افكار لتزيين الصف.... حيااااااااكم

[miamy]

:ggdw:

عاشو عاشو

همه ونشاط من البدايه

اللي تبي التميز تشتغل من اول خطوه

ها يا مربيات افكارهم لتزيين الصف

شنو بتسوون فيه؟

نبي افكار طفوليه وتشوق الاطفال:klhfl:

 

[smily]

والله يا maimy قالت لنا الناظرة اليوم لا تشتغلون بالصفوف يمكن اغيركم لووول مير احنا بس نشيل و نحط

 

[الحياة]

احنا بعد ناظرتنا كانت ناويه هالسنة تغير شامل وصبغ وهالسوالف بس مايندرى يمكن تأجله حق السنة اليايه
فبظل على صفي وكنت ناويه احط اشياء فرش ومفاجأة بس دام ماكو يهال الحين بخليها حق السنة الساسه انا بعد
بسوي الحين بس هابي فيس معلق على سقف الصف يعني مدلدل واترس السقف بهذا بيطلع وايد حلو وغير التزين مال اول يوم هذا شي ثاني طبعا..
ونفس كل سنة اسوي ستاند حق صور الصف وانشطته بس مع اصور ابلاته اللي اهمه انا ورفيجتي لووووووووووووول
واخر السنة كل وحده حابة الصورة تاخذها لاني اجدد ببداية السنة

 

[أم شواقه]

احنا صبغنا الصف لوووك يديييييييد لووول

اصفر ليموني في برتقااالي الكركمي يعني الوان ويني ذا بووووو


وناوين باجر نشتري قطعه زل


ويمكن انشوووف استيرات الي تتلزق بالطوووفه من ايكيا اتناسب الصف والوانه



وووووووو


ابي سلال ملونه من وييييييييين ؟؟؟

 

[nero]

يالله ابلاتنا المبدعات نبي نشوف افكاركم وابداعاتكم




ام شواقه

السلال مكوده بسوق بو 100 بلاستيك طبعا

 

[miamy]

ام شواقه شنو استيرات؟
استكرات قصدج؟؟

 

[*أبلة*]

احنا روضتنا توها خالصة من الصيانة
يعني التزين من داخل وبرا
يعين الله ​

 

[kajool_80]

احنه هالشغل تسويه الناظره مالنه شغل كله عليها والحمدلله
بس الاركان تو الناس عليها لي انزلت المعاشات وخلص رمضان انشالله نبدي نجهز

 

[:: عائشه بقلبي ::]

احنا الناظرة اجتمعت فينا وقالت الفصول مقفوله الى قبل دوام الاطفال ب 3 اسابيع راح نفتحها وبلشوا نظفوا ورتبوا

لان اللحين ماكو فايدة تنظف بعدين بيرجع يغبر وتو الناس

عالدوام

واهم شى الله يحفظ ديرتنا واكثروا الاستغفار لا ينتشر الوباء

يارب رحمتك


وبالنسبه للتزين


والله مراح اسوى ولا نتوفه

كل شى موجود راح ارجع الاركان واغسلها ورتبها مع خدمى وكان الله غفور رحيم

لا نى مزينه ولا صابغه

ولا شى

الصف حلو وما يبيله شى

وانا دايم اسنع فيه اول باول ولا فيه شى تالف

وبسكم ابلات خشوا فلوسكم حق صحتكم عمركم وناستكم

هالسوالف الناظرة توفها

اف ملينا نكد عليهم

 

[miamy]

الخنساء والله ناظرتكم تفتهم

صح كلامها شفايده التنظيف الحين

 

[طيرشلوا]

انا عن نفسى عندى اغراض قديمة وبحالة ممتازة ولانى شارية شئ
انظف اوكى وارتب اوكى واسنع اوكى لكن قط فلوس تعبنا 15سنة نقط فلوس لو نحسبها تطلع بالاف ولاشفنا شئ

 

[أم شواقه]

ايه قصدي

استيكرات :dddds:

 

[miamy]

ام شواقه شلون طريقتهم الاستيكرات

على اي شكل عندهم؟

في اشياء حق يهال؟ واحجامهم شلوون؟

 

[*أبلة*]

ميامي في اشكال محدودة عند ايكيا مو زود ترا
يعني تنفع حق البيت يتروالي مو حق الصف
الا اذا تبين ورود ونقشات
تصدقون عاد انا هالاستيكرات ما انصح فيها
لاني شفت وحده من اهلي زينت فيها غرفتها
ما دار عليها جم شهر وتشلعت من الطوفة وصار منظرها قبيح
كلش ما تتحمل الحراره تبي تكييف مركزي 24 ساعة

 

[أم شواقه]

الي اعرفه ان في ايكيا

وفي سنتر بوينت زينين لليهال



بس صج تتشلع :0bee2e8d89: حساااافه

عيل شكلي بقول للرسام يسويلنا شخصيات بالطوفه



انا صفي صبغته اصفر ليموني وكركمي الفاتح

وهالمرة الاغراض مثل السلال والعلب ابيها ملونه ما ابي ارتبط بلووون معين تغيييييييييييير


وبعد عقب ما يابو لنا الطاولات الملونه مالت الوزارة خلااااص يصير الملون حلو

واشتريت من ايكيا بورد البلاستيك مال طاوله الطعام على ورود ملونه بحطها بطاوله الفنيه والعلو علشان يشتغلون عليهم اليهال


وما يوسخون الطاولات

 

[miamy]

اشوه قلتولي عن الستيكرات اانها تتشلع

بالنسبه للبوردات هذي ضروريه للطين والالوان المائيه

انا استخدمهم علطول

 

[ملاك-77]

انا بغرفتي حاطه استيكرات من ايكيا وفعلا بعد شهرين تشلعت وتلفلفت اطرافها يعني مولاصقه عالطوفه

تحسفت عليها شاريه الوحده ب7دنانير وتارسه طوفه كامله الله لايخسر لووول

 

[ابيار]

كويتيات ابي اصبغ صفي

بس محتارة بالالوان
اشرايكم اصبغ كل طوفة لون
اصفر و احمر و ازرق و اخضر

عطوني رايكم بسررررررعة ضروري
وبنات منو تعرف الاثاث اليديد شنو الوانه لان ما وصلنا شئ غير الكراسي اللون الاصفر و الاحمر من السنة اللي طافت

 

[عبااير]

ابيار حبيبتي مواتحسين الالوان شوي قويه:eh_s(6):
شوفي انا رفيجاتي صابغين صفوفهم وحده لون اخضر باصفر ومكان ركن البيت مسويته خطوط طوليه عريضه من نفس الالوان ......ووحده احمر باصفر
انا صفي ازرق فاتح يدرج ووردي ويدرج اللون للاغمج
وركن البيت مربعات من نفس الالوان ومعاها سكري .....
صايرين كوكتيل:krkrkr:

 

[ابيار]

ابيار حبيبتي مواتحسين الالوان شوي قويه:eh_s(6):
شوفي انا رفيجاتي صابغين صفوفهم وحده لون اخضر باصفر ومكان ركن البيت مسويته خطوط طوليه عريضه من نفس الالوان ......ووحده احمر باصفر
انا صفي ازرق فاتح يدرج ووردي ويدرج اللون للاغمج
وركن البيت مربعات من نفس الالوان ومعاها سكري .....
صايرين كوكتيل:krkrkr:

مشكورة حبيبتي
فكرتج وااايد حلوة
المشكلة ان الادارة ما تحب الالوان الهادية