اقووووى تجمع لأحلى مدمنات Make Up{{ مغلق حتى اشعار اخر لظروف العضوه الدراسيه }}

[SeDuCTive]

رد: اقووووى تجمع لأحلى مدمنات Make Up .. حيااااكم *_متجدد_*

هلا بيييييييييييييييييج عيني
فدييتج والله وانا اموووووووووووووووووووتن فييج
حياتي انتي والله وجودج بالقسم اهو اللي يعطيه البور والبوش اب ياقمرررنا :fun:
ناطريين ناااطرين :016:

فديتج :*

very nice post

تسلمين عالمرور حبيبتي :68_asmilies-com:

واااااااااااااي شنو هالموضوع ياحلوج يا سدكتوفه جد جد روعه حيل استفدت منه
مشكوره انتى وزيون وكل البنات
اذا عندي اسئله عن المكياج اسال هني.؟؟
عفيه عفيه سوي لنا موضوع او افكار حق البشره الباهته
وشنو احسن رسمة عيون حق العيون الناعسه المليقه مثلي...عفيه ضروري انتي او زيون
وعسى ربي يعطيج الف عافيه

هلا حبيبتي بنكوووشه .. العفو يا قلبي ما سوينا شي .. حياج الله وسألي اللي تبينه كل رواد الموضوع
خواتج وما راح يبخلون بخبراتهم ان شاء الله .. اوعدج احاول ابحث بموضوع رسمه العين الناعسه
الحلوه و بليز ما ارظى علي عويناتج الحلوين :eh_s(14):
وتابعي موضوعنا مال ال Glows وان شاء الله بتلاقين افكار لموضوع البشره الباهته .. وشلون نعالجها
بالميك اي .. ولا تحرميني من طلاتج حبيبتي بنكووووش :33_1185028183:

 

[BaiTotia]

رد: اقووووى تجمع لأحلى مدمنات Make Up .. حيااااكم *_متجدد_*

وااااااااااااااو

سوسو خليتيني أتحسف لما شفت الmsf ماخذيتهم كلهم

وعفية كملي عالموضوع على شيمرات بماركات ثانية

 

[SeDuCTive]

رد: اقووووى تجمع لأحلى مدمنات Make Up .. حيااااكم *_متجدد_*







شخباركم يا احلى حلوين ..

اليوم بنكمل على موضوع ال Skin Glows .. وان شاء الله يعجبكم ال Topic ..


Glitters Vs Sparkels ..


بصفه عامه بنتكلم عن موضوع ال Pressed Powders ال Glittery و ال Sparkely ..
اللي يمكن كثير مننا مو منتبه للفرق بينهم .. وان شاء بعد Post اليوم نتعلم شلون نفرق بينهم ونختار المناسب
حسب اللوك المطلوب ..

اذا تكلمنا اول شي عن ال Glitters ..
احنا نسميه الزري .. واهي عباره عن حبيبات حجمها واضح بالعين المجرده يعني حبيباتها مرئيه و Visible ..
يعني ماهي لمعه مثل البودره.. لأ الحبيبات واضحه حتى لو كان حجمها صغير و Tiny ..
ومن افضل الانواع اللي جربتها Charmal و MAC و Make up For Ever
ومن الهنود باليت Golden Lady ..

In Contrast ..
ال Sparkels ..
اهي الحبيبات اللامعه الدقيقه الاشبه بالبودره السائبه وحجمها غير واضح بالعين المجرد ..
وتكون على هيئه بودره وتأثيرها واضح جدا وزهوتها حلوه وتعكس اضاءه اقوى من ال Glitters ..

وهذي الصوره توضح المقارنه بين الاثنين حبيباتي ..

والحين بنشوف امثله من ارشيفي الخاص على كل نوع منهم عشان تاخذون فكره عامه وتفرقون معاي عدل
بين الاثنين ..

بناااااااات بهالموضوع.. ابيكم تعرفون كل شي على اصوله .. هذا حلاه العلم بأي شي كان ..
اذا ما كان بذاربه وعلى اصوله تقل زهوته عندي واحس ناقصه شي..
وطبعا هذا رايي الشخصي والناس اذواق فديتكم ..



اول شي خلونا نشوف ال Glitters ولاحظوا معاي انه بكل نوع من ال Pressed Powders ..
حجم حبيبات ال Glitters واضح وحتى بعد ما ينحط على البشره تظل الحبيبات مرئيه وتثبت على البشره
وتعطي لمعه رهيبه ..

ومن مجموعتي ..امثله بسيطه ..

هالبودرتين جمعتهم مع بعض لأنه تاثيرهم حيل مقارب واهم مالهم لون كثر ما اهو Shine ممزوج بال Glitters .. وايد حلوين للمناسبات وتستخدمينهم للويه والرقبه وعلى ال Decolte .. ما اقولكم لازم تجربونهم ومانخلق غيرهم لأ !!!
الهدف من الموضوع انه كل وحده فينا من النظره الاولى تعرف طلبها وكيفيه استخدامه واحلى نتايج ممكن يعطيها
المنتج ..

البودره ال Off white هذي تعطي لون صدفي خفيف واهي ممتازه لمنطقه تحت العين ..

اما هالبودره تعطي لون Peach خفيف .. مصاحب بال Visible Glitters طبعا ..

واخترت لكم اللون ال Silver عشان اكون غطيت اغلبيه الالوان اللي نستخدمها عاده ..
وبالصوره طبعا واضح حجم ال Glitters اللي فيه ..





وصنا للنوع الثاني واهو ال Sparkels ..
ال Sparks تكون حيييل ناعمه و Very Very Fine مثل البووودره .. ومن نحط البودره نلاحظها اندمجت مع البشره وما نشوف منها الا بريقها ورونقها اذا كان لونها فاتح .. واذا كان فيها شوي لون نشوف بريق اللون اللي فيها ..
واهي طبعا عاكسه اكثر من ال Glitters عشان فرق الحجم .. ولمعتها مووووصج !

ومن اشهر البودرات المتوفره حاليا بالسوق .. بودره نارس وايد احبها لمعتها ذربه ولا جنج حاطه شي ..
بس بالاضاءه تطلع ناعمه ومفعولها حيل يعجبني لأني ماحب ال Over ..

وحبيت احط هالمثال .. بودره Versace عباره عن Pure Sparkels ماهي Loose Powder ..
يعني ماهي مخلوطه مع بودره .. ولمعتها تهبل تهبل تهبل ..

واخيرا عشان نغطي الموضوع بالكامل .. ولعيون الغاليه (هند) ..

بنشوف ال Sparkely Spray من Guerlain ..
طبعا هالمنتج صج روعه ولمعته رهيبه .. متوفر بلونين الذهبي والفضي ال Rainbow ..
انصحكم فيه كلمسه نهائيه على الويه والجسم للمناسبات ال Special ..لأنه يغير اللوك العام 180 درجه!

ولأني احبكم حاولت اصور ال Sparkely Effect وان شاء الله يكون واضح بالصوره ..
واخترت اللون السلفر على Rainbow .. ولاحظوا شلون بس اللمعه وانعكاس الضوء اهو الشي
الواضح .. وحجم الحبيبات Barely Visible ..
واعتقد متوفر منتج مشابه له من Collistar للي يحبون يشوفونه ..

ومثل ما تعودنا ال Trick مالتنا اليوم ..

( لأحلى تأثير لل Glitters Vs Sparkels .. نستخدم فرشه يكون شعرها ناعم وما يكون كثيف عشان اللمعه
ما تتركز بالفرشه ..وناخذ اللمعه براس الفرشه يعني نحطها بطريقه عمويه على البودر ونطبطب بحركه خفيفه على البودره وننثرها على الويه والرقبه بنعومه ونخليها مجرد تلامس سطح الجلد وبحركه دائريه نكمل التوزريع لحد ما نغطي كل المنطقه المطلوبه ..وبهالطريقه نكون وفرنا بكميه البودر المستخدم وما نكون كثرنا على البشره من كميه اللمعه والنتيجه ولا اروع)
وهذي صوره لل Brush اللي استخدمها من Scott Barnes..

اتمنى يكون الموضوع خفيف وسهل .. واتمنى اني اكون وصلت المعلومه لكم بالطريقه المناسبه حبيباتي ..





Note : المعلومات هذي كلها خلاصه تجاربي وليست مأخوذه من الغير .. حتى ال Phrases
اللي استخدمها اهي My Own Personal Phrases .. و ال Tricks
اللي اتكلم عنها بالموضوع .. من افكاري الخاصه ولا يحق لأي انسان نقلها بدون ما
يكون ال Credit To Me.. بليز !!!

 

[باربي للابد]

رد: اقووووى تجمع لأحلى مدمنات Make Up .. حيااااكم *_متجدد_*

واااااااااااااااااو

يعطيج الف عافية عالشرح اللي اكثر من روعة :ggdw:

ونااااااااااطرة الموضوع الياي ​

 

[أم^عبادي]

رد: اقووووى تجمع لأحلى مدمنات Make Up .. حيااااكم *_متجدد_*


وااااااااااااااااااااااااااااااااااااااااااااااااااااااااااااااااااااو شو هيداااا يا سوسو ال Glitters وللللللللللللللع بالمنتدى كللللللله من براااا قاعده اشووف اللمعه والزري :dddds:

فديتوووج والله اغراضج اتشووق عليج بالعافيه والله

وصاااجه بالسبري مال غيرلان عندي نفسه السلفر وااااااايد حلو استعمله حق المناسبات وحق شسمووونه بيني وبين بو عبووود :dddds:

خل أرد البيت واصور اغراضي واحطهم

 

[أوشال]

رد: اقووووى تجمع لأحلى مدمنات Make Up .. حيااااكم *_متجدد_*

واخيرا من استي لودر لونها اينن ولمعتها واايد حلوة حق الصبح لان ماحب ويهي يبرق بررررررق:dddds:


شرااايج سوسو بمجموووعتي المتواضعة؟؟؟

عليج بالعافيه زيوون :*

وايد عجبتني مالت استي لودر بجربها إن شاء الله


سمسميه & ام عبادي

عليكم بالعافيه

لاترووح

الله يعافيج حبيبتي

واذا ما حصلتي الاورينت ترا في بلاش عند جيرلان بعد
يعطي تقريبا نفس الFinishing مال الأورينت اسمه اعتقد اسمه Sun Light رقم 1

سوسو

وايد حلوه ثاني مجموعه ...وايد عجبوني اوراق لاونكوم اكيد مافي منهم :krkrkr:
صج صج مجموعاتج تشووق عليج بالعافيه :*


Zeshtoo

عليج بالعافيه
ذكرتيني ببودرة نوبا لي الحين ماجربتها

نووور عيني اوشال.. ذوقج حده راقي وكلاس فديتج ..
المجموعه كلها بلا استثناء روعه .. وال Soft N Gentle حبيته منج زياااااااده بعد عمري الغالي يرخصلج ..
واكيييييييييد الفضل لعيونج الحلوه اللي ما تدقق الا على الشي المميز حياتي :*
وما يبيله.. لوووول على Orient Sun Reality Show والازمه الاقتصاديه
العويصه اللي صارت.. صج صج عيشتيني المعاناه وحدي تقمصت الدور لوووول
دمممممممج شربااااات

أنتي الكلاس والراقيه حبيبة البي :*
وووالحمدلله اللي عدت الأزمة وستتب الأمن :ggdw:
عاد خفي علينا شوي كافي أزامات ..والله يبعد عني وعنج وعن كل الحبايب شر الأزامات

:dddds::dddds::dddds:
اوشال بدعتي بقصة الاورينت سن
فديييييتها سوسو دايما سباقة بكل شي وغيرلان حبيب ألبها لاااازم تكتشف كل شي يديد فيه
وصاااجة البرونز احلى عليييها
ويالله ناااطرين سوسو تفاجأأأنا بشي يديد وتسوي لنا ازمة اقتصاااادية مرة ثانية:ggdw:

اوشااااااااااااااال انتي ختييييييييييييييييييييييييييييييييييرة وربي:eh_s(6):

اهلين زيون المزيوون

الا سوسو اللي بدعت فينا ..اهي وحبيب البها جيرلانووه اهي تحب وحنا نبتلش:tomato2:
موو ملحقين نسجل ونشتري وكل يوم تطلع لنا بشي احلى من الثاني
بس ما انكر كل شي تقولنا عنه يطلع واااو
وأنتي اللي ختيرررة يا ملكات اللوكات الملكلكة :ggdw:

Pissy Missy

عليج بالعافيه بيسي خووش مجموعة


عافك الخاطر

ووينج غااطه مانشووفج

عليج بالعافيه

 

[أوشال]

رد: اقووووى تجمع لأحلى مدمنات Make Up .. حيااااكم *_متجدد_*

خووش بوست Glitters Vs Sparkels

شووقتيني على جم منتج سباركلي

وإن شاء الله بشارك باللي عندي قريبا

 

[قطوة مغرورة]

رد: اقووووى تجمع لأحلى مدمنات Make Up .. حيااااكم *_متجدد_*

خوش موضع سوسو يعطيج الف عافيه حبي

 

[CUTE ENGINEER]

رد: اقووووى تجمع لأحلى مدمنات Make Up .. حيااااكم *_متجدد_*

تسلمين حبيبتي SEDUCTIVE عالشرح المفصل والحلو
عن الPARKLES Vs GLITTERS

نسيت أقول لكم آنا وحدة مايلوق علىي البرونزي دايما بس أحط برونزي شوي ويطقوني بالدوام حتى سكرتارية المدير يقولون لي مهندسة عسى ما شر فيج شي ؟؟؟

جنج مريضة اليوم فقمت شسوي؟؟؟

أحط بودرة برونز من غيرلان نفس اللي قالت عنها الأخت أوشال SUN LIGHT على عظمة الخد ووراها بلاشر وردي يعكي برونز على وردي أو مشمشي يعني اللي فيه خير يبطل حلجة
لوووووووووول

أما إذا لبسي يبيله وردي أحط SHIMMER DIOR الوردي وبعدين البلاشر الوردي

وعندي بعد









إضاءة سائلة من دييغو دالا بالما أخلطها شوي مع الأساس وأحط منها وبعدين أطبق الشيمر الكومباكت كالمعتاد

بس ما أحب أحط الشيمر عالويه كله

أبيكم تصححون إذا قاعدة أسوي شي غلط



ومشكووووورة من كل قلبي ياحبي

 

[Pissy Missy]

رد: اقووووى تجمع لأحلى مدمنات Make Up .. حيااااكم *_متجدد_*

Pissy Missy

عليج بالعافيه بيسي خووش مجموعة

thx حياتي

سوسو u amaze more & more everytime

perfect post & review

don't stop 7abebete:ggdw:

 

[pink-bunny]

رد: اقووووى تجمع لأحلى مدمنات Make Up .. حيااااكم *_متجدد_*

وااااااي موضوع مو صج قريته كلللله والردود كلللها وقاعده واكتب عشان اشتري
صج صج صج ماقصرتي سدكتوفه فديييييتج ومشكورين كل الخوات اللي يشاركون والله استفدت حييييل
عااااا وصلتي موضوعي اللي ادوره الGLOW احب هاللوك بس ناطره تكملين عن الغلوات الكريميه
اللي ادورها ادواره وامووووت بهاللوك
عفيه عفيه عفيه:yaaaaaarb:
بنات اترجاكم دخلوا كلكم ع هالرابط والله مدته دقيقه مايخذ من وقتكم
http://www.youtube.com/watch?v=xGLgJJ06Fzo

ابي اسوي هاللوك اشلون اضبطه حلووو وغلوي نااعم وبيرفكت وذرب:lkmnkl:
شنو هالفاونديشن واللغلو اللي حطته كان عندي منه من لانكوم مادري اذا للحين موجود
يا حلوات ياخبيرات الميكاب فيدوني وانا متاكده راح يعجبكم و وااااايد يبونه مثلي

بلييييز سدكتف ناطرتج ابي هاللوك حق العيييييد
عساه ينعاد عليكم كلكم بالافراح:eh_s(7):​

 

[TuTTi^FruTTi]

رد: اقووووى تجمع لأحلى مدمنات Make Up .. حيااااكم *_متجدد_*

سدوووووووووووك شالابدااااااااااع كل يوم عن يوووووم تبدعين اكثررررررررر



ماشاااااااالله عليييييييييييج تحسين وحده فاهمه تتحجى


يعطيج اللللللللللف عاااااااااااافيه


حدي استفدت والللله


وحدج تشيشين الواحد يشتري مكياج اكثر يبيييييله والله


تسلم ايدج فديتج

 

[شهووده]

رد: اقووووى تجمع لأحلى مدمنات Make Up .. حيااااكم *_متجدد_*

سوسو أسلوبج بالشرح يشوووقني ..

كفيتي ووفيتي مشالله عليج ..

ومجمووعتج عجييبه ..

تخلصينهم بالعاافيه ان شالله :*


ناطرين مفاجآتج الحلووه ياحلووه :*

 

[ناتشوو]

رد: اقووووى تجمع لأحلى مدمنات Make Up .. حيااااكم *_متجدد_*

ماشاء الله
موضوع عجيب وعندج ضمير بالكتابة وحتى بطريقة ترتيبج له
كل مرة ناوية اشارك بس أأجل
والله صور الحمر الفوشية للحين بتلفوني
وامس جامعة الاضاءات بصورهم واحطهم
بس حطيتي موضوعج الجديد المتعلق بالغليتر

 

[ناتشوو]

رد: اقووووى تجمع لأحلى مدمنات Make Up .. حيااااكم *_متجدد_*

والدرجه اللي وراه اهي ال True Bronze ولونها غالبا ما يكون Mixed مع ال Antique Gold
او الذهبي المعتق ..

مثل ما نشوف في ال Warm Blend MSFs ..

واخيرا نكون وصلنا لأغمج لون من ال MSFs مثل ما تشوفون لونه بالصوره ..

واهو ال Shooting Star ..

وقبل لانختم الموضوع .. حبيت اصورلكم الفرشه اللي نزلت بكوليكشن ال BBR واهي خاصه لل MSFs ..
ورقمها 165 وهي ممتازه .. طبعا نقدر نستخدم اي فرشه ناعمه بشرط تكون متوسطه الحجم مثل ما قلنا عشان نتحكم بالمساحه اللي بنغطيها واللي غالبا ما تكون صغيره نسبيا ..

Done بحمد الله ..

عجيبة هالجزئية
فعلا مميزة
تنفع موضوع خاص بروحها وبيكون مميز حده:ggdw:

الفرشة اللي حطيتيها نحصلها اي وقت ولا عرض محدود؟

 

[LA TROO7]

رد: اقووووى تجمع لأحلى مدمنات Make Up .. حيااااكم *_متجدد_*




:ggdw::ggdw:


:ggdw: :ggdw: :ggdw: :ggdw:

ماشاءالله مميزة بكميه المعلومات الي عندج فدددديتج سوسو

صج الموضوع كل ماله ويحلى اكثر واكثر

من يد ماانعدمهاااااااااااااااااااااااااااااش يارب

تفضلي:tek:

 

[LA TROO7]

رد: اقووووى تجمع لأحلى مدمنات Make Up .. حيااااكم *_متجدد_*

لاترووح

الله يعافيج حبيبتي

واذا ما حصلتي الاورينت ترا في بلاش عند جيرلان بعد
يعطي تقريبا نفس الFinishing مال الأورينت اسمه اعتقد اسمه Sun Light رقم 1

شكراا حبيبتي اكيد رااح اجربهاا

:tek:

 

[Zeshtoo]

رد: اقووووى تجمع لأحلى مدمنات Make Up .. حيااااكم *_متجدد_*

وااااااي موضوع مو صج قريته كلللله والردود كلللها وقاعده واكتب عشان اشتري
صج صج صج ماقصرتي سدكتوفه فديييييتج ومشكورين كل الخوات اللي يشاركون والله استفدت حييييل
عااااا وصلتي موضوعي اللي ادوره الglow احب هاللوك بس ناطره تكملين عن الغلوات الكريميه
اللي ادورها ادواره وامووووت بهاللوك
عفيه عفيه عفيه:yaaaaaarb:
بنات اترجاكم دخلوا كلكم ع هالرابط والله مدته دقيقه مايخذ من وقتكم
http://www.youtube.com/watch?v=xglgjj06fzo

ابي اسوي هاللوك اشلون اضبطه حلووو وغلوي نااعم وبيرفكت وذرب:lkmnkl:
شنو هالفاونديشن واللغلو اللي حطته كان عندي منه من لانكوم مادري اذا للحين موجود
يا حلوات ياخبيرات الميكاب فيدوني وانا متاكده راح يعجبكم و وااااايد يبونه مثلي

بلييييز سدكتف ناطرتج ابي هاللوك حق العيييييد
عساه ينعاد عليكم كلكم بالافراح:eh_s(7):​

انا شاريه مثله من ماك من كولكشن الستايل وارير

 

[عــافك الخــاطر]

رد: اقووووى تجمع لأحلى مدمنات Make Up .. حيااااكم *_متجدد_*

يمه يمه متى نزلتي البارت اليديد @@

واااااااااااي على هالبنت ماغلطت يوم قلت كامله والكامل الله

فديييييييييييتج نزلتي تكملة الموضوع بتفاصيله وخليتينا غصب طيب نفهم تفاصيله ونفرق بين انواعه بعد

يعني بعد هالبارتين الغشيم صار خبره <<< مثلج يعني :dddds:

ياحيااااااااتي والله ياسوسو صج صج يعطيييج العافيه على هالموضوع الشيق والمفيد

الواحد لي تاه دش موضوعج وعرف شنو يبي وشنو يحتاج وشنو المهم وشنو الفرق بين انواعه

ياااربي وتلوموني لي حبيتها ؟ خو بذمتكم قولولي واشرولي على موضوع فادنا ونفعنا كثر هالموضوع ؟

واللي عاجبني وبخاطري من زماان Sparkely Spray من Guerlain بس مادري ليش للحين ماشريته :krkrkr:

تسلمين والله يالغاليه جد جد ماعندي حجي اكثر من هذا كل اللي اقدر اقوله

موضوع يستاااااااااااااهل التثبيييييييييت

ولا انتو شرايكم بناااات ؟

واوشال فديت قلبج حبيبتي انا كاني موجوده بس خبرج عيوز وكسووله :tomato2:

بس ماقلتيلي اوشال شرايج يستاهل ولا مايستاهل ؟؟

 

[pink-bunny]

رد: اقووووى تجمع لأحلى مدمنات Make Up .. حيااااكم *_متجدد_*

انا شاريه مثله من ماك من كولكشن الستايل وارير

يا بعد قلبي يا Zeshtoo ونستيني انج عرفتيه انزين اروح شقولهم ابي شنو.......((حدي ماعرف بالمكياج))
باجر بروح بشتري وايد اشياء استفدتها منكم