رشحوا لي فرنسا او المانيا والنمسا

[brettey]

اشلونكم يا حلوات
بنات انا بخاطري اوربا بس محتاره يا فرنسا يا المانيا والنمسا مع بعض شنو الاحلى والاونس ؟مع زوجي وعيالي اثنين باذن واحد احد
ناس قالوا فرنسا احلى وناس قالوا المانيا والنمسا احلى ومحتاره ودي اشوف باريس وودي بزلمسي
يارب نولني الاثنين ياااارب

 

[حـلا و ذوق]

شوفي فرنسا حلوة .. فيها الدزني بس والباقي شوبنج وكافيهات بس ..

بس اذا بتروحين ألمانيا + النمسا انصحج اهما فيهم .. انا توي رادة من هناك من اسبوعين
رووووووووووووووووووووعة هالديرتين ..
بألمانيا فيه اليوروب بارك يقولون مثل دزني واحلى مع اني مارحت لها .. وسوقها حلو
وهم جوها كان حلو ... المارين بلاتز وايد وناسة .. وعندج شارع المركات الماكسيميلين شتراسه

اما النمسا ( زل ام سي ) ااااااااااااخ عذاااااااااااب والله .. بتستانسين انتي وعيالج وريلي ..

انا ماعندي عيال اوديهم بس لعبنا انا وريلي ..

رحنا التزلج بالكابرون ثلج ثلج ثلج ايجنن .. ثلث ساعه من زلمسي
وعندج الحديقة الزحلاقية رووووووووووووووعة هم بزلمسي
وطبعا البحيرة والبرامج اللي فيه بعد .. بحر وسباحة وقوارب يعني حلوة

وهم رحنا منطقة سالزبورغ ع حدود النمسا تجنن صج منطقة اوروبية وسوقها حلو ..


يعني روحي ألمانيا والنمسا بدوووووون تفكير ^_^

 

[^noonaa^]

الله ينويلج اللي ابالج ان شاءالله

 

[ALSHD]

Uppp

 

[قـہۈه فـرنسيـہ™]

فرنسااااااااااااااااااااااااا أونس وجااامعه كل شي ,,, زلمسي بتمليييييييين من الطبيعه صخه مافيها أكشن وحركاااااااااااااات

 

[كريستال]

باريس باريس باااااااااااااريس والله يوفقج

 

[ام _خلودي]

حبيبتى اناا تونى راده من زيلامسي وميونيخ

حلووين وايد بس حق اثنين ريال ومرته لان زيلامسي طبيعيه

واذا معاج يهال روحى فرنسااا وايد احلى وعندج ديزنى

مادرى انا رايحه الصوبين واذا تبين راى فرنساا وطلع من فرنسا روحى سويسرا

او لندن بالقطار

 

["وسم"]

فرنسا والمانيا حلوييين ...
وبس جو فرنسا حار الغالب .. والمانيا صراحة كان جوه حلو ...

طبعا ميونخ ... بس الله ما كتب نروح زلامسي مع ان كنا مخطيين لها من البداية .. قدر الله وما شاء فعل ...فما اقدر افيدج بخصوصها بس يقولون ان زلمسي يومين يكفيها وتشوفينها كلها ..

نصيحتي ... روحي فرنسا اسبوع اوحتي 5 ايام منهم يومين بديزني العجيبة ... واهم شي الاستديو فيها
بعدين روحي المانيا ...

بالتوفيق ..
سؤال متى بترووح ... ؟؟؟؟ ما بقى شي على الشتا

 

[ألماس q8]

والله ارشح لج فرنسااا


تهبل تهبل تهبل

والجو حلو فيها
<< انا فيها ألحين الصبح بارده والظهر الشمس عاموديه حاره شوي وعالعصاري الجو باااااارد يهبل لي الفجر وساعات يصب مطر

 

[brettey]

بعد عمري انا مفكره بالصيف الياي باذن الله علشان احسب الميزانيه بس محتاره
عسى ربي يحقق لكم مرادكم

 

[قـہۈه فـرنسيـہ™]

^

^


بااااااااااريس وأنا معاج ان شاء الله الصيف الجاي

 

[F.a.r.a.7]

حيآتي انا اقولج ,,,

فرنسا
إذا انتي اتحبين التاريخ والاماكن التاريخيه وتحبين السوق وسوالف الموضه ,,
لان فيها سوالف تاريخيه مثل-> قصر فرساي وفيها متحف اللوفر وهم بعد برج إيفيل اهم معلم منها وفيها سوالف لعب مثل ديزني لاند وجذي
وهم اهيا اساس الموضه واذا بتتسوقين هناك بتكونين بعالم ثاني ,, بس يبيله ميزاانيه عاليه
اقري عنها وعن تاريخها بتحبينها

النمسا

وإذا كنتي اتحبين الطبيعه وسوالف مناطق هاديه وناس بشوشه انصحج,,وهم النمسا فيها سوالفا تاريخ بفينا قصور قبل قرون وفيها الكهف مال هتلر والطبيعه بتلقينها بزلمسي وكابرون عشان الثلج وهالسوالف يعني شي ثاني عن فرنسا,,مع ان سويسرا احلى طبيعه من النمسا يعني لو تبين الطبيعه على اصولها غيري الوجهه من النمسا وروحي سويسرا


ألمانيا

مارحت غير منطقة كولون ومافيها شي مميز عجبني :\ !


وبآخر السالفه ترى الناس اذواق يمكن الي قالولج روحي النمسا يحبون الطبيعه وانتي تحبين تتسوقين ,, والي قالولج روحي باريس يحبون يشوفون السوق و التاريخ وموضه وانتي تميلين حق الطبيعه ,,والمانيا دوله متحضره واوربيه على مستوى

وبالنهايه لج انتي الاختيار


بس عشان ترضين كل الاطراف سويلج جدول حق رحتلج,, يعني عندج تاخذين 21يوم
بآريس->7ايام والنمسا->7ايام وألمانيا->7

وتروحين وتردين بالسلامه إن شاءالله *;

 

[brettey]

بعد عمري شكلي بسوي مثل ما قلتي

 

[Om MeeNa]

الصراااااااااحه شياب فرنسا لألمانيا لا تقارنين روحي فرنسا و أنتي مغمظه, أنا توني راده من المانيا ما عجبتني كلش, و قالولنا انا اليورو بارك احلا من ديزني الصراحه شياب ديزني لها روحي فرنسا و ريفها و ديزني و ونسي عيالج احلا من المانيا و شعبها الماصخ!!!!

 

[brettey]

مشكوووووووره شكلي بفكر باقتراحج

 

[عيمية^والقلب^كندري]

انا فرنسا ماعجبتني اكييد افضل المانايا والنمسا بس المانيا ماحبها رحتلها 3 مرات شعبها غثا بس اضطر اروح عشان امر عالنمسا من خلالها والنمسا ما تقارن بفرنسا بالجو والطبيعة

فرنسا حاارة تلوع الجبد شيااب جبال النمسا وطبيعتها وشلالاتها وجبالها حق فرنسا ..نصيحتي النمسا وبس او سويسرا عذااب ومن سويسرا روحي فرنسا اذا خاطرج فيها

وهذي لوحة شريتها من سويسرا



وهذا موزارت ناطرج بالنمسا

 

[Om Noooono]

اولي تقسمين الرحله بين 3 دول
كويت- ميونخ- زل ام سي- باريس - كويت
واجري سياره من المطار ميونخ وطلعي على طول زل ام سي وقعدي 6 ايام (المسافه 4 ساعات تقريبا)
بعدين ردوا لميونخ وسلموا السياره وقعدوا5 ايام كافي وطلعي لباريس بقطار ( المسافه 7 ساعات)ورخيصه
تكيت القطار ونصيحه حجزيها من المطار ارخص من سفريات الكويت وفي باريس سكني 3 ايام داخل ديزني لاند
و4 ايام في بالشانزليزيه وطلعي رحله الى الريف الفرنسي من الصبح الى الليل
زل ام سي __ طبيعه خلابه (جبل الثلج بكابرون + الزحلقيات +تأجير خيل بالساعه+تأجير قاري بالساعه + البحيره)
ميونخ ___ شوبينج +رحله الى قارمش

 

[بنت عبدالغني شربت]

احلى شي المانيا والنمسا

 

[brettey]

اولي تقسمين الرحله بين 3 دول
كويت- ميونخ- زل ام سي- باريس - كويت
واجري سياره من المطار ميونخ وطلعي على طول زل ام سي وقعدي 6 ايام (المسافه 4 ساعات تقريبا)
بعدين ردوا لميونخ وسلموا السياره وقعدوا5 ايام كافي وطلعي لباريس بقطار ( المسافه 7 ساعات)ورخيصه
تكيت القطار ونصيحه حجزيها من المطار ارخص من سفريات الكويت وفي باريس سكني 3 ايام داخل ديزني لاند
و4 ايام في بالشانزليزيه وطلعي رحله الى الريف الفرنسي من الصبح الى الليل
زل ام سي __ طبيعه خلابه (جبل الثلج بكابرون + الزحلقيات +تأجير خيل بالساعه+تأجير قاري بالساعه + البحيره)
ميونخ ___ شوبينج +رحله الى قارمش

اقتراحج رووووووووعه بعد عمري ماقصرتوا كلكم ربي يحقق لكم مرادكم

 

[لـوجيـن]

المانيا والنمسا حلوووووه وجوو روووعه وطبيعه وهم فيها شوبنق ومدن مريحه ولافيها ازعاج نفسيا ترتاحين


اما فرنسا :/


كلش مو شي مو على سمعتها


والقرار اولا واخيرا لج