ليش تقولين خرابة البيوت ليش ما تلومين ريلج ؟

[VipGiRL]

السلااااااااام علييييييييييييييييييييييكم
انا بس حبيت اسووي نقااااش
الحين ليش لمه وحده تطيح على ريلها يكلم غيرها تقوووول وتقلب الدينا على البنت وتلعن طيب ما فيها وتزعل على ريلها وبعدها يرد ويراضيها ويرد اهوه على خرابيطه ليش ما تقلبين الدنيا على ريلج ؟؟
ليش الغلط كله على البنت البنت ليش مو عليه اهوه وتقولين بنت الحرام واللي ما تستحي على ويهه مو ريلح اهوه معطيها ويهه واهوه فاتح لها المجال ؟؟؟
يعني انا تحصل مواقف جدامي وكله يلعنون خير البنت انزين والريال ليش ما تطلعييين قوتج عليه يراضيج بكلمتين وتردين واهوه يرد حق خرابيطه ؟ وليش كله تحملين البنت الخطأ؟
انا بس حبيت اعرف ليش لانه كله اشووفهم يقولون البنت الحرام خربت بيت الريال ؟
مو اهوه اللي كلمها واهوه اللي لاحقها ليش مو اهوه اللي ما يستحي ؟ وقليل الادب ؟؟
مشكووورين بس حبيت نتناااقش وكل يستفييد
ويعطيكم العافيه :gathering:​

 

[حرم راشد الماجد]

في مثل كويتي يقول طلقها واخذ اختها قال الله يلعن الثنتين

بما معناه
ان الاثنين غلطانين

الريال
والبنت اللي تكلمه

 

[عنزروته]

تدرين ليش لان ابوي مايقدر الا علي امي ,,,,,,,,,,,,,

 

[VipGiRL]

في مثل كويتي يقول طلقها واخذ اختها قال الله يلعن الثنتين

بما معناه
ان الاثنين غلطانين

الريال
والبنت اللي تكلمه

بس البنت ما تدري وبعدين اهوه اللي ما يستحي يغازل اهي شكو تدري انه اهوه متزوج لا اا اشووف وايد يقولون انه البنت اهي الغلط والريال اهوه الصح واهي اعيونها على اللي عند غيرها
مشكووره على المروور

 

[VipGiRL]

تدرين ليش لان ابوي مايقدر الا علي امي ,,,,,,,,,,,,,

الصراحه كلام سليم 100% اشكرررررررررج :******:eh_s(6):

 

[كويتيه والماسه]

الاثنين غلطانين

 

[في بحرهم عذبوني]

اوكي اهو عطاها ويه
اهي عارفه انه متزج شكو مواصله معاه مو عيب عليها ؟
ترضاها على نفسها ؟

الغلط منهم اثنينهم

 

[VipGiRL]

اوكي اهو عطاها ويه
اهي عارفه انه متزج شكو مواصله معاه مو عيب عليها ؟
ترضاها على نفسها ؟

الغلط منهم اثنينهم

الصراحه في ريايل ما يتكلمون الالمه يتم معاها 6 اشهر او اكثر بعد اذا حبها وتكون اهي حابته وكلام كل رايل متزوج يخرط خو ريايل الكويت كلهم كلهم مو مرتاحين عمري ما سمعت واحد مو يمه مرته ومدحها كله ذاامها .

 

[حرم راشد الماجد]

بس البنت ما تدري وبعدين اهوه اللي ما يستحي يغازل اهي شكو تدري انه اهوه متزوج لا اا اشووف وايد يقولون انه البنت اهي الغلط والريال اهوه الصح واهي اعيونها على اللي عند غيرها
مشكووره على المروور

يعني لو مو متزوج عادي تكلمه ؟

ذكرتيني بمسرحية العيال كبرت لما يقول
ابوك ينزوج عمتك اذا كانت عمتك منزوجه ابوك يتزوجها ازاي

يعني عمته لو مو متزوجه ابوه يقدر يتزوجها

حبيبتي الغلط غلط

 

[Om eL-3a9aGeeL]

لا والله نادر ما اشوف وحدة ريلها خاينها توقف معاه وتشب بس على البنت

اثنينهم غلطانين

هذيج اذا تدري انه متزوج ومكمله معاه .. وريلها اللي خله مرته وكلم غيرها
وماعتقد في وحدة صاحية بتقول انه الغلط كله من البنت

وشي طبيعي المرا والريال بيردون يتراضون
واذا المرا شاطرة بتعرف شلون توخر ريلها عن الخرابيط

يعني تبينها تتطلق من اول خيانة ؟
زواج .. مو حبني واحبك عشان تخليه

 

[كيان33]

معك حق
دايم الرجال يطلع منها عشان كذا يتمادى
في كل مره يقول اغواني الشيطان
وهي يعني ماعندها شيطان يغويها حتى هي
لكن هي ماريحتني هي لازقه فيني هي هي هي هي وانت مالك ذنب مسكين
والله معك حق

 

[VipGiRL]

يعني لو مو متزوج عادي تكلمه ؟

ذكرتيني بمسرحية العيال كبرت لما يقول
ابوك ينزوج عمتك اذا كانت عمتك منزوجه ابوك يتزوجها ازاي

يعني عمته لو مو متزوجه ابوه يقدر يتزوجها

حبيبتي الغلط غلط

احنا ما قلنا صح بس الحين اغلب الكويتين زواجهم عن حب يعني يعرفها قبل لا ياخذها احنا ما نقدر ننكر هالشي انه 85% من الكويتين كان يحبها قبل لا ياخذها بس انا اشوف الحريم انه تزف البنت وتدق عليها وتسويلي حركات وتقوولي بخلي علاقتي من ريلي اوكي مو انتي لازم تحسسينه بالغلط صح ؟؟
ولا اهوه بيقول ييله بتطووف الثانيه وبيسويها بيسويها

 

[VipGiRL]

لا والله نادر ما اشوف وحدة ريلها خاينها توقف معاه وتشب بس على البنت

اثنينهم غلطانين

هذيج اذا تدري انه متزوج ومكمله معاه .. وريلها اللي خله مرته وكلم غيرها
وماعتقد في وحدة صاحية بتقول انه الغلط كله من البنت

وشي طبيعي المرا والريال بيردون يتراضون
واذا المرا شاطرة بتعرف شلون توخر ريلها عن الخرابيط

يعني تبينها تتطلق من اول خيانة ؟
زواج .. مو حبني واحبك عشان تخليه

لا انا حصل الموقف جدامي وحبيت انااقشه مع العلم انا مو متزوجه بس هالمووقف صار مع احد من رفياتي خذت ارقام اللي بتليفونه كلهم ودقت على بنت بنت وللعلم ما يكلم وحده يكلم 7 فوقها واهي كلمته واهوه قعد يعتذر وبنفس اليوم راضها واهي ما حسسته ومع العلم عقب ماراضاها راح رد حق نفس ال7 بنات اللي مرته دقت عليهم وقالهم هذي رفيجتي الثاانيه وجذاابه واهي مستمره مع ما تخليييه بس تحسسه انه انت غلطان وانت لازم لازم تتصلح وما تعديها اه وما حسسته انه اهوه غلطاااان المفروض اقعد ابيتي بس شايله نفسي عليه احسسه انه اهوه غلطان ولا انتي اشرايج ؟

 

[حرم راشد الماجد]

صح كلامج ان البنات صايرين يلومون البنت بس

بس الاثنين غلط

 

[Om eL-3a9aGeeL]

اسمحيلي على اي اساس عممتي وحكمتي انه رياييل الكويت كلهم كلهم مو مرتاحين مع حريمهم ؟!

اخالفج بهالنقطة !!!!

 

[VipGiRL]

اسمحيلي على اي اساس عممتي وحكمتي انه رياييل الكويت كلهم كلهم مو مرتاحين مع حريمهم ؟!

اخالفج بهالنقطة !!!!

عممت لانه عمري ما صادفت واحد بعد 5 اسنين يقول مرتي اذهبه ومافي منها اول سنتين تصير المره عسل عسل وعقبها يمل منها ويمكن انا اكون غلطانه واذا مو كلهم 90% منهم جذي 10% ين ومرتاح

 

[jojowa]

شوفي حبيبتي مثل ماقالوا الخوات الغلط راكبهم اثنينهم ,,,يعني بالبداية الريال اهو الغلطان الي راح دور على بنت غير زوجته و قام يخونها وياها و بعض البنات بسرعة ينجرون ورى هالعلاقات و ممكن بالبدايه مايقولها انه متزوج و يخليها تتعلق فيه و بعدين يقولها و يصدمها ,,,,عاد الحين دور البنت مدامها درت انه متزوج مفروض تبتعد حتى لو كانت تحبه و تموت عليه مو تتمسك فيه اكثر و تستمر معاه وادري انه راح يكون صعب عليها بس المفروض انها تتخيل نفسها مكان زوجته عشان تقدر انها تهده و تخليه حق بيته ,,,,بس للاسف بعض الرياييل مايهمهم يروح ويدور على غيرها ويكمل باجي التمثيليه على بنات الناس ,,,

الله يستر على بناتنا و يرزقهم بولد الحلال الي يهنيهم ,,,والله يخلي كل زوج حق زوجته و يتمم عليهم يا رب ,,,

 

[طال السكوت]

شكلج مكلمه كل رياييل الكويت ؟؟ ههههههه

الله يعين الحريم الغافلات

 

[madam_cake]

شوفي حبيبتي الغلط منهم اهما الاثنين بس في حاله وحدة ان تغفر حق البنت اذا كانت ماتدري انه متزوج هذا سبب واذا طلعت بنت الحلال وعرفت انه متزوج تهده وتروح بحال سبيلها لانه اهوو راح يدور غيرها ولا راح يوقف عليها

والريال غلطان انا معاج لانه خاين العشرة اللي بينه وبين مرته والمرة تلاقينها ماتبي تخسر زوجها وتعصب وتسب وتلعن بالبنت

وساعات اييوون لج بنات الله لا يوريج صج بنات ابليس والله يعين الجميع

وانا هذا تفسيري

 

[madam_cake]

شكلج مكلمه كل رياييل الكويت ؟؟ ههههههه

الله يعين الحريم الغافلات

حبيبتي شهالحجي البنيه طلبت نقااش ماطلبت تجريح وبصراحة كلامج كلش ماله داعي :0bee2e8d89:

وللي عنده رد عدل خل يقوولة واللي ماعنده لا يعلق وسوري على الاطالة