ملف عن كيكاتي الي سويتها و متجدد كل مرة اسوي فيها

[ام سلومd]

تسلم ايدج يالغالية

و ايدج لولو كاتي تسلمين ياقلبي شوفوني اليوم و باجر راح ادجكم بالحلو و الكل:dddds:

 

[fon-fon]

يعطيج العافيه بس يوعتينا الله يهداااج

 

[ام سلومd]

عليج بالعافية فون فون :dddds:

 

[دلوعة روحي]

ام سلوم

تسلم ايدج

جربت بسكوت االيهال بالنوتيلا

الصراحة حدههههههه عجييييييييييييييب و ترف

حيل عجبهم الحمدلله

عساج على القوة

 

[ام سلومd]

ام سلوم

تسلم ايدج

جربت بسكوت االيهال بالنوتيلا

الصراحة حدههههههه عجييييييييييييييب و ترف

حيل عجبهم الحمدلله

عساج على القوة

الحمد الله انها اعجبتج لان صج اعيالي و عيال حماي استانسوا عليه لانه فيه نوتيلا عليكم باللللللللللف عافيه:tek:

 

[ام سلومd]

قو بنات باجر انشاء الله الصبح انزلكم الباجي لان اليرور مو مخليني اروح الدوام و اشبك

 

[ام سلومd]

بسم الله الرحمن الرحيم

اشلونكم بنات شخباركم و اخيرا اقدر انزل عقب ما علق علي الايرور :dddds: يايبتلكم مجموعة كبيرة حلوة و انشاء الله تعجبكم


حلو الاناناس و الكاستر منقول لعبير الراشد

الطبقة الاولى:

كاستر بودر 3 ملاعق كبيرة
1/2 كوب حليب سائل
1/2 كيس جلاتين
1/4 كوب ماء ساجن لتذويب الجلاتين
4 الى 6 شاريح اناناس
2 جبن فيلاديلفيا 200 جرام العادي
2 قيمر (قشطه)
1 كيس دريم ويب
4 ملاعق سكر بودر
بسكوت بيتي بور انا استعمل على حسب البايركس ماكو عدد محدد

الطبقة الثانية:

3/1 كوب كاستر بودر
1 كوب سكر عادي
كوب و ثلاث ارباع ماء
2 ملعقة طعام حليب سائل
اشويه زبدة
1/2 كيس جلاتين
اوشي عصير ليمون

للوجه :
شاريح اناناس

الطريقة:

نضع الكاستر+ الحليب على نار هادية مع التقليب ليمن يثخن اشوي معاج و نذوب الجلاتين بالماء الساخن و نضعه على الكاستر و نضع باقي المقادير و نخلط و نضع المقادير في بايركس ماعادا البسكوت و نضعه اشوي بالفريزر او ليمن يصك

عقب مايبرد نحط شرايح الاناناس

نضع البسكوت فوق شاريح الاناناس
و نبدي بالطبقة الي فوق
نخط الاكاستر و الماء و الحليب و نقلب على نار هادية حتى يتماسك اشوي مو وياد يعني يصك وياج لا اشوي يتماسك و نرفعه عن النار و نحط الزبدة و نذوبها بالخليط و نذوب الجلاتين مع الماء+ الليمون الحارثم نضيف لخليط الكاستر و نقلبه من دون تسخين
و نحطه على الخليط السابق و نخليه يبرد تماما و بعدين نزينه حب ماتحبين

لاتردون بعد ماخلصت

 

[الكرزي]

ماشاء الله عليج يا ام سلوم الصراحة آنا من زمان امتابعتج واسوي وصفاتج الصراحة عجيبة تسلم ايدج يالكيكة ​

 

[ام سلومd]

ماشاء الله عليج يا ام سلوم الصراحة آنا من زمان امتابعتج واسوي وصفاتج الصراحة عجيبة تسلم ايدج يالكيكة ​

حبيبتي الكرزية و الحمد الله انها اعجبتج و ايدج حبيبتي :ggdw:

 

[ام سلومd]

كيكة الافندي او اليوسفي
المقادير:

قالب و ربع زبدة
كوب و نصف سكر
2 بيضة
بشر افندي
كوب و ثلاث ارباع طحين
1 ملعقة صغير بيكنج باودر
1/4 كوب حليب
1/3 كوب عصير افندي
فانيلا

الطريقة:
اول شي نخفق الزبدة+ السكر

و نضع بشر الافندي و الفانيلا و نخلط

نضع البيض و نخفق حتى ترتفع الخليط

ضروري بنات كل شي يصير على حرارة الغرفة العادية
و نضع الحليب و العصير و الطحين النخول و البيكن بودر و نخلط

و هذي الكيكة

لاتطوفكم ترى صج صج لذيذة نفس طعم البرتقال بس هذي افندي

 

[ام سلومd]

جيز كيك فيريرو روشيه

القاعدة:
بسكوت بيتي بور حسب القالب الي عندج مطحون
1 قالب زبدة
4 ملاعق بودر الكاكاو
طبقة الفوق:
3 علب جبن فيلادلفيا 200 جرام
1 كوب سكر
1 علبه كريمة كي دي دي
فانيلا
رشة ملح
10 قطع فيريرو روشية
3 بيضات

للوجه

نوتيلا
جم حبه فيريرو روشيه

الطريقة:

اول شي نسوي القاعدة و نرصها و نخليها على جنب

و نخلط خلطة الجبن مع بعض بعدين نكسر الفيريرو روشية و نحطه بعدين و نخلط بالقفشة اشوي

و ندخل الخليط في حمام مائي يعني لازم يصير الصنيه الي فيها الماء تحت و يكون الجيز كيك فوق
و نخليها في الفرن لمدة ساعة و نص و هذي النتيجة

 

[ام سلومd]

و ندها في النوتيلا ونزينها في الفيريرو ورشية

 

[أحلى همبه كويتية]

تسلم ايدج

من زمااااااااان ما طليت عليج
سامحيني

 

[دلوعة روحي]

امبيه اخر كيكة تحطيييييييييييييييييم

ماشاء الله تبارك الرحمن

 

[ريمه الكويت]

ماشالله عليج ام سلوم افكارج حلوه يالله متى تفتحين محل حلوياااااااااااااات @@

 

[سنا الفضه]

نكور الاوريو كور و نخليها مرة ثانية اشوي بالثلاجة على ما تشتغلين على الكيكة
نفرد الكيكة و نحشيها بالجلي و دخلها الثلاجة اشوي على ماتذوبين الكاكاو








نبدي بعملية التغميس و نصف الكيكة و الاوريو

يعطييييييييييج العاافيه وتسلم لنا ايدج الي تنلف بحرير حبيبتي

بس سؤال!!

على هالرابط
http://www.q8yat.net/showthread.php?t=327949&page=42
شنوو الجلي الي تقصدينه هنيه حشيتيه بالكور؟؟ مافهمتج !!

وووووللمره الالف ومنيه لباجر يعطيج العافيه والله يحرم ايدج عن النار يااارب:tek:

 

[shosho86]

صج صج ام سلوم الله يعطيج ألف ألف عااافيه انا احب اتابع حلوياتج اول بأول وصج كل حلو احلى من الثاني ^_^

 

[المتألقة]

يعطيييييييييج العافيااااااا

 

[<<لمار>>]

تسلم ايدج وكيكة الفيريرو تحطيم لازم اسويها

 

[ايمانو حلوة]

ام سلووووووووووم

لج وحشة كبيييييييييييييييييييييرة اشتقتلج مووووت واشتقت لمواضيعج ووصفاتج الروعة


شغلج اينن وماعليه كلام تبارك الرحمن




keep going