيبهم.او ركبى الارضية معينات

يعنى الكرة فى ملعبك انتى اتفننى احنا عندنا المحلات اهنى يصممون لك الارضية على الكمبيوتر و يعطونك اكثر من تصميم وانتى تختارين

بالنسبة لصبغة المطبخ البرتقالى يعتمد على لون الارضية ولون المطبخ وانتى شوفى عاد غامق فاتح شوفى الانسب


اى صج مبروك سيراميك الحمامات عاد حرصى عليهم ان يحطون سيراميك كل حمام يم

الحمام نفسة ولا يفججون كل الكراتين بشكل فوضوى لان فى محلات ترجع الزايد اذا بالكرتون .هم انتى خلى

لك شوية سبحان الله ما تدرين يمكن تحتاجينة فى المستقبل انا عندى بالشقة هنى غرشة عطر طاحت فلشت االبرسلانة

 

[sara3]

 

[اخت فروحه]

السلام عليكم حريم الديوانية
ها ما في وحدة نزلت بيتها.... سارا ..شيوخة.... فروحة.... سافانا .......البنات الي سابقين يلا شدوا حيلكم عطونا دفعة قوية
احنا بالنسبة لنا طرطشة برة وتكييف داخل والله المسهل علينا وعليكم

لسه لسه لسه


:0bee2e8d89::0bee2e8d89::0bee2e8d89:

 

[اخت فروحه]

ياحياتي ياريناد حاسه فيج

ذكرتيني فيما مضى

فعلا كانت من اصعب المراحل اللي مرت علي اختيار السيراميك للحمامات والمطابخ

 

[sara3]

:hjy5jewf::hjy5jewf::hjy5jewf:

 

[الوردة المكنونة]

سلام بنات شلونكم

انا حابه اخذ رايكم واستفيد من خبرتكم انا بيتي بفهد الاحمد وتونا خالصين من الاسود
وابي اعرف منكم طريقة توزيع وتمديد الكهرباء كم بلاك كهرباء بالغرفة وبالصالات والمطابخ ابي مساعدتكم باسرع وقت

ناطره ردودكم قبل لا اروح القسيمة واخوره

 

[جوكليت بار]

صباح الخير بنات شلونكم

توني راده من اسبوع من السفر وكنت موقفه شغلي والحين الله يعينا بدى المشوار

 

[aldana]

مرحبا بنات ... بغيت اسأل وين الاقي المغاسل نظام كاونترات و يعني تكون مغسله وحده و فيها كبت
وكذلك حق كغاسل الضيوف شلون اسويهم عفيه ساعدوني

 

[sara3]

مرحبا بنات ... بغيت اسأل وين الاقي المغاسل نظام كاونترات و يعني تكون مغسله وحده و فيها كبت
وكذلك حق كغاسل الضيوف شلون اسويهم عفيه ساعدوني

هلا حبيبتى

انتى لفيتى وما لقيتى اللى يعجبك ولا شنو .وشنو ذوقك تبينها كلاسيك ولاموديرن ؟؟؟؟؟؟؟؟؟؟؟

 

[sara3]

صباح الخير بنات شلونكم

توني راده من اسبوع من السفر وكنت موقفه شغلي والحين الله يعينا بدى المشوار

هلا والله والحمدالله على السلامة ,يلا عاد شدى حيلك ونبيك اتدشين واتوافينا بالمستجدات

حتى اذا مافى جديد دشى و فشى خلقك على قولة اللبنانيين :dddds:

 

[sara3]

سلام بنات شلونكم

انا حابه اخذ رايكم واستفيد من خبرتكم انا بيتي بفهد الاحمد وتونا خالصين من الاسود
وابي اعرف منكم طريقة توزيع وتمديد الكهرباء كم بلاك كهرباء بالغرفة وبالصالات والمطابخ ابي مساعدتكم باسرع وقت

ناطره ردودكم قبل لا اروح القسيمة واخوره

هلا حبيبتى

اول شى المطبخ المطبخ يا الوردة المكنونة

روحى محل مطابخ اشكثرهم ولا تقعدين تقولين تو الناس .عندك الرياض فى صن ستى اوكى شوفى مطابخهم ومبدئيا اختارى مطبخ اوكى خل ايون يرفعون لك المقاسات

وايسوون تصميم حسب احتياجاتك وين بتركبين اجهزتك معاى مو شرط اتكملين معاهم اخذى التصميم وخلاص

بالمرة صار عندك تصور لمطبخك ومكان الخزاين خلاص سوى دجة 10 سم مكان الخزاين وقولى حق المصمم انك بتسوين دجة وهو راح يحطها لك فى التصميم

فى نقطة مهمة خلية يحط لك نقطة كهربا تحت المغسلة حق فلتر المطبخ يصير تحت المغسلة

اذا مفكرة اتركبين جرايندر حق طحن الاكل هم خل يسوى لك نقطة كهربا

جذى صدقينى راح ترتاحين من المطبخ وحتى لو ما حبيتى اتصممين عندهم بكيفك

انييى للبيت الحين صورى الخريطة وبقلم رصاص حطى اكس على الاماكن اللى تبين فيها النقاط

المتعارف علية ان كل غرفة فيها بلاكين كهرباء حق الاجهزة معاى شوفى دارك

حابة اتزيدنهم 3 بلاكات كيفك بس كل شى بحسابة اظن النقطة اب 5 دنانير

عاد شوفى بتخلين غرف بس 2 وغرف 3 انتى واحتياجاتك

شوفى المخزن عندك اذا بتحطين ثلاجات كم عددهم وسوى لهم بلاك

الممر حطى فية بلاك حق مكنسة او اوتى اوغساله ارضيات عامل بيدش يصلح بدل ما يدش

ياخذ وصلة من الغرفة بس خليك حكيمة يعنى مو تكثرين بالممرات على غير سنع

نييى حق ارتفاعات البلاكات اهم ستاندرد يعنى الغرف ارتفاع والمطابخ ارتفاع.ليش ثرت هذى

النقطه لان المطبخ التحضيرى على الاسود ساعات ما يدرى الكهربائى ان تحضيرى فقولى لة

علشان يراعى الارتفاع

بالنسبة للمفاتيح قولى لة انك بتحطين السويج اللى يقصر على السبوت لايت

الحين الصالات قعدى اتصورى المكان وين بتحطين اضاءة جدارية مهمة تعطى فخامة حق

المكان وقولى له

بتحطين اباجورات فى الاستقبال على الطاولات هم حسبى حساب بلاك


التلفزيونات والرسيفر وين بحتطين تلفزيونك حددى لان الحين كلة معلق يوفر عليك مساحة

خاصة والحمدلله بيوتنا مساحتها صغيرة

كل غرفة نوم والصالات حطى فيها رسيفر وستاليت حتى لو مو حاطة فى بالك انك تحطين تلفزيون

التلفون والdsl ى ناس اتحطهم يم نقطة الرسيفر والتلفزيون

وفى ناس لا اتحطها يم واحد من البلاكات فى الغرفة

غرف النوم خل يحط لك مفتاح يم السرير ضرورى علشان تسكرين ليتات الغرفة بيقولك الحين الناس اتحط ريموت كنترول ومن هالسوالف قولى مابى ابى مفتاح ما احب سوالف الريموت تعالى دورية لا بغيتى اتسكرين الليت

اى صج السلم خلى الاضاءة على الطوفة مو بالسقف او الاثنين تعالى الليت احترق ييبى سلم وسالفة جذى احسن

بعدين انتى تبع شركة ولا الكهربائى انتى يايبتة؟؟؟؟؟؟؟؟؟؟؟؟


تعبت اكمل بعد شوى

 

[sara3]

حبيباتى انا حاطة فوق ملف حق التشطيبات يا ريت تشوفونة وتستفيدون منة

 

[aldana]

مرحبا بنات ... بغيت اسأل وين الاقي المغاسل نظام كاونترات و يعني تكون مغسله وحده و فيها كبت
وكذلك حق كغاسل الضيوف شلون اسويهم عفيه ساعدوني

انا رحت ابل وابيات و بسامكو لقيت اشياء حلوه بس المشكله مافي الوان تناسب حماماتي ......ابي ابيض او بيج انا ناويه احط حق حمامات الاولاد مغسله فيها كبت حق اغراضهم
مادري اكوو اماكن ثانيه بعد مادري دوار الجوازات عندهم اشياء حلوه ؟؟؟؟

 

[sara3]

اللى قاعدين يبنون ولمن الحين فى مرحلة الاسود
الفجوات الجدارية ترى وايد حلوة حق اللى عندهم تصور لبيتهم وتوزيع الاثاث فيها يعطى جمال للمكان
نقطة ثانية غير الجمال يوفر اماكن تخزين يعنى ورا باب غرفة نومك لمن تفتحين الباب المساحة هذىاللى ورا الباب ممكن اتسوين فيها فجوة جداريو واتسوينها مثلا الارفف حق اكسسواراتك وممكن اتسوين لها باب زجاج واتحطين فيها عطوراتك الميك اب واتصير مثل الفترينة
الحمام فوق كرسى الافرنجى سوى فجوة لان هذى مساحة ضايعة اصلا فاستغليها
اشوف اذا لقيت صور

 

[sara3]

انا رحت ابل وابيات و بسامكو لقيت اشياء حلوه بس المشكله مافي الوان تناسب حماماتي ......ابي ابيض او بيج انا ناويه احط حق حمامات الاولاد مغسله فيها كبت حق اغراضهم
مادري اكوو اماكن ثانيه بعد مادري دوار الجوازات عندهم اشياء حلوه ؟؟؟؟

امم امم امم يعنى تبين موديرن نفس مشكلتى


الجوازات ذكرينى بالمحلات

 

[sara3]

نرجع للوردة المكنونة وافياش الكهرباء

ضرورى ونقطة لاتستهينون فيها

انذار الحريق لازم تركبونها فكلمية عنها

التلفون راح يكون نظام بدالة فقولى له

تبين تركبين كاميرات هم قولى له

تبين اتسوين نظام تشغيل سماعات اوديو راديو وتسجيل هالسوالف ترى من الحين علميه

سوى سنسر حق الاضاءة مالت السور


هذا اللى يحضرنى الحين وناطرة منك تعليق

 

[اخت فروحه]

مرحبا : اشلونكم وشخباركم

وحيا الله كل العضوات الجدد

توني راده تعبانة من الدوام لما اتغدى واريح احاول ارد بكل اللي أعرفه

باااي