الماستر

[Coffee-Girl]

بنات انا خاطري ادرس ماستر

بس السؤال المهم

شنو الطريقه الي اسويها بحيث لدرسة الماستر مايرجعوني لتدريس ويزيدون 30 او 50 دينار

ابي اذا درست الماستر اطلع من التربيه واشتغل بشهادتي الماستر

ياريت الي عندها معلومه اتفيدني واكون شاكره لها​

 

[أبلة كويتية]

إذا على حساب الوزارة لازم تخدمينهم جم سنة

مو سيدة تتوظفين بوزارة ثانية


بس إذا على حسابج أظن عادي


وإن شاء الله البنات يفيدونج زيادة

موفقة يالغالية

 

[Coffee-Girl]

يسلموووو ياعسل

 

[مليكة الدنيا]

انا عن نفسي بقدم ماستر على حسابي وبدون تفرغ يعني اداوم الصبح وادرس العصر
واذا خذت الشهادة بقدم استقالتي
مو خبرج اذا قدمت نقل على وزارة ثانية وخذيت موافقة ترشيح
الوزارة ماراح تتنازل عنج بسهولة
يعني باختصار راح يبهذلونج على يوافقون يدزون اوراقج للوزارة الثانية
عشان جذي انا بختصر الطريج وبقدم استقالتي
وسنين الخبرة مو مهمة كثر ما همتني راحتي​

 

[أبلة مس]

هلا coffe-girl
آنا بعدعن نفسي أدرس ماستر على حسابي و إن شاءالله الدكتوراة بعدها .. عشان يكون لي فرصة أنحاش بشرف من الوزارة لأن فرص التوظيف بالماستر ضعيفة و قليلة الفرص اللي ممكن تعطيج راتب محترم .. عشان جذي الوحدة منا تكمل دكتوراة بعدها أحسن

و بالتوفيق حبيبتي

 

[السولعيه]

ممكن احد يعلمني اي احسن مكان ادرس في ماستر على حسابي؟

وبعدين نصيحه لصاحبة الموضوع حبيبتي ليش ما تكونين معيده في التطبيقي ؟ او ما ودج بالتدريس كلش !

 

[Coffee-Girl]

ماعندي مشكله ادرس بتطبيقي

بس اهم شي عندي اني اطلع من المدرسه

 

[Coffee-Girl]

بس المشكله انا اذا درست على حسابي ماراح استفيد

لان ايقولون ماراح ايفيدج شي ولاراح اتوظفج الجامعه

الا اذا عطوج الوزاره تفرغ دراسي اهنيه يكون لشهادتج معنى

جد والله ضعت مادري اصدق منو ولا منو

 

[junabody1]

السلام عليكم
إذا على حساب الوزاره فلازم بعد ما تاخذين الماستر تخدمين سنتين تامين
وبعدين يحق لج تروحين وين ما تبين
وهذا حسب ما عرفت
والله يوفقج يارب
ويوفق الجميع

 

[Coffee-Girl]

junabody1 ابله مس مليكة الدنيا يعطيكم العافيه حبايبي

 

[قـہۈه فـرنسيـہ™]

اذا بعثه من الوزاره ,,, لازم تخدمين عندهم ...أما اذا خذيتي تفرغ ودرستي على حسابج ,,,مالهم شغل فيج لأن التفرغ من ديووان الخدمه المدنيه مو من الوزاره ,,,
ونصيحه مني ,,,اذا بتدرسين انتساب ,,,لا تتعبين عمرج لأن لا الجامعه ولا التطبيقي راح يقبلونج,,,
راح تفيدج بالقطاعات الثانيهـ ,,,

 

[Coffee-Girl]

اذا بعثه من الوزاره ,,, لازم تخدمين عندهم ...أما اذا خذيتي تفرغ ودرستي على حسابج ,,,مالهم شغل فيج لأن التفرغ من ديووان الخدمه المدنيه مو من الوزاره ,,,
ونصيحه مني ,,,اذا بتدرسين انتساب ,,,لا تتعبين عمرج لأن لا الجامعه ولا التطبيقي راح يقبلونج,,,
راح تفيدج بالقطاعات الثانيهـ ,,,

شلووون يعني انتساب؟

وسؤال ثاني: اذا درست على حسابي وبنفس الوقت كنت اداوم راح تقبلني الجامعه او التطبيقي؟

 

[Coffee-Girl]

وابي اعرف شنو الشروط الي تبيها الوزاره عشان تقبلني بالبعثه

 

[قـہۈه فـرنسيـہ™]

حبيبتي الانتساب يعني ,,,ماتكونين طول السنه دراسه ,,,بس فترة الاختبارات ,,أو مره - مرتين بالشهر تحظرين ...عرفتي ؟؟

هذي الشهادات ما يقبلون فيها التطبيقي والجامعه ,,,يبون انتظام يعني دوام صجي ,,,

وعاادي تدرسين على حسابج وبنفس الوقت تداومين...اذا برى الكويت راح تكون دراستج انتساب ,, واذا تبين بالجامعه يصير بس تصير محاظراتج بعد الظهر ,,



واذا تبين تروحين بعثه على حساب الوزاره ,,,لازم خدمتج تكون 5 سنين وآخر 3 سنوات امتياز ’’’واذا رديتي من البعثه تخدمين عندهم عدد السنوات اللي درستيها ,,,

أنا أقووول تدرسين على حسابج وتاخذين تفرغ أحسن ,,, وأنتي شوفي الأحســــن

 

[Coffee-Girl]

حبيبتي ادري اذيت بس جد ماقصرتي

بغيت اسالج انا ابي ادرس بالبحرين ونظام البحرين ان نجيهم بشهر مرتين بس

يعني هذا النظام مايقبلونه؟

عيل شلون الوزاره اتودي بعثات للبحرين جامعة الخليج واهما مايقبلونها

 

[قـہۈه فـرنسيـہ™]

لا حبيبتي عاادي وأنا اختج لا تستحين

البحرين معروف عنها ان أغلب جامعاتها نظام انتساب ,,,وهذا النظام اللي مايقبلونه الجامعه والتطبيقي بس الجهات الثانيه مادري عنهم ... لكن اذا طلعتي بعثه على حساب الوزاره راح يكون نظام دراستج (انتظام) عشان جذيه شهادتج راح تكون معترفه في كل الجهات ومرغوبه ,,,

وبعدين هم راح يقولون لج تخصصج وين موجود بأي جامعه والدول اللي فيها وتختارين بينهم ,,,

 

[Coffee-Girl]

حبيبتي يعطيج الف عاااااااااافيه كفيتي ووفيتي