تحبين الكروشيه ... حياج .. 3 أفكار جديدة مو طبيعية و أكيد بالصور

[mrs_sugar]

السلام عليكم

شخباركم يا محبات هذي الهواية العجيبة

اليوم يبت لكم 3 أفكار يديدة و عجيبة و مفيدة للكروشيه

مستعدين ؟؟

1

2

3


















أفكاري يا حلوين تتلخص في

كيفيةاكتساب الأجر و الثواب من وراء الكروشيه




نبدأ بأول فكرة



بسم الله




وايد نسوي شغلات ما نحتاج نعد فيها الغرز

اوكي شلون نكسب الأجر من هالشي

و انتي تشتغلين يا حلوة كل غرزة تسوينها تقولين وحدة من هالكلمات القيمة

سبحان الله
الحمدلله
لا اله الا الله
استغفر الله
و لما تخلصين السطر تقولين لا حول ولا قوة الا بالله


شفتوا فكرة سهلة و حلوة و مفيدة

الفكرة الثانية

تسوين يا محفوظة السلامة لبس حق مصحف الوالدة الغالية
و كلما قرت من هالمصحف بتدعيلج جم دعوة من دعواتها الغالية
مثل هالفكرة لقيتها بقوقل
و انتي و ابداعات اناملج

الفكرة الثالثة

لما يزيد عندج خيوط ما تدرين شتسوين فيهم و ما يكفون شي
ربطيهم مع بعض و حاولي تنسقينهم بحيث يكونون ماشين مع بعض و سويهم شباصات او باندات او كبابيس و عطيهم اللجان يوزعونهم عالفقراء
الكبابيس تدفيهم بالشتا و الباندات و الشباصات يستانسون فيهم للعيد

اتمنى تكون افكاري البسيطة عجبتكم
و اللي عندها افكار زيادة من هالنوع
لا تبخل علينا





لا تنسوني بالدعاء
​

 

[... May ))]

الله يرضى عليج..
خووش افكار..

عجبني المصحف وايد..

 

[c a t w o m a n]

نايس .. ودي أتعلم الكروشية بس ماني عارفه من وين أبدى .. يعطيج العافية​

 

[الفراشة_البيضاء]

وايد حلو

 

[mrs_sugar]

الله يرضى عليج..
خووش افكار..

عجبني المصحف وايد..

تسلمين حبيبتي

اسعدني مرورج

 

[mrs_sugar]

نايس .. ودي أتعلم الكروشية بس ماني عارفه من وين أبدى .. يعطيج العافية​

اكو وايد مواضيع و دورات عندنا بالمنتدى
استخدمي خاصية البحث و كتبي كروشيه و ابتدي و راح تستانسين

 

[mrs_sugar]

وايد حلو

انتي احلى حبيبتي

اسعدني مرورج

 

[جفنشية]

جزاج الله خيرر

افكار حلوة ومجهووود واضح

 

[fruitygirl]

بارك الله فيج
فكره روعه
في ميزان اعمالج ان شاء الله

 

[mrs_sugar]

حياكم الله

نور الموضوع بمروركم

 

[$كرستالة$]

حلوين

 

[mrs_sugar]

حياج كريستالة

نورتي

 

[Malak_galbi]

جزاج الله الف خييير
بسووي للوالده كفر للمصحف فديتهااا

 

[princesse X]

جزاج الله خير

 

[princess besho]

يعطيج العافية



الأفكااار وااايد حلوووه



تسلم ايدج

 

[mrs_sugar]

حياكم

منورين

 

[chocolat]

يعطيج العافيه وكله ان شاء الله في ميزان حسناتج

 

[mrs_sugar]

حياج حبيبتي

 

[حرير]

افكار راقيهه جزاج الله كل الخير

 

[a7la_frawla]

حلوين مشكوره حبيبتي