تجربتي:تقشير البيبي فيس لمنطقه الوجه

[salsa]

شلونكم بنات شخباركم؟؟
اليوم انا كملت اسبوع من استخدام بيبي فيس رقم 2
طبعا استخدمه مره او مرتين باليوم بس على اماكن الاثار والحبوب اللي توها طلعتلي بسبه اكل الكاكاو ,بس من اليوم ببتدي استخدمه بس مره وحد عشان بدايه الدوامات وبتعرض للشمس فما ابي اخرب بشرتي خصوصا ان الحمدلله امس رفيجتي تقول ما شاء الله وايد تغيرت بشرتج وايد صار ت حلوه ..انا طرت من الوناسه وترى صج انا ملاحظه ان بشرتي وايد تحسنت ولا تنسون بعد لاني استخدم كريم مجيك اللي يبيض فمفعوله شتغل وياي .. طبعا مثل ما قلتلكم ان طلعولي حبتين يدد بسبب الكاكاو وانا سيده حاربتهم والحمدلله من ثاني يوم فشوا ونشفوا
ان شاء الله بكمل هالاسبوع ومن الاسبوع الياي ببلش برقم 1 اتوقع اني راح استخدم رقم 1 بشكل يومي لان رقم 2 وايد خفيف واتوقع ان رقم 1 بيكون اخف بعد فبشوف شيصير وياي وطبعا لن استغني عن زيت جنين القمح العجيييييييييييييب..تابعوني

 

[Fatima]

يعني ينفع حالتي ما رديتي علي اختي

 

[salsa]

انزين انا عندي بحوانب ويهي وصوب اليبه يم الشعر اثار قديمه حيل مو راضية تروح كلش وبقشرها
وانا متحجبة فيغطيها لما اطلع بره ينفعني او لا
ولاعت جبدي مو راضية تروح وقاعده احاول مشوهتني ببجي والله

اسفه فطومه حبيبتي والله ما شفت سؤالج الا الحين يوم نبهتيني..اذا هالاثار مالت حبوب شباب اتوقع تنفعج لان التقشير مكتوب عليه جذي وترى انا هم كانت عندي هالمشكله يم لزلوف الحين عقب التقشير وايد احسن ..طبعا اذا انتي اتعرضين للشمس حاولي تنطرين شوي لمن يدش علينا الشتا عشان ما تكون الشمس وايد حاره عليج وهم لا تعرضيلها بشكل مباشر وحرصي انج تلتزمين بالتدرج بارقام البيبي فيس ومو تستخدمينه شوي وتقطعين لازم تكملين الكورس .. اذا حابه انج مبدئيا اتجربين على منطقه وحده وتشوفين النتيجه اذا عجبتج سوي منطقه الويه كامله..ولا تترددين بسؤالي عن اي شي يخص الموضوع انا حاضره

 

[salsa]

بيضاء الثلج.. والله احس اني صرت بيضاء لثلج لوووووووووووووووووووول
صرت بيضه الحمدلله عادي الحين اطلع بدون كريم اساس ومكياج.. والله العظيم
صج ان لي الحين عندي بعض الاثار البسيطه باماكن متفرقه بالويه بس مو واضحه صاك عليها البياض عشتووووو لوووول
طبعا انا لي الحين مستمره على بيبي فيس 2 يوميا بالليل قبل النوم وبعده على طول احط كريم مجيك.. هالايام ما احط زيت جنين القمح لان الحمدلله لكريم قاعد يرطب البشره وهم لان ما عندي وقت احط فيه الزيت لان هالفتره اداوم فما يمديني بس ايام الويك اند راح ارد احط الزيت ان شاء الله
طبعا بنات كريم مجيك يبيض وعجيييب انا من جم سنه جربته وكان الكل يقول شهالبياض منين يايبته؟؟ لووول بس عيب هالمنتج شيين:
1- بمجرد ان الوحده تهده يرد لون البشره مثل اول
2- يسرع بظهور الشعر او الوبر بالويه بالمنطقه اللي صوب منابت شعر الراس بجوانب الويه
انا حبيت اكون واضحه وذكرت عيوب هالكريم عشان ما تقولون ان له سلبيات وتوهقنا وستعملناه ..ولهالاسباب انا محتاره هل اذا خلص ارد اشتري واحد يديد واستمر عليه ولا اتركه خصوصا اني سامعه ان فيه نسبه كورتيزون وهذا سبب انه يسرع نمو الشعر بالويه؟؟؟!!! ابي رايكم

 

[أم لطووف]

ما شاء الله تبارك الرحمن
ربي إن شاء الله يتمم عليج ويخلي ويهج رخامه من كثر ما هو صافي قولي أميييييييييييييييييين
بس كريم ماجيك ما أدري ما تقدرين تبدلينه بشي ثاني يكون مكوناتهى طبيعيه أوطبيه مو أحسن...
أنه إن شاء الله بروح أشتري كريم بيبي فيس اليوم وببدي أجرفبه إن شاء الله بس بغيت أسألج إنتي إستخدمتيه على ويهج كله صح حتن الاماكن إلي ما فيها شي حطيتي عليها وبعدين أنه أدواوم شفت صبح يعني لازم أحط كريم حمايه صح إنزين شتنصحيني فيه ...

 

[salsa]

ما شاء الله تبارك الرحمن
ربي إن شاء الله يتمم عليج ويخلي ويهج رخامه من كثر ما هو صافي قولي أميييييييييييييييييين
بس كريم ماجيك ما أدري ما تقدرين تبدلينه بشي ثاني يكون مكوناتهى طبيعيه أوطبيه مو أحسن...
أنه إن شاء الله بروح أشتري كريم بيبي فيس اليوم وببدي أجرفبه إن شاء الله بس بغيت أسألج إنتي إستخدمتيه على ويهج كله صح حتن الاماكن إلي ما فيها شي حطيتي عليها وبعدين أنه أدواوم شفت صبح يعني لازم أحط كريم حمايه صح إنزين شتنصحيني فيه ...[/quot



حبيبتي مشكوره اجمعين ان شاء الله..
بالنسبه لكريمات التفتح اكيد في انواع طبيه بس انا لي الحين ما طحت على واحد زين وأحد مدحه لي فاذا في احد من اللي متابعين الموضوع يعرف ممكن يعلمنا؟؟
اذا بتشترين بيبي فيس ترى اهو مو كريم اهو سائل وتحطينه على قطنه وتمسحين فيه الويه..وانا بصراحه انصحج لا تحاولين تتعرضين للشمس بشكل مباشر او للحراره وتقدرين تستخدمين حمايه من الشمس من ماركه روك وايد يمدحونها ,,واذا حابه اجلي التقشير شهر ليمن يبرد الجو يكون افضل واتمنى تمشين على الخطوات علشان تكون النتيجه مظبوطه..

 

[salsa]

صارلي اسبوع تقريبا وانا استخدم رقم 1 بيي فيس.. واااااااايد ارتحت عليه جنه تونك وما ينشف الويه كلش بس يشتغل على لحبوب اللي توها باديه تطلع من امسح اي حبه فيه ثاني يوم تفش.. ولي الحين مداومه على كريم مجيك وايد وايد تغير ويهي ووايد ناس ملاحظه الفرق وسألوني شمسويه ..بس لي الحين عندي اثار لحبوب قديمه ما راحت 100% فمادري شسوي هل ارد احط عليهم بيبي فيس 3 عشان يتقشر الجلد ومعاه هالاثار ؟؟!! شرايكم
"ملاحظه:بشرتي حاليا ممتازه وملمسها ناعم وبيضه لا يشوبها الا بعض الاثار البسيطه المتناثره هنا وهناك ..لوول"

 

[فراشة الرغد]

انـــــــا اشتريت رقم 2 من الصيدلية بدينار و350
بس فضول خذيته ابي اقشر ويهي .. وصـــــار ويهي
كلـــه قشور .. بسالج انتـــي تحطين زيت جنين القمح
على المقشر بويهج ولا بعد ما تغسلينه ..

 

[MiSsY HottY]

نتيجة مؤقتة لازم تحافظون عليها بالعناية وانكم ما تعرضون لشمس عشان لا يرد كل شي مثل ما كان

 

[حلاتي بندرة وجودي]

هلا والله اناواختي جربناه من سنتين بصراحة كلمة يهبل شوي عليه كل من شاف بشرتنا قال شنو مسوووووووين
باعماركم اول شي خرعونا يشوه الوجه ويدمر الخلايا ويموتها بس توكلنا على الله وحطيناه بس اتذكر حطينا رقم1 وراه2 بعدين 3
وماكنا نطلع من البيت حطيناه بعطلة الدراسه للثانوية بس كانت التجربة روووووعة ومرة جف وجهي حيل برقم 2 وحطيت شوي فازلين للترطيب
لحظة " يابنات كل وحدة تشوف شنو الي يناسب بشرتها يمكن ما يلائم بعض البشرات وبس

 

[dla3_princess]

مشكوورة حبيبتي و اتمنى تكوونين استفدتي منها

لأن ما تمشي مع الكل


الله يحفظججج و مشكووورة لعرض تجربتج

 

[لـمـعـه]

ينفع لمكان غير الوجه!!


والله يوفقج ويسعدج ويتمم عليج وتصير بشرتج رررررررروعه

 

[salsa]

انـــــــا اشتريت رقم 2 من الصيدلية بدينار و350
بس فضول خذيته ابي اقشر ويهي .. وصـــــار ويهي
كلـــه قشور .. بسالج انتـــي تحطين زيت جنين القمح
على المقشر بويهج ولا بعد ما تغسلينه ..

لا انا احطه على طول بعد ما امسح ويهي بالبيبي فيس انطر جم دقيقه لمن احس ان ويهي مافيه رطوبه اييب الزيت وعلى طول ادهن ويهي فيه وصوب المقشر اسويله شويه مساج باصابعي علشان يتشرب الدهن وما تجف البشره ,موضوع غسيلالويه بعد استخدام بيبي فيس هذا مو موجود ضمن خطوات استعماله..حاولي تدهنين ويهج بالزيت من مرتين الى 3 مرات باليوم

 

[salsa]

نتيجة مؤقتة لازم تحافظون عليها بالعناية وانكم ما تعرضون لشمس عشان لا يرد كل شي مثل ما كان

عدل كلامج اي محافظه على البشره بتكون نتيجتها مؤقته اذا الواحد ما ستمر عليها وهذا الفرق بين العنايه وعدم العنايه,وخصوصا ان هالمنتج مثل ما انا قلت مو علاج ,شكرا حبيبتي على اهتمامج ونصيحتج الحلوه

 

[salsa]

هلا والله اناواختي جربناه من سنتين بصراحة كلمة يهبل شوي عليه كل من شاف بشرتنا قال شنو مسوووووووين
باعماركم اول شي خرعونا يشوه الوجه ويدمر الخلايا ويموتها بس توكلنا على الله وحطيناه بس اتذكر حطينا رقم1 وراه2 بعدين 3
وماكنا نطلع من البيت حطيناه بعطلة الدراسه للثانوية بس كانت التجربة روووووعة ومرة جف وجهي حيل برقم 2 وحطيت شوي فازلين للترطيب
لحظة " يابنات كل وحدة تشوف شنو الي يناسب بشرتها يمكن ما يلائم بعض البشرات وبس

اهلين حياج الله انتي واختج صراحه وايد اسعدتني مشاركتج وذكرج لتجربتج واااااااااااااايد ونستيني ))
وبالنسبه لطريقه استخدام كورس البيبي فيس صراحه ستغربت شلون بديتوا بالرقم1 واهو الاخف؟؟ انا الحواي قالي اول شي 3 وبالبدايه ما شريت الا رقم 3 وعقب ما خلصت شريت 2 و1 ..عموما اهم شي انكم حققتوا استفاده منه..وطبعا الترطيب وايد وايد مهم عشان جذي انا انصح جدا بزيت جنين القمح لانهطبيعي 100% ما يأثر على البشره الطريه اللي توها طالعه ويغذيها ..واهم شي طبعا عدم التعرض للشمس نفس ما سويتوا واحسن شي انكم سويتوا الكورس بالعطله..شكرا على مشاركتج الحلوه وموفقه..وملاحظتج الاخيره اايدها ولازم اصحاب البشره الحساسه يحطونها بعين الاعتبار

 

[salsa]

مشكوورة حبيبتي و اتمنى تكوونين استفدتي منها

لأن ما تمشي مع الكل


الله يحفظججج و مشكووورة لعرض تجربتج

العفو..ما قصرتي الحمدلله احس انسي استفدت من المنتج واهو بالفعل مو كل شي يناسب الكل حتى افضل وانجح المنجات ساعات تعطي نتيجه عكسيه مع بعض الناس ..عشان جذي انا انصح اللي يحس ان مو اي شي يناسبه ممكن يجرب على منطقه صغيره بالبدايه نفس التجربه مالت صبغ الشعر علىمكان صغير عشان تتأكد الوحده من حساسيه المنتج على بشرتها..

 

[salsa]

ينفع لمكان غير الوجه!!


والله يوفقج ويسعدج ويتمم عليج وتصير بشرتج رررررررروعه

حبيبتي مشكووووووووووووووووووره على دعواتج الحلوه ..اجمعين ان شاء الله
بصراحه انا قريت من قبل ان في ناس جربت المنتج على اماكن غير الوجه بس ما حقق نتيجه, وبشكل عام اهو اسمه بي بي فيس يعني "وجه الطفل" وهذا معناته ان المنتج مخصص للوجه..هذا اللي اقدر افيدج فيه بحسب معلوماتي المتواضعه

 

[salsa]

مرحبا بنات شلونكم؟؟؟
انا اليوم يفترض اني اكون انهيت كورس البيبي فيسواللي اهو باختصار:
1-اسبوعين استخدام للبيبي فيس 3 للتقشير العميق+ترطيب البشره بزيت جنين القمح.
2-اسبوعين استخدام للبيبي فيس 2 للتقشير المتوسط+ ترطيب البشره بزيت جنين القمح+كريم تفتيح البشره"ماجيك"
3-اسبوعين استخدام للبيبي فيس 1 للتقشير الخفيف وتنشيف الرؤوس الدهنيه والحبوب واثارها+كريم تفتيح البشره"ماجيك"
الطريقه:
-مسح الوجه بقطنه من المحلول مره باليوم ,بدايه الكورس اول الايام مرتين باليوم
-دهن الوجه بزيت جنين القمح يوميا بعد المحلول مباشره لترطيب البشره وحمايتها من الجفاف والتجاعيد
-دهن الوجه بكريم التفتيح كل يوم مساءا قبل النوم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
انا حاليا بنات بعد اخر مره كتبتلكم فيها صرت استخدم يوميا بالليل البيبي فيس 3بقطن الاذون على اثار الحبوب بس وعقبه على طول امسح كامل الوجه بالبيبي فيس 1 بقطنه عاديه والمرحله الثالثه ادهن ويهي بكريم تفتيح البشره ماجيك,والحمدلله ويهي الحين ايد تغير لان الاثار وايد وايد خفت تقريبا صار لون الويه موحد .. وانشاء الله ناويه استمر بهالاسلوب لما تروح الاثار ,وبعدها بستمر على رقم 1 يوميا بالليل لانه خفيف وايد جنه تونك مع كريم التبييض.
ملاحظه: تذكرون اول ما كتبت تجربتي قلتلكم اني استخدم مطهر السيتيال اخففه بماي وامسح بقطه ويهي فيه قبل لا امسح محلول البيبي فيس , طبعا انا هالطريقه اسويها تقريبا يوميا اذا تذكرت عقب ما اغسل المكياج واااااااااااااااايد زين لانه يشيل كل رواسب المكياج عقب الغسيل ..هم انصحكم في استخدامه بشكل دائم.

 

[salsa]

مرحبا بنات شلونكم؟؟
انا اليوم قمت الصبح وطليت بالمنظره عقب ما غسلت ويهي "الحمدلله رب العالمين على نعمته وفضله" ويهي وااااااااااااااااااااااايد تغير خصوصا ان من عقب اخر مره كتبتلكم كان لي الحين في اثار بسيطه الحين هالاثار انا كل يوم احط عليها بيبي فيس 3 بقطن الاذون +مسحه كامل الوجه في بيبي فيس 1 وبعدها كريم ماجيك وبصراحه وااااااااااااايد فرق علي حجم الاثار بدى يصغر شوي شوي لمن اليوم صاروا واااااااااااايد صغار وفاتحين ..هذا غير ان الويه صار وايد ابيض وناعم والكل يسألني مبيضه شمسويه؟؟؟
تجربتي صارلها شهر ونص تقريبا
احمد رب العالمين اولا على نعمته وفضله وبصراحه ما اقدر انكر ان المنتجات الفلبينيه ممتازه وسعرها عجيييييييييييب

 

[salsa]

مرحبا جميعا
نسيتوني؟؟
نسيتوا البي بي فيس؟؟
انا الحين ومن بعد 8 شهور من تجربتي اقولكم ويهي صار صاااااااااااااااااااااااافي وخالي من الحبوب والاثار الحمدلله رب العالمين