@#@|| حملة أمهات المدارس الخاصه : نبيها معقمه ||@#@

[حلم الطفولة]

خواتي الأمهات ,, تتفاوت استجابة الإدارات بالمدارس الخاصه بحسب الذمم وبحسب نوع الطلبات ونوع الضغوط عليها..

وبما إن المدارس الخاصه لن يشملها التجهيز اللي قاعده تقول عنه وزارة التربيه , ولا راح ياجلون الدراسه شهرين ثلاث للروضه ..
نبي نسوي حملة مطالبة ادارات المدارس الخاصه بتوفير أجهزة تعقيم الجو بكل صف وجهاز تعقيم اليدين وتوفير عماله نظافه بوفره ,,
لحد يسكت ,, لحد يستحي ,, هذا حقنا ,,وعيالنا أمانه عندهم ..
نبي نكثف إتصالات على المدرسه ( كل وحده على مدرسة عيالها ) تتصل وتبلغ رفيجاتها يتصلون ,, ونطالب بتوفير هالأجهزه وهذا أقل شي المفروض يسوونه حق عيالنا في ظل الظروف الراهنه..

منو معانا بالحمله ؟؟؟؟؟؟؟؟؟؟؟؟

 

[كنووز]

رد: @#@# ||| حملة أمهات المدارس الخاصه : نبيها معقمه |||#@#@

انا معاج بالضغط عليكم

ماكو قرار ابدي

حتا الرياض والابتدائي المفروض يأجلونها

عليكم بالضغط

بس الناس بسرعه تستسلم للاسف...احنا اللي مفروض نكون بموضع القوه..نقدر نغيب عيالنا او حتى نسحبهم اذا تطلب الامر وشفنا الوضع يتردى لا سمح الله


مادري ليش يسوون فينا كل هذا

يعز علينا دراسه عيالنا واستقرارهم وانتظامهم ...بس صحتهم على رأس اولويات اي ام عقلانية


يا رب تحفظ عيالنا ونفرح فيهم خريجات وخريجين على كل خير

 

[سر القلوب]

رد: @#@# ||| حملة أمهات المدارس الخاصه : نبيها معقمه |||#@#@

وانا معاكم
السالفة موفوضة هذول عيالنا فلذات اكبادنا موقطاوة

يزاج الله خير حلم الطفولة

 

[حلم الطفولة]

رد: @#@# ||| حملة أمهات المدارس الخاصه : نبيها معقمه |||#@#@

وجان زين بعد إذا داومو يفرضون لبس الكمامات على العاملات والأبلات .. والطلبة والطالبات ,, ليش لأ ؟؟
المهم قبل لا يداومون كثفو اتصالات على المدارس وطالبو بأجهزة التعقيم , وفوقها كمامات بعد.

 

[حلم الطفولة]

رد: @#@# ||| حملة أمهات المدارس الخاصه : نبيها معقمه |||#@#@

أشكركم كنووز , وسر القلوب
يزاكم الله خير ...

 

[حلم الطفولة]

رفـــــــــــع

 

[كويتيه78]

والله بصراحه انا ماثق بالمدرسه انه راح توفر التعقيم اللازم عشان جذي انا ماوديت عيالي للحين بنطر واشوف ولدي سنه ثالثه ابتدائي بمدرسه كيمبردج بشوف الوضع واذا تطمنت انه ماكو حالات يمكن اوديه بصراحه ولدي فيه ربو مايتحمل واذا الحكومه مو مهتمه بعيالنا احنا نهتم شنسوي​

 

[توتا وحب الكويت]

الحين انا اتصلت على المدرستنا وهي مدرسة المستقبل ثنائية اللغة

وكلمت المديرة المساعده لمدرسة البنين وسألتها عن الااجراءات اللي مسوينها وقالت

ان اليوم عندهم اجتماع بخصوص الاجراءات الوقائية وانه عندهم كمامات لكل طالب ومعقم للجو وفي جهاز يقيس الحراره عند البوابه المدرسة

وانشاء الله كلامها يطلع صحيح والله الحافظ انشاء الله

وبداية الدوام للابتدائي 6/9/2009 لايوجد تأجيل

 

[الصابرة المحتسبة]

 

[حلم الطفولة]

وااااي ياحلوه هالارنب اللي يناقز .. زين يا توته وحب الكويت الحمدلله أشوه حاطين احترازات وقائيه .. وعفيه عليج اتصلتي

يالله لا تخلوون .. كثر الدق يفج اللحام : مو جذيه ؟؟

 

[زوجة صحفي]

يعطيج العافية على هالحملة خوش كلام واحنا على ثقة بادارة المدرسة ان شاء الله والله خير حافظا وهو ارحم الراحمين

 

[حلم الطفولة]

الله يعافيج زوزو >> دلعتج بعد شتبين ؟

 

[بنت ناس وقلبها الماس]

مشكورة عالموضوع
صاجه لازم نضغط عليهم
منو بكيمبردج الابتدائية انا عيالي فيها ؟؟؟؟
نبي نحرقهم بالحنة لين يديرون بالهم بالتعقيم
اللي خايفة منه صج الادراج +العمالة (الفراشات)+الباص والزحمة اللي فيه+جو الفصل والتهوية +مدى توفر المطهرات
هئ هئ هئ ببجي شكلي بخليهم بالبيت وادرسهم بنفسي

 

[حلم الطفولة]

هلا بنت ناس وقلبها الماس ,, بارك الله فيج ومشكوره عالرد , صح ظلو تحنون عليهم والله يعينكم
والله يحفظ عيالنا وعيالكم جميعا خصوصا الللي بالباصات روحة ورجعة.
عاد كمبرج اللي أعرفه وايد مهتمين بالنظافه ويهتمون بشكوى ولي الأمر , عليكم بالشكوى والحنه ههههه

 

[حلم الطفولة]

الحمدلله مدرسة عيالي : التجهيزات :
مطهر اليد معلقينه في جميع الصفوف عند الباب
تم توزيع كمامات ومعقم يد صغير لكل الطالبات والطلبه وطلبو إحضاره يوميا ..
مذكرات تفصيليه عن المرض وماهيته وكل مايتعلقق فيه وماهي استعدادات المدرسه له
جهاز الكشف الحراري وغرفة عزل ..

 

[توتا وحب الكويت]

هلا بنات
تدرون اللي لاحظته على المدرسة اول يوم دوام بعد العيد كانو شادين حيلهم موقفين بنات عند دخلت المدرسة ( خدم ) وملبسينهم مريله وكبوس وكمام , والمدرسات كلهم على الباب وقياس درجة الحراره ورش بهالمعقم بف بف وشغل عدل وثاني يوم نفس الشي بس اليوم وديت الولد الساعة 7 واليهال كلهمم مداومين وحضرات مدرساتنا توهم غاعدين ايون وكلهم عند التوقيع ولا في قياس حراره ولا شي والطلبة كلهم غاعدين يدخلوالمدرسة ولا المشكله مجمعينهم ومقعدينهم في مكان واحد ولما سألت ليش قالو لغاية ما السستر تيي وتأخذ لهم الحراره

طيب الأولاد الحين غاعدين مع بعض لو في واحد منهم مريض كلهم راح يمرضون والله الحافظ


وطالبين على الولد معقم وكمام طيب مدرسة خاصه وسوري دافعين مبلغ محترم طيب ماقدرو يوفرون كمام بسيط للولد ولا الموضوع بس ماديات

 

[دخــــــــــــــــون]

حلم الطفوله

تدرين بناتي بالقطوف
والله اتصلت وحنيت بعد ماااكو فايدة
بناتي يقولون ماما ماكو شي
لا ديتول ولا صابون ولا معقمات انا اللي موصيتهم ومجهزتهم
كل اللي سوه ما سحين الطاولات بفوطة خايسه
لا وازيدج مو مبعدين الطاولات عن بعض لازقين عدل
شنو اسوي والله احاتي

 

[حلم الطفولة]

هلا بنات
تدرون اللي لاحظته على المدرسة اول يوم دوام بعد العيد كانو شادين حيلهم موقفين بنات عند دخلت المدرسة ( خدم ) وملبسينهم مريله وكبوس وكمام , والمدرسات كلهم على الباب وقياس درجة الحراره ورش بهالمعقم بف بف وشغل عدل وثاني يوم نفس الشي بس اليوم وديت الولد الساعة 7 واليهال كلهمم مداومين وحضرات مدرساتنا توهم غاعدين ايون وكلهم عند التوقيع ولا في قياس حراره ولا شي والطلبة كلهم غاعدين يدخلوالمدرسة ولا المشكله مجمعينهم ومقعدينهم في مكان واحد ولما سألت ليش قالو لغاية ما السستر تيي وتأخذ لهم الحراره

طيب الأولاد الحين غاعدين مع بعض لو في واحد منهم مريض كلهم راح يمرضون والله الحافظ


وطالبين على الولد معقم وكمام طيب مدرسة خاصه وسوري دافعين مبلغ محترم طيب ماقدرو يوفرون كمام بسيط للولد ولا الموضوع بس ماديات

توتا للأسف لا إمكانيات متوفره ولا شي سواء ماديين أو غير ماديين

حلم الطفوله

تدرين بناتي بالقطوف
والله اتصلت وحنيت بعد ماااكو فايدة
بناتي يقولون ماما ماكو شي
لا ديتول ولا صابون ولا معقمات انا اللي موصيتهم ومجهزتهم
كل اللي سوه ما سحين الطاولات بفوطة خايسه
لا وازيدج مو مبعدين الطاولات عن بعض لازقين عدل
شنو اسوي والله احاتي

وي الله يهديهم عاد كللش !! ,, توكلي على الله وأمرج له سبحانه .. دخون ترى حتى المدارس اللسي مستعده شبيلحقون الله يخليج يالغاليه بالفرص اليهال خلط وحوسه وبالهده كذلك .. كلّه على الله ,, والوقايه تكون بتقوية مناعة اليهال بالبيت أبرك .. بس هم بعد المطالبه ضروريه عالأقل شيء أحسن من لا شئ ... (( كلميهم وظلي حني عليهم ويمعي لج جم أم كتبو لهم عريضه وتواقيع ))

 

[حلم الطفولة]

دخون يعني عالأقل يوفرون معقم بمدخل كل صف ...

 

[دخــــــــــــــــون]

انا عطيت بناتي ديتول
ماكو لا معقم ولا شي
ما اعرف امهات للاسف
والفرصة على قولتج بنات الابتدائي مع المتوسط
والله حاله