تعالوا ماتصدقون بس تعالوا (( خلطة القهوة ))

[حواء الكون]

بذمتج تبينا نصدق أن القهوة والليمون وما أدري شنو ينحف أو يضعف .... بنات بليييييز ترا مو كل شيئ ينحط بالمنتديات صحيح أو تجربة حقيقية .... لازم نسأل ونتأكد .... مع احترامي لكل البنات اللي بالمنتدى لكن فيه بنات من باب المشاركة والسلام تحط أي كلام .... طبعا مو كل البنات لكن ساعات أحس بمبالغة مو طبيعية بالمشاركات .... يا جماعة شوية صدق ومصداقية حتى نصدق شوية اللي نقراه بالمنتدى .... واللي جربت تقولنا عاد عن هالكلام

اهلا حبيبتي

ماعتقد اني حاطه بالوصفه اشياء خطيره عشان تقولين بليز نتأكد
وبتأكد من شنو كل الوصفات للتنحيف فيها خل
وللعلم الليمون اضفته للتبيض والصفاء فقط

والقهوه لو ماتعرفين عنها اي معلومات وفي دورها في ازالة السولولايت اقري عنها

والقهوه اول ماعرفت عنها كان عن طريق الدكتور عادل عبدالعال استشاري لمركز السمنه والنحافه
يعني اهوا اللي قال القهوه اكبر منحف ومن خبره مو اي كلام

وشايفه ويد مواضيع على اعلانات تجاريه وارقام بالمنتدى مافي احد اتهمهم بمصداقيتهم
او بالمبالغه فلو انتي تشوفين ان في مبالغه فانا كتبتها بكل مصداقيه وعن تجربه لي
ولاختي واعتقد ان تجارب البنات ثابته في مصداقيتها والا بعد البنات ماعندهم مصداقيه
بنقل تجاربهم

انا حطيت موضوعي في منتدى حواء ولا وحده كتبت هالتعليقات اللي مالها داعي

وبالعكس فاهمين وايد وواعين

وهذا رد من ردود احدى الاخوات

فعلا كريمات التنحيف اللي تركز على السووووولولايت ....

في موكوناتها الكافييين لذلك القهوه تنحف وتسوي تصريف لمفاوي للشحم الاصفر

الموجود بين الجلد والللشحم المركز

يعني اعتقد شي واضح مايحتاج لتفسير ... وشكرا لمشاركتج

 

[حواء الكون]

حواء الكون والله ان قياسات فرقت تخيلي
2 انش ما ادري سم من الفخذ
1.5 من الصدر
2.5 من صوب البطن
وكل من يسالني شالسالفه والله بعد عمري انتي صج صج جزاج الله الف الف خير وتسلمين حبوبه
وانا مستمره الى ان اختفي هههههههههههههه

واااااااو مبرووك حبيبتي ويااااارب يصير جسمج احلى واحلا

بس مادري ليش في ناس تحكم قبل لاتجرب والكسل ذابحهم:eh_s(6):

والله فرحتيني كملي ويارب تكون نتايج احلا:eh_s(15):

 

[حواء الكون]

@@

وينكم يابنات المنتدى!

اختفيييييتو صرتو ماتبينون !!!

حواء الكون نبي بناتناااا

واي بنات حدكم تشوووقون الواحد!! رفيجاتي جربوو وانا لما الحين يومي عن سنه:eh_s(22):

بما انه قهوة الرفاعي تنفع بجررررررررب وامري لله !! اظنتي مابقى الا انا بالمنتدى ماجربتها!:eh_s(3):

جربيها حبيبتي وانا ما اضمن لج الا قهوتي لانها خطيره نتايجها رووووووووووووعه:eh_s(15):

 

[حواء الكون]

حواء الكون .. ودي يكون عندي مثل ارادتج
انا جربت الخلطة مع النسكافيه .. اول امس و صار لوني اصفر .. و ريحتي نسكافيه ريللي حبطني يقولي متسبحة قهوه؟ مادري اي قهوه ما تصبغ ولا اطلع ريحة؟!!
ابي اضعف مثل البنات اللي جربوها و اصغرت مقاساتهم :eh_s(22): ​

مافيها اراده حبيبتي اخذيها راحه واستجمام لاتفكرين بالنحافه وبتشوفين الفرق بايام

جربي قهوة بن الصافي اللي كتبت عنها لانها احسن شي

او بن الرفاعي اللي قالوا عنه ممتاز

وعشان الريحه سوي سنفره بعدها شور جيل ريحته حلوه وخلاص

 

[حواء الكون]

وشكرا لكل حبايبي اللي ردوا بكلمة شكر طيبه

 

[سنابل]

حبيبتي عقب ما تغسلين القهوة فركي جسمج بسنفرة ، ايا كان نوعها ، بعدين غسلي بالشور جل مالج و ردي تفركي بقهوة و شور جل مرة ثانية يالله تخف الريحة ، لأن ريحة القهوة قوية

سوري غلطة مطبعية

ردي تفركي بالسنفرة و الشور جل مرة ثانية موووو بقهوة و شور جل

 

[lolipops]

والله انا طبقت وعندي زغدودة مليقه بين صدري و زندي بدت تخف اما باجي جسمي حاسه بفرق بس ما قست ابي اكمل
ومشكورة عالخلطة

 

[soli]

و الله لو نفعت معاي ابدعيلج ليل نهار .. انا صدري كبير ومع وراء كبير.. و عيزت ادورلي على شي يصغرهم.. مشكووووووووووووووورة و ابرد عليج اذا شفت نتيحة ..

 

[كسرة عود]

بجربهااااا يعني لازم أجربها

 

[احب الخير]

اختي حواء الكون يعطيج ربي الف عافية ويجزيج كل الخير ويوفقج
لاني من ردودج حسيت انج فعلا ماتبين الا الخير للبنات في المنتدى وانتي حبيتي اتفيدينهم مثل مااستفدتي وللاسف موالكل يفكر ابنفس تفكيرج
اما بالنسبه للبنات اللي يهاجمون وينتقدون الله يهديهم
لكن وصفتج ابسط من البساطه واي انسان عاقل راح يعرف انه مالها تاثير واضرار ( قهوة - خل- ليمون ) وين الضرر ؟؟؟!!!
واذ تبون اتعرفون وين الضرر ؟؟؟
الوجبات السريعه اللي نلط منها ليل ونهار هي اكبر ضرر
وبعدين احنا جربنا بلاوي علشان نضعف وموخسرانيين شي اذا جربنا
روحي ياحبيبتي الله يوفقج ويجعل في وصفتج الخير والبركه لج ولكل بنت اتجربها
وتلاقين الشكر الكبير من رب العالمين على نيتج الطيبه
وعن نفسي بجربها ان شاءالله اليوم قبل لا اتسبح لصلاة الجمعه وبدعيلج

 

[ريمه الكويت]

وناسه هم ريحه القهوه حلوه
مشكوره انشالله بجربها

 

[ام المزايين]

هلا حبيبتي يعطيك العافيه جربتها رووووووعه ....

بس انا حطيت قهوه عربيه طلعت شي مو طبيعي نعوووووومه

 

[سعوديه بينكم]

اهلين ياعسل
انا جربتها لي يومين اجربها باليوم مره وحده ماعندي وقت كل اشويه تتوقعين ينفع ؟
اي وبسألكم بنات طلع فيني حبوب حمر من تحت الجلد من بعد مااستخدمت الخلطه غريبه من شنو الخلطه طبيعيه وربي ضايق خلقي بس اقول بكملها ومره اقول لا اخاف يزيدون شاااسوووووووووووي ؟؟
مع العلم انه يد عن يد ؟؟؟
ابي الحل استمر والا لا وينفع باليوم مره ؟
والله يعطيك العافيه ويوفقك حبيبتي

 

[حواء الكون]

لي عوده للرد عالكل

سعوديه مره باليوم كافي لاتزيدين عن مره باليوم انزين حبيبتي

وبالنسبه للحبوب غريبه يمكن عندج حساسيه

لاتحطين ليمون وجربي شنو يصير معاج

لو تحسستي منها اتركيها

 

[lolipops]

أحب ارد عالي ينتقدون و اقولهم انه في برنامج عن الفنانات اللاتينيات ذكرو أيفا لونجوريا مادري جينيفر لوبيز انها تحط القهوة المطحونة في الشاور جل وتستعمله علشان تروح السليوليت
ومشكورة يا عمري

 

[ورد الصبا]

أختي الغالية حواء الكون
الله يجزيك الخير كله يارب على هالوصفة الاكثر من رائعة انا جربتها ولي يومين
بصراحه حتى على رقبتي حطيتها لان عندي شويه شحم على رقبتي فقلت اكيد بتنفع
بصراحه اول شي واول ملاحظة لاحتها النعوووووووووووووووومة الغير طبيعية اتصدقين وانا اتفرك اقول ياربي من وين تجي هالنعومة والنداوه هذي الليمون خبري فيه ينشف والخل هم كذلك والقهوة ناشفة بس بصراحه نعومة لاتقارن
ثانيا انا كنت اعاني من الحبوب في فخوذي من ورا ومكرهتني عيشتي وجربت اكثر من نوع سنفره ما بين معاي أي نتيجة بس بوصفتك تبارك الرحمن ما شاءالله شي مو طبيعي من اول مره حسيت بفخذي من ورا نعومة وطراوه ماحصلتش
وان شاءالله الدور والباقي على الشحم المتراكم يذووووووووووب بغنه تعالي وانا واثقة كل الثقة في وصفتك
وياربي يرزقك كل ماتتمنين يارب

 

[سعوديه بينكم]

اووووكي
ومشكوره ياقلبي
الله يوفقك ويعطيك على قد نياتك

 

[mdf25]

مشكوووووورة على المعلومة بجربها من اليوم
انشاء الله

 

[MISS^^CHANEL]

عجبتني الفكره وااااااااايد وااااااااااايد سهله

بس وايد كوب قهوه احنا بدون شي نخلص 4 كيلوات قهوه بالشهر بيتنا وايد يشربون قهوه

بس ماعليه في سبيل الرشاقه كل شي يهون
وبرد على البنات اللي يسالون شلون تسوي نعومه

اهي تسوي مثل السنفره والسنفره تنعم علشان جذي ينعم الجسم لانه يشيل طبقه الجلد اللي فوق

انا بربها وعسى يارب ينفع انا من فوق زينه متروسه بس من تحت المشكله قطييييييييييييعه جني عرموطه

شكرا حبيبتي ع الموضوع

 

[حواء الكون]

والله انا طبقت وعندي زغدودة مليقه بين صدري و زندي بدت تخف اما باجي جسمي حاسه بفرق بس ما قست ابي اكمل
ومشكورة عالخلطة

الحمدلله وبتحسين بفرق اكبر مع الاستمرار