تجمع اولياء امور مدرسة الحياة hubs

[أم فهد الكريديس]

حسافه ام فهد كان ودي عيالنا يكونون بنفس الصف يالله انشالله اليايات اكثر, والصراحه انا قمت احاتي مدرسه ولدي كويتيه وحامل اخاف يتبهذل حمودي لمن تولد مع انها شكلها حبوبه وارتحت لها.
والله بعينج ام فهد وانشالله يارب الله يحفظ ولدج من هالمرض بس احسن حل انج تقولين حق الاداره واكيد راح يتقهمون واخذي المنهج وحاولي انج ادرسينه في البيت وتكونين دايما متواصله مع مدرسينه عشان حرام لايطوفه شي

والله الحافظ

الله كريم ان شاء الله السنه القادمة يكونون مع بعض يارب العالمين.....ولا تحاتين بالنسبة للمدرسة الحامل
حتى لو غابت ماراح تحسين بغيابها لأنهم مايخلون اليهال يطوفهم شي بالعكس يتم التدريس كأنها موجودة
فالعام غابت مدرسة ابني لمدة اسبوعين اللى ثلاث تقريبا في جريد ون ...لكن صدقي وآمني بالله ان مساعدتها قامت مكانها
واكملت مع الأطفال التدريس ولم أشعر بغياب المدرسة الا بعد وقت ... وحينما سألت فمن يعطيهم الدروس قالوا ان المساعدة تعطيهم وهناك
مدرسة اخرى ايضا بعض الأوقات تعطيهم.... فلا تحاتين
اما بالنسبة حق ولدي فأنا مارحت الطبيب الا بعد ما ستشاروا على الادارة ان ادهب وأسأل الطبيب عن امكانية ان يداوم ولدي والا لأ ؟
وأنا فعلا راح أحاول اني ما اخلي شي يطوفه ... حتى لو اجيبله مدرسين بالبيت... وأخليهم يدرسونه
وراح اتابع الرسالات الاسبوعية عشان اتواصل معاهم وأدرسه بالبيت ...
وان شاء الله ربي يسهلها علي ...​

 

[الغالين]

حياج الله أختي الغالين ..

سعداء بانضمامج

اللي أشوفه ان كله مراجعه ..

والله يحفظكم وتردون بالسلامة​

:eh_s(17): :eh_s(17): :eh_s(17):​

.

الله يحييج حبيبتي ومشكوره طمنتيني
والله يسلمج

 

[الغالين]

حياج الله حبيبتي ونورتي المنتى هالأسبوع كان مراجعة وأعتقد الأسبوع الجاي راح يبدون

الله يحييج يا الغاليه

 

[الغالين]

حياج الله اختي معانا في المنتدى ...أنا ولدي بعد ماداوم الاسبوع الأول ... بس أنا سألت ست خيرية عن ادا طافه شي
قالت ان الأسبوع الأول كان مراجعة وبس .. واختبار مستوى عشان يشوفون مستوى الطلاب ... والا الأسبوع الجاي
راح يبدأون بالمنهج ... وبالنسبة للرياض تأجل فعلا ..
وحياج الله معانا مرة ثانيا ... وخلينا نشوف مشاركاتج على طول ... تشرفينا ​

الله يحييج ام فهد وان شاء الله معاكم على طول:tek:

 

[مدرسة مكروفة]

شلونج إختي أم فهد صراحة حيل ضاق خلقي ولدج ماراح يداوم يارب إنشاءالله تباعد بين ولدج وعيالنا عن مرض انفلونزا الخنازير كما باعدت بين المشرق و المغرب عموما حاولي تكلمين الإدارة إن مثلا يوفرولج مدرس ويشرحله بروحه يعني مثلا مرتين في الأسبوع تودينه المدرسة و يحطونه بصف خاص مدة ساعتين جذي خاصة إن مدرسين الروضة الحين ماعندهم تدريس فأتوقع الإدراة ماراح يمانعون بهالشي وبجذي يكون مااختلط بأحد
الله يوفق عيالنا لما يحبه ويرضاه

 

[مدرسة مكروفة]

شلونج إختي xالمستحيلx شأخبارج آن عندي ولد واحد grade 2H إنتي الي بقريد 2 بأي صف

 

[مدرسة مكروفة]

إختي أي اسم شلونج طيعيني نصيحة من إخت لأختها رجعي ولدج للحياة مرة ثانية إذا تقدرين و الله مدرسة ولدي بقريد 2 تينن فعلا متحسفة على ولدج و إذا على الروحة والردة لأجل عين ترخص ألف عين تصدقين آن ساكنة بجنوب السرة وآن مدرسة بجنوب السرة بعد تخلي الجهاد كل يوم أودي ولدي للسالمية الصبح و أرد جنوب السرة عشان مدرستي و بالهدة نفس الشي بس صراحة الحياة تسوى الواحد يتعنالها مدرسة متميزة بكل الشي و أهم شي عدد الطلبة شوية و الإدارة عجيبة أخ لوج يمي جان غصبتج ورديت ولدج.

 

[اي اسم]

هلا فيج والله ... العفو ياحبيبتي والله هدي مشاعرنا من قلب وعسى الله يوفق عيالج يارب ..
وان شاء الله تتسهل امور المواصلات عشان ترجعيلنا
وانا لي الشرف بمعرفتج .... وان شاء الله نتلاقى عن قريب ...
وعلي انتي مو مخليته يداوم والا المدرسة مابدت للحين....
اما بالنسبة حق فهد والله هالأسبوع ماداوم ويوم رحت الاجتماع انشرح صدري وارتحت من بعد ماكنت خايفة
لكن اليوم وديت فهد الطبيب على اساس اسأل ادا اخليه يداوم وهل في خطورة عليه والا لأ ؟ ودلك لكي اتطمن اكثر
لكن للأسف الطبيب قال لاتخلينه يداوم لأن الحالات في ازدياد وان لا اخليه يتعرض لهدا المرض لأنه خطر عليه
فضاق خلقي جدا وحتى فهد تم يبجي يبي يداوم ... ووقعت في الحيرة مرة أخرى وما ادري شسوي
وابو فهد موراضي يخليه يداوم وبالدات بعد ما سمع الطبيب .....وانا احترت وما ادري شسوي
وبعد ماشاء الله على الاعلام كل ماله يزيد من الوضع سوء فالناس خافت والوضع جدا مأساوي
فالله يستر من تزايد هده الحالة.....والله يحفظ لنا عيالنا يارب
​

هلا ام فهد
بالنسبة للابداع فدوامهم يبدا ان شا الله ورا العيد تاريخ 27 سبتمبر
يعني انا مو مغيبه عيالي والحمدلله

وبالنسبة لفهود ...الله يعينج على المحاتاة
والغياب صج مو حلو بس الشكوى لله

واذا انت مستشيرة دكتور مستوصف فانا اقترح عليج انج تستشيرين دكتور اطفال متخصص بامراض الحساسية والربو (حسب علمي انه مشكلة فهود الربو)
لان دكاترة المستوصف ومع احترامي لهم فان اغلبهم خاصة الكويتيين في بداية حياتهم المهنية وخبرتهم بسيطة اما الاجانب فاحس ان معلوماتهم قديمة جدا

بحكم احتكاكي مع البعض منهم ومعرفتي القريبة من البعض الاخر حيث اني اعمل في المجال الطبي
اكثر دكتور اطفال يمدحونه هو دكتور مازن العيسى وعنده عياده خاصة ويدرس في كلية الطب فمعلوماته حديثة جدا up to date
وانا بعد ارتاح جدا لدكتورة ليلى حجازي في طيبة كلينك وهي دكتورة اطفال مصرية متخصصة في امراض الجهاز التنفسي للاطفال والحساسية بس اذا بتروحيلها لازم تطلبينها بالاسم وتدقين قبل الروحة عشان تتاكدين انها موجودة

اخذي راي من متخصص احسن وان شالله الله يكتب اللي فيه الخير لاني اتضايق من الغياب واحس الطفل يفقد الكثير

والله يحفظ فلذات اكبادنا جميعا

 

[اي اسم]

الله يحيج اختي مدرسة مكروفة انا عيالي في grade 1 u & grade 2 وانت عيالج باي صف؟

هلا المستحيل وحياج معانا
ولدج السنه اللي طافت كان بجريد ون اي واحد ومع اي مس ؟؟؟

 

[اي اسم]

إختي أي اسم شلونج طيعيني نصيحة من إخت لأختها رجعي ولدج للحياة مرة ثانية إذا تقدرين و الله مدرسة ولدي بقريد 2 تينن فعلا متحسفة على ولدج و إذا على الروحة والردة لأجل عين ترخص ألف عين تصدقين آن ساكنة بجنوب السرة وآن مدرسة بجنوب السرة بعد تخلي الجهاد كل يوم أودي ولدي للسالمية الصبح و أرد جنوب السرة عشان مدرستي و بالهدة نفس الشي بس صراحة الحياة تسوى الواحد يتعنالها مدرسة متميزة بكل الشي و أهم شي عدد الطلبة شوية و الإدارة عجيبة أخ لوج يمي جان غصبتج ورديت ولدج.

بعد عمري والله مدرسة مكروفة
ومشكورة على مشاعرج الطيبة والصادقة

انا بتوكل على الله وبجرب الابداع هالسنة واذا ما عجبتني برجع ولدي الحياة واخليه اهو واخوه الصغير فيها
بس تعبت من التجارب

وعدد الطلبة القليل صج ميزة في مدرسة الحياة والادارة ممتازة ادري
بس ان شا الله هالسنة اضع النقاط على الحروف واختار اختيار نهائي المدارس اللي بيستمرون فيها عيالي لحد التخرج ان شا الله والله يعينا على المصاريف

 

[الغالين]

السلام عليكم ام فهد ما يشوف شر فهد والله يحفظه ويخليه لج يا رب
ولا تفكرين ويضيق خلقج اهم شي في الدنيا صحة عيالنا والدراسه لاحقين عليها باذن الله

 

[أم فهد الكريديس]

السلام عليكم ام فهد ما يشوف شر فهد والله يحفظه ويخليه لج يا رب
ولا تفكرين ويضيق خلقج اهم شي في الدنيا صحة عيالنا والدراسه لاحقين عليها باذن الله

هلا وعليكم السلام يالغاليين ... مشكورة وجزاج الله خير ... اي والله الدراسة تتعوض لكن
صحة عيالنا هي الأهم..... وتسلمين وماتقصرين على هالدعوة وعسى الله يسلم عيالنا اجمعين
​

 

[أم فهد الكريديس]

هلا ام فهد
بالنسبة للابداع فدوامهم يبدا ان شا الله ورا العيد تاريخ 27 سبتمبر
يعني انا مو مغيبه عيالي والحمدلله

وبالنسبة لفهود ...الله يعينج على المحاتاة
والغياب صج مو حلو بس الشكوى لله

واذا انت مستشيرة دكتور مستوصف فانا اقترح عليج انج تستشيرين دكتور اطفال متخصص بامراض الحساسية والربو (حسب علمي انه مشكلة فهود الربو)
لان دكاترة المستوصف ومع احترامي لهم فان اغلبهم خاصة الكويتيين في بداية حياتهم المهنية وخبرتهم بسيطة اما الاجانب فاحس ان معلوماتهم قديمة جدا

بحكم احتكاكي مع البعض منهم ومعرفتي القريبة من البعض الاخر حيث اني اعمل في المجال الطبي
اكثر دكتور اطفال يمدحونه هو دكتور مازن العيسى وعنده عياده خاصة ويدرس في كلية الطب فمعلوماته حديثة جدا up to date
وانا بعد ارتاح جدا لدكتورة ليلى حجازي في طيبة كلينك وهي دكتورة اطفال مصرية متخصصة في امراض الجهاز التنفسي للاطفال والحساسية بس اذا بتروحيلها لازم تطلبينها بالاسم وتدقين قبل الروحة عشان تتاكدين انها موجودة

اخذي راي من متخصص احسن وان شالله الله يكتب اللي فيه الخير لاني اتضايق من الغياب واحس الطفل يفقد الكثير

والله يحفظ فلذات اكبادنا جميعا

هلا والله اختي أي اسم مشكورة على النصيحة وجزاج الله خير .....اي والله هدا اللي راح اسويه وانا أعرف الدكتورة ليلي حجازي
لأني أودي عيالي عندها ادا مرضوا ... وأنا بعد والله ما أحب الغياب حتى انت شفتي ولدي العام ماغاب الايوم واحد
بس لكن هدا شي موسهل المرض... وأنا سامعه من أكثر من دكتور على ان هدا المرض خطر بالنسبة للي فيهم الربو
وبالنسبة لي أنا يوم رحت الاجتماع ارتحت من الوضع وقررت اني اودي فهد الأحد لكن ابوه اللي رفض وقال ماله داعي
نعرضه للمرض .... وبصراحة أنا بعد عيالي من غير شي بالمرض صعبين حيل حيل حيل ... اهم مايشربون الدوا أساسا
.. وحتى ادا حاولوا يشربون الدوى عزكم الله يرجعون .. وأساسا ماعندهم مناعة ولوية مع عيالي فمرضهم صعب
جدا ...فاالله يعيني ... وأنا قاعدة احاول اقنع بوفهد عشان يداوم فهد ... وقلت انا دام ان المدرسة مافيها اي حاله
فأخليه وبمجرد ان اسمع لا سمح الله انه صارت عندهم حالة اغيبه....أو أني اييبله مدرس يدرسه بالبيت المنهج
عشان على الأقل يتابع معاهم ... حتى يتحسن الوضع ..وأنا بين نارين والله وما ادري شسوي
​

 

[XالمستحيلX]

هلا المستحيل وحياج معانا
ولدج السنه اللي طافت كان بجريد ون اي واحد ومع اي مس ؟؟؟

شفتوا شلون ما اركز :dddds: انا اللي عندي grade 1u و kg2 من كثر ما احاتي اللي بقريد ون واني غيبتها صرت اكتب كله grade :0bee2e8d89:​

 

[XالمستحيلX]

شلونج إختي xالمستحيلx شأخبارج آن عندي ولد واحد grade 2H إنتي الي بقريد 2 بأي صف

هلا اختي مدرسة مكروفة ... انا بنتي في قريد ون grade 1 u والثانية kg2 .. هناك خلل فني لان H1N1:krkrkr: ما خلا فيني عقل .​

 

[جناوي82]

السلام عليكم اسمحولي انا بن ضم وياكم يديدة عندي ولدي grade1 وعندي اسئلة ياليت تساعدوني :
خطة مدرسة الانجليزي والعلوم والرياضيات الاسبوعية بس علينا قرايتها؟ومعاها اوراق مرفقة لازم نحلها ولالا؟
عندما تقول practes spellingو practes reding شنو يعني ادربة بورقة خارجية؟
اوراق الواجبات اللي نحلهاوتصلحها مدرسة الانجليزي نخليهم بالمنزل؟
واسفه على الاطاله بس متوهقه

 

[الغالين]

السلام عليكم اسمحولي انا بن ضم وياكم يديدة عندي ولدي grade1 وعندي اسئلة ياليت تساعدوني :
خطة مدرسة الانجليزي والعلوم والرياضيات الاسبوعية بس علينا قرايتها؟ومعاها اوراق مرفقة لازم نحلها ولالا؟
عندما تقول practes spellingو practes reding شنو يعني ادربة بورقة خارجية؟
اوراق الواجبات اللي نحلهاوتصلحها مدرسة الانجليزي نخليهم بالمنزل؟
واسفه على الاطاله بس متوهقه

حياج الله حبيبتي
الخطه الاسبوعيه بس تعرفين منها شنو راح ياخذون خلال الاسبوع من واجبات واختبارات
اما عن practes فهو المقصود يدرسه للاختبار في الموعد الموجود في ورقة الخطه
والواجبات اللي تتصلح تخليتها عندج للمراجعه منها حق الاختبارات:eh_s(8):
وحياج الله مره ثانيه

 

[أم فهد الكريديس]

السلام عليكم ... اختي مدرسة مكروفة تعرفين نسبة الحضور بصف اليهال .... هل العدد كامل ؟ أم بس فهد اللي غايب ؟
والله يعافيج بغيت اعرف شنو خدوا اليوم وأبي اتابع معاج شنو اللي طاف واللي جاي وأكون لك شاكرة
جزاج الله خير

 

[مدرسة مكروفة]

السلام عليكم ... اختي مدرسة مكروفة تعرفين نسبة الحضور بصف اليهال .... هل العدد كامل ؟ أم بس فهد اللي غايب ؟
والله يعافيج بغيت اعرف شنو خدوا اليوم وأبي اتابع معاج شنو اللي طاف واللي جاي وأكون لك شاكرة
جزاج الله خير

هلا والله إختي أم فهد بالنسبة لنسبة الحضور و الله ما أدري إذا العدد كامل ولا لا بس فيه حضور
* اليوم عطوهم واجب ماث من كتاب الهوم وورك الورقة الأولى بس
* وعطوهم واجب عربي كتابة الجملة الأولى من الدرس في دفتر الواجب
*ورقة عمل للغة الإنجليزية عبارة عن أربع أوراق خاصة بكلمات ألSpelling ,
*عطوهم decodable Gus.
Spelling راح يكون يوم الخميس
إملاء العربي الأربعاء
الي تامرين فيه آن حاضرة إختي أم فهد ومايشوف شر ولدج يا أم فهد

 

[أم فهد الكريديس]

هلا والله إختي أم فهد بالنسبة لنسبة الحضور و الله ما أدري إذا العدد كامل ولا لا بس فيه حضور
* اليوم عطوهم واجب ماث من كتاب الهوم وورك الورقة الأولى بس
* وعطوهم واجب عربي كتابة الجملة الأولى من الدرس في دفتر الواجب
*ورقة عمل للغة الإنجليزية عبارة عن أربع أوراق خاصة بكلمات ألspelling ,
*عطوهم decodable gus.
spelling راح يكون يوم الخميس
إملاء العربي الأربعاء
الي تامرين فيه آن حاضرة إختي أم فهد ومايشوف شر ولدج يا أم فهد

جزاج الله خير وماتقصرين ... وما يامر عليج عدو ....راح احاول اتابع مع فهد بالبيت وادا داوم ان شاء الله ادخله تقوية
مشكورة مرة ثانية وما قصرتي