تجمع اولياء امور مدرسة الحياة hubs

[أم فهد الكريديس]

زين الحمدلله
هذا بصالح المدرسة

انا اللقاء حضرته بس ما كنت قادرة اسمع شي ..تذكرين مشكلة المكرفون وانا كنت قاعدة ورا

اي ادكر كانت مشكلة بالمكرفون ... والدكتور يوم قال هالشغلة قالها بدون مكرفون وبنص الساحة
بس هدا اللي قاله بالضبط ... والدكتور مافتح هالمدرسة الا انه يبي يصلح كل الأخطاء اللي واجهها في المدارس
السابقة .. وأيضا يبي يبني مدرسة كاملة من جميع النواحي ( والكامل الله ) ويبي يأسس جيل متكامل من ناحية العلم
والأخلاق وانتي لما تتابعين لقاءاته راح تفهمين وجهة نظر الدكتور في المدرسة
فعسى الله يوفقه لما فيه خير العمل

 

[أم فهد الكريديس]

هلا إختي أم فهد شلونج ولدي الحمد الله بخير لاوالله مادخلته تقوية بس شريتله كتب من مكتبة المثنى تقوي القراءة عنده لاطوفج عجيبة اسمها warld family (A,B,C,D)

السلام عليكم اختي مدرسة مكروفة ... تشرفت بمعرفتج اليوم ... وتصدقين يا اختي ان انا وياج قاعدين
مع بعض من قبل ومسولفين مع بعض اثناء اجتماع عيالنا يوم كانوا بجريد ون ... جان تدكرين
يوم كنا ناطرين مدرسة العربي .. وحتى ولدج نقلوا مدرسه قلتيلي .. صح والا أنا غلطانه
هدي انتي والا وحدة ثانية ...؟
على العموم تشرفت بمعرفتج ... وعسى الله يوفق عيالنا يارب... وتصدقين يامدرسة مكروفة
اني ارتحت اليوم يوم رحت المدرسة وشفت الاجراءات المتبعة وانشرح صدري
وان شاء الله الأحد راح أخليه يداوم ... وعسى الله يحفظه يارب ويحفظ عيالكم

 

[أم فهد الكريديس]

والله طمنتونا شكلها الاداره مهتمه وايد الله يعطيهم الف عافيه. بس الحين بيأجلون دوام الروضه ولا لأ؟

وشسالفه اليوم المفتوح باجر, بتروحون مع عيالكم؟

هلا اختي هووريه .. الحين أقدر أقولج الخبر أكيد ... أجلوا دوام الروضة مثل دوام الحكومة ... وقالوا بالاجتماع
اليوم .... بس تصدقين اختي على كثر ماحاتيت وعلى كثر ماخفت اني اوديهم لكن اليوم يوم رحت الاجتماع وشفت
الصفوف والاجراءات المتبعة وحرص المدرسة عليهم ارتحت وتمنيت ان حتى اللي بالروضة يداومون
لكن الخيرة في ما اختاره الله ...
على العمو الدكتور ابراهيم يسوي اجتماع حق اولياء الأمور يلقي فيها كلمته وبعدها يمرون أولياء الأمور على
الصفوف عشان ياخدون فكرة عن المنهج وطريقة التدريس في الصف وأيضا أسلوب كل مدرسة بالصف
وأيضا تتعرفين على مدرسات العيال .... السنه اللي طافت صار نفس الشي وهالسنه بعد ... وهالطريقة حلوة عشان تتعرفين على طريقة المدرسة وطريقة التدريس اللي تتبعها المدرسة وهدا يساعدك حق تدريسهم في البيت
والحمد الله على كل حال ... اللهم احفظ لنا اولادنا من كل مكروه
​

 

[HoOoriah]

اي صاجه ام فهد انــــــــا بعد كنت وايد احاتي بس اليوم الحمدلله رحت اليوم المفتوح وايد ارتحت من كلام الدكتور وعجبني يوم قال انه راح يعوض الايام اللي راح يغيبونها الروضه لانه صج مهتم بالتاسيس مو همه بس الفلوس.
وبعد اللقاء مع الدكتور كان بمسرح مدرسه منارات رحت مدرسه الحياة حاطين ولدي ب kg2r وقعدت المس تشرحلنا عن طريقتها في التدريس والصراحه وايد ارتحت لها اتمنيت حمودي يداوم بدال قعدته بالبيت بس على قولتج الخيره فيما اختار الله والحمدلله على كل حال. ولدج باي صف؟

وانشالله تكون مدرسه الحياة اهيا الاختيار السليم لمستقبل عيالنا

 

[الغالين]

السلام عليكم ورحمة الله وبركاته
انا ولية امر 3 بنات في مدرسة الحياة وكنت اكتفي بالاطلاع على التجمع الطيب وقررت اخيرا المشاركه به
انا حاليا خارج الكويت وعندي بناتي grade5 وgrade3 حبيت اسأل هل بدت الدراسه ولا الموضوع مراجعه بس
اما البنت الثالثه في kg1 واليوم وصلني مسج بانه دوامهم تاجل الى اشعار اخر
وسعيده بالانضمام لكم

 

[M.H.H]

هلا والله بm.h.h
شلونج وشخبارج وكل عام وانت بخير

هلا وغلاااااااااااااا أختي أي اسم

كل عام وانتي بخير ..

الله يوفقج بالمدرسه الجديده ( أخت الحياة ) :friends:

عذريني ترى هذي ثالث مره أكتب لج ومايتم الارسال​

.

 

[M.H.H]

السلام عليكم ورحمة الله وبركاته
انا ولية امر 3 بنات في مدرسة الحياة وكنت اكتفي بالاطلاع على التجمع الطيب وقررت اخيرا المشاركه به
انا حاليا خارج الكويت وعندي بناتي grade5 وgrade3 حبيت اسأل هل بدت الدراسه ولا الموضوع مراجعه بس
اما البنت الثالثه في kg1 واليوم وصلني مسج بانه دوامهم تاجل الى اشعار اخر
وسعيده بالانضمام لكم

حياج الله أختي الغالين ..

سعداء بانضمامج

اللي أشوفه ان كله مراجعه ..

والله يحفظكم وتردون بالسلامة​

:eh_s(17): :eh_s(17): :eh_s(17):​

.

 

[مدرسة مكروفة]

السلام عليكم اختي مدرسة مكروفة ... تشرفت بمعرفتج اليوم ... وتصدقين يا اختي ان انا وياج قاعدين
مع بعض من قبل ومسولفين مع بعض اثناء اجتماع عيالنا يوم كانوا بجريد ون ... جان تدكرين
يوم كنا ناطرين مدرسة العربي .. وحتى ولدج نقلوا مدرسه قلتيلي .. صح والا أنا غلطانه
هدي انتي والا وحدة ثانية ...؟
على العموم تشرفت بمعرفتج ... وعسى الله يوفق عيالنا يارب... وتصدقين يامدرسة مكروفة
اني ارتحت اليوم يوم رحت المدرسة وشفت الاجراءات المتبعة وانشرح صدري
وان شاء الله الأحد راح أخليه يداوم ... وعسى الله يحفظه يارب ويحفظ عيالكم [/quote]

السلام عليكم هلا إختي أم فهد والله آن الي تشرفت بمعرفتج والصراحة حيل استانست إن ولدج مع ولدي إي أذكر آن كنت قاعدة معاج
شفتي ماشاءالله إجراءاتهم الحمدالله
و أي شي تبين آن حاضرة و الله يوفق عيالنا يارب

 

[مدرسة مكروفة]

وينج يا إختي أي اسم فعلا متحسفة على ولدج ياريته مع ولدي بقريد2
الحمدالله مدرسة ولدي وايد زينة فعلا متمنية ولدج مع عيالنا

 

[مدرسة مكروفة]

السلام عليكم ورحمة الله وبركاته
انا ولية امر 3 بنات في مدرسة الحياة وكنت اكتفي بالاطلاع على التجمع الطيب وقررت اخيرا المشاركه به
انا حاليا خارج الكويت وعندي بناتي grade5 وgrade3 حبيت اسأل هل بدت الدراسه ولا الموضوع مراجعه بس
اما البنت الثالثه في kg1 واليوم وصلني مسج بانه دوامهم تاجل الى اشعار اخر
وسعيده بالانضمام لكم

حياج الله حبيبتي ونورتي المنتى هالأسبوع كان مراجعة وأعتقد الأسبوع الجاي راح يبدون

 

[أم فهد الكريديس]

اي صاجه ام فهد انــــــــا بعد كنت وايد احاتي بس اليوم الحمدلله رحت اليوم المفتوح وايد ارتحت من كلام الدكتور وعجبني يوم قال انه راح يعوض الايام اللي راح يغيبونها الروضه لانه صج مهتم بالتاسيس مو همه بس الفلوس.
وبعد اللقاء مع الدكتور كان بمسرح مدرسه منارات رحت مدرسه الحياة حاطين ولدي ب kg2r وقعدت المس تشرحلنا عن طريقتها في التدريس والصراحه وايد ارتحت لها اتمنيت حمودي يداوم بدال قعدته بالبيت بس على قولتج الخيره فيما اختار الله والحمدلله على كل حال. ولدج باي صف؟

وانشالله تكون مدرسه الحياة اهيا الاختيار السليم لمستقبل عيالنا

حسافة .... تمنيت ولدج مع ولدي عشان اتعرف عليج من قريب ... لكن السنين جدامنا وان شاء الله نتلاقا
انا ولدي kg2/B والله يسهل عليهم يارب ...
اما بالنسبة للدكتور ففعلا اهو تهمه مصلحة اليهال قبل كل شي .... وعلى قولته الفلوس مدفوعة مدفوعة لكن مستقبل
اليهال اهو اللي راح يتوقف ... لكن مع مدرسة الحياة لايأس بادن الله لأن كل اللي فيها ناس على اعلى المستويات
وناس مفروزين فرز وعسى الله يطرح فيهم البركة ...​

 

[أم فهد الكريديس]

وينج يا إختي أي اسم فعلا متحسفة على ولدج ياريته مع ولدي بقريد2
الحمدالله مدرسة ولدي وايد زينة فعلا متمنية ولدج مع عيالنا

اي والله اي اسم تمنينا ولدج معانا .... يوم رديت البيت والا فهد يسألني منو معاه بالصف قلتله عن أسماء اللي
كانوا معاه والا يسألني وعلى انتقل ... قلتله اي جان يقول حسافة ابيه معانا ...
والله يوفقه ان شاء الله ... بس عساه متقبل مدرسته الجديدة ...وداوم والا لأ ؟
موفق ان شاء الله .​

 

[أم فهد الكريديس]

السلام عليكم ورحمة الله وبركاته
انا ولية امر 3 بنات في مدرسة الحياة وكنت اكتفي بالاطلاع على التجمع الطيب وقررت اخيرا المشاركه به
انا حاليا خارج الكويت وعندي بناتي grade5 وgrade3 حبيت اسأل هل بدت الدراسه ولا الموضوع مراجعه بس
اما البنت الثالثه في kg1 واليوم وصلني مسج بانه دوامهم تاجل الى اشعار اخر
وسعيده بالانضمام لكم

حياج الله اختي معانا في المنتدى ...أنا ولدي بعد ماداوم الاسبوع الأول ... بس أنا سألت ست خيرية عن ادا طافه شي
قالت ان الأسبوع الأول كان مراجعة وبس .. واختبار مستوى عشان يشوفون مستوى الطلاب ... والا الأسبوع الجاي
راح يبدأون بالمنهج ... وبالنسبة للرياض تأجل فعلا ..
وحياج الله معانا مرة ثانيا ... وخلينا نشوف مشاركاتج على طول ... تشرفينا ​

 

[اي اسم]

وينج يا إختي أي اسم فعلا متحسفة على ولدج ياريته مع ولدي بقريد2
الحمدالله مدرسة ولدي وايد زينة فعلا متمنية ولدج مع عيالنا

بعد عمري يا مدرسة مكروفة وفرحتيني بمشاعرج الطيبة هذي

تصدقين عاد حتى انا ودي انه بالحياة بس شسوي مشكلة المواصلات واريح لي انه يكون مع اخوه الكبير
والباص تجربة ما احب اكررها مرة ثانية

والله امس وانا رايحة اللقاء التنويري حسيت بشعور غريبة _ والله صج ...الله يشهد علي مو تضحكون او تستغربون - حسيت بمشاعر مختلطة من اللهفة والشوق والحب والحزن ...اي والله لاني صج احب مدرسة الحياة واحس انها بيئة امنة وتعليمية والادارة مهتمة ( طبعا الاهتمام هذا احد مزايا المدارس الجديدة اللي اتمنى انه يستمر دايما)

ومشتاقة لهالمدرسة ونظافتها وترتيبها وحلاتها
وحاسة بالخوف من الابداع والحزن اني طلعت ولدي من الحياة ...عموما اتمنى الله يكتب الخير لعيالي وعيالكم ويوفق الجميع

لكن فعلا تلك كانت مشاعري ...واي اصلح اكتب رواية

 

[اي اسم]

هلا وغلاااااااااااااا أختي أي اسم

كل عام وانتي بخير ..

الله يوفقج بالمدرسه الجديده ( أخت الحياة ) :friends:

عذريني ترى هذي ثالث مره أكتب لج ومايتم الارسال​

.

اهلين m.h.h

لا ما يصير وما اقبل بهالشي
حظي مو حلو معاج ثالث مرة تكتبيلي وما يندز

لا الله يخليج حاولي مرة اخرى ترى شوقتيني وودي اعرف اللي كتبتيه

لا تبخلين علي بهالمعلومات او النصايح اللي عندج واجرج على الله
وتستاهلين دعوة حلوة بهالوقت الحلو يالغالية

بس اهم شي قولي اللي شلي طافني بلللللللللللللللللللللليييييييييييييييييييييييييييز

 

[اي اسم]

اي والله اي اسم تمنينا ولدج معانا .... يوم رديت البيت والا فهد يسألني منو معاه بالصف قلتله عن أسماء اللي
كانوا معاه والا يسألني وعلى انتقل ... قلتله اي جان يقول حسافة ابيه معانا ...
والله يوفقه ان شاء الله ... بس عساه متقبل مدرسته الجديدة ...وداوم والا لأ ؟
موفق ان شاء الله .​

هلا وغلا ام فهد
وبوسي لي فهود وعزوز
ومشكورة على مشاعرج الطيبة ...وما دري متى بشوفج واتعرف عليج وجها لوجه


وولدي للحين مادداوم ان شالله ورا العيد

والصغير اللي بالحياة بكي جي 1 ومادري متى الله يهون هالمشكلة ويداومون كل يوم حبيبي يسألني متى اروح المدرسة؟

 

[اي اسم]

حتى من كثر ما انا قلبي للحين مع الحياة بين فترة وفترة افتح على سايتهم ادور اخبارهم

وحتى تونى فاتحة على الرسالة الاسبوعية مالت جريد 2 للعربي والانجليزي وقاريتها ...ما ابي يطوفني شي

la viva hayat :ggdw:


متأثرة بزيارة رئيس نادي برشلونة للكويت:eh_s(6):

 

[XالمستحيلX]

حياج الله حبيبتي معانا و آنا إنشاءالله باجر بخلي ولدي يداوم وبشوف الوضع عيالج بأي صف

الله يحيج اختي مدرسة مكروفة انا عيالي في grade 1 u & grade 2 وانت عيالج باي صف؟

 

[أم فهد الكريديس]

هلا وغلا ام فهد
وبوسي لي فهود وعزوز
ومشكورة على مشاعرج الطيبة ...وما دري متى بشوفج واتعرف عليج وجها لوجه


وولدي للحين مادداوم ان شالله ورا العيد

والصغير اللي بالحياة بكي جي 1 ومادري متى الله يهون هالمشكلة ويداومون كل يوم حبيبي يسألني متى اروح المدرسة؟

هلا فيج والله ... العفو ياحبيبتي والله هدي مشاعرنا من قلب وعسى الله يوفق عيالج يارب ..
وان شاء الله تتسهل امور المواصلات عشان ترجعيلنا
وانا لي الشرف بمعرفتج .... وان شاء الله نتلاقى عن قريب ...
وعلي انتي مو مخليته يداوم والا المدرسة مابدت للحين....
اما بالنسبة حق فهد والله هالأسبوع ماداوم ويوم رحت الاجتماع انشرح صدري وارتحت من بعد ماكنت خايفة
لكن اليوم وديت فهد الطبيب على اساس اسأل ادا اخليه يداوم وهل في خطورة عليه والا لأ ؟ ودلك لكي اتطمن اكثر
لكن للأسف الطبيب قال لاتخلينه يداوم لأن الحالات في ازدياد وان لا اخليه يتعرض لهدا المرض لأنه خطر عليه
فضاق خلقي جدا وحتى فهد تم يبجي يبي يداوم ... ووقعت في الحيرة مرة أخرى وما ادري شسوي
وابو فهد موراضي يخليه يداوم وبالدات بعد ما سمع الطبيب .....وانا احترت وما ادري شسوي
وبعد ماشاء الله على الاعلام كل ماله يزيد من الوضع سوء فالناس خافت والوضع جدا مأساوي
فالله يستر من تزايد هده الحالة.....والله يحفظ لنا عيالنا يارب
​

 

[HoOoriah]

حسافه ام فهد كان ودي عيالنا يكونون بنفس الصف يالله انشالله اليايات اكثر, والصراحه انا قمت احاتي مدرسه ولدي كويتيه وحامل اخاف يتبهذل حمودي لمن تولد مع انها شكلها حبوبه وارتحت لها.
والله بعينج ام فهد وانشالله يارب الله يحفظ ولدج من هالمرض بس احسن حل انج تقولين حق الاداره واكيد راح يتقهمون واخذي المنهج وحاولي انج ادرسينه في البيت وتكونين دايما متواصله مع مدرسينه عشان حرام لايطوفه شي

والله الحافظ