رحت المستشفى

[وجدان الغلا]

:0bee2e8d89: بنات رحت المستشفى مثل ماقلت لكم قالي عادي انج كملتي التاسع وماولدتي وفحصني وانتم تعرفون شلون الفحص بس والله من فحصني وانا احس بعوار بمكان الفحص لين سألت مرة حماي تقولي تحري نفسج تولدين لانه وسع المنطقة من فحصج وانا ماادري حجيها صج عفيه اللي جربو يفيدوني
هل حمال بيخليني استخف والله:krkrkr:

 

[lolo6688]

الله يسهل عليج
بس الفحص ماييب الطلق
انا طول الشهر التاسع وعقبه باسبوعين والدكتوره تفحصني وتوسعني
حتى سانتي مافتحت
لمن حطتلي طلق
مابي اخرعج
انشالله يارب لي باجر او الي عقبه تكونين موصله عالاقل 3 سانتي يارب
بس كثري مشري وشربي كف مريم سامعه انه يفتح الرحم

 

[وجدان الغلا]

كويتيه ماسيه عطاني الدكتور باجر سونار واخر موعد 17-9 يدخلني المستشفى شلون يعطيني طلق درب ولا تحاميل

 

[وجدان الغلا]

ليش ماأحد رد علي الا وحدة

 

[شووشوو2]

الله يسهل عليج انشالله
اتوقع الطلق الصناعي تحميله

 

[سحابه صيف]

نفس حالتي الرحم مسكر فحصني وعطاني اخر مهله 12 /9

مادري شسوي والله احاتي وادعي ربي

بس ماعتقد الفحص يوسع اذا الرحم مسكر

 

[ام نوونه]

انا والله صار فيني نفسج هم بعد كنت بالتاسع ومن اول مافحصتني الدكتورة
عواااار يذبح مع ان ماكان معاي اي عوار او طلق بس من فحصتني وانا مادري
شصار فيني لانها وسعتني تخيلي فحصتني الساعه 11 بليل الظهر انا والده
مع ان نفس اليوم ماكان فيني لاعوار ولا شي بس هذا من التوسعه
استغرب من اللي يقولون بعد الفحص عادي مافي عوار ولا طلع الظاهر لان
موحزة ولادتهم كل شي بوقته مع اني كنت توني داشه شهري
الله يسهل عليح انشالله وطمنينه عنج

 

[وجدان الغلا]

الله يسهل عليج انشالله
اتوقع الطلق الصناعي تحميله

بس يقولون التحاميل موزينه بعدين والله دودهوني حريم حمويني

 

[وجدان الغلا]

نفس حالتي الرحم مسكر فحصني وعطاني اخر مهله 12 /9

مادري شسوي والله احاتي وادعي ربي

بس ماعتقد الفحص يوسع اذا الرحم مسكر

الله يسهل عليج وعلي يارب ونشوف يهالنا سليمين يارب

 

[ناتشوو]

لا اللي اعرفه الفحص يوسع
والسهالات من الله يارب

 

[درة أهل الطولات]

شلون توسعكم؟

 

[donat]

انا مرتين اولد بعد الفحص و يكون الرحم مو مفتوح ولا سانتي و عنق الرحم طويل و الدكتورة تقول لي بعد توالناس يبيلج 4 او 5 ايام
والله وكيلج بس اروح البيت انام بالليل و الصبح ينزل علي ماي و اروح المستشفى فاتحة 3 سم وما يمر الظهر الا اكون والدة

الله يهون عليج

 

[وجدان الغلا]

شلون توسع واهي ماطولت بالفحص ناتشو

 

[ناتشوو]

شلون توسع واهي ماطولت بالفحص ناتشو

مادري عن دكتورتج اشلون فحصت
بس المعروف ان الفحص يوسع ويفتح الرحم
انا شخصيا مو مجربة
انا بس ولدت مرة وحدة
ولما وصلت المستشفى كنت واصلة اظن الرحم مفتوح 3 سم
عالعموم الله يهون عليج ويرزقج الذرية الصالحة المعافاة

 

[om MaRyooM]

حبوبة احتمال يوسع المنطقة على حسب..يعني الدكتور ماقالج ان يبي يوسع المنطقة ؟؟

لأن في منهم بس يفحصون فحص عادي .. وفي منهم مع الفحص مادري شيسوون يحرظون المنطقة على التوسع والطلق ..


يبا لاتخافين وخليها على ربج وكثري من التمر

 

[bato0osha2008]

انا حطولي طلق صناعي بالدرب بس انا مو ولاده انا اجهاض كنت

 

[وجدان الغلا]

حبيباتي يعطيكم العافيه والله حدي خايفة من امس الفجر وانا يجيني عوار بحرارة بظهري وبطني ويروح مادري شسالفة

 

[بنت الارسنال]

وجدان اخاف هذا العوار اهو الطلق!!!!

 

[ZajiL]

حتى لو وسعتج ماتوليدن الا اذا ياج طلق
وايد بنات يتوسعون على 3 سم ويظل حامل ليه اخر الشهر

الي يصج يبطل الرحم مو التوسعه لالالالالالالالا الطلوق

 

[مو عايشة بالدنيا]

الله يسهل عليج يارب
بس يمكن صح كلامها الله العالم