والله في عون العبد ما كان العبد في عون اخيه

[تاجي أخلاقي]

صباحـ../ مساء .. الخير عليكم جميعا ..
حياكم الله .. وتقبل الله منا ومنكم صالح الأعمال ورزقنا االذرية الطيبة عاجلا غير آجل ...
طلبتكم يالغاليات واتمنى تجاوبني وتفيدون بصدق ..وهذا ظني فيكم ..

امس كان خامس الدورة .. وجاتني الممرخة ام علي الايرانية .. ومرختني وقالت لي ان رحمي مايل صوب اليمين وهابط للأسفل "نازل حيل " عشان جذية صعب يمسك فيه حمل ...المهم ..بعد التمريخ اعطتني تحاميل وكبو "بخور " وقالت لي استخدمهم ... انا تقرفت واااااايد من هالتحاميل مبين عليها شغل يدوي

تدرون ان الطبي حق الالتهابات احاتيه إذا محتاجة اسوية ..كيف الحين بسوي شغل يد واظن انه غير معقم ... والله خاااايفة حدي .. ودي اقطهم بس ريلي مانعني ...ومن امس للحين ويقول يالله استخدميها من شنو خايفة


اتمنى انكم فهمتوني ... سؤالي للي استخدمت ..هل هالتحاميل زينة وفيها فايدة وما تضر ؟؟
ابسأل اللي يرحون حق الممرخات منو تسوي كاسات الهوا "حجامة جافة "... دلوني على وحدة تسويها الله يجزاكم باللي يرضيكم ...لأني انا مرخت قبل 6شهور وسويت كاسات الهوا وحملت الحمد لله ثاني شهر ..بس طيحت بسبة الدوام <معلمة رياض اطفال ...المهم دلوني الله يسعدكم





تحياتي لــــــــــــــــــــــــــــكمـ,,,,,,

 

[ترووفه]

ماعندي فكره

ان شاءالله البناات يفيدونج


بس بسالج

انا اليوم ثاني يوم دوره

هي شنو تسوي ام علي
؟؟؟؟؟؟؟؟؟

 

[تاجي أخلاقي]

هلا تروفة
تجيج خامس الدورة ..تدلك الرحم وترفعه وتضوق لج المهبل تسوي لج تمارين وتحط عليج طابوقة حارة تلفها بفوطه عشان تتحكم بالرحم وترفعه لج ............. بس



يسلم لي ردج العطر

 

[كيكه^_^]

انا عن نفسي ما استخدم هالشغلات اخاف

لا تستخدمينهم اكتفي بالمساج للرحم وبس وما اتشوفين شر والله يرزقج ان شاء الله.

 

[فديت حمودي 2010]

هلا وغلا

نصيحة مني لاتستخدمين التحاميل لأنها تسبب بكتريا وفطريات واكتفي بالتمريخ

واعرف وحدة ممتازة لكاسات الهوا اسمها ام عبدالله في المنقف وهذا عنوانها المنقف قطعة5
شارع3
منزل23
وتلفونها 23716209

 

[ترووفه]

هلا تروفة
تجيج خامس الدورة ..تدلك الرحم وترفعه وتضوق لج المهبل تسوي لج تمارين وتحط عليج طابوقة حارة تلفها بفوطه عشان تتحكم بالرحم وترفعه لج ............. بس



يسلم لي ردج العطر

فديت قلبج

مشكووره يا تااجي

بس ماادري

يخووف صرااحه تحط طابوقه حااره
يممممممممممه

 

[كويتيه مذهله 87]

حبيبتي

أنا سوالف هالحريم ما احب ارووحلهم

لأن هالاشياااء ماتيبين الا بالسوونار بالله شلون تعرف ان فيني تكيس ولا رحمج نازل ولت مباايضي صغااار



وعلي سالفه الحجاامه الي سويتيهاا عنه وحملتي عليه رووحي سويه عندها عيديه عنده

وربي يكتبلج الحمل هالشهر يااااااارب

وعلي طاري الرحم النازل مايسبب عقم بس بعد الجماااع نامي علي بطنج

 

[كويتيه مذهله 87]

طوفي بدليااتي <<<<<< مريضه

 

[_ظل الياسمين _]

ماااعرف بهالسوااالف ..

بس عسى ربى يرزقكك ويريح بالك يارب العالمين ياكريم.

 

[mosta7eel]

ولا مرة استخدمت هالاشياء اخاف بصراحة ديري بالج مع ان اسمع
عن ناس يسونها بروحهم في البيت ويستخدمونها

 

[أم راشد المطيري]

ليش ما تسوين حجامة وتروحين حق وحدة اسمها ام محمد اللي بمشرف

وايد ناس احملوا على ادينها

 

[شاي اخضر]

لالالالانصييحه لاتحطين التحاميل تجيبين لنفسج بلاوي انت بغنى عنها ... كافي التمريخ والتحجيم.... الا صج منو هذي اللي سوتلج كاسات الهوا وليش ماتروحين لها مره ثانيه ..... والله يوفقج ان شاء الله

 

[تاجي أخلاقي]

كيــــــــــــكة.. كل الشكر لج

فديت حمودي 2010..تسلمين لي يالغلا ماقصرتي

تروووفة.. حتى انا خفت في البداية من الطابوقة بس بعدين عادي.

كودية مذهلة ..مشكورة ياقلبي ..وسلامتج يالغالية ..

ريحانة ..شرفتي متصفحي..

mosta7eel.. كلامج درر والله لا يحرمنا منج..

ام سكوووت.. ألف شكر حبوبة .. بس وين بمشرف وجم تأخذ ؟

شاي اخضر ...يسلم لي قليبيج على هالنصيحة ...اللي رحت عندها بالسعودية ..تحديدا بالرياض كنت ازور اهلي بعدين امي اخذتني لها ..وسبحان الله رديت واول شهر حملت ...





دعواتي لكم بالحمل القريب الثابت السليم المعافى والذرية الطيبة النقية السليمة ...آمين ..آمين ..آمين[/B]

 

[أم لطووف]

والله حبيبتي ما أعرف بهالسوالف
بس أنه جربت أم محمد إلي بيتها في كيفان
ومافادتني بش بس طمنتني إنه مافيني شي بالرحم الحمد لله
ربي يرزقنا وياج بالذريه الصالحه عاجلا غير أجل يارب العالمين

 

[بنت سلوى80]

السلام عليكم
انصحج انج ماتستخدمين التحاميل لانها جابت ميكروب بعنق الرحم استخدمي التحاميل بس من الصيدلية بس الحريم سوي عندهم كل شي ما عدا التحاميل لا تاخذينهم والله يرزقج ويفرح قلبج اللهم امييييييييييييييييييين يارب العالمين ويرزقنا معاج

 

[bint_al8omar]

لا تستخدميييييين تحاميلهم اهي اللي تجيب امراض الله يكفينا شرهم خليج عالتمريخ بس والاعشاب وشوفيلج دكتور شاطر راجعي عنده والله يرزقج الحمل السليم يارب

 

[أغصان]

حبيبتي صراحه انا جربتها ام علي يهبل ترديدها للرحم بس غريبه ماسوتلج كاسات هوا ؟!!!!! انا اول ماجتني سوتها لي !!
بس ما استخدمت تحاميلها لأنها شغل يدوي مثل ما قلتي وانا ما احب اجرب هالاشياء للرحم
وانتي لا تستخدمينها اخاف يجيج التهابات بس استخدمي البخور والله يرزقج بالحمل الثابت يارب

 

[! .. ريبـاس .. !]

هلاوالله حبيبتي انا رحت لمردده ورددتني

وعطتني تحاميل قالت لي استخدمهم لمدة 8 ايام بس حيييييل خفت لاني ماعمري سمعت فيه تحاميل لمدة 8 ايام وايد

والتحاميل اللي عطتني اياها تحاميل المره + تحاميل الملح الفارسي

واستخدمت يمكن 3 تحاميل ووقفتهم خفت حسيت اني بلعب بنفسي

وبالنسبه للحجامة سويت عند وحده بيتها بالرابيه ووالله مضيعه رقمها

وبالنسبه لي ماحملت بعد الحجامه وقاالوا لي الحجامه ماتخلي الوحده تحمل بس تشيل الامراض اللي فيج ورسولنا وصى فيها

ان شاء الله البنات يفيدونج باارقام المحجمات

 

[تاجي أخلاقي]

ام لطوووف... يسلم لي مرورج العطر والله يرزقج ولا يحرمج..

بنت سلوى ... الله يفرحنا اجمعين آآمين .. شكرا لجميل تواجدج..

bint_al8omar... الله يسعدج على اجمل رد ..

أغصان .. بالنسبة لترديدها حلو بس غريب اشوي ..لأني جربت قبل غير وكاسات الهوا اللي اقصد (اللي يحطون قطعة قماش ويشعلون فيها النار وتحطها على بطنج وفوقها بسرعة قلاص كبير وتحركه بعدين تسحبه <<هاذي تنشط المبايض وتقوي الظهر ) اهي سوت قلاصات عادي تسحب الدم وتفكه بس على الظهر ... اشكر لج مرورج العطر..

ريباس ...حبكت تنسين الحين رقم المحجمة اللي بالرابية .؟؟:eh_s(6): عموما الف شكر وعطر ورقة احساس لج ولجميل تواصلج....




يارب ترزق كل وحدة ردت علي بالحمل الثابت عاجلا غير اجل والذرية الصالحة يارب يارب يارب

 

[آه يا زمن]

للرفع والله يرزقج ان شاءالله وانا دايما اسمع يمدحون ام عبدالله المنقف