مرحبا بنات
يسعدني اني اطرح لكم تجربتي مع المقشر لمنطقه الوجه بيبي فيس
طبعا بالبدايه احب اقولكم اني بطرح هالتجربه للافاده يعني انا ما انصح فيه انا اطرح التجربه للاستفاده فقط سواء كانت النتايج سلبيه او ايجابيه لان انا لي الحين في مرحله خوض التجربه مع هالمنتج وحبيت انكم تشاركوني وحابه اكيد اني افيدكم
طبعا بالبدايه احب انبه ان هالمنتج صناعه فلبينيه وينباع بالحواي وانا من زمان كنت اشوفه بس ما فكرت اني اجربه الا الحين وعقب ما شريته صراحه لقيت تحذيرات كثيره منه بالانترنت بمواقع وايد وهم لقيت تجارب بس انا قررت اجربه 00
طبعا بالبدايه ترددت وخفت اني اقشر بشره ويهي لان ولا مره جربت التقشير بحياتي بس لان لحبوب لوعت جبدي من كثرها بويهي ولان احس اني وصلت لسن لازم اجدد بشرتي فيه واشيل الطبقه اللي من اول ما نولدت ما شلتها فقررت اقشره ..لووول
طبعا بنات انا بالبدايه مفكره اروح دكتور بس فكرت بموضوع المواعيد وتكدرت .. ومره كنت رايحه الحواي بشتري زيت جنين القمح لانه ممتاز للبشره كله فيتامينات ومغذي سألت الحواي عندك مقشر للويه قالي اي البيبي فيس مال الفلبينيات وايد زين واخذي رقم 3 اول شي بعين لي خلص تعالي اخذي رقم 2 وبعدين رقم 1 وقالي بدينار المقشر والزيت بعد قرشته بدينار جان اعطي الحواي الدينارين واتوكل على الله على البيت..قلت يا تصيب يا تخيب
طبعا رديت وسيده سويت سيرش على المقشر عشان اشوف تجارب اللي ستخدموه قبلي, فتبعت هالطريقه:
1-غسلت ويهي
-حطيت معقم سيتيال بماي وبللت قطنه منه ومسحت ويهي فيها
3-بللت قطنه من منتج بيبي فيس 3 ومسحت ويهي فيها طبعا ما عدا منطقه العين والمنطقه المحيطه فيهاوالحلج والمنطقه المحيطه فيه
طبعا مكتوب ان المنتج يستخدم لمره الى مرتين باليوم
ستمريت على هالخطوات لمه 4 ايام يوميا مرتين باليوم ,وبعد الاربع ايام مره وحده باليوم بالليل لما اكمل اسبوعين وبعدين انتقل للخطوه الثانيه(بيبي فيس 2), طبعا انا الحين ما كملت الاسبوع الاول بعد باجر ان شاء الله بكمل اسبوع بس بعطيكم النتايج لي الحين:
1- بدا يقشر الويه من اليوم الثاني بالليل
2-بعد ما تقشر شوي شوي احتقن ويهي وصار لونه احمر وبدت لحبوب تعورني وتصير صلبه
3-تقريبا الويه كله تقشر خامس يوم وصار ناشف عشان جذي انا طول فتره التقشير استخدم زيت جنين القمح بعد ما احط المقشر على طول علشان ما يتجعد وعشان تخف الحكه وما يعورني وهم لان هالزيت عباره عن فيتامينات ممتازه
4-طبعا ويهي وايد تغير علي في اماكن راحت عنها لحبوب واول مره اشوفها جذي واماكن بعد بقا شوي فيها واثار بسيطه بس الحمدلله البشره تحسنت عن قبل التقشير وكان عندي صوب لزلوف البشره اغمج من باجي الويه من الشمس الحين توحد اللون الحمدلله وراح الحمار مال التقشير
5- طبعا ناويه اكمل ان شاء الله على نفس الطريقه ومع باجي الكورس واعطيكم كل التطورات
"ملاحظه:هالمنتج لازم الواحد ما يستخدمه ويتعرض للشمس فانا هالفتره ما اطلع الصبح كلش من جذي استخدمته وما استخدم سن بلوك لاني ما اطلع الصبح بس عادتا اللي يستخدمون التقشير لازم يحطون حمايه الصبح,المرطب مهم مع التقشير وانا ستخدمت زيت جنين القمح لانه عباره عن فيتامينات متازه جدا للبشره واتوقع اهو كان لها ثر كبير بسرعه ظهور التنايج وياي فانصح كل من تفكر بالتقشير انها تشتري زيت جنين القمح من الحواي وتستخدمه, وطبعا بنات فتره التقشير المفروض الوحده ما تحط مكياج على ويها بس انا صراحه كنت احط لمن اطلع بعد الفطور لان اظطر بس كان كريم الاساس يبين التقشير عدل وكان شكله بشع .. بس كنت على طول ارد امسحه واغسل ويهي واحطله الخطوات اللي كتبتها فوق والحمدلله"
طبعا هذي تجربتي اللي لازالت مستمره راح اوافيكم بكل المستحدثات معاي واتمنى القى منكم ردود ومشاركات ونصايح للي جربوا هالمنتج او التقشير بشكل عام واتمنى لو تعرفون خلطه او كريم تييض ممكن يفيدني هالفتره ..اي عضوه تحب انها تستفسر حول التجربه لا تتردد بمراسلتي هني او على الخاص ودمتهم
يسعدني اني اطرح لكم تجربتي مع المقشر لمنطقه الوجه بيبي فيس
طبعا بالبدايه احب اقولكم اني بطرح هالتجربه للافاده يعني انا ما انصح فيه انا اطرح التجربه للاستفاده فقط سواء كانت النتايج سلبيه او ايجابيه لان انا لي الحين في مرحله خوض التجربه مع هالمنتج وحبيت انكم تشاركوني وحابه اكيد اني افيدكم
طبعا بالبدايه احب انبه ان هالمنتج صناعه فلبينيه وينباع بالحواي وانا من زمان كنت اشوفه بس ما فكرت اني اجربه الا الحين وعقب ما شريته صراحه لقيت تحذيرات كثيره منه بالانترنت بمواقع وايد وهم لقيت تجارب بس انا قررت اجربه 00
طبعا بالبدايه ترددت وخفت اني اقشر بشره ويهي لان ولا مره جربت التقشير بحياتي بس لان لحبوب لوعت جبدي من كثرها بويهي ولان احس اني وصلت لسن لازم اجدد بشرتي فيه واشيل الطبقه اللي من اول ما نولدت ما شلتها فقررت اقشره ..لووول
طبعا بنات انا بالبدايه مفكره اروح دكتور بس فكرت بموضوع المواعيد وتكدرت .. ومره كنت رايحه الحواي بشتري زيت جنين القمح لانه ممتاز للبشره كله فيتامينات ومغذي سألت الحواي عندك مقشر للويه قالي اي البيبي فيس مال الفلبينيات وايد زين واخذي رقم 3 اول شي بعين لي خلص تعالي اخذي رقم 2 وبعدين رقم 1 وقالي بدينار المقشر والزيت بعد قرشته بدينار جان اعطي الحواي الدينارين واتوكل على الله على البيت..قلت يا تصيب يا تخيب
طبعا رديت وسيده سويت سيرش على المقشر عشان اشوف تجارب اللي ستخدموه قبلي, فتبعت هالطريقه:
1-غسلت ويهي
-حطيت معقم سيتيال بماي وبللت قطنه منه ومسحت ويهي فيها
3-بللت قطنه من منتج بيبي فيس 3 ومسحت ويهي فيها طبعا ما عدا منطقه العين والمنطقه المحيطه فيهاوالحلج والمنطقه المحيطه فيه
طبعا مكتوب ان المنتج يستخدم لمره الى مرتين باليوم
ستمريت على هالخطوات لمه 4 ايام يوميا مرتين باليوم ,وبعد الاربع ايام مره وحده باليوم بالليل لما اكمل اسبوعين وبعدين انتقل للخطوه الثانيه(بيبي فيس 2), طبعا انا الحين ما كملت الاسبوع الاول بعد باجر ان شاء الله بكمل اسبوع بس بعطيكم النتايج لي الحين:
1- بدا يقشر الويه من اليوم الثاني بالليل
2-بعد ما تقشر شوي شوي احتقن ويهي وصار لونه احمر وبدت لحبوب تعورني وتصير صلبه
3-تقريبا الويه كله تقشر خامس يوم وصار ناشف عشان جذي انا طول فتره التقشير استخدم زيت جنين القمح بعد ما احط المقشر على طول علشان ما يتجعد وعشان تخف الحكه وما يعورني وهم لان هالزيت عباره عن فيتامينات ممتازه
4-طبعا ويهي وايد تغير علي في اماكن راحت عنها لحبوب واول مره اشوفها جذي واماكن بعد بقا شوي فيها واثار بسيطه بس الحمدلله البشره تحسنت عن قبل التقشير وكان عندي صوب لزلوف البشره اغمج من باجي الويه من الشمس الحين توحد اللون الحمدلله وراح الحمار مال التقشير
5- طبعا ناويه اكمل ان شاء الله على نفس الطريقه ومع باجي الكورس واعطيكم كل التطورات
"ملاحظه:هالمنتج لازم الواحد ما يستخدمه ويتعرض للشمس فانا هالفتره ما اطلع الصبح كلش من جذي استخدمته وما استخدم سن بلوك لاني ما اطلع الصبح بس عادتا اللي يستخدمون التقشير لازم يحطون حمايه الصبح,المرطب مهم مع التقشير وانا ستخدمت زيت جنين القمح لانه عباره عن فيتامينات متازه جدا للبشره واتوقع اهو كان لها ثر كبير بسرعه ظهور التنايج وياي فانصح كل من تفكر بالتقشير انها تشتري زيت جنين القمح من الحواي وتستخدمه, وطبعا بنات فتره التقشير المفروض الوحده ما تحط مكياج على ويها بس انا صراحه كنت احط لمن اطلع بعد الفطور لان اظطر بس كان كريم الاساس يبين التقشير عدل وكان شكله بشع .. بس كنت على طول ارد امسحه واغسل ويهي واحطله الخطوات اللي كتبتها فوق والحمدلله"
طبعا هذي تجربتي اللي لازالت مستمره راح اوافيكم بكل المستحدثات معاي واتمنى القى منكم ردود ومشاركات ونصايح للي جربوا هالمنتج او التقشير بشكل عام واتمنى لو تعرفون خلطه او كريم تييض ممكن يفيدني هالفتره ..اي عضوه تحب انها تستفسر حول التجربه لا تتردد بمراسلتي هني او على الخاص ودمتهم
التعديل الأخير:
