خواتي دكتورات الاسنان ممكن تفيدوني :) ؟؟

[مكسورة الخاطر]

سلام بنات شلونكم شخباركم
تقبل الله صيامكم واعمالكم وكل شي
اممم مودري اذا الموضوع صح مكانه او لا ، اذا لأ ياريت المشرفة تنقله للمكان المناسب
المهم

امممم انا حطيت هالموضوع لان في واايد اشياءات بخاطري بسألكم عنها " عن طب الاسنان"
خصوصا اني انا طموحي اني اصير دكتورة اسنان ، وماعندي احد يقدر يفيدني غيركم .... فديتكم ، يعني ماعرف بسوالف الجامعات وجذي لاني اكبر وحدة وماعندي احد قبلي يقدر يفيدني
اي ونسيت اقول لكم .... انا انشالله رايحة 12 علمي ، يعني باقي لي اخر سنة انشالله فـ من الحين باخذ فكرة عن هالمجال

فـ ببدي اسئلتي

1- جم النسبة اللي يبونها حق طب الاسنان؟؟
2- في عندنا بالكويت جامعات خاصة للطب؟؟ لان ماودي اكمل بجامعة الكويت ودي اكمل برة بس امي وابوي معارضين الفكرة لاني بنت وماعندي احد يقدر ايي معاي، فـ اذا في جامعة خاصة ياريت احد يفيدنا
3- شنو التخصصات الموجودة بطب الاسنان ؟؟
4- فرضاً فرضاً ، اذا ماقدرت اكمل بره ومافي جامعات خاصة للطب، وكملت بجامعة الكويت ، وتخرجت وخلصت ، السؤال هو: هل راح اقدر اشتغل بعيادة خاصة؟؟ لان بنظري القطاع الخاص احسن من الحكومة بواايد ، فـ شنو اقدر اسوي عشان اقدر اشتغل بالخاص ؟؟ يعني يبون شهادات معينة ودراسات عليا ومن دول معينة وجذي؟؟
5- سمعت ان دراسة طب الاسنان يبيلها 7 سنين وغير التخصص 3 سنين !! صج هالكلام ؟؟

وبس ...
انشالله ماغثيتكم بأسئلتي
يمكن البعض منكم يحسها غبية بس صج لاني ماعندي خبرة بهالسوالف وماعندي احد يقدر يفيدني
ويالله بستناا ردودكم الحلوة :ggdw:

 

[LuLiTa]

آآآآب

 

[مكسورة الخاطر]

يسلموو حيااتي عـالـ اب
يالله دكتورات ويينكم

 

[مكسورة الخاطر]

up

 

[مكسورة الخاطر]

:eh_s(16):

 

[ATOoOMA]

حبوبة اقولج الي سامعه عنه لان انا ما ادرس اسنان ..المهم بس الي اعرفة انه الطب يبيلة نسسبة عالية ولالالالازم تقدمين على القدرات (الرياضيات -انقلش-كيميا)لازززم واتيبين فيهم معدل حلو وتكونين ناجحة فيهم

بس الي عرفته انه شنو مني بالكويت اول شي تدرسين طب سنة اولى بعدين على حسب نسبتج تدخلين يا بشري او اسنان واذا يبتي نسبة نازلة قصبن عنج تدخلين صيدلة @@ هذا الي عرفته من صديقتي لان رفيجتي كانت في الطب والحين ما تبي صيدلة وراحت الجامعة الامريكية محاسبة @@

وعدد السنوات مني بالكويت حق اسنان 5 اسنين والصيدلة بعد 5 والبشري 7

وانشالله الي يدرسون اسنان عندهم فكرة اكثر مني

 

[مكسورة الخاطر]

حبوبة اقولج الي سامعه عنه لان انا ما ادرس اسنان ..المهم بس الي اعرفة انه الطب يبيلة نسسبة عالية ولالالالازم تقدمين على القدرات (الرياضيات -انقلش-كيميا)لازززم واتيبين فيهم معدل حلو وتكونين ناجحة فيهم

بس الي عرفته انه شنو مني بالكويت اول شي تدرسين طب سنة اولى بعدين على حسب نسبتج تدخلين يا بشري او اسنان واذا يبتي نسبة نازلة قصبن عنج تدخلين صيدلة @@ هذا الي عرفته من صديقتي لان رفيجتي كانت في الطب والحين ما تبي صيدلة وراحت الجامعة الامريكية محاسبة @@

وعدد السنوات مني بالكويت حق اسنان 5 اسنين والصيدلة بعد 5 والبشري 7

وانشالله الي يدرسون اسنان عندهم فكرة اكثر مني

يسلمووو حياتي عالرد
عاد انا سمعت ان القدرات اذا ماسويت فيها زين راح تخسف بالنسبة
عشان جذي ماودي اقدم عليها

ويسلمووو مرة ثانية :eh_s(6):
وين الباجي ؟! معقولة ماكو دكتورات بالمنتدى
عالاقل اي شي تعرفونه كتبو لي اياه ، لان ودي اعرف كل شي ، ماعندي احد غيركم

 

[abrar aldousary]

شوفي انا خريجة 2008-2009
وقبلوني هندسه معنه نسبتي 93 واللي خسفني القدرات على الرغم من انه دجتي بالرياضيات والكيميا عاليه بس الانجليييزيييي خسفني خله المكافئ مالي 86 والطب كانوا يبون المكافئ 87.3 وفوق حسساافه والحمدالله على كل حااال ..
المهم انا انصحج اخذي دورات تقويه للقدرات صج تقطين 100 دينار بس علشان طموحج الكبير مو وايد عليه واهم شي القدرات النسبه مهمه بس مو نفس اهميه القدرات شفتي شسوه فيني ....يالله بالتوفيق دكتوورة

 

[مكسورة الخاطر]

شوفي انا خريجة 2008-2009
وقبلوني هندسه معنه نسبتي 93 واللي خسفني القدرات على الرغم من انه دجتي بالرياضيات والكيميا عاليه بس الانجليييزيييي خسفني خله المكافئ مالي 86 والطب كانوا يبون المكافئ 87.3 وفوق حسساافه والحمدالله على كل حااال ..
المهم انا انصحج اخذي دورات تقويه للقدرات صج تقطين 100 دينار بس علشان طموحج الكبير مو وايد عليه واهم شي القدرات النسبه مهمه بس مو نفس اهميه القدرات شفتي شسوه فيني ....يالله بالتوفيق دكتوورة

اح :|
والله حرام

يعني لازم لازم اقدم عليه ؟؟
يعني ماراح يقبلوني بالجامعة من غير نسبة القدرات ؟!!
ولا عادي كافي نسبة الثنوي ؟؟
لاني صج اخاف اقدم واتحسف بعدين

 

[لآ بيرلآ]

حبيبتي شوفي بفهمج شغلة و حطيها ببالج و لازم تسوينها

الطب ما ياخذون نسبتج بروحها .. ياخذون معدلج المكافيء
اللي اهوا نسبة من نسبتج + نسبة من اختبارات القدرات
مثلا 70% من نسبتج + 10% من اختبار القدرات الانجليزي + 10% من اختبار القدرات الرياضيات + 10% من اختبار الكيميا

التوتال 100 .. طبعا هالارقام مثال .. و كل ما زادت نتيجتج بكل اختبار و نسبتج تكون عالية زاد معدلج المكافيء
الزبدة .. اذا ما قدمتي قدرات يعني ماكو رقم يعني صفر يعني تنزل نسبتج و عادي عادي بسبة القدرات اذا ماقدميته معدلج المكافيء يصير بالخمسينات !!
ابي اوصلج الفكرة بالضبط .. عشان جذي قاعده اقرق وايد
يعني حطي ببالج ان مكافئج يكون عالي .. عشان جذي نسبتج لازم تكون حلوة , و تشدين حيلج بالقدرات و تييبين فيهم درجات حلوة

انتي خايفة من القدرات و هالشي واضح
انجليزيتج قوية ؟ لا تحاتين الانجليزي .. الرياضيات بسيط جدا جدا جدا اذا عندج مدرس خصوصي خليه يدرسج قبل الامتحان بيومين من الكتيب مال القدرات و الكيميا هم سهل و مكرر و هم خلي مدرسج يدرسج قبل الامتحان بيومين .. اللي بالقدرات مو معلومات اول مرة تعرفينها كله مال ثانية ثانوي و مني مناك من باجي سنين الثانوية
نسبتج الاساسيه مالت الثانوية على الله ثم عليج انتي ..

بالنسبة لـ طب الاسنان .. شوفي حبيبتي .. طب الاسنان بالكويت وايد وايد وايد قوي مستواه اقوى من الطب العادي
يعني اللي بيدرس طب اسنان و ما يقدر يروح برا يدش طب اسنان جامعة الكويت و بدون اي حسافة و انا اقولج هالكلام و بثقة لاني كنت بدش بس الله ما كتب و الحمدلله على كل حال

شدي حيلج .. و القدرات سجلي بال3 اليايين كلهم و قدميهم .. انتي ما تعرفين جو الامتحان ..
اول واحد اوكي دشيه و انتي دارسة بس ع الاقل عرفي الجو و الامتحان شلون صاير .. بتقولين اقط 15 على ولا شي ..
15 فدوة لعيونج يا قلبي
الامتحان اللي وراه يكون تقريبا شهر 4 .. دشيه و انتي عارفة الوضع و انتي دارسة عدل و سوي اللي قلتلج
طلعت النتيجة شفتي نقص ردي قدمي حق شهر 7 هني تقدمين بثقة .. انا قدمت 6 مرات من ثالثة ثانوي ..
بتقولين وايد ؟ لا مو وايد كنت اغلط نفس الغلطة و ادرس بروحي هذا غلط .. المعلومات قديمة يبيلها تنشيط
قدمت اخر 2 مع دراسة عدلة و مع مدرسيني .. الانلجيزي و الكيميا فوق ال90 يبت .. الرياضيات بال80 ماشاء الله

و الله يووووووووووفقج حبيبتي و اي شي دزيلي رسالة خاصة

 

[د.ساره]

وعليكم السلام ورحمة الله وبركاته

فـ ببدي اسئلتي

1- جم النسبة اللي يبونها حق طب الاسنان؟؟
ما في شي اسمه نسب لطب الأسنان في شي اسمه النسبة لمركز العلوم الطبية اللي فيه 3 تخصصات (طب بشري-طب أسنان-صيدلة)
ومركز العلوم الطبية بالجابرية ويبي 92 مع القدرات يعني يكون مكافئج 92 مـــــــــــــــــع القدرات للفوري ...أما غير الفوري عالسنة قبلوا أقل شي 87.43 .. أما السنة اللي فاتت 88.6 ...والقدرات ضروري جدا جدا جدا جدا جدا الخ .....، وحسبتهم : 65% من نسبة الثانوية ،15% من امتحان القدرات للانجليزي ،10% رياضيات قدرات ،10% كيميا قدرات .. يكون المجموع ..65+15+10+10=100%
يعني شدي حيلج بالقدرات اذا ما اخذتيه .. السنة الجاية عندج 3 فرص شهر 12 و4و7 وراح يعلنون الوقت والتسجيل والدورات اذا تبين ..بالجرايد ..أهم شي اخذي دورة الكيميا والرياضيات.. الانجليزي شدي حيلج فيه لأن عليه أعلى نسبة
2- في عندنا بالكويت جامعات خاصة للطب؟؟ لان ماودي اكمل بجامعة الكويت ودي اكمل برة بس امي وابوي معارضين الفكرة لاني بنت وماعندي احد يقدر ايي معاي، فـ اذا في جامعة خاصة ياريت احد يفيدنا
يقولون بيفتحون سنة 2012 أو 2015 .. يعني مو على دفعتج وم في أحلى من الكويت بين أهلج اذا كلش حاولي بالبحرين حلوة وقريبة يمنا
3- شنو التخصصات الموجودة بطب الاسنان ؟؟
ما في تخصصات .. اهو دراسته كانت 6 سنين ونص وعلى دفعتنا الحين صارت 7 سنين التخصص يكون بعد الدراسة يعني غير الـ7 سنين

4- فرضاً فرضاً ، اذا ماقدرت اكمل بره ومافي جامعات خاصة للطب، وكملت بجامعة الكويت ، وتخرجت وخلصت ، السؤال هو: هل راح اقدر اشتغل بعيادة خاصة؟؟ لان بنظري القطاع الخاص احسن من الحكومة بواايد ، فـ شنو اقدر اسوي عشان اقدر اشتغل بالخاص ؟؟ يعني يبون شهادات معينة ودراسات عليا ومن دول معينة وجذي؟؟
ما اعرف شي عن هالموضوع بس الأكيد الأكيد تقدرين تسوين لج عيادة خاصة لج

..5- سمعت ان دراسة طب الاسنان يبيلها 7 سنين وغير التخصص 3 سنين !! صج هالكلام ؟؟
اي 7 سنين صارت على دفعتنا .. كانت على دفعة اللي دخلوا طب العام كان 6 سنين ونص ... التخصص يكون بعد الدراسة أي بعد ال 7 سنين ..



وبالتوفيق وأي أي سؤال أنا حاضرة وموجودة

 

[مكسورة الخاطر]

حبيبتي شوفي بفهمج شغلة و حطيها ببالج و لازم تسوينها

الطب ما ياخذون نسبتج بروحها .. ياخذون معدلج المكافيء
اللي اهوا نسبة من نسبتج + نسبة من اختبارات القدرات
مثلا 70% من نسبتج + 10% من اختبار القدرات الانجليزي + 10% من اختبار القدرات الرياضيات + 10% من اختبار الكيميا

التوتال 100 .. طبعا هالارقام مثال .. و كل ما زادت نتيجتج بكل اختبار و نسبتج تكون عالية زاد معدلج المكافيء
الزبدة .. اذا ما قدمتي قدرات يعني ماكو رقم يعني صفر يعني تنزل نسبتج و عادي عادي بسبة القدرات اذا ماقدميته معدلج المكافيء يصير بالخمسينات !!
ابي اوصلج الفكرة بالضبط .. عشان جذي قاعده اقرق وايد
يعني حطي ببالج ان مكافئج يكون عالي .. عشان جذي نسبتج لازم تكون حلوة , و تشدين حيلج بالقدرات و تييبين فيهم درجات حلوة

انتي خايفة من القدرات و هالشي واضح
انجليزيتج قوية ؟ لا تحاتين الانجليزي .. الرياضيات بسيط جدا جدا جدا اذا عندج مدرس خصوصي خليه يدرسج قبل الامتحان بيومين من الكتيب مال القدرات و الكيميا هم سهل و مكرر و هم خلي مدرسج يدرسج قبل الامتحان بيومين .. اللي بالقدرات مو معلومات اول مرة تعرفينها كله مال ثانية ثانوي و مني مناك من باجي سنين الثانوية
نسبتج الاساسيه مالت الثانوية على الله ثم عليج انتي ..

بالنسبة لـ طب الاسنان .. شوفي حبيبتي .. طب الاسنان بالكويت وايد وايد وايد قوي مستواه اقوى من الطب العادي
يعني اللي بيدرس طب اسنان و ما يقدر يروح برا يدش طب اسنان جامعة الكويت و بدون اي حسافة و انا اقولج هالكلام و بثقة لاني كنت بدش بس الله ما كتب و الحمدلله على كل حال

شدي حيلج .. و القدرات سجلي بال3 اليايين كلهم و قدميهم .. انتي ما تعرفين جو الامتحان ..
اول واحد اوكي دشيه و انتي دارسة بس ع الاقل عرفي الجو و الامتحان شلون صاير .. بتقولين اقط 15 على ولا شي ..
15 فدوة لعيونج يا قلبي
الامتحان اللي وراه يكون تقريبا شهر 4 .. دشيه و انتي عارفة الوضع و انتي دارسة عدل و سوي اللي قلتلج
طلعت النتيجة شفتي نقص ردي قدمي حق شهر 7 هني تقدمين بثقة .. انا قدمت 6 مرات من ثالثة ثانوي ..
بتقولين وايد ؟ لا مو وايد كنت اغلط نفس الغلطة و ادرس بروحي هذا غلط .. المعلومات قديمة يبيلها تنشيط
قدمت اخر 2 مع دراسة عدلة و مع مدرسيني .. الانلجيزي و الكيميا فوق ال90 يبت .. الرياضيات بال80 ماشاء الله

و الله يووووووووووفقج حبيبتي و اي شي دزيلي رسالة خاصة

يسلموووووو حياتي عالرد :eh_s(6):
بصراحة وايد حمسني ردج ، وخليت امي تقراه معاي ، وشجعتني اكثر :ggdw:
مشكوووورة واااايد واااايد ، عرفتيني على اشياء ماكنت ادري عنها
و الله يوفقج يارب ويحفظج ويخليج ياااارب

 

[مكسورة الخاطر]

وعليكم السلام ورحمة الله وبركاته

فـ ببدي اسئلتي

1- جم النسبة اللي يبونها حق طب الاسنان؟؟
ما في شي اسمه نسب لطب الأسنان في شي اسمه النسبة لمركز العلوم الطبية اللي فيه 3 تخصصات (طب بشري-طب أسنان-صيدلة)
ومركز العلوم الطبية بالجابرية ويبي 92 مع القدرات يعني يكون مكافئج 92 مـــــــــــــــــع القدرات للفوري ...أما غير الفوري عالسنة قبلوا أقل شي 87.43 .. أما السنة اللي فاتت 88.6 ...والقدرات ضروري جدا جدا جدا جدا جدا الخ .....، وحسبتهم : 65% من نسبة الثانوية ،15% من امتحان القدرات للانجليزي ،10% رياضيات قدرات ،10% كيميا قدرات .. يكون المجموع ..65+15+10+10=100%
يعني شدي حيلج بالقدرات اذا ما اخذتيه .. السنة الجاية عندج 3 فرص شهر 12 و4و7 وراح يعلنون الوقت والتسجيل والدورات اذا تبين ..بالجرايد ..أهم شي اخذي دورة الكيميا والرياضيات.. الانجليزي شدي حيلج فيه لأن عليه أعلى نسبة
2- في عندنا بالكويت جامعات خاصة للطب؟؟ لان ماودي اكمل بجامعة الكويت ودي اكمل برة بس امي وابوي معارضين الفكرة لاني بنت وماعندي احد يقدر ايي معاي، فـ اذا في جامعة خاصة ياريت احد يفيدنا
يقولون بيفتحون سنة 2012 أو 2015 .. يعني مو على دفعتج وم في أحلى من الكويت بين أهلج اذا كلش حاولي بالبحرين حلوة وقريبة يمنا
3- شنو التخصصات الموجودة بطب الاسنان ؟؟
ما في تخصصات .. اهو دراسته كانت 6 سنين ونص وعلى دفعتنا الحين صارت 7 سنين التخصص يكون بعد الدراسة يعني غير الـ7 سنين

4- فرضاً فرضاً ، اذا ماقدرت اكمل بره ومافي جامعات خاصة للطب، وكملت بجامعة الكويت ، وتخرجت وخلصت ، السؤال هو: هل راح اقدر اشتغل بعيادة خاصة؟؟ لان بنظري القطاع الخاص احسن من الحكومة بواايد ، فـ شنو اقدر اسوي عشان اقدر اشتغل بالخاص ؟؟ يعني يبون شهادات معينة ودراسات عليا ومن دول معينة وجذي؟؟
ما اعرف شي عن هالموضوع بس الأكيد الأكيد تقدرين تسوين لج عيادة خاصة لج

..5- سمعت ان دراسة طب الاسنان يبيلها 7 سنين وغير التخصص 3 سنين !! صج هالكلام ؟؟
اي 7 سنين صارت على دفعتنا .. كانت على دفعة اللي دخلوا طب العام كان 6 سنين ونص ... التخصص يكون بعد الدراسة أي بعد ال 7 سنين ..



وبالتوفيق وأي أي سؤال أنا حاضرة وموجودة

فدييييييتج عالرد المفصل :ggdw:
لوول مودري ليش وانا اقرى ردج استحيت من اسئلتي ، حدي عليمية ماعندي خبرة بهالسوالف
فديتكم يا احلى بنات باحلى منتدى

 

[د.ساره]

محد انولد من بطن أمه عالم
كنت مكانج أول
أي استفسارات أنا موجودة..
وأهم شدي حيلج السنة الجاية والله يوفقكم